Taitɔ 1:8 - Bible

⁸ Kɛ́lɛ, fɛ̂ɛ é kɛ́ a ǹúui a nûa sòŋ a ǹɛ́lɛɛi, mɛni lɛ́lɛɛ-kɛɛ wɛ̂li-nuu, ǹúui gíli káa ǹyêei, tɔ̃yâ-nuu, núu maa wâa, da ǹúui a gbîŋ mɛi kâai.

Yálá laawoo hɛɓɛ (dc)

⁸ Mąąnɛ̨ɛ̨i ə kɛ a, nui ɲɛ̨i ponoɔ nu kəlee tɔwɔ, mɛ̨nį lɛlɛɛ wɛli ə ɓo mą, ɲee pɛliɛ gbɔwɔ ɓa mɛ̨nį kəlee hu, ɉaŋąą, mąąhəɠɛɛ, bɛliɛ gbɔwɔ mu,

Yálá laawoo hɛɓɛ

⁸ Mąąnɛ̨ɛ̨i ə kɛ a, nui ɲɛ̨i ponoɔ nu kəlee tɔwɔ, mɛ̨nį lɛlɛɛ wɛli ə ɓo mą, ɲee pɛliɛ gbɔwɔ ɓa mɛ̨nį kəlee hu, ɉaŋąą, mąąhəɠɛɛ, bɛliɛ gbɔwɔ mu,

Taitɔ 1:8 ပူးပေါင်းရင်းမြစ်များ

Tɔɔɓɛlaa dɔlɔɔ 5:1

Saloma kɛ́ɛ a lɛɛ ǹâŋ pɔ́ɔ ŋá a kâloŋ, Taya Kaloŋ Iraŋ nyíi kɛ̀ a Deeƃé m̀arâŋ-nuu lɛ́lɛɛ a zu kôyaai, è ǹyée mu-ƃela tɛ̀ɛ Saloma pɔ́-naa.

Tɔɔɓɛlaa dɔlɔɔ 5:7

Iraŋ kɛ́ɛ a Saloma ŋɔworɛ̂-wooi mɛnii, ǹíi è ǹɛ̃ɛ kpɔ́ a zu kɛ́tɛ, ǹyaŋ è mò ǹyɛɛi, “Lûwa é kɛ́ Yâwɛɛ ma sâa, nyíi è lóŋ surɔŋ táreɛɛ tɛ̀ɛ Deeƃé pɔ́ a gɛ́ɛ é kɛ́ ǹûa kpɔŋ ŋí mɛi.”

Mąątɛ̨nɛ̨ 16:3

Ínuu maa waa-ŋai maa mɛ̂ni kpanaŋɔɔ̂i. Ńii lâai a dímaa mɛ̂ni.

Amɔsə 5:15

Ka mɛni nyɔ́mɔɔ kpɔara, ká mɛni lɛ́lɛɛ wɛ́li, ká tɔ̃yâ-laa kɛ́ ǹûai sáma. Tãi da ƃɛlɛ-see a pâi kɛ̂i Ɣâla Yâwɛɛ yêei Zosɛ ŋɔsuui kpêli-ŋai mɛni ma.

Lukə 2:25

Nalôŋ tɔnɔ ƃe kɛ̀ naa Zerusâlɛŋ, ǹáa ƃe kɛ̀ a Simiɔŋ, nyii kɛ̀ a sɔŋ-lɛlɛ-nuu, gɛ ƃo a Ɣâla mɛni wɛliɛ, nyii kɛ̀ Eezuɛ ŋá-nɛnɛ-ɣele maa kpɛ̂nii. M̀ɔlêŋ Maa Waai e kɛ̀ mɛ̀i.

Gɛlaɠaa 24:25

Pɔ̂ɔ kɛ́ɛ a lóno a pîlaŋ tɔ̃yâ laa-la ma, da nuu-kpiŋ mɛi-kaa ma, e pɛlɛ mɛni-ŋa-teɛɛi ma nyíi pâi pâi, Feli e yào, ǹyɛɛi, “Lí nâa; ŋà tãi kàa ŋa pâi ítolîi.”

