Taitɔ 3:14 - Bible

¹⁴ Tɔɔ kúnûai dí berei maa kɔ̂ri da pɔ̂ri díkpîŋ pui la tíi lɛ́lɛɛ-kɛɛ sui, a gɛɛ dí kpɔŋ diai dîa da kpɔŋ-maa wɛ̀lii. Dífe kɛ̀ nɔ́ yɛ̂ɛ ŋ̀úrii nyíi m̀á fé ŋ̀ái.

Yálá laawoo hɛɓɛ (dc)

¹⁴ Mąąnɛ̨ɛ̨ gu wɔ nuąi diɛ kpɛlimąn di kɛnɛ̨ mɛ̨nį lɛlɛɛ kɛɛ hu, əgɛ, mɛ̨nį ta a kulɔ, diɛ pɛli ɲąąlɔi, yili a kɛ tii, di tɔlɔ hva kpɛɛ diɛ.

Yálá laawoo hɛɓɛ

¹⁴ Mąąnɛ̨ɛ̨ gu wɔ nuąi diɛ kpɛlimąn di kɛnɛ̨ mɛ̨nį lɛlɛɛ kɛɛ hu, əgɛ, mɛ̨nį ta a kulɔ, diɛ pɛli ɲąąlɔi, yili a kɛ tii, di tɔlɔ hva kpɛɛ diɛ.

Taitɔ 3:14 ပူးပေါင်းရင်းမြစ်များ

Azaya 61:3

Diai díkaa maloŋ tôo maa su Zãiyɔŋ, ŋá pâi díŋa-nɛnɛ̂i. Ŋa pâi kâloŋ ƃɔrɔ lɛ́lɛɛ seêi díŋûa luu pɔ́ɔ ŋá. Ŋa pâi wúlɔ pûi díŋûa lii-nɛ̃ɛ kɛ́ ƃò dîa dífa ŋɔ́nɔ malôŋ see ƃò. Ŋa pâi gɛ̂i nûa díkɛ dílaa ma yɛ̂ɛ núu a yokpo tòo ma. Ŋa pâi ǹii-too pôlu mɔleŋ kulâi díkponôi. Da pâi dítôlii a teniŋ ƃô wuru-ŋa nyii Yâwɛɛ ǹyaa kpîŋ è zì a gɛ́ɛ nûa díkɛ ǹáa màa tɛ̀.

Maafîu 21:19

È fîi wuru tɔnɔ kàa berei kɔlɛ é lí naa, kɛ́lɛ, ve m̀á kaa ní ŋ̀á fɛ̂ɛ nɔ ǹáa. Nya ƃe è mò ma, ǹyɛɛi, “Ífa ŋɔnɔ wɔlɔ ƃà!” Nya ƃe fîi-wurii è kpàla nɔ́ ŋá ma.

Maafîu 7:19

Ŋúrii nyii kélee m̀á fa kɛ̂ a ǹɛ́lɛɛi, da dèe dí bili ŋɔŋ ŋá.

Ɉaan 15:16

Káfe ńziɣe ni. Kɛ́lɛ, ŋá kásìɣe ŋá kálɛ a gɛɛ ká lí ká ƃa a gɛɛ ǹyaŋ káƃa é lɛ́ɛ. A gɛɛ sɛŋ kélee ka m̀are-kɛ̂ɛ kɛ̀ Nàŋ-nuui ma ńaai sui é dɛɛ kápɔ.

Ɉaan 15:8

Nyíŋi mɛni ƃé Ńâŋ ŋɔfólo-laai maa tɛ̂ɛi la a gɛɛ ká ƃá a dámaa, ǹyaŋ à kɛ̀ tí, ká kɛ́ a ḿbôlu-ƃela.

Gɛlaɠaa 18:3

Da dîa-ni dí kɛ̀ naa díkɛ tíi kɛ̀ gîe ma. Ƃûu tɔɔ tii ƃé ŋɔkɛ-ɣeniɛi kɛ̀ zu.

Gɛlaɠaa 20:35

Ŋa ǹɛ́ kâa mɛni kélee su a gɛ́ɛ fɛ̂ɛ núu é kpɔŋ maa tɛɛ vii-kpɛɛ-ƃelai pɔ́ tíi kɛ́ɛ su Kúnuu-namui Zîsɛ ŋɔwóoi é lɛ́ɛ gíli ŋá, berei è mò la, ǹyɛɛ, ‘Gáa a lûwa támaa a gɛ́ɛ núu é ƃɛlɛ-see kɛ́ é tɛ́ɛ ƃɛlɛ-see sɔlɔ ƃóɔɔ ma.’ ”

Lomaŋ 12:13

Ka zãâi tɛ́ɛ Ŋ̀âla-ƃelai pɔ nyíi-ŋai maa-kpaaŋ káa dîa. Ka ŋɛi-pono maa kɔri.

