Taitɔ 2:13 - Bible

¹³ Kúkaa ǹíi-nɛ̃ɛ kili-kɛ-zui maa kpɛnii, nyíi gáa a Ŋ̀âla kɛ́tɛi, Zîsɛ Kôrai, pa-mɛni fólo-laa su,

Yálá laawoo hɛɓɛ (dc)

¹³ guɔ gu wɔɔ Yálá kɛnɛ̨i da gu Nąmu Jesus Kristə, gu ɓalomun ŋą hvoló mąąwia mąąkpɔn na a kilitɔɔmąą laa.

Yálá laawoo hɛɓɛ

¹³ guɔ gu wɔɔ Yálá kɛnɛ̨i da gu Nąmu Jesus Kristə, gu ɓalomun ŋą hvolo mąąwia mąąkpɔn na a kilitɔɔmąą laa.

Taitɔ 2:13 ပူးပေါင်းရင်းမြစ်များ

Azaya 25:9

M̀aa ɣêlei tí, núu-kpune kélee da pâi m̀ôi dîyɛɛi, “Kúɣâlai ká ŋí. Ǹyaa ƃe kwa wɔ́lɔ m̀aa kpɛ̂nii a gɛɛ é kúŋuŋ ma ƃó. Ǹyaa ƃa Yâwɛɛ nyii kúkili tɔɔ̂i mai. Kwaa lii-nɛ̃ɛ kula, kpɛ́ni fêi, a kúŋuŋ ma ƃó.”

Maafîu 16:27

Núu-kpune Ǹóŋ a pâi pâi a Ŋɔɣâla-taa kela-ŋai Ǹâŋ ŋɔfólo-laai su, gɛ̀ ní, a pâi núu kélee fela fêi tɛi-tɛi ŋɔtii-kɛ-pere ma.

Maafîu 25:31

“Kɛ́lɛ, tãi núu-kpune Ǹóŋ a pâi pâi la ŋɔfólo-laai su da Ŋ̀âla-taa kela-ŋai kéleei, a pâi seêi ŋɔfólo-laai su-kaloŋ-see-sɛŋ ŋá.

Maafîu 26:64

Zîsɛ è mò m̀a, ǹyɛɛi, “Yâa m̀ó. Kɛ́lɛ, ŋá m̀ó yâ, é síɣe tãi ŋí mâ ka pâi núu-kpune Ǹóŋ kâai see ni Ŋ̀wála-wâla-laai láa-mii-yee mɛi, gɛ pa ŋele-kɔlɔŋ kole-ŋai su.”

Markə 14:62

Zîsɛ ǹyɛɛ m̀ai, “Ńyãa ƃa ǹyaa. Ka pâi núu-kpune Ǹóŋ kâai seêni Ŋwála-wala-laai láa-mii-yee mɛi, gɛ́ ƃò ŋ̀ele-kɔlɔŋ kole-ŋai su gɛ̀ pà.”

Markə 8:38

À kɛ̀ núu da à ŋùmɛ é pîlaŋ ḿâ da ŋáwooi, ŋ̀ulu-wulu kɛ́ɛi da zɔnyɔ̂ŋ ɣéniɛi ŋí su, gɛ̀ ní, ŋ̀elei núu-kpune Ǹóŋ à pà lai, da Ŋ̀âla-taa-kela maa waa-ŋai, Ǹâŋ ŋɔfólo-laai kɛ́ ƃò bôlui, a pâi ŋumɛ̂i é pîlaŋ ǹúui tí ma.”

Gɛlaɠaa 24:15

Kili-kɛ-zu káa ńyêei Ɣâla mɛni ma, nyíi dia kpîŋ da díyee see mu a gɛ́ɛ mu-siɣe saa-yeei a pâi kɛ̂i naa tɔ̃yâ-ƃela mɛni ma da diai dífe a tɔ̃yâ-ƃelai.

Lomaŋ 15:13

Gili-kɛ-zu-Ɣalai é kálaa fɛ́ɛ a Líi-nɛ̃ɛ da lii-sêe laa-la su, a gɛ́ɛ kili-kɛ-zu támaa é kɛ́ káyêei M̀ɔlêŋ Maa Waai ŋɔwála-walai sârai.

Lomaŋ 5:5

Kili kɛ-zu fa kúŋùmɛ, kpɛ́ni fêi, Ɣâla ŋɔwɛli kɛ́-maai puɔɔ̂i kúlii su M̀ɔlêŋ Maa Waai sârai, nyíi Ɣâla è dɛɛ kúpɔi.

