Woolaa 1:21 - Bible

²¹ “Nṹa da ńyiɣɛ woo mɛnîi kɛ́lɛ díta fé naa é ŋ́aa nɛnɛ. Ŋ́gbɔara-ƃelai da ŋámɛni-solii maa mɛni mɛnîi. Da lii-nɛ̃ɛ kulâi m̀ɛnii ya gɛ́ a ńyãai, m̀ɛni ma. Yɛ̂ɛ berei í íkono tèe la ńyêei, dia máŋ díkula maa kɛ́ díwɔ̂ sɔnyɔ̂ŋ mɛni ma yɛ̂ɛ berei í gɛ̀ la a ńyãai.

Yálá laawoo hɛɓɛ (dc)

²¹ Diɛ nwɔ́lɔ́ woo mɛ̨n, nu ta hvo mą hvo náá pilɛ. Ɲówoɠaa di kɛi nwɔ́ mɔ̨nɔ̨i bələ mɛ̨n, mɛ̨nii ə́ naa mą́ą́ diɛ mąą kwəinɛ̨ɛ̨ kulɔ. Volói ə́ vaa ɓo, ə pa kɛa wɛ! Ə gɛ, di pɛli kɛi yɛ ɲą́ą́!

Yálá laawoo hɛɓɛ

²¹ Diɛ nwɔ́lɔ́ woo mɛ̨n, nu ta hvo mą hvo náá pilɛ. Ɲówoɠaa di kɛi nwɔ́ mɔ̨nɔ̨i bələ mɛ̨n, mɛ̨nii ə́ naa mą́ą́ diɛ mąą kwəinɛ̨ɛ̨ kulɔ. Volói ə́ vaa ɓo, ə pa kɛa wɛ! Ə gɛ, di pɛli kɛi yɛ ɲą́ą́!

Woolaa 1:21 ပူးပေါင်းရင်းမြစ်များ

Mąątɛ̨nɛ̨ 35:15

Kɛ́lɛ ŋà kɛ̀ mɛni kpɔ̂lu su, gáa dîa a lii-nɛ̃ɛ mɛni. Da díŋaa tɛ̀ gîe ma díkɛ ɣɛ́lɛ maa kûla ŋ́gbonôi. Diai kpîŋ fé díkɔlɔŋ, díkelee da kɛ̀ ńaa ƃôi, gɔ̃yɛŋ fé ma.

Mąątɛ̨nɛ̨ 37:13

Kɛ́lɛ Yâwɛɛ a kɛ̀ nɔ́ ɣɛ̂lɛi dîa, kpɛ́ni fêi, dísu kara ɣelei maa fé ŋɔ́nɔ kôya ní.

Mąątɛ̨nɛ̨ 38:16

Ŋa ímarê kɛ̂i a gɛɛ ífe ǹɛɛ naa ŋ́gɔara-ƃelai dí koi-nɛ̃ɛ kula ŋámɛni sôlii mɛ̂ni ma. Ífe ǹɛɛ naa dí kɛ́ yoŋka tèe ḿɛi, kpɛ́ni fêi, ŋa too mù.

Azaya 14:5

Yâwɛɛ a zɔnyɔ̂ŋ kaloŋ-ŋai díwála-walai kúla díyêei, a díkâloŋ wuru-ŋai su ɣále.

Azaya 14:6

Zɔnyɔ̂ŋ kaloŋ ŋí è ǹûai sòŋ a ŋwana lɔ̂ɔ-pere, gɛ́ mɛni nyɔ́mɔɔ sii támaa kɛ̀ a ǹɔii-ŋûŋ-ŋai su-ƃela nyii-ŋai è díyee mɛi ɣâlei.

