Sofoni 3:15 - Bible

¹⁵ Yâwɛɛ a kátɔŋ-kpɛ́ maai síɣe pôlu, a kakpɔara-ƃelai kélee su kara. Eezuɛ ŋɔkâloŋ Yâwɛɛ káa ká kɔlɛ ma. Káfe ŋɔ́nɔ yòo.

Yálá laawoo hɛɓɛ (dc)

¹⁵ Giti ŋɛ̨i too ə́ mɛ̨i, yɛ wiɛ yɛ́, Yