Woolaa 1:3 - Bible

³ Zuda-ƃelai dímɔ̃lɛ-laai da maa sɛŋ-soli maai pôlu ma, da kɛ́ a lɔii da kpɛ́ni-ŋa su-ƃela. Da kɛ́ lɔii da kpɛ́ni-ŋa su-ƃela sáma, díkɛ̂i fé ma. Díkpɔara-ƃelai da dímaa tínaŋ, ǹyaŋ pere fé ŋɔ́nɔ díyêei dí pú.

Yálá laawoo hɛɓɛ (dc)

³ Daa Ɉuda lɔi nwun gulɔ, daa mąąwɛli, daa li la luwɔlaa hu. Gaa kɛa hį́i takpɛliɠaa lɔwai, vįitɔɔi hvó ɲəi! Nuą kɛi gbɛ daa həli mą, ɓɛi bu pələ hvo laa ɲəi.

Yálá laawoo hɛɓɛ

³ Daa Ɉuda lɔi nwun gulɔ, daa mąąwɛli, daa li la luwɔlaa hu. Gaa kɛa hį́i takpɛliɠaa lɔwai, vįitɔɔi hvó ɲəi! Nuą kɛi gbɛ daa həli mą, ɓɛi bu pələ hvo laa ɲəi.

Woolaa 1:3 ပူးပေါင်းရင်းမြစ်များ

Tɔɔɓɛlaa veelɛ 25:11

Ǹûai lɛ̀ɛ kɛ̀ daa-leei sui, è dí sòŋ, é pɛ́lɛ diai dîa kɛ̀ a Nɛbukinaza yée-mu-ƃelai, é lí a dia Babelɔŋ lɔii su.

Tɔɔɓɛlaa veelɛ 25:21

Ama lɔii kpiniŋ kɔlɛ ma, ƃɛ́i è gɛ̀ dí dílokwa naa, dí dípaa. È kɛ̀ tí, dí lì a Zuda-ƃelai luɛ-laa su. Dífe ŋɔ́nɔ kɛ́ ní díkpɔɔi lɔii su.

Tɔɔɓɛlaa veelɛ 25:4

Babelɔnia-ŋai dí kɔ́-kɔ-ƃelai dí Zerusâlɛŋ taa-leei ŋɔgalai wôlo a ma ɣelei tí. Ma kpînii tí, Gâloŋ Zɛdikia da ŋɔkɔ́-kɔ-ƃelai dí kɔ̀ dí pú dí tɛ́ɛ galai lá ƃɛ́i-pere nyii kɛ̀ gâloŋ ŋɔsûai su-perei. É máŋ kɛ́ tí, dí kɛ̀ a gɔ́lɔŋɔɔ a gɛɛ Babelɔŋ kɔ-kɔ-ƃelai dí kɛ̀ a dí tínaŋɔɔ daa-leei ma ǹyée tooɔɔ gîei. Tãi dí kùla lai, dí zòŋ a Zɔdiŋ Ya-leei ma tiŋ-tiŋ su-pere.

Tɔɔɓɛlaa veelɛ 25:5

Kɛ́lɛ Babelɔŋ kɔ-kɔ-ƃelai dí dí kpɛ̀ é lɛ́ɛ la zu dí dísoŋ Zɛleko taa-leei kɔlɛ ma. Dí gâloŋ Zɛdikia sòŋ, kɛ́lɛ ŋɔkɔ́-kɔ-ƃelai dí pù dí táa-tâa.

Ɉeremi 13:19

Daa-lee-ŋai dí káa Zuda kwára-perei, kɔkuluƃa-ŋa da tínaŋ dîa. Ǹyaŋ pere fé naa a gɛɛ núu da é lí naa. Diai kélee díkaa Zudai, da dísoŋ a kɔ soŋ-ŋa da lí a dia lɔii da kpɛ́ni-ŋa su.”

Ɉeremi 16:16

Yâwɛɛ è mò ǹyɛɛi, “Ŋa pâi yá-kpɛ-ƃela tɛɛ̂i dí pá dí ǹûai ŋí sóŋ. Ŋá loŋso-ŋa tɛ̀ɛ dí lí dí dísoŋ ǹyée kpaya-kpayai da ǹyée pɛlɛɛ-pɛlɛɛi tôŋ su, gɔni wôlo-ŋai su.