Ɉeremi 30:16

Kɛ́lɛ ǹɔii-ŋuŋ-ŋai nyíi-ŋai ká paâi, ŋa pâi dípaâi. Kákpɔara-ƃelai dia máŋ da pâi kɛ̂i a kɔ-sôŋ-ŋa lɔii-ŋuŋ da kpɛ́ni-ŋa su. Diai nyíi kélee ŋúma kɛ̀ kâai, dia máŋ núu da a pâi dísãai ŋûmai. Diai nyíi kélee sãâ kùla káyêei kɔ́-sui, nûa da pâi díwɔ̂i kulâi díyêei máŋ.

Ɉeremi 48:27

Môa, gíli é lɛ́ɛ íŋa berei í ɣɛ́lɛ-maa kùla la Eezuɛ kponôi. Ítûa a dia yɛ̂ɛ sɛŋ ƃé ya dísoŋ ŋúma-ƃela sáma.

Ɉeremi 50:11

Yâwɛɛ è mò ǹyɛɛ, “Babelɔŋ-ƃela, ká ŋálɔii-ŋuŋ wólo. Kálii nɛ̃ɛ̂i kákɛ koi-nɛɛ kula. Ká kɛ́ sìa-sia yɛ̂ɛ niŋa a pìli mii-sɛŋ kpɔlɔ su gɛ́ mìi gɛ́ daŋ-taŋ kpaa máŋ yɛ̂ɛ soo-sîrɛ ƃé záa tôlii.

Ɉeremi 50:15

Ka gɔ́i maa fɛ́ɛ ká tínaŋ daa-lêei ma. Babelɔŋ a gbîŋ tɛɛ gɔ-kuluƃa-ŋai pɔ́. Da ŋɔsiɣãŋ wólo da dòo ǹɔii ma. Ŋa mɛni kpâ kulâi Babelɔŋ-ƃelai dîa. M̀ɛni ma, ka ká mɛnii gba kula m̀a máŋ. Ka tûa a dîa yɛ̂ɛ berei dí tùa la a díƃarâai.

Ɉeremi 50:29

“M̀ó gerâŋ pili-ƃelai dîa dí pɛ́lɛ Babelɔŋ ma. Diai kélee da pɔ̂ri kerâŋ pilîi dí dítɛɛ. Ka tínaŋ daa lêei ma. Káfe ǹɛɛ naa núu da é pú. Ka véla fé m̀ɛnii è gɛ̀i, m̀aa mɛ̂ni ma. Ka tûa la yɛ̂ɛ berei è tùa la a m̀arâai, kpɛ́ni fêi, è ŋɛi-tɛ kɛ̀ a ńyãai a Eezuɛi, Ŋɔmaa-waa ǹúui.

Ɉeremi 50:31

“Babelɔŋ-ƃela, káŋɛi tɛ̂ɛi. M̀ɛni ma, ńyãa, Ŋ̀wála-wâla kélee Yâwɛɛ, ńdɔɔ̂i kâa! Tãi aâ seri a gɛɛ ŋá kákula maa kɛ́.

Ɉeremi 51:24

Yâwɛɛ è mò ǹyɛɛ, “Ka pâi ŋ́gâai mɛni kpa kùla Babelɔŋ ma m̀ɛnii kélee è gɛ̀ a Zerusâlɛŋ mɛ̂ni ma.

Ɉeremi 51:49

Babelɔŋ è gɛ̀ núu támaa é sáa ŋ̀éniɛi gwaa kélee ma. M̀ɛni ma, Babelɔŋ a pâi toôi kpɛ́ni fêi, è gɛ̀ Eezuɛ-ƃela támaa dísaa. Ńyãa Yâwɛɛ ƃé mò tí.”

Woolaa 1:16

“M̀ɛnii ŋí ƃé ŋa wɔ̂lɔi la, ŋ́ɛi-ya kɛ́ yèŋ. Núu da fé naa é ŋ́aa nɛnɛ, é pá ḿbɔ a kili-kɛ zu. Ŋ́gbɔara-ƃelai da ńyee mɛi ɣále, ǹyaŋ ŋánûai da mɔ̃lɛ̂i.

