Woolaa 1:1 - Bible

¹ Zerusâlɛŋ lâai léŋ ŋí a vóloi, nyii ǹáa è kɛ̀ a vɛ́ɛ a núui? A kɛ́ léŋ ŋí yɛ̂ɛ pɔɔ-nɛnii, ǹyaai kɛ̀ a gɛ́tɛ ǹɔii-ŋûŋ-ŋai sámai? Ǹyaai kɛ̀ a kâloŋ-nɛni ǹɔii-ŋûŋ-ŋai mɛni mai, aâ kɛ́ a luɛ.

Yálá laawoo hɛɓɛ (dc)

¹ 'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Yálá laawoo hɛɓɛ

¹ 'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Woolaa 1:1 ပူးပေါင်းရင်းမြစ်များ

Tɔɔɓɛlaa dɔlɔɔ 4:21

Saloma ŋɔkâloŋ-laai è kɛ̀ ǹɔii ŋuŋ-ŋai kélee mɛi é síɣe Yufeletii Ya-leei ma é tóo Felesia-ŋai dílɔii ma, é seri Ize-ƃelai dígoyaŋ-perei ma. Nûa dí ŋuŋ-fela fei-ŋa kɔ̀lɛ ma díkɛ tíi kɛ̀ mì ŋɔfulu-laai su.

Tɔɔɓɛlaa veelɛ 23:33

Ize kaloŋ Niko è Zuda kaloŋ Zɛoaɣa sòŋ é gula gâloŋ-laai su é bili kpini-pɛrɛ mu Liƃa taa-leei su Ama kɔlɛ ma. Nya ƃe Niko è Zuda-ƃelai sòŋ a wála-wala-laa a gɛɛ dí sɛŋ kâo kole ŋɔpâŋ wála lɔ́ɔlu mɛi feerɛ pôlu ŋuŋ lɔ́ɔlu da gôo ŋɔpâŋ buu lɔ́ɔlu mɛi feerɛ káo lɔ́ɔlu tɛ́ɛ bɔ́ a ŋuŋ-fela-fei.

Tɔɔɓɛlaa veelɛ 23:35

Gâloŋ Zɛoakiŋ è Zuda-ƃelai kɛ̀ dí ŋuŋ-fela fei támaa kɔ́lɛ é tɛ́ɛ bɔlɔi ma a gɛɛ nɔ́ pɔri-maa é kɛ́ mì é zɛŋ kâoi da gôoi sɔlɔ ƃó nyii Niko è kɛ̀ ŋ̀wɛ̂lii é dɛɛ bɔ́ naai.

Kɔlɔnikɔ Veerɛi 9:26

Ǹyaa ƃé kɛ̀ gâloŋ-ŋai kélee mɛi é síɣe Yufeletii Ya-leei ma é tóo Felesia é lɛ́ɛ la zu é seri Ize ŋɔkɔyɛŋ perei ma.

Ɛsdrasə 4:20

Diai kâloŋ-laa kɛ̀ daa-leei ŋí sui da Yufeletii Ya-leeii ŋɔfólo liî-perei, ǹûai díkɛ̀ ŋuŋ-fela-fei kpɛɛ̂i díyêei da ǹɔii ŋɔzûti.

Nehemi 5:4

Ǹûai da-ni dí mò máŋ dîyɛɛi, “Fɛ̂ɛ kú kpa sòŋ a gɛɛ kú ǹɔii zûtii kpɛ́ɛ kúkpâlaŋ-ŋai da kúkpɔmɔ-ƃâ kpâlaŋ-ŋai mɛni ma.

Nehemi 9:37

Zãâ lɛ́lɛɛ-ŋai kélee kulâi ǹɔii ŋí sui, gélee a liî gâloŋ-ŋai pɔ́ ya dí sée kúmɛi. Í nyiŋi kɛ̀ a kúsɔnyɔ̂ŋ-ŋai gùla maa. Wála-wala-laa káa díyêei máŋ kúmɛi kwa kútaa tûlɛ-ŋai. M̀ɛnii kélee da ŋ̀wɛli dí gɛ́ a kúai, da gɛ̀ yɛ̂ɛ berei da ŋ̀wɛ̂lii lai. Kú káa lii-too pôlu kɛ́tɛ su.”

