Sofoni 3:17 - Bible

¹⁷ Íɣâlai Yâwɛɛ káa íkɔlɛ. Ŋɔwála-wala-laai à gɛ̀ íyee é tɛ́ɛ íkpɔara-ƃelai dîa. A pâi lii-nɛ̃ɛ kulâi í mɛni ma, a pâi ísɔnyɔ̂ŋ su-mɛni lɛɛ̂i ŋɔwɛ̂li-kɛ-maai mɛni ma. A pâi wule toôi é lii-nɛ̃ɛ kula ímɛni ma

Yálá laawoo hɛɓɛ (dc)

¹⁷ Siɔn, Yai-Laa ə́ wɔ Yálái kaa ə́ pɔ, gaa a kɔkulaa kɛnɛ̨i kɔ́ a nɛ̨ɛ̨ mą. Gwəinɛ̨ɛ̨i ə́ mąą mɛ̨nį ɓa, gaa ə́ pui ə́ nįnɛ̨ kɔ́lɔi nwɔ wɛlikɛmąąlaa hu. Gaa ə́ mąą mąną kaai, yɛ pili yələi a kwəinɛ̨ɛ̨, yɛ tómą.

Yálá laawoo hɛɓɛ

¹⁷ Siɔn, Yai-Laa ə́ wɔ Yálái kaa ə́ pɔ, gaa a kɔkulaa kɛnɛ̨i kɔ́ a nɛ̨ɛ̨ mą. Gwəinɛ̨ɛ̨i ə́ mąą mɛ̨nį ɓa, gaa ə́ pui ə́ nįnɛ̨ kɔ́lɔi nwɔ wɛlikɛmąąlaa hu. Gaa ə́ mąą mąną kaai, yɛ pili yələi a kwəinɛ̨ɛ̨, yɛ tómą.

Sofoni 3:17 ပူးပေါင်းရင်းမြစ်များ

Zɛnɛse 1:31

Ɣâla è zãâi kélee kàa è gbɛ̀tɛi, ǹyaŋ dí kɛ̀ a dílɛlɛɛ. Ŋ̀ele-wûlii da Ŋ̀ele-wâlai dí nâa kɛ̀, nyii a ŋ̀elei ǹɔ́ɔlu mɛi dai.

Zɛnɛse 17:1

Tãi Eberaŋ è kɛ̀ la a kóraŋ buu lɔ́ɔlu mɛi náaŋ káo lɔ́ɔlu mɛi náaŋ, Yâwɛɛ è pà bɔ́ ǹyɛɛ mai, “Ńyãa ƃa Ŋ̀wála-wâla kélee Ɣalai. Ŋ́oo mɛni ítua a zãa ŋɛ́i-túɛ. Í kɛ́ a núu sãa. Ísɔŋ fé kɛ̀ yâ.

Zɛnɛse 18:14

Mɛni da káa naa gbanaŋɔ̂ɔi Yâwɛɛ ma? Kóraŋ tɔnɔ à tɛ̀ɛ ŋa pâi pâi pôlu ípɔ. Ǹyaŋ ínɛnîi Seera a pâi lóŋ-surɔ̂ŋ maa sɔlɔ ƃôi.”

Zɛnɛse 2:2

Díi-ŋai kélee Ɣâla è gɛ̀i è gélee kpɛ̀ɛ ŋ̀ele kûui mɛi feerɛ ɣelei é lɛ́ɛ pâi serîi. Gbɛɛ ŋɔtíi-ŋai kélee mai, è víi tɔ̀ɔ a ŋ̀ele-kuui mɛi feerɛ-ɣelei.

Mąątɛ̨nɛ̨ 147:11

Kɛ́lɛ è diai wɛ́lini da ƃaa kɛ́-maa tɛ̀ɛ bɔ́, dí láa a ŋɔwɔ́lɔ-wɔlɔ wɛli kɛ́-maai mɛ̂ni.

Mąątɛ̨nɛ̨ 149:4

Yâwɛɛ ŋɔnûai maa mɛ̂ni kpanaŋɔɔ̂i ma. A gɛ̀ diai dí maa yeŋɔ̂ɔi, dí díkpɔara-ƃelai yée mɛi ɣále.

