Taitɔ 3:2 - Bible

² Dífe mɛni nyɔ́mɔɔ ƃò é pîlaŋ núu da kélee ma. Dífe díyee pìli laa-saa-mɛni su. Dí kɛ́ a núu sɔŋ lɛ́lɛɛ-ŋa. Dí ƃaa-kɛ-maa lɛ́lɛɛ lɛ́ núu kélee ma.

Yálá laawoo hɛɓɛ (dc)

² Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee.

Yálá laawoo hɛɓɛ

² Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee.

Taitɔ 3:2 ပူးပေါင်းရင်းမြစ်များ

Samia Veerɛi 22:36

Yaâ íŋuŋ ma ƃô kɔli-kalaŋ tɛɛ ḿbɔ. Ya ŋ́gɛ a núu kɛ́tɛ.

Mąątɛ̨nɛ̨ 140:11

Tɔ́ɔ diai da lɛ́ɛ mɛni pɛ̀lɛ núu da mai, dí mɛni kpɛ́tɛɛi ŋàa sèe fé kɛ̀. Tɔ́ɔ mɛni kpɔ̂lu é láa ŋɛi-maa-nɛ̃ɛ-ƃelai dîa í dísu kara.

Hanwon 19:19

Fɛɛ lii-ŋwâna-nuu é ŋɔlii ŋwânai vela-fei sɔlɔ ƃó, kpɛ́ni fêi, ƃà gùla mɛnîi, da pâi ŋɔ́nɔ ítôlii a gɛɛ í ŋuŋ ma ƃó.

Hanwon 25:24

Ínyiɛɛ banaŋ ma lɛ̂lɛɛi é tɛ́ɛ la ka ínɛnîi ká kɛ́ ƃò pɛ́rɛ tɔnɔ mu nyii ǹaa-saai.

Hanwon 6:19

wôya-sere-faa kɛ́ɛ a núu láa, da káa-laa ŋɔŋ sɔ̂ɔ gîe-ma mɛni.

Azaya 40:11

A pâi ŋɔƃála-ŋai ŋá kɔnîi yɛ̂ɛ ƃála mɛi káa-nuu. A pâi ŋɔƃála lônii ŋá tɛ́i gîe m̀a ǹyée-tɔ̃ɔi, é lí a dîa. A pâi tɔ̂ɔi dílee-ni túɛ é lí a dia a gɔlɔ-saá m̀a.

Maafîu 11:29

Ka ŋákpîrii sìɣe ka ḿaa-mɛni maa kɔ́ri, kpɛ́ni fêi, ḿaa yeŋɔɔ̂i, ńii maa yeŋɔɔ. Gɛ̀ ní, ka pâi fii-tɔɔ sɔlɔ ƃôi kámɔ̂leŋ su.

Gɛlaɠaa 23:5

Pɔ̂ɔ ǹyɛɛ dîai, “Ŋánûa, fé gɔ́lɔŋ kɛ̀ a gɛ́ɛ ńyãa ƃa zâla láa soŋ-nuu kɛ́tɛi. Bɔ̃yɛɛ̂i Ŋ̀âla-kɔlɔi su, ‘Ífe lóno nyɔ́mɔɔ kɛ̀ é pîlaŋ ínûai mɛi-nuui ma.’ ”

Korɛntə dɔlɔɔ 6:10

kpaa máŋ ŋuma-ƃela, kpaa máŋ sɛŋ-wɛli-ƃela, kpaa máŋ lɔɔ-kpele-ƃela, kpaa máŋ diai da lôno núu mai, kpaa máŋ sɛŋ kula-yeei kɛ-ƃela, Ɣâla ŋɔkâloŋ-laai fe pâi kɛ̂i a dípɔɔ.

Korɛntə dɔlɔɔ 9:19

Kpɛ́ni fêi, berei máŋ ŋ́uŋ-ma ƃóɔi la ǹúui kélee yêei, ŋa ŋ́gbîŋ kɛ́ a luɛ núu kélee mɛni ma a gɛ́ɛ ŋa núu támaa líi pene.