Mąątɛ̨nɛ̨ 122:4

Ƃɛ́ ƃé ǹúu-suu-ŋai da pâ naa, Eezuɛ nuu-suu ŋai, a gɛɛ dísɛɣɛi-fêi tɛɛ Yâwɛɛ pɔ́, yɛ̂ɛ berei è m̀o lai.

Azaya 14:12

“Óo Babelɔŋ kaloŋ. Yá ƃé wɔ́lɔ kɛ̀ a bɛmɛlɛŋ-kao fóloɔɔ tɔnɔ kpéŋ Babelɔŋ lɔii mɛi. Í lɔii ŋuŋ-ŋa támaa pù íkɔɔ mu. Berei káa yaâ too lai.

Azaya 22:2

Daa-lêei gwaa kélee káa nɔ́ wúlee. Ǹaa kélee káa nɔ́ yóo-yoo, ǹûai kélee kponôi kɛ́ kpɛ̃̀liŋ dîa. Lé kpîŋ ƃé kɛ́i ǹíi-nɛ̃ɛ taa-leei ŋí su nyíi naa-ƃela da tɛ̂i díkɛ yèŋ a ɣele kéleei? Núu támaa poma a lâani naa nyii-ŋai dífe dípaa ní a ƃóa-sɔkpɔi. Ǹûai ŋí dí sàa gɔ́i su kɛ́lɛ dífe kɛ́ ní gɔ́i da kɔ̂i.

Azaya 3:26

Wɔ́lɔ-woo da maloŋ-too maa da pâi kɛ̂i ŋɔsĩɣaŋ-ŋai lá. Daa-lêei ǹyaa kpîŋ a pâi kɛ̂i yɛ̂ɛ da nɛyaa maa kpôloŋ dí dí sée muluŋ su.

Azaya 49:21

Gɛ̀ ní ya pâi m̀ôi ílii su pere yɛ̂ɛi, ‘Gbɛ̂ɛ ƃé ǹîa-pɛlɛɛi ŋí maa sɔlɔ ƃô mîi? Ŋánîa-pɛlɛɛi kélee ŋuŋ lá è pìli, da fé ŋɔ́nɔ kɛ́ ní naa. Ŋá kɛ̀ kɔ-sôŋ laai lɔii-ŋuŋ su kôya su. Gbɛ̂ɛ ƃé pà a ǹîa-pɛlɛɛi ŋí? Ŋánîa-pɛlɛɛi kélee maa mɛ̂ni è pìli zu. Ńyãa tɔnɔ nɔ́ ŋa lɛɛ ɣéniɛ. Mí ƃé ǹîa-pɛlɛɛi ŋí dí kùla naai?’ ”

Azaya 50:5

Yâwɛɛ Ɣâla a ŋ́oli lá ƃó. Fé pâi tɔɔ̂i m̀a, kpaa máŋ ŋá ḿbôlu fé m̀i.

Azaya 52:2

Ka kámu-siɣe m̀uluŋ su, ká kákɔɔ ŋá kpɛ́mɛŋ. Zerusâlɛŋ-ƃela, ká tɛ́ gâloŋ see-sɛŋ ŋá. Óo Zãiyɔŋ kɔ-soŋ-ŋa, ka ǹyɔlɔ-ŋai kúla kákɔŋ ma.

Azaya 52:7

Ka gáa, gáa a mɛni lɛ́lɛɛ a gɛɛ í lii-sêe tuŋ ƃó-nuu káa gɛ́ kùla ǹyée-ŋai su. A pâi a lii-see maa tûŋ lɛ́lɛɛ. A m̀ôi Zãiyɔŋ-ƃelai dîa ǹyɛɛi, “Káɣâlai ƃa gâloŋ.”

Azaya 54:4

Ífe yào, núu da fé pâi ŋɔ́nɔ ƃâa kulâi yâm íƃɛlɛ é tóo. Ya pâi niâi ŋ̀umɛi ma íkɛ zu ínuu-tɔɔ-laai sui. Ŋ̀umɛi íkɛ zu ípɔɔ-nɛ̂ni-laai sui, ya pâi niâi gélee ma.

