Woolaa 2:19 - Bible

¹⁹ Ímu-siɣe a kpíni í wɔ́lɔ mà. Wɔ́lɔ mà a ɣele ƃɔ̂i kpini. Íkili kɛ́ mà í gbera fé. Íyee tɛ́ ɣelei í vɛli ínîa-pɛlɛɛi mɛni ma. Ǹîa-pɛlɛɛi díkaa saâi a puru bere lêe-ŋai ma.

Yálá laawoo hɛɓɛ (dc)

¹⁹ 'Hvó kpɛla wɔlɔɔ ɓa da ə́ woo laa ɓa kpįnį kəlee yeemu; Ə́ yee laa kwələ hee Yai-Laa ɓa, ə́ kwəi mɛ̨ni hu lɛ mą, ə́ lonnii di wɔ yɛnɛ̨ɛ̨ mąą mɛ̨ni ɓa, diɛi pulu kaa di paai bələɠaa nwun na.

Yálá laawoo hɛɓɛ

¹⁹ 'Hvó kpɛla wɔlɔɔ ɓa da ə́ woo laa ɓa kpįnį kəlee yeemu; Ə́ yee laa kwələ hee Yai-Laa ɓa, ə́ kwəi mɛ̨ni hu lɛ mą, ə́ lonnii di wɔ yɛnɛ̨ɛ̨ mąą mɛ̨ni ɓa, diɛi pulu kaa di paai bələɠaa nwun na.

Woolaa 2:19 ပူးပေါင်းရင်းမြစ်များ

Zôo 3:24

Ŋa ńaa miî maloŋ-too maa su, ŋ́gɛ nyiɣɛ nɔ́ gɔ́yɛŋ fé ma.

Mąątɛ̨nɛ̨ 119:55

Yâwɛɛ, íkili a kɛ̂ nɔ́ ŋá gbínii su, ŋ́gɛ ŋ́gili-ŋa sìa é pîlaŋ ítɔ̂ŋ-ŋai dîa.

Mąątɛ̨nɛ̨ 134:2

Ka káyee tɛ́ ɣelêi gwaa maa waai ma ká Ɣâla fɛli, ká Yâwɛɛ láa maa tɛ́.

Mąątɛ̨nɛ̨ 141:2

Íyee sée ŋá ɣâla fɛli wooi mu yɛ̂ɛ kéreŋ-sɛŋ kúŋ nɛ̃ɛ nyii da dɛ̀ɛ ípɔ. Tɔɔ ŋà ńyee tɛ̀ ɣelêi, é kɛ́ yɛ̂ɛ zâlai da gùla yâ a ɣele wûlii.

Mąątɛ̨nɛ̨ 142:2

Ŋá ŋámɛni-ŋai kélee kpɔ́ pù ŋ̀ɛ́i. Ŋá ŋámɛni kpɔ̂lu-ŋai kélee ƃò m̀a.

Mąątɛ̨nɛ̨ 142:3

Tãi ŋámɔ̃leŋ fíi a kɛ̂ kpɛɛ̂i lai, ǹyaa ƃé m̀ɛnii kɔ́lɔŋ a pɔ̂ri gɛ̂i. Berei nyii ŋa tɛ̂ɛ lai, ŋ́gbɔara-ƃelai da ƃáre tɛ̀ naa lòo-pere su ḿɛni ma.

Mąątɛ̨nɛ̨ 28:2

Íwoli tɔ́ɔ ŋ́vɛli-wooi ma kpɔŋ-maa mɛni ma, ŋa ńyee tɛ̀ ɣelêi ípɛrɛ maa waai naa pere.

Mąątɛ̨nɛ̨ 42:3

Ŋa wɔ̂lɔi yâ a fólo da kpíni. Ŋ́ɛi-ya a kɛ́ nɔ́ a ŋ́gɔnɔŋ. Ŋ́gbɔara-ƃelai da kɛ́ nɔ́ ḿarê kɛ̂i dîɛ ḿâi, “Mí kpîŋ ƃé Íɣâlai káa naai?”