Lomaŋ 15:28

Mɛni ma tãi ŋà nyíŋi kpɛ̀ɛ la, ŋá zɛŋ-kaoi tɛ́ɛ dípɔ Zɛ̃tai-ŋai dí bu gîe mai, ŋa pâi tɛɛ̂i a kápɔ naa-pere ŋá lí Sipîŋ;

Ifisiɛŋ 4:28

Ŋuma-nuu fe ŋɔ́nɔ ŋuma kɛ̀. Tɔɔ é tíi kɛ́ a ǹyée tɔ̃yâ-pere su, a gɛ́ɛ sɛŋ da é kɛ́ ǹyêei é da tɛɛ ǹúui pɔ a da wɛlii.

Filipə 1:11

Kálaa fɛɛ̂i a tɔ̃yâ laa-la ŋɔƃa nyíi pa Zîsɛ Kôrai sârai Ɣâla ŋɔfólo-laai da ŋɔlaa-maa-tɛi mɛni ma.

Filipə 4:16

kpɛ́ni fêi, ka kpɔŋ-maa tɛ̀ɛ ḿbɔ máŋ Tɛsɛlonaika é tɛ́ɛ tɔnɔɔ ma.

Filipə 4:17

Zu-kulai fa a gɛ́ɛ ŋa sama-sɛŋ kɔ́rîi; kɛ́lɛ, ńii lâai zɛŋ mɛni ma Ɣâla a pâi dɛɛ̂i kápɔ zama-sɛŋ mɛni mai.

Kolosə 1:10

a gɛ́ɛ kútûa-perei é kɛ́ a maa nɛ̃ɛ Kúnuu-namui mɛni ma, ǹíi é láa zu kpɔ́ a ǹɛ́lɛɛ, ká ƃá tíi lɛ́lɛɛ kélee su, ká ƃɔlɔ Ɣâla mɛni kɔlɔŋɔɔ su.

Tɛsalonikə dɔlɔɔ 2:9

Kpɛ́ni fêi, ŋánûa, kútii da kúmɔ̃lɛi maa-mɛni káa kákili ŋá; ku tíi kɛ̀ a kpini da folo a gɛ́ɛ tãi ku kɛ̀ Ɣâla ŋɔtuŋ lɛ́lɛɛi ƃôi la kâai, kúfe kátà tɔnɔ kpîŋ kpàaŋ.

Tɛsalonikə veelɛ 3:8

Kúfe núu da kélee ŋɔmii-sɛŋ mii ni nyíi kúfe vela-fei kɛ́ ni, kɛ́lɛ, ku tíi kɛ̀ a kpini da fólo a gbanaŋɔɔ a gɛ́ɛ kúfe kátɔnɔ kpîŋ kpàaŋ.

Taitɔ 2:8

Lóno lɛ́lɛɛ kɛ́ nyíi m̀aa kulâi kélee fé ma, a gɛɛ ǹúui a tɔ̂ɔ kûai, ŋumɛ é zoŋ. Mɛni nyɔ́mɔɔ kélee da fé kɛ̀ ǹá é m̀ó é pîlaŋ kûa.

Taitɔ 3:8

Ŋ̀óo-ŋai ŋí díkaa a tɔ̃yâ. Ŋa ŋ̀wɛ̂lii a gɛɛ í ŋ̀óo-ŋai ŋí lɛ́ kpɔ́ a gbanaŋɔɔ a gɛɛ diai dí lâai a Ɣâlai, dí díkpîŋ mɛi káa, dí díkpîŋ pú mɛni lɛ́lɛɛ-kɛɛ su. Ŋ̀óo-ŋai ŋí lɛ́lɛɛ̂i kpɔ́ a ŋánaa, dí ƃo a kpɔŋ-maa núu-kpune mɛni ma.

Piɛrə veelɛ 1:8

Kpɛ́ni fêi, à kɛ̀ zãai ŋí kélee díkaa káyêei a náa-fɛɛ, da pâi kákɛ̂i ká tíi lɛ́lɛɛ kɛ́ ká ƃá Kúnuu-namui Zîsɛ Kôrai maa-tarei su.