Woolaa 1:2

A gbêɣei toôi kpɔ́ a ŋánaa a kpíni kélee ŋ̀ɛ́i-ya kɛ́ yèŋ a ǹɛ̂ɣɛŋ. Ŋɔwɛli kɛ́-maa-ƃelai dɔnɔ kpîŋ fé naa é ŋ̀aa nɛnɛ. Díkelee da gíri, da kɛ́ a gbɔara-ƃela.

Woolaa 1:22

“Dísɔnyɔ̂ŋ-ŋai gula maa kɛ́ a dia. Gɛ́ dí mɔ̃lɛ dísɔnyɔ̂ŋ mɛni ma yɛ̂ɛ berei ŋá mɔ̃lɛ̂i la ŋ́ɔ̂i sui. Ŋa nyîɣɛi a ŋ̀ánaa ŋ́gɛ foa.”

Woolaa 1:4

Zãiyɔŋ Ɣala-pɛrɛ Kɛ́tɛi lá perei a pú. Núu da fé ŋɔ́nɔ pâi naa gûu-ŋai ŋ̀aa-see kɛ́ mɛni ma. Zĩaŋ-ŋai lá a lɛɛ a vólo. Zâla láa soŋ-ƃelai kɛ́-ƃelai dí kɛ́ ǹyiɛ. Ǹɛnî-kpela-ŋai da malôŋ-see ƃôi. Daa lêei káa mɛni kpɔ̂lu su.

Woolaa 1:8

Zerusâlɛŋ a sɔnyɔ̂ŋ kɛ́ a zu kɛ́tɛ. M̀aa fé ŋɔ́nɔ waa ní. Diai kɛ̀ ƃaa kɛ́-maa tɛɛ̂i bɔ́i, dífe ŋɔ́nɔ gɛ̂i tí, kpɛ́ni fêi, da gaŋ káa. A nyîɣɛi gɛ́ ŋ̀ɛi lòo ŋumɛ pere su.

Woolaa 2:15

Diai da tɛ̂ɛ yâi, da díyee ŋá lòkwa a laa kpâla maa-pere. Da ɣɛ́lɛ-maa kùla íkponôi, dí kɛ́ díŋuŋ kpɛ̂mɛŋ dîyɛɛi, “Daa lêei ŋí ƃé nûa da kâa kɛ̀ ma daa lêe lɛ́lɛɛi, dí kɛ́ m̀aa yôŋka teei?”

Woolaa 2:16

Íkpɔara-ƃelai da díla tɔ̀ɔ yâ. Da ɣɛ́lɛ-maa kûla íkponôi dí dísĩ̂a mii a yá dîyɛɛ yâi, “Kwaâ zu kara. Ŋ̀ele kûui ŋí ƃé kú kɛ̀ maa kpɛ́nîi. Kwaâ lɛɛ ɣele ma kwa gáa.”

Izikiɛ 26:2

“Núu-kpune ǹóŋ, Taya-ƃelai da lii-nɛɛ kulâi dîyɛɛi, ‘Zerusâlɛŋ a wólo. Ŋɔsɛŋ-kao tii kɛ́ mɛni-ŋai kélee su a kara. M̀ɛni ma, kú kɛ́-mɛni-ŋai mu a pá siɣêi.’

Zooɛ 3:14

Núu wála támaa káa mɛni ŋãa-tee ya-ƃolo-ƃoloŋ su. Yâwɛɛ ŋɔɣelei a lɛ̀ɣɛ mɛni ŋá-tee mɛni ma ǹyá-ƃolo-ƃoloŋ su.

M̀ɛni-lɛɛi 18:6

Ka dɛɛ bɔ yɛ̂ɛ berei ǹyaa kpîŋ è dɛ̀ɛ lai, ka véla fé ŋɔtûa-perei mɛni ma gîei feerɛ. Kɔ̂pui è zálei sûmo zui, ka zálei sûmo zu gîei feerɛ m̀ɛni ma.