Lomaŋ 8:18

Ǹáâi la a gɛ́ɛ lonii-ma mɛni-solii fe máŋ a sɛŋ ku gɔ́ɔ̂ŋ volo-laai ma nyíi pâi lɛ̂i kûai.

Korɛntə dɔlɔɔ 1:7

a gɛ́ɛ M̀ɔlêŋ ŋɔsama-sɛŋ da kélee fe kpɛ̀ɛ káyêei, tãi kákaa Kúnuu-namui Zîsɛ Kôrai maa-kpɛnii la a gɛ́ɛ e gbîŋ lɛ kâa;

Korɛntə veelɛ 4:4

Diai laa-la fe díyêei ŋ̀éniɛi ŋí su-ɣalai a díkili ŋá tɛ̀i a gɛ́ɛ dífe Kôrai ŋɔfólo-laai maa-tuŋ lɛ́lɛɛi ŋɔkwaa-ponoɔi kàa, nyíi gáa a Ɣâla-pɔɔkɔ̂ŋ.

Korɛntə veelɛ 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Kolosə 1:23

Nyíŋi a pɔ̂ri kɛ̂i à kɛ̀ kà lɛ̀ɛ nɔ́ naa-lai su, kálii kɛ́ ƃo tɔnɔɔ ka fɔlɔ-fɔlɔ, káfa kákili kùla Duŋ Lɛ́lɛɛi ŋɔkili-kɛ-zui su nyíi ká mɛ̀nii. Duŋ Lɛ́lɛɛi ŋí e ƃo ŋeniɛi su gwaa kélee, nyíi ńyãa Pɔ̂ɔ ŋá kɛ̀ a maa-tii-kɛ-nuui.

Kolosə 1:27

Ɣâla e gbɛ̀tɛ gíli ŋá a gɛ́ɛ e nɛ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.

Kolosə 1:5

Kálaa-lai da káwɛli-kɛ-maai da kûla gili-kɛ-zui su nyíi ǹáâi kɛ́ɛ̂i kámɛni ma Ɣâla-taai. Ká gili-kɛ-zui ŋí maa-mɛni mɛ̀ni a maa-ŋuŋ dɔ̃yâ-wooi su, nyíi gáa a Duŋ Lɛ́lɛɛi.

Kolosə 3:4

Tãi Kôrai, nyíi gáa a kúfulu-laai, a pâi kulâi lai, gɛ̀ ní káa máŋ ka dîa-ni ka pâi kulâi folo-laa su.

Tɛsalonikə veelɛ 2:16

Tɔɔ Kúnuu-namui Zîsɛ Kôrai ǹyaa kpîŋ da Kúɣâla-taa-naŋ, nyíi kúwɛ̀lii, é wɔlɔ-wɔlɔ ŋa-nɛnɛ tɛ̀ɛ kúpɔ da kili-kɛ-zu lɛ́lɛɛ ƃɛlɛ-sêe sârai.

Tɛsalonikə veelɛ 2:8

Ɣâla a pâi ŋ̀wana-lɔ̂ɔ-nuui lɛ̂i, Kúnuu-namui Zîsɛ é bàa a Ǹɛ̃wo, é zu kara a ŋɔpâi.

Timote dɔlɔɔ 1:1

Ńyãa Pɔ̂ɔ, ŋ́gaa a Zîsɛ Kôrai ŋɔsia-nuu yɛ̂ɛ berei Kúƃalo-nuui Ɣâla è m̀o la Zîsɛ Kôrai sarâi nyíi gáa a kili-kɛ-zui.

Timote veelɛ 1:2

Temete, nyíi gáa a ŋáwɛli-kɛ-maa-loŋ: Ƃɛlɛ-sêe, maloŋ-kaa, da lii-sêe dí kúla Kúnâŋ Ɣâla yêei da Kúnuu-namui Zîsɛ Kôrai dí pá ípɔ.

Timote veelɛ 4:1

Ŋa m̀ôi yâ Ɣâla ŋɛi da Zîsɛ Kôrai, nyíi pâi vulu-ƃelai da zaa-ƃelai dímɛnii ŋá têei, nyíi da ŋɔkâloŋ-laai da pâi pâi:

Timote veelɛ 4:8

Tɔ̃yâ-laa maa-ƃɔrɔi lâai kɛ́ɛ̂i naa ḿaa-mɛni ma, nyíi Kúnuu-namui, nyíi gáa a dɔ̃yâi ŋɔmɛni-ŋa tee-nuui, a pâi ḿaa pui la a maa-Ɣelei ti, ńyãa tɔnɔ nɔ́ fêi, kɛ́lɛ, a pâi máŋ ǹúui kélee maa pui ma nyíi-ŋai da Kúnuu-namui ŋɔpâi wɛ̀li.