Mąątɛ̨nɛ̨ 42:4

Ŋa ŋ́gili ŋá sìa é pîlaŋ ŋ̀ele-ŋai dîa ŋá kâa kɛ̀ ḿarâai téniŋ tɔɔ̂i la kúkɛ lɔ̀ Ɣâla ŋɔpɛ́rɛi mui, ńii a tòo pôlu a ŋ̀ánaa. Berei da kâa kɛ̀ Ɣâla láa ma tɛ̂i la ɣelêi perei, maa koi-nɛ̃ɛ wooi tíŋ káa niî ŋ́ôlii.

Mąątɛ̨nɛ̨ 42:8

Yâwɛɛ è ŋ́wɛlini a kpíni da fólo. M̀ɛni ma, ŋa ǹáa ma tɛ́ wule tòo a kpíni da fólo ŋ́gɛ Ŋáɣâlai fɛ̂li nyii fúlu-laa tɛ̀ɛ ḿbɔi.

Mąątɛ̨nɛ̨ 62:8

Ŋánûa, ka láa a Ɣâla a ɣele kélee. Ka kámɛni kpɔ̂lui kélee maa mɛ̂ni ƃó ma, kpɛ́ni fêi, ǹyaa ƃa kúŋuŋ maa ƃó-nuui.

Mąątɛ̨nɛ̨ 63:4

Ŋa pâi kɛ̂i nɔ́ ílaa maa tɛ̂i tãi nɔ́ ŋ́gaa la ɣele mai. Ŋa pâi ńyee tɛ̂i ɣelêi ŋ́gɛ í fɛ̀li.

Azaya 26:9

Kpíni a pɛ̀lɛ ímaa mɛni kíli káa nɔ́ ńii su. Yà kɛ̀ núu-kpune kula maa kɛ̂i ǹɔii ma, da pâi tɔ̃yâ-laa mɛni maa kɔ̂rii.

Azaya 51:20

Kálônii-sinaai da foâi, díkɛ ƃò lâani bere-lêe-ŋai ma. Da kɛ́ nɔ́ yɛ̂ɛ pîlaŋ sua a tòo loŋso ŋɔƃáre ŋá. Ɣâla líi ŋwânai dîa. Da too Ɣâla ŋɔƃárei ŋá.

Ɉeremi 14:18

Ŋà lì gbâlaŋ ŋá, ŋà ǹûai nyíi-ŋai lɛ̀ɛ gɔ́i sui poma kâa naa. Ŋà lì daai su, ǹûai nyíi-ŋai saâi a purui, ŋa dípoma kâa naa. Ɣâla ŋɔlóno kɛ́-ƃelai da zâla láa-soŋ-ƃelai da dítii-ŋai kɛ̂i, kɛ́lɛ dífe m̀ɛnii kɔ́lɔŋ da gɛ̂i.”

Ɉeremi 9:20

Óo lee-ƃela, ka káwoli tɔ́ɔ Yâwɛɛ wóo ma. M̀ɛnii a m̀ôi é lɛ́ɛ kákili-ŋa. Ka kálônii-nɛyãai téniŋ tɔ́ɔ a wɔ́lɔ kɛ́ pere. Ká kánaa kɔlɛ ma-ƃelai téniŋ tɔ́ɔ a malôŋtoo-maa wɔ́lɔ kɛ́ pere.

Izikiɛ 5:10

Ǹaŋ-ƃelai da pâi dílônii miî. Lônii díkɛ dínâŋ-ni mìi. Ŋa pâi ká kula maa tí-tí kɛ̂i. Ǹyaŋ diai pâi lɛɛ̂i ɣele mai, ŋa pâi dítaa-taai ǹɔii su gwaa kélee.

Izikiɛ 5:16

Ŋa pâi ká ƃóŋ nîi a puru yɛ̂ɛ núu a sɛŋ da ƃòŋ a tɔ̃a-ŋa. Ǹyaŋ ŋa pâi gɛ̂i puru kɛ́tɛ é tóo kâa káfa mii-sɛŋ da kàa ká mii.