Ɉeremi 31:7

Yâwɛɛ è mò ǹyɛɛ, “Ka lii-nɛɛ wule too Eezuɛ ma, nyíi gáa a ǹɔii-ŋuŋ-ŋai gɛ́tɛi. Ka laa-maa-tɛ wule too, ‘Yâwɛɛ a ŋɔnûai ƃálo. Diai kélee lɛ̀ɛi, a díŋuŋ-ma ƃó.’

Ɉeremi 40:9

Gidalia è mò dîa ǹyɛɛi, “Ŋa ŋ́gono têei káyêei a gɛɛ káfe yào kpɔ́ a dɔnɔ kpîŋ a gɛɛ ká kákpîŋ tɛɛ Babelɔŋ-ŋai pɔ́. Ka lɛɛ ǹɔii ŋí su, ká kákpîŋ tɛɛ Babelɔŋ kaloŋ pɔ́, kátii kɛ́ ḿî. Mɛni da fé pâi kákɛ̂i.

Ɉeremi 42:2

dí mò ḿâ dîyɛɛi, “Kpera yɛ̂ɛ ye m̀ɛnii kɛ́ kûɛ nyíi kwa ŋ̀wɛ̂lii í gɛ̀ kûɛi! Íɣâlai Yâwɛɛ fɛli kûɛ. Vɛli kúa kpulu-loŋ ŋí kwâa lɛɛi kúmɛni ma. Kú wɔ́lɔ kɛ̀ a kútamaa, kɛ́lɛ, kwaâ lɛ̀ɛ nɔ́ a kúkpulu lôŋ yɛ̂ɛ berei ya kúkâai lai.

Ɉeremi 44:2

Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai è mò ǹyɛɛ, “Káa kpîŋ ká m̀ɛni kpɔ̂lui kâa ŋá ǹaa Zerusâlɛŋ ma da daa-lêe-ŋai díkaa Zudai. Lonii ma kpîŋ, díkaa niî a taa-pîleŋ ŋá ƃɛ́i núu da fé naai,

Ɉeremi 44:6

M̀ɛni ma, ŋá ńii ŋwàna kpɔ́ Zuda taa-ŋai dîa da bere-ŋai díkaa Zerusâlɛŋ. Ŋá ŋɔŋ tôo dîa naa é lɛ́ɛ a bûŋ. Ǹaa è lɛ̀ɛ a yao ma kwaa ma é lɛ́ɛ la zu é seri sâa ma.

Ɉeremi 50:23

Babelɔŋ è kɛ̀ a kpɔ́-kpɔ, gɛ̀ ǹɔii-ŋuŋ-ŋai wôlo-wolo ŋ̀éniɛi gwaa kélee ma. Kɛ́lɛ, da gbɔ́-kpɔui tí fṹa-fũa a bɛlɛ-pɛlɛɛ. Ǹyaŋ tãi ǹɔii-ŋuŋ-ŋai kélee dí ǹaa kàa lai, dílaa è kpàla dîa dí yao m̀ɛnii kɛ̀ kɛ̂i lai ma.

Ɉeremi 9:11

Yâwɛɛ è mò ǹyɛɛi, “Ŋa pâi Zerusâlɛŋ wôloi, ŋá ǹaa kɛ́ a taa-pîleŋ ŋá. Ǹaa a pâi kɛ̂i a fɛnɛ-sãa pɔ́-taai. Ŋa pâi Zuda taa-lee-ŋai kélee lɛɛ̂i a búŋ. Núu da kélee fé pâi seêi naa.”

Woolaa 1:19

“Ŋá ḿarâai tôli, kɛ́lɛ dí ŋ́ɛi lɛ̀ɛ perêi. Zâla láa soŋ-ƃelai da ǹúu-pɔlɔ-ŋai da saa a puru daa-leei su. Dí kɛ̀ tɛ̂i dí kɛ́ yèŋ díkɔnɔ̃ŋ mɛni ma a gɛɛ dí lɛ́ɛ ɣele ma.

Woolaa 2:1

Ǹuu-namui è ǹíi ŋwàna Zãiyɔŋ ma é m̀ɛi pɛ́lɛ a kpíni. È ŋɔkɛ́tɛ-laai kùla ǹyêei é nàa lɛɛ a pilêŋ ŋá. È ǹyée kùla Ŋɔɣâla-pɛrɛ Kɛ́tɛi mu a lii ŋwâna.