Taitɔ 1:2

Kwa dîa-ni ŋwɔlɔ-wɔlɔ fúlu-laai maa-kili kɛ-zui káa kúyêei nyíi Ɣâla, nyíi va lɛ́ɛ kɛ̀i, è góno tèe la a tãi su kôyai.

Taitɔ 1:4

Ŋa gɔlɔi ŋí pɔ̃yɛ̂i Taitɔ pɔ́, nyíi gáa a tɔ̃yâ-loŋ nyíi kwa ǹyaa kúlaa-lai káa tɔnɔɔi. Ƃɛlɛ-sêe da lii-sêe dí kúla Kúnâŋ-Ɣâla yêei da Kúƃalo-nuui Zîsɛ Kôrai dí kɛ́ yâ.

Taitɔ 3:4

Kɛ́lɛ, tãi Kúƃalo-nuui Ɣâla ŋɔmɛni lɛ́lɛɛi da ŋɔwɛli-kɛ-maai gáa núu-kpune mɛni mai dí pa lai,

Hebreu 9:28

bere nɔ ƃe Kôrai nyíi gbîŋ tɛ́ɛ nɔ́ zu tɔnɔ a gɛɛ é núu támaa dísɔnyɔ̂ŋ siɣei, a pâi pâi la a tãi veerɛi. Vé pâi sɔnyɔ̂ŋ mɛni ma, kɛ́lɛ, a pâi diai ƃálôi díkaa m̀aa kpɛnii kpɔ́ a gbanaŋɔɔi.

Piɛrə dɔlɔɔ 1:3

Lûwa é kɛ́ Zîsɛ Kôrai Ŋɔɣâlai da Ǹâŋ ma! Ŋɔmaloŋ-kaa kɛ́tɛi su, da ŋɔ́nɔ kúmaa sɔlɔ ƃó a nina kwa kɛ́ fulu-laa kili-kɛ-zu su, Zîsɛ Kôrai ŋɔmu-siɣe saa-yeei sârai,

Piɛrə dɔlɔɔ 1:7

a gɛɛ kálaa-lai ŋɔsu-kɔɔŋ é kɛ́ laa-maa-tɛ su, da ƃaa-kɛ-ma, é pɛ́lɛ folo-laa ma a Zîsɛ Kôrai pá tãi. Ǹaa-lai nyíi mɛni kpanaŋɔɔ̂i é tɛ́ɛ gôo ma nyíi a karai, berei máŋ da gɔ̀ɔŋ la a ŋɔŋ.

Piɛrə veelɛ 1:1

Ńyãa Samaŋ Pitɛ, ŋ́gaa a Zîsɛ Kôrai yée-mu-nuu da ŋɔsia-nûu, Diai ǹaa-laa maa-mɛni kpanaŋɔɔi sɔlɔ ƃo nyíi da kúwɔ̂i dí pɔ̂riɛ̂i dɔ̃yâ-laai sârai nyíi kùla Kúɣâlai da Kúƃalo-nuui Zîsɛ Kôrai yêei.

Piɛrə veelɛ 3:18

Kɛ́lɛ, ka ƃɔlɔ Kúnuu-namui da Kúƃalo-nuui Zîsɛ Kôrai ŋɔƃɛlɛ-sêei su da ŋɔtárei. Fólo-laa é kɛ́ ma sâa da wɔlɔ-wɔlɔ. É kɛ́ ti.

Zɔ̂ŋ Maa-ŋuŋ 4:14

Ǹyaŋ kwa gáa, kwa maa-seri-faa kɛ́ a gɛɛ Nàŋ-nuui è Nòŋ-nuui tɛ̀ɛ a gɛɛ é kɛ́ a ǹɔii-Ƃalo-nuu.

Zûu 1:21

Ka kákpîŋ kɛ́ Ɣâla ŋɔwɛli-kɛ-maai su. Ka Kúnuu-namui Zîsɛ Kôrai ŋɔmaloŋ kaai maa kpɛ́ŋ nyíi pâi wɔlɔ-wɔlɔ fulu-laa tɛɛ̂i kápɔi.

M̀ɛni-lɛɛi 1:7

Gáa, gáa pâi ɣele-kɔlɔŋ kole-ŋa su, ǹyaŋ ŋɛ́i kélee a pâi gâai diai zɔ̀ɔ a kpálai, ǹyaŋ sîi kélee gáa ǹɔii sui, a pâi wɔ̂lɔi m̀aa mɛ̂ni ma. Bere ƃe a pâi kɛ̂i la. É kɛ́ tí.