Korɛntə veelɛ 10:1

Ńyãa Pɔ̂ɔ, ńyãa kpîŋ ŋa môi káa Kôrai ŋɔmaa-yêŋ da ŋɔsɔŋ-lɛ̂lɛi sârai, ŋà kɛ̀ ká ŋɛ́i ḿaa yeŋɔɔ̂i, kɛ́lɛ, ŋà wàla kɛ́ ká ŋɛ́i, ńii kpelêɛi!

Korɛntə veelɛ 12:20

Kpɛ́ni fêi, ŋ́gaa yáôi a gɛ́ɛ tãi da ŋà pà fa kákàa yɛ̂ɛ berei ŋa ŋ̀wɛ̂lii lai, káa máŋ káfa ŋ́gaa yɛ̂ɛ berei ka ŋ̀wɛ̂lii lai; tãi da laa-saa a pâi kɛ̂i kásama, tólo, lii-ŋwana, ŋɛi-kpala, laa-kara, laa-ƃo, lii-kɛtɛ, da woo-taa-taa.

Galatə 5:22

Kɛ́lɛ, M̀ɔlêŋ ŋɔƃá-ŋai ƃa, wɛli-kɛ-maa, lii-nɛ̃ɛ, lii-sêe, lii-kpele, sɔŋ-lɛlɛ, mɛni lɛ́lɛɛ kɛ́ɛ, kili-kɛ-maa,

Galatə 6:1

Ŋánûa, à kɛ̀ máŋ kà núu da kàa gɛ mɛni nyɔ́mɔɔ kɛ̀, káai M̀ɔlêŋ káa kákponôi ka pá a maa-nuui ti pôlu a pere lɛ́lɛɛ. Ka gɔ́lɔŋ a gɛ́ɛ ɣele da ka pâi pilîi yee-laa-maa su káa máŋ.

Galatə 6:10

Mɛni ma, tãi pɔ̂ri-maa káa la kúyêei, kwaa ku mɛni lɛ́lɛɛ kɛ́ núu kélee mi, é tela kɛ́ a diai díkaa a naa-lai su-ƃela-kpului.

Ifisiɛŋ 4:2

da maa-yeŋ-pere, ƃɛlɛ-laa, e pɛlɛ lii-kpele ma, a gɛ́ɛ ka kálii kpele kákîe-ni yêei wɛli-kɛ-maa su.

Ifisiɛŋ 4:31

Ka ƃó lii-ŋwana ma, lii-nyɔŋ, sóoŋ, larâŋ, da ŋɛi-kpala-sii kélee.

Filipə 4:5

Tɔɔ núu kélee e kálii-lɛ̂lɛi kɔlɔŋ. Kúnuu-namui a nâa lɛɣɛ.

Tɛsalonikə dɔlɔɔ 2:7

Kɛ́lɛ, ku kɛ̀ a kúsɔŋ lɛ́lɛɛ kásama yɛ̂ɛ berei nia-pɛlɛɛ mɛi-kaa-nɛni a ŋɔnîa-pɛlɛɛi mɛi kâa lai.

Timote dɔlɔɔ 3:11

Nɛyâai máŋ fɛ̂ɛ dí díkpîŋ mɛi kaa, dífe kɛ̀ a laa-karaa-ƃela, kɛ́lɛ, dí kɛ́ a nuu sãa-ŋa mɛni kélee su.

Timote dɔlɔɔ 3:3

Vè kɛ̀ a lɔɔ-kpele-nuu, kpaa máŋ a ŋɛi-tɛ-nuu, kɛ́lɛ, é kɛ́ a maa yeŋɔɔ. Vè kɛ̀ a laa-saa-nuu, kpaa máŋ é kɛ́ a sɛŋ-kao wɛli-nuu.