Tɛsalonikə dɔlɔɔ 2:10

Kákaa a sere-ŋa, Ɣâla máŋ kɛ́ ƃo a sere a gɛ́ɛ kútûa-perei è kɛ̀ a maa waa tɔ̃yâ-pere su kúsɔŋ fe kua káai a ǹaa-la-ƃelai kásama;

Timote dɔlɔɔ 3:2

Fɛ̂ɛ Kôrai-toli-kpɔŋ ŋɔtii-mɛi-nuu é kɛ́ a ǹúui ǹáa lɛ́lɛɛ káa m̀arâa lá, nɛnî tɔnɔ nɔ́ kɛ́ ƃo ǹyêei, gɛ́ gbîŋ mɛi kâa, gíli ŋá ponoɔ, dûa-pere lɛ́lɛɛ, gɛ núu soŋ a ǹɛ́lɛɛ, sɛŋ-lɛ-tare kɛ́ ƃo ǹyêei.

Timote dɔlɔɔ 4:12

Ífe ǹɛɛ naa núu fé ŋɛi naɣîŋ ímɛi a gɛ́ɛ íkaa a lôloŋ, kɛ́lɛ, naa-la-ƃelai lɛ́ a mɛni-kɔɔŋ-maa ílono-woo su, ítûa-pere su, wɛli-kɛ-maa su, laa-la su, da maa-waa-laa su.

Timote dɔlɔɔ 6:11

Kɛ́lɛ, à kɛ̀ a yái íkaa a Ɣâla ŋɔnúui, tée nyíŋi kélee ma; kɔ́ a gɛ́ɛ í kɛ́ a tɔ̃yâ-nuu, í kɛ́ a Ɣâla-mɛni kɛ́-nuu, laa-la é kɛ́ íyeêi, wɛli-kɛ-maa, fɔlɔ-fɔlɔ, da sɔŋ-lɛlɛ-laa.

Timote veelɛ 2:22

Mɛni ma dîai da Kúnuu-namui láa tòli é kúla líi maa waa sui, ka dîa-ni ka kasu kula tua-pere-nyɔŋ maa-sɛŋ wɛliɛ ma nyíi gáa ǹúu-tɔɔ-ŋai yêei, ká tɔ̃yâ laa-la kɔ́ri, laa-la, wɛli-kɛ-maa, da lii-sêe.

Timote veelɛ 3:3

da pâi kɛ̂i a ŋɛi-kpala-ƃela, ǹûai dífe lii-sêe wɛli ni díloai da díƃarâai, laa-kara-ƃela, ǹûai dífa díkpîŋ mɛi kâai, ŋwana-lɔ̂ɔ-ƃela, mɛni lɛ́lɛɛ kpɔara-ƃela,

Taitɔ 2:7

Íkpîŋ lɛ́ pere-sii kélee su a mɛni-lɛ́lɛɛ-kɛɛ ŋɔŋɛ́i kɛ́-maa. Dɔ̃yâai lɛ́ da mɛni-soŋɔɔ a gbanaŋɔɔ ísɛŋ-lɛɛi su.

Zɔ̂ŋ Maa-ŋuŋ 3:14

Kú gɔlɔŋ a gɛɛ kwa pá fúlu-laa su. Kpɛ́ni fêi, kú ǹûai wɛ̂li ni. Ǹúui wɛli-kɛ-maa fé ǹyêei a lɛ̂ɛ saa su.

Zɔ̂ŋ Maa-ŋuŋ 5:1

Ǹúui kélee a lâa la a gɛɛ Zîsɛ káa a Kôrai, maa-nuui káa a Ɣâla ǹóŋ. Ǹúui kélee a nàŋ-nuui wɛ̂lii, è ǹônii wɛ́li ni máŋ.

Samuɛlə dɔlɔɔ 18:1

Sɔ̂ɔ da Deeƃé dí kpɛ̀ɛ lônoi, Deeƃé da Zonetaŋ dí ŋɔ́nɔ dílawoi-laa pù gîei. Zonetaŋ a kâa Deeƃé kàa nɔ́ yɛ̂ɛ berei a kâa gbîŋ kàa lai.