Mise 1:16

Zuda-ƃela, ka káŋuŋ kálaŋ ma ká wɔ́lɔ káwɛli-kɛ-maa lonii mɛni ma. Ka káŋuŋ kálaŋ ma yɛ̂ɛ kpúlaŋ a tòo núu ŋûa kpɛ́ni fêi, da pâi liî a kálônii kélee luɛ-laa su.

Nahumə 3:10

Berei máŋ è kɛ̀ tí lai, dí Tɛbi taa-leei wôlo dí lí a zu-ƃelai luɛ la su. Dí ǹîa-pɛlɛɛi pâa, dí lí a díkɔ̃liŋ kélee, dí ǹúu ŋuŋ tuɛ-ƃelai kélee pú yɔlɔ ŋá.

Maafîu 14:25

Zîsɛ è sìa ǹyái ŋá é li dípɔ-pere a ɣele-ƃɔi-kpini.

Markə 1:35

Zîsɛ è m̀u sìɣe a ɣele-ƃɔ́i kpini é kúla bɛ́rɛi mu. È kùla daai su é lí ǹyaa tɔnɔ kwaa ma e Ɣâla fɛli naa.

Markə 13:35

Maa mɛni ma, ka kámɛi kaa, kpɛ́ni fêi, káfe tãi kɔ́lɔŋ bɛ́rɛ namui a pâi lai, à kɛ̀ a pâi kɛ̂i ɣele-wulii, kpaa kpíni sáma, kpaa tɛ́ɛ wóo píli tãi, kpaa máŋ Ŋ̀ele-wâlai,

Lukə 6:12

Nya ƃe e kɛ̀ ti, ŋele-ŋai ti su e lì ǹyéei ma a gɛɛ e Ɣâla fɛli. È gɛ̀ naa a kpini-kuu tɔnɔ Ɣâla fɛlîi.

Timote dɔlɔɔ 2:8

M̀ɛni ma ŋa ŋ̀wɛ̂lii fɛ̂ɛ núu kélee dí Ɣâla fɛli kwaa kélee ma dí díyee maa waa-ŋai tɛ́ ɣelêi dífe dílii ŋwàna, kpaa máŋ dífe laa-sâa kɛ̀;

Nwun mąąɓo 7:19

Gbínii kɛ́ɛ liî naa sâmai da ŋɔnúu ŋuŋ tɔ̂nɔi dí sèri m̀ûui kɔlɛ ma. Maa tãi tí, Mediɛŋ kɔ-kuluƃa-ŋai kɛ̀ m̀ûui mɛi kâai da díkîe ni maa fáleŋ nɔ́ a nina. Gidiɔŋ ni dí díturuii fɛ̀ɛ, dí bɔ̂rɔ leɣi-ŋai kélee wólo kɛ̀ díyêei.

Samuɛlə dɔlɔɔ 1:15

Kɛ́lɛ Ana è ŋ̀óo su tòo ǹyaa m̀ai, “Kpao, ŋánuu-namui, fa lɔɔ sîi da kélee kpèle, ńii nɔ́ ƃé doɔ̂ɔi pôlu, ǹyaŋ ŋa ŋ́gbîŋ tɛɛ̂i Yâwɛɛ pɔ́.

Samuɛlə dɔlɔɔ 7:6

Díkelee dí díŋaa tɛ̀ ma Mêepa Samia kɛ́ ƃò a dílaa-tuɛ nuu. Dí yá kùla ziŋ-yai su dí bú Ǹuu-namui ŋɛ́i-tuɛ a sama-sɛŋ Ǹuu-namui mɛni ma. Maa ɣelei tí núu tɔnɔ da fé mii-sɛŋ da mii ní. Nya ƃe dí mò dîɛi, “Kwa sɔnyɔ̂ŋ kɛ́ a Ǹuu-namui.”