Zĩi 3:17

Kɛ́lɛ, dárei nyíi a kûla ŋ̀elei sui, mɛnii gáa ma a maa-ŋuŋ, ǹyaa ƃa maa-waa-laa, lii-sêe kɛ́ ƃo zu, sɔŋ-lɛlɛ kɛ́ ƃo zu, woo-mɛni kɛ́ ƃo zu, ǹáa fɛ́ɛ a maloŋ kâa da tii-lɛlɛ, woo-kɛ-ńâ-feerɛ fé zu, kiri-mɛni fé zu.

Zĩi 4:11

Ŋánûa, káfe kákîe-ni láa nyɔ́mɔɔ ƃo. Ǹúui a m̀arâŋ-nuu láa nyɔ́mɔɔ ƃò, kpaa máŋ é ŋɔmɛnii ŋá téei, gɛ̀ ní a lóno nyɔ́mɔɔ kɛ́ a pîlaŋ dɔ̂ŋ ma, a dɔ̂ŋ ŋɔmɛnii ŋá tée. Kɛ́lɛ, à kɛ̀ yà dɔ̂ŋ ŋɔmɛnii ŋá tèe, gɛ̀ ní ífe a dɔ̂ŋ ŋɔtûa-kɛ-nuu, kɛ́lɛ, íkaa a mɛni-ŋa-tee-nuu.

Piɛrə dɔlɔɔ 2:1

Mɛni ma ka tée lii-ŋwana kélee ma da wôya-mɛni kélee. Ka kɛ́ a tɔ̃yâ-ƃela. Ka tée tólo ma da laa-kara-mɛni kélee.

Piɛrə dɔlɔɔ 3:10

Kpɛ́ni fêi, “Ǹúui à fulu-laa wɛ̀li a gɛɛ é ɣele lɛ́lɛɛ-ŋa kaai, fɛ̂ɛ é ǹɛ́ŋ kúla mɛni nyɔ́mɔɔ su é ǹá kúla kiri-mɛni ƃóɔ sú.

Piɛrə dɔlɔɔ 3:8

Gbɛɛ-ŋai, kákelee kákili é kɛ́ tɔnɔɔ, maloŋ-see é kɛ́ káyêei, ká kákîe-ni wɛ́li, maloŋ-kaa é kɛ́ káyêei da líi-maa-yeŋɔɔ.

Piɛrə dɔlɔɔ 4:4

Díla è kpàla dia a gɛɛ dí kákaa ka dîa-ni káfe zu tɔnɔɔ dítûa-pere-nyɔŋ su da berei dífa díkpîŋ mɛi kâa lai. Da laa-nyɔŋ sèe kâa.

Piɛrə veelɛ 2:10

é téla kɛ́ kpɔ́ a diai da díwoli tɔ̀ɔ tua-pere-nyɔŋ maa-sɛŋ-wɛliɛ ma nyíi a núu kàrai, da diai da díŋɛi nàɣîŋ ǹúu-tuɛ-ƃelai mɛi. Dílii-kpeleɛɛ, díŋuŋ su kpanaŋɔɔ, dífa yao a lóno nyɔ́mɔɔ-kɛɛ é pîlaŋ la Ɣâla ŋɔfólo-laai ma,

Zûu 1:10

Kɛ́lɛ, ǹûai ŋí da lóno nyɔ́mɔɔ kɛ̀ é pîlaŋ mɛnii kélee ma dífa târe zui. Ǹyaŋ mɛni-ŋai da târe zu díkpîŋ kponôi yɛ̂ɛ sua-ŋa nyíi-ŋai târe fé díyêei, ǹya ƃa dísu kàra.

Zûu 1:8

Kɛ́lɛ, é máŋ kɛ́ tí, bere-sii tɔnɔi ŋí su, ǹûai ŋí máŋ da núu kpono kara díkili-ŋa-sia nyɔ́mɔɔi su. Dífa díwoli tɔ̀ɔ ǹúu-tuɛ-ƃelai dîa, díkɛ lóno nyɔ́mɔɔ kɛ̀ gɛ́ pîlaŋ Kôrai ŋɔfólo-laai ma.