Wɛli 6:13 - Bible

¹³ Sulaŋ nɛni lɛ́lɛɛi, mãla. Kɛ́ mãlâi kú kɛ́ íkàa. Lé ƃé ka ŋ̀wɛ̂lii la ká kɛ́ ŋ́gàa, ŋ́gɛ mã̀la, mãla-ƃela kpulu feerɛ loai?

Wɛli 6:13 ပူးပေါင်းရင်းမြစ်များ

Zɛnɛse 32:2

Tãi è díkàa lai, è mò ǹyɛɛi, “Ɣâla ŋɔkɔ-kuluƃa-ŋai ká ŋí.” Mɛni ma è gwaai tí ma sèe a Maɣanaiŋ (zu-kulai ƃa ƃûu feerɛ).

Zɛnɛse 49:10

Zuda ŋɔkâloŋ-wurii fé pâi kulâi ǹyêei. Ŋɔsuui su ƃelai da pâi wɔ́lɔ kɛ̂i nɔ́ a kâloŋ ŋa. Lɔii-ŋuŋ ŋai da pâi kɛ̂i nɔ́ ŋuŋ-fela-fei tɛɛ̂i bɔ́.

Samia Veerɛi 17:24

Nya ƃe Deeƃé è pà Maanaŋ. Asalɔŋ è Zɔdiŋ Ya-leei tìyeŋ da Eezuɛ kɔ-kuluƃa-ŋai kélee.

Mąątɛ̨nɛ̨ 76:2

Ɣâla pɔ́-taai ƃa Zerusâlɛŋ. Zeɛ́ɛ káa Zãiyɔŋ Yeei ma.

Wɛli 1:6

Káfe káŋɛi nàɣiŋ ḿɛi, ŋ́gɔlɔ tɛi mɛ̂ni ma. Vóloi ƃé ńgɔlɔ tɛ̂i. Ńzaaƃɔ̂lɔ-ni dí dílii ŋwàna ḿâ, dí gɛ́, ŋ́gɛ gbɔmɔ kpâlaŋ-ŋai mɛi kâa. Fé ŋɔ́nɔ pɔrîi ŋ́gbîŋ kpɔmɔ-kpalaŋ mɛ̂i kâai.

Wɛli 2:14

Ŋá wɛli kɛ́-maa nuui, íkaa yɛ̂ɛ tòloŋ nyii a ǹoo gɔni wôloi su ǹyéei pɛ̂rɛ mai. Tɔɔ ŋá íŋɛi káa. Wule tóo, ŋá íwoo mɛ́ni, kpɛ́ni fêi, íwoo nɛ̃ɛ̂i, íŋɛi lâai lɛ́lɛɛ.

Wɛli 6:12

Kɛ́lɛ ŋá lɛ́ɛ pâi gɔ́lɔnîi, ńii è kɛ̀ nɛ̃ɛ̂i yɛ̂ɛ núu à kɛ̀ seêni kâloŋ ǹóŋ kɔlɛ ŋɔsoo sia-kêleŋ su gɛ́ kirɛ̂ sìɣe.

Azaya 8:6

“Zuda-ƃelai ŋí da díyee kúla ḿû ńyãai ŋ́gaa yɛ̂ɛ Siloa ya-ɣɛli-ŋai nyii-ŋai da ɣîliŋ a gɔlɔ saa mai. Da gbɛtɛ̂i a gɛɛ dí pá Gâloŋ Lesiŋ da Gâloŋ Peka pɔ́ naa kpɔŋ mâa mɛni ma.

Ɉeremi 3:22

Ka tínaŋ ká pá Yâwɛɛ pɔ́ káai káfe teniŋ ƃô-nii, a pâi ká ƃâloi é kákɛ a teniŋ ƃô-ƃela. Ká mó kâai, “Oei, Yâwɛɛ, kwa pâi ípɔ, kpɛ́ni fêi, yá ƃé íkaa a Kúɣâlai.