Woolaa 2:10

Zãiyɔŋ nuu-pɔlɔ-ŋai dí maloŋ seɣe tòo dîa dí muluŋ pú díŋûa, dí sée ǹɔii ma dímɛi saá. Ǹɛnî-kpela-ŋai dí díŋuŋ pîlaŋ ǹɔii ma.

Woolaa 4:1

Ka gáa berei gôoi fé ŋɔ́nɔ fôloi lai. Gôo kpîŋ-kpiŋ maa a fáleŋ. Ŋ̀âla-pɛrɛ Kɛ́tɛi mu koni maa-waa-ŋai táa-taai daa lêei su.

Woolaa 5:16

Gâloŋ ƃɔrɔi kɛ̀ kúŋûai, a kula naa a too. Mɔ̃́lɛ-laa a pá kúpɔ kpɛ́ni fêi, kwa sɔnyɔ̂ŋ kɛ́.

Izikiɛ 26:16

À kɛ̀ tí, gâloŋ-ŋai díkaa ǹya-leei kɔlɛi da pâi kulâi díkâloŋ see-sɛŋ-ŋai ŋá dí pîlaŋ dí díkâloŋ-seɣe-ŋai kúla díkɔŋ ma da díseɣe lɛ́lɛɛ-ŋai. Da pâi dí maa ɣirîi a yao dísee ǹɔii ma díkɛ kpɛ̃lîŋ a tãi da pâi ká mɛi tûŋ mɛnîi lai.

Izikiɛ 26:2

“Núu-kpune ǹóŋ, Taya-ƃelai da lii-nɛɛ kulâi dîyɛɛi, ‘Zerusâlɛŋ a wólo. Ŋɔsɛŋ-kao tii kɛ́ mɛni-ŋai kélee su a kara. M̀ɛni ma, kú kɛ́-mɛni-ŋai mu a pá siɣêi.’

Izikiɛ 5:5

Yâwɛɛ Ɣâla è mò ǹyɛɛi, “Zerusâlɛŋ ká ŋí nyii ŋá zèe ǹɔii-ŋûŋ-ŋai sáma dítinaŋɔɔ m̀ai.

Levetekɔ 26:31

Ŋa pâi kátaa lee-ŋai su kara, ŋá káɣâla-pɔkɔɔŋ-ŋai fɛli kwaa-ŋai ḿâ su kara. Ŋa pâi ńyee kúlai kásâla-ŋai mu. Kákereŋ-sãa kúŋ nɛ̃ɛi da ƃɛlɛ fé pâi kɛ̂i ŋ́goi.

Levetekɔ 26:33

Ŋa pâi gɛ̂i kákpɔara-ƃelai dí kɔ́ pɛ́lɛ kâa kátaa-tàa lɔii ŋuŋ da kpɛni-ŋa su. Ŋa pâi kálɔii su karâi kátaa-lee-ŋai dílɛɛ a pilêŋ ŋá.

Sofoni 2:15

Nyíŋi ƃé kɛ̀ a daa-lêei nyii kɛ̀ dɔɔ́, maa tínaŋɔɔ a siɣãŋ, lii-nɛ̃̂ɛ kɛ́ ƃò ǹaa-ƃelai dîa, dí kɛ́ mò dîyɛɛ, “Itɔɔi kɛ̂tɛi é tɛ́ɛ daa kpéli-ŋai dîa.” Ká gáa berei káa ǹaa è la a vólo é kɛ́ a lɔɔ-sûa-ŋa kɛ̂i! Núui kélee a tɛ̂ɛ nàai, fɛ̂ɛ é ŋuŋ kpɛ́mɛŋ.

M̀ɛni-lɛɛi 18:7

Berei è gbîŋ folo-laai maa tɛ̂ la é tûa a ŋwana-lɔ̂ɔ-perei, ka ŋɛ̀i-maa-pêne da wɔ́lɔ tɛ́ɛ bɔ a maa-perei ti. Berei nɔ́ a mò la ǹíi su, nyɛɛ, ‘Ŋ́gaa see ni yɛ̂ɛ kâloŋ-nɛni, pɔɔ-nɛni fa ńyãa, fé wɔ́lɔ pâi wɔ̂lɔi,’