Mąątɛ̨nɛ̨ 78:65

Gbɛɛ ŋái, Ǹuu-namui è mù sìɣe yɛ̂ɛ núu ƃé a kùla nyiî. È kɛ̀ yɛ̂ɛ kpakolo wála-walaa ƃé a ŋwã̂ai támaa kpéle.

Azaya 12:2

Ɣâla, yá nɔ́ ƃé ŋ́gili káa yâ ŋ́uŋ ma ƃó mɛni ma. Ŋa pâi lâai a yá, ǹyaŋ yao da kélee fé pâi kɛ̂i ŋ́gbonôi sɛŋ da mɛni ma. Yá, Ɣâla Yâwɛɛ, yá nɔ́ ƃa ŋ́gbonôi kpanaŋ íkɛ wála-wala tɛ̀ɛ ḿbɔ. Yá nɔ́ ƃa ŋ́uŋ ma ƃó-nuu.

Azaya 12:6

Tɔɔ diai kélee Zãiyɔŋ Yeei mai dí láɣi ɣelêi pere a wule-wôo. Eezuɛ Ŋɔɣâla tɔnɔ maa waai kɛ̂tɛi. Gɛ̂i nɔ́ ƃa ŋɔnûai sáma.”

Azaya 18:4

Yâwɛɛ è m̀o ḿâ ǹyɛɛi, “Ŋa pâi lɛɛ̂i ḿbɔ-taa ŋá ŋ́ɛi pîlaŋ ǹɔii mâ ḿɛi saa yɛ̂ɛ fólo ŋɔzizi ƃé tɛ̂i a fólo-ŋa, ŋ́gɛ ƃò yɛ̂ɛ lúu a kɛ̀ pûi a sí-sãa ƃá kula tãi.

Azaya 63:1

“Gbɛ̂ɛ ƃe ŋí m̀aa ɣiriɛ̂ɛi kpɔ́ ŋí a ǹɛ́lɛɛ ŋɔyokpo kpɔ̂lui su, gɛ́ kùla Boza taa-leei su Idɔŋ lɔii-kpiniŋ su a wála-wâla-laa gɛ́ pâi?” Yâwɛɛ ká tí, ŋ̀wála-wâlaai a gɛ́ɛ é ŋɔnûai ŋuŋ-ma ƃó. Gáa pâi a gɛ́ɛ é ŋɔkpɔara-ƃelai yée mɛi ɣále tuŋ too da ŋɔŋuŋ-maa ƃô wala-wala-laai.

Azaya 63:12

Mí ƃé Yâwɛɛ nyii mɛni kpaya-kpaya kɛ̀ a ŋɔwála-wâla laai Mose sarâi, gɛ́ ǹyuoi ŋáa kɔ̀lɛ, gɛ́ tɔ̀ɔ ŋɔnûai túɛ díkɛ tɛ̀ɛ ǹyái loai a gɛ́ɛ ǹûa díkɛ ǹáa maa tɛ̂ wɔ́lɔ-wɔlɔ da wɔ́lɔ-wɔlɔ.” Yâwɛɛ kɛ́ɛ dítuɛi, díkɛ̀ siâi, dífa kâreŋ yɛ̂ɛ lɔɔ-sôo-ŋa ƃé kîrɛ siɣêi, dífa kâreŋ.

Azaya 65:19

Ńyãa kpîŋ ŋa pâi kɛ̂i a ńii-nɛ̃ɛ Zerusâlɛŋ mɛni ma da ŋánûai. Wɔ́lɔ-wóo fé ŋɔ́nɔ pâi tɛ̂i naa. Lii tòo pôlu da fé pâi kɛ̂i naa.

Azaya 9:6

Daâ lóŋ maa sɔlɔ ƃó kûɛ! Daâ lóŋ-surɔ̂ŋ tɛ̀ɛ kúpɔ! Ǹyaa ƃé pâi kɛ̂i a kúkâloŋ. Kwa pâi kɛ̂i ma, “Ǹia-woo ƃó-nuu Kɛ́tɛi, Ŋ̀wála-wâla kélee Ɣalai, Ŋ̀wɔ́lɔ-wɔlɔ da Wɔ́lɔ-wɔlɔ Naŋ. Ǹii-sêe Tɛɛ Kâloŋ.”