Ɉeremi 24:9

Ŋa pâi mɛni kpɔ̂lu lâai dîa a gɛɛ ŋ̀éniɛi su-ƃelai da dí kâa, dí yao kpɔ́ a ŋánaa. Nûa da pâi ɣɛ́lɛ-maa kulâi díkponôi, dí kɛ́ wóo nyɔ́mɔɔ-ŋa ƃò dîa, dí kɛ́ dílaa kɛ̀ a kpalo-sɛŋ ƃɛ́i kélee ŋa pâi dítaa-tâai naai.

Ɉeremi 39:9

Nya ƃe Nɛbuzaradaŋ da nyíi kɛ̀ a gɔ-kuluƃa-ŋai mɛi nuui è nâa ǹûai kpéli-ŋai kélee sòŋ a kɔ-sôŋ-ŋa da diai yâo ma dí díkpîŋ tɛɛ bɔ́i, é lí a díkelee Babelɔŋ.

Ɉeremi 52:15

Nya ƃe Nɛbuzaradaŋ è lì a ǹûai kɛ̀ Zerusâlɛŋ, gɔ̂lɔ-ƃelai da-ni-ŋa, ǹyɛrɛ-ƃelai kpéli-ŋai da diai díkpîŋ tɛ̀ɛ Babelɔŋ-ŋai pɔi.

Ɉeremi 52:8

Nya ƃe Babelɔŋ kɔ-kuluƃa-ŋai dí pɛ̀lɛ Gâloŋ Zɛdikaya kpɛ̂i é lɛ́ɛ la zu dí zòŋ diŋ-tiŋ su Zɛleko kɔlɛ ma. Ŋɔkɔ-kuluƃa-ŋai dí pú ǹyêei.

Woolaa 2:9

Zĩɣaŋ lá kpɔŋ da zɔ́ɔŋ-too-sãai kélee wólo-woloi búɔɔ naa. Ŋɔkâloŋ da ŋɔtíi kɛ́-ƃelai da kɛ́ a luɛ-ŋa lɔii da kpɛ́ni-ŋa su. Dífe ŋɔ́nɔ dɔ̂ŋ lɛ̂i dímɛi káa mɛni ma. Zĩ̂a fa ŋɔ́nɔ tɛ̀ɛ a Yâwɛɛ ŋɔlóno kɛ́-ƃelai a gɛɛ dí ǹá-woo ƃó ǹûai dîa.

Woolaa 4:15

Ǹûai dí kɛ̀ lâɣii dîa dîyɛɛ dîai, “Ka kula ƃɛ́ ká lí, ká maa fé waa ní. Ka lí, káfe lɛ̀ɣɛ kúta ma.” Díkɛɛ tɛɛ-tɛɛi, ǹɔii su-ƃelai da-ŋa dí mò dîyɛɛi, “Díta fé pâi wɔ́lɔ lɛɛ̂i ǹɔii ma ƃɛ́!”

Woolaa 5:5

Kúkpɔara-ƃelai dí káa kúkpɛ̂i a gbanaŋɔɔ. Kɔlɔ a kpɛɛ kûa kɛ́lɛ dífa ǹɛɛ naa kú kúfii tɔ́ɔ.

Izikiɛ 5:12

Kákpulu sêei saaƃai dɔnɔ a pâi saâi a puru, kpaa máŋ a kɔlɔ-fela nyɔ́mɔ. Kákpɔara-ƃela da pâi ká paâi a ƃóa-sɔ̂kpɔ. Ǹyaŋ ŋa pâi kákpulu dɔnɔ táa tâai a fãa, ŋá dí kpɛ́ a ƃóa-sɔpɔ kuláa daâi.’

Dutɛrɔnome 28:48

Mɛni ma, puru, kpele wɛ̂li, seɣe saa maa da kolo-laa su kɛ́tɛ da pâi kɛ̂i nɔ́ kâa. Ka pâi tíi kɛ̂i kákpɔara-ƃelai yée mu. Da pâi yɔlɔ toôi kákɔŋ ma é lɛ́ɛ la zu ká sáa kpɔ́ kúŋ.