Lukə 15:10

É máŋ kɛ́ ti, ŋá m̀ó kâa, lii-nɛ̃ɛ káa Ɣâla ŋɔkéla-ŋai ŋɛi sɔnyɔ̂ŋ-nuu tɔnɔ mɛni ma nyii a ǹíi pènei.”

Lukə 7:44

Gɛɛ tínanîi nɛnîi pɔ naai, e mò Samaŋ ma, ǹyɛɛi, “Ya nɛnîi ŋi kâai? Ŋa lɔ̀ ípɛrɛi mu, ífe yá tɛɛ ni ḿbɔ ŋ́gɔɔ mɛni ma, kɛ́lɛ, nɛnîi a ŋ́gɔɔ yɔɔ a ŋ̀ɛi-ya, a dímaa kɔ̂ɔ a ŋ̀uŋ-leɣa.

Ɉaan 10:16

Ǹyaŋ ƃála-ŋa da kpɛni-ŋa díkaa ńyêei, nyii ve m̀ála-kpului ŋi su; fɛ̂ɛ ŋa pa a dia máŋ, da pâi ŋ́oo mɛnîi. Gɛ̀ ní, da pâi kɛ̂i a ƃála-kpulu tɔnɔ da ƃála mɛi-kaa-nuu tɔnɔ.

Ɉaan 9:7

E mò ma, ǹyɛɛi, “Lí í íŋɛi waa Saloaŋ-poai su” (nyii zu-kulâi ƃa Dí Dɛ̀ɛi). Nya ƃe e lì e ŋ̀ɛi wáa e pa pôlu, gɛ nâa kwaa kaa.

Lomaŋ 3:29

Ɣâla káa nɔ́ a Zûu-ŋai dia tɔnɔ Díɣâla? Vé a Zɛ̃tai-ŋai Díɣâla máŋ? Ooei, gáa a Zɛ̃tai-ŋai Díɣâla máŋ.

Lomaŋ 7:23

Kɛ́lɛ, ŋa tɔ̂ŋ da kpɛni kâa ŋ́gbonôi gɛ kɔ dɔ̂ŋ pɔ nyíi gáa ŋ́gili ŋái, nyíi a ŋ́gɛ̀ a luɛ a gɛ́ɛ ŋá kɛ́ sɔnyɔ̂ŋ ŋɔtɔ̂ŋ mu nyíi gáa ŋ́gbonôi.

Galatə 5:17

Kpɛ́ni fêi, núu ŋɔkɛ-pere-nyɔŋ tɔɔ̂i M̀ɔlêŋ ma, M̀ɔlêŋ ǹyaŋ tɔɔ núu ŋɔkɛ-pere-nyɔŋ ma; kpɛ́ni fêi, nyíi-ŋai tɔɔ̂i díkîe-ni dîa, a gɛ́ɛ káfe mɛnii kɛ̂ ka ŋ̀wɛ̂lii ká gɛ́i.

Tɛsalonikə veelɛ 1:10

Tãi a pâ la a maa-ɣelei ti a gɛ́ɛ ŋɔnûai dí ŋɔfólo-laai maa tɛ díƃâa kɛ́ m̀ai, kákelee ka pâi kɛ̂i dí sama, kpɛ́ni fêi, ka láa a kúsêre-faai.

Hebreu 7:2

Nya ƃe Eberaɣɛ̃ɛ è gɔ̃liŋ kélee buu-ɣelei tɛ̀ɛ bɔ. Maa-ŋuŋ, yɛ̂ɛ berei láai su-kulai káa lai, gáa a tɔ̃yâ-laa-kaloŋ, gɛ ƃò ŋɔ́nɔ a Salɛŋ-kaloŋ, nyíi su-kulai ƃa lii-sêe-kaloŋ.

Nwun mąąɓo 21:21

ká kɛ́ naa maa kpɛ̂ɛ. Silo nɛni-kpela-ŋai da pà díkɛ mãla, ka kúla a kîrɛ, ká dí soŋ. Ka dísòŋ, ka lí a dîa Bɛŋsima lɔii kpiniŋ su, ká díkɛ a kánɛyâa.