Ɉeremi 32:41

A pâi ńii nɛ̃ɛ̂i ŋá mɛni lɛ́lɛɛ kɛ́ dîɛ. Ŋa pâi gɛ̂i dí sée ǹɔii ŋí su teniŋ ƃô pere su wɔ́lɔ-wɔlɔ da wɔlɔ-wɔlɔ.

Osia 14:4

Yâwɛɛ è mò ǹyɛɛ, “Ŋa pâi pâi a ŋánûai pôlu ḿbɔ naa. Ŋa pâi díwɛ̂lii a ńii kélee. Fé pâi ŋɔ́nɔ wɔ́lɔ ńii ŋwânai dîa.

Zooɛ 2:21

“Óo lɔii, ífe yào. Ílii é nɛ̃́ɛ ílii-nɛ̃ɛ kúla, kpɛ́ni fêi, Yâwɛɛ a mɛni kpaya-kpayaa támaa kɛ́.

Sofoni 3:15

Yâwɛɛ a kátɔŋ-kpɛ́ maai síɣe pôlu, a kakpɔara-ƃelai kélee su kara. Eezuɛ ŋɔkâloŋ Yâwɛɛ káa ká kɔlɛ ma. Káfe ŋɔ́nɔ yòo.

Sofoni 3:5

Kɛ́lɛ Yâwɛɛ káa dísama. A tɔ̃yâ-mɛni kɛ̀, va mɛni nyɔ́mɔɔ kɛ̀. Ɣele-wâla kélee a ŋɔtɔ̃yâ-laai lɛ̂, ɣele ƃɔ́ɔ kélee va fɛ̂ɣɛ, kɛ́lɛ ŋumɛ fé wôya-nuu ma.

Lonon mo 14:8

À kɛ̀ Yâwɛɛ líi lâai kúmɛni ma, a pâi liî a kúa zí-sɛŋ kpɛtɛ-lɔii lɛ́lɛɛi ŋí su é dɛ́ɛ kúpɔ.

Lukə 15:32

Maa nɛɛ̂i kɛ̀ ku lii-nɛ̃ɛ kula, kúlii é láa. Kpɛ́ni fêi, ílêɣei ŋi kɛ̀ a zaai, a kɛ́ ŋɔnɔ a vulu; e kɛ̀ a ǹáŋɔɔ, nya ƃe a káa.’ ”

Ɉaan 13:1

Dɛɛ-mɛi ŋɔkúui é lɛ́ɛ pâi serîi, tãi Zîsɛ e nâa gɔ̀lɔŋ la a gɛɛ ŋɔtãi a seri a gɛɛ é kúla ǹɔii sú é lí Nàŋ-nuui pɔi, berei è ŋɔ-ŋai wɛ̀li lai, nyii-ŋai kɛ̀ ǹɔii sui. È díwɛli kpɔ́ é tóo máŋ gbɛɛ ŋa.

Ɉaan 15:11

“Ŋa mɛni-ŋai ŋi ƃó káa a gɛɛ ŋálii-nɛɛi é kɛ́ kákponôi, a gɛɛ kálii-nɛɛi láa é fɛɛ.

Dutɛrɔnome 23:15

“À kɛ̀ luɛ da a pù ŋɔmɛi-nuui yêei é pá kápɔ káfe dɛ̀ɛ pôlu bɔ́ naa.

Dutɛrɔnome 30:9

M̀ɛnii kélee ka káyee pìli zui a pâi gɛ̂i é ƃûu ƃó. Ka pâi nîa-pɛlɛɛ támaa maa sɔlɔ ƃôi. Kátaa tulɛ-ŋai dí ƃûu ƃó, kási-sãai dí kɛ̀ kpɛ̀tɛ. Ǹîa mɛni ƃa a gɛɛ káƃûu ƃó yɛ̂ɛ berei kánâŋ-ni dí kɛ̀ lai.

Hebreu 7:25

Mɛni ma, pɔ̂ri káa mì a gɛɛ é diai ƃálo wɔlɔ-wɔlɔ da wɔlɔ-wɔlɔ da lɛ̂ɣɛ Ɣâla kɔlɛ zarâi. Kpɛ́ni fêi, gáa ɣele ma a tãi kélee a gɛɛ é tɔ́ɔ dímɛni mà.