Woolaa 1:20 - Bible

²⁰ “Óo Yâwɛɛ, gáa berei ŋa mɔ̃lɛ̂i lai. Ŋa mɛni sôli kâai. Maloŋ too-maa támaa káa ńii su kpɛ́ni fêi, ŋa tɔɔ yâ. Da ŋánûai paâi daa lêei su da bɛ́rɛ-ŋai mu.

Yálá laawoo hɛɓɛ (dc)

²⁰ Yai-Laa! Ə́ ɲɛ̨i hee tai mɔ̨nɔ̨i ŋɛ̨i aa laa mą́ą́ ə́ gaa! Níí kaa kpɛlaan ɉii gwə́i. Yɛ kpɔ ə tee; Mąąhɔlɔɓo, ɲą́ą́ gulɔ nwoomu taaləi tii kɛ a yɛ́, Ɲɛnɛ̨ɛ̨ pələ, ɓɔwa kwɛaa aa nónnii kulɔ ɲə́i, bɛlɛ́n bələ, haa aa naa tɔɔ tin!

Yálá laawoo hɛɓɛ

²⁰ Yai-Laa! Ə́ ɲɛ̨i hee tai mɔ̨nɔ̨i ŋɛ̨i aa laa mą́ą́ ə́ gaa! Níí kaa kpɛlaan ɉii gwə́i. Yɛ kpɔ ə tee; Mąąhɔlɔɓo, ɲą́ą́ gulɔ nwoomu taaləi tii kɛ a yɛ́, Ɲɛnɛ̨ɛ̨ pələ, ɓɔwa kwɛaa aa nónnii kulɔ ɲə́i, bɛlɛ́n bələ, haa aa naa tɔɔ tin!

Woolaa 1:20 ပူးပေါင်းရင်းမြစ်များ

Zôo 30:27

Ńii káa nɔ́ kpɛ̃linii ŋ́goi. Ŋá mɔ̃lɛ-laai su kɛ́ kɛ̀tɛ nɔ́ a ɣele kélee.

Zôo 33:27

Nyíŋi à kɛ̀, a pâi kɛ̂i môi gîe mɛi núu-kpune kélee ŋɛ́i-tuɛ ǹyɛɛi, ‘Ḿve mɛni lɛ́lɛɛ kɛ́ ní. Ŋá dɔ̃yâ-perei lɛ̂ɛ. Kɛ́lɛ Ɣâla fé ŋ́gula maa kɛ́ ní yɛ̂ɛ berei maa-nɛ̃ɛi é gɛ́ la a ńyãai.

Mąątɛ̨nɛ̨ 22:14

Ŋáwala-walai kélee a kùla ńyêei yɛ̂ɛ yá a ƃɔ̀ a sɛŋ-folo. Ŋ́gao kélee a kula gbulɔ̂ŋ ŋá. Ńii a kérenîi ŋ́goi yɛ̂ɛ ŋɔŋ.

Mąątɛ̨nɛ̨ 38:8

Sɛŋ sôli maa a lɛɛ ŋ́giɣîni kɔlɔ a kpɛ̂ɛ ḿâ. Zɛŋ sôli maai a gɛ́ ńii kɛ́ kɔ-kɔ ŋ́gɛ nyĩɣɛ.

Hanwon 28:13

Ǹúui a ŋɔsɔnyɔ̂ŋ mɛi pɛ̂lɛi, va mɛni lɛ́lɛɛ sɔlɔ ƃô, kɛ́lɛ ǹúui a ŋɔsɔŋyɔ̂ŋ ƃò, gɛ́ bôlu tɔ̀ɔ mài, Ɣâla a m̀alôŋ kàa.

Azaya 16:11

Ŋa nyîɣɛi Môa mɛni ma, ŋ́gɛ maloŋ too maa wɔ̂lɔ kɛ̀ Kîɛ-Arisa mɛni ma.

Azaya 38:14

Ŋ́gɔlɔ è kɛ̀ saâi ḿâ, ŋ́oo ŋá yeŋɔɔ. Ŋá kɛ̀ nyîɣɛi yɛ̂ɛ tòloŋ, ŋ́ɛi fa ŋɔ́nɔ kwaa kâa a ǹɛ́lɛɛ. Ǹuu-namui, ŋ́uŋ ma ƃó í ŋ́gula m̀ɛni-kpɔ̂lui ŋí su.

Ɉeremi 14:18

Ŋà lì gbâlaŋ ŋá, ŋà ǹûai nyíi-ŋai lɛ̀ɛ gɔ́i sui poma kâa naa. Ŋà lì daai su, ǹûai nyíi-ŋai saâi a purui, ŋa dípoma kâa naa. Ɣâla ŋɔlóno kɛ́-ƃelai da zâla láa-soŋ-ƃelai da dítii-ŋai kɛ̂i, kɛ́lɛ dífe m̀ɛnii kɔ́lɔŋ da gɛ̂i.”

Ɉeremi 14:20

Yâwɛɛ, kúsɔnyɔ̂ŋ-ŋai da kúnâŋ pɔlɔ-ŋai díwɔ̂i kíli a too kú ŋá. M̀ɛni ma, kwa nâa m̀ôi a gɛɛ kwa sɔnyɔ̂ŋ kɛ́ a yá.

Ɉeremi 2:35

ka mò kâai, ‘Ḿve niî mɛni nyɔ́mɔ-sii da kɛ́ ni. Tɔ̃yâ ma, Yâwɛɛ líi fé ŋɔ́nɔ ŋwána ní kûa.’ Kɛ́lɛ, ńyãai ŋ́gáa a Yâwɛɛ, ŋa pâi ká kula maa kɛ̂i kpɛ́ni fêi, ká mò a gɛɛ káfe niî mɛni nyɔ́mɔɔ-sii da kɛ́ ní.

Ɉeremi 3:13

Kɛ́lɛ, m̀ɛnii nɔ́ ya pɔ̂ri gɛ̂i ƃá fɛ̂ɛ í gɔ́lɔŋ a gɛɛ ya sɔnyɔ̂ŋ kɛ́ a Íɣâlai Yâwɛɛ. Í mó a gɛɛ íkɛ̀ ɣâla da kpɛ́ni-ŋa fɛlîi ŋ̀úru-ŋai mu ífe íwoli tɔɔ ní ŋ̀óo ma. Ńyãa Yâwɛɛ ƃé mò tí.”

Ɉeremi 31:20

“Eezuɛ, íkaa a ŋáwɛli-kɛ-ma loŋ, ǹôloŋ nyíi ŋá ŋ̀wɛ̂li-ni kpɔ́ a ŋ̀ánaai. Tãi kélee ílaa kíli a tôo la ŋ́ai, ŋà ŋ́gili-ŋa sìa a wɛli-kɛ maa é pîlaŋ yâ. Í maa mɛ̂ni káa nɔ́ niî ńii su. Ŋa pâi íŋɛi malôŋ kâai.

Ɉeremi 4:19

Óo ńii a too pôlu. Sɛŋ a sóli ḿâ, ḿva pɔ̂ri ńyee seêi ŋá sɛŋ sôli maai mu. Óo ńii. Ńii a toôi a ŋánaa. Ḿva pɔ̂ri ḿɛi saâi. Ŋà dúru-wooi mɛnîi, ŋ́gɛ ǹûai wóo mɛ̀ni gɔ́kɔ ɣenei ŋá.

Ɉeremi 48:36

“Ńii toɔɔ̂i pôlu Môa da Kɛɛrɛ mɛni ma yɛ̂ɛ núu da a kɛ̀ saa wûle toôi ƃɔɔ su, kpɛ́ni fêi, díkɔ̃lîŋ kélee kpɔ́ su a kara.

Woolaa 1:11

Ŋɔnûai da kɛ̀ díkɔnɔ̃ŋ kɔ̂rii, da kɛ̂ nyîɣɛi. Da díkɔ̃liŋ kpanaŋ-ŋai maa fáleŋ a mii-sãa a gɛɛ dífulu-laai é lɛ́ɛ díyêei. Díkɛ môi dîyɛ̂ɛi, “Yâwɛɛ, íyee sée ḿû, ŋa mɔ̃lɛ̂i.

Woolaa 1:18

“Yâwɛɛ teniŋ ƃôɔɔi, kɛ́lɛ fa ŋɔtɔ̂ŋ mɛi kâa. Nûa, ka káwoli tɔ́ɔ ká berei káa ŋa mɔ̃lɛ̂i lai. Ŋá nyáŋkpa-ŋai da kɛ́ a luɛ-ŋa lɔii-ŋuŋ da kpɛ́ni-ŋa su.

Woolaa 1:8

Zerusâlɛŋ a sɔnyɔ̂ŋ kɛ́ a zu kɛ́tɛ. M̀aa fé ŋɔ́nɔ waa ní. Diai kɛ̀ ƃaa kɛ́-maa tɛɛ̂i bɔ́i, dífe ŋɔ́nɔ gɛ̂i tí, kpɛ́ni fêi, da gaŋ káa. A nyîɣɛi gɛ́ ŋ̀ɛi lòo ŋumɛ pere su.

Woolaa 1:9

M̀aa lîƃi-pere a too pono ŋá. Vé kpîŋ kpáaŋ ní kɛ̀ m̀ɛnii pâi kɛ̂i lai. Berei è tòo la pôlui, è kɛ̀ a zu kɛ́tɛ. Núu da fé kpáaŋ ní kɛ̀ m̀ɛni ma. Gbɔara-ƃelai da ǹyée mɛi ɣále. Ǹyaŋ a wɔ̂lɔi Ɣâla Yâwɛɛ ma a gɛɛ é m̀alôŋ káa.

Woolaa 2:11

Ŋ̀wɔ́lɔi a ŋ́ɛi ŋá ŋána. Ŋa sôlii ŋ́gɔlɔi-pere. Ŋánûai su-kara pere a gɛ́ kɔlɔ a kpɛɛ ḿâ. Ǹîa-pɛlɛɛi da gwatâra-ŋai da fôai bere lêe-ŋai ma daa lêei su a puru.

Woolaa 5:16

Gâloŋ ƃɔrɔi kɛ̀ kúŋûai, a kula naa a too. Mɔ̃́lɛ-laa a pá kúpɔ kpɛ́ni fêi, kwa sɔnyɔ̂ŋ kɛ́.

Izikiɛ 7:15

Ǹûai da pâi kɛ̂i kɔ́kɔi ǹɔii su. Puru da kɔlɔ-fela da pâi kɛ̂i ǹûai dîa daai su. Diai pâi kɛ̂i ǹɔii sui, da pâi lɛɛi gɔi su. Diai díkaa daai sui, puru da kɔlɔ-fela da pâi dí pâai.

Danîa 9:5

“Kwa sɔnyɔ̂ŋ kɛ́ a yá. Kwa mɛni nyɔ́mɔɔ-ŋa kɛ́ kwa tɔɔ yâ. Kwa tɔɔ mɛni-ŋai dîa í mò kûai, kúfe ŋɔ́nɔ siâi a ítɔ̂ŋ-ŋai lá-woo.

Osia 11:8

“Óo Eezuɛ, ŋa pâi ńyee kulâi léŋ ímu? Óo Eezuɛ ŋa pâi teêi yâ lé-mɛni ma? Ŋá pɔ̂ri tuâi a yá yɛ̂ɛ berei ŋá gɛ̀ la a Adama kpaa máŋ yɛ̂ɛ da Zeboŋ taa-lee-ŋai? Fa pɔ̂ri nyíŋi kɛ̂i. Ŋáwɛli kɛ́-maai káa nɔ́ kámɛni ma.

Habakukə 3:16

Ŋa díŋ mɛ̀ni, ḿaa kɛ́ kpɛ̃liŋ, díŋ è gɛ̀ ńagbɔ é kɛ́ soo-soo, ŋ́gao kɛ́ sàa ŋ́gbonôi, záza kɛ́ ńdòo. Ŋá pâi ḿɛi saâi ŋá tãi maa kpɛ́ŋ tãi mɛni-kpɔ̂lu a pâi lâai la diai dîa da ŋ̀wɛ̂lii dí kúsu karai.

Dutɛrɔnome 32:25

Kɔ́ a pâi dípâai banaŋ ma. Mɛni mili-miliɛ a pâi kɛ̂i a dîa dípɛrɛ-ŋai mu. Ǹyaŋ-kpa-ŋai da ǹɛnî-kpela-ŋai da pâi sâai. Gwatâra-ŋai da ǹúu-pɔlɔ-ŋai da pâi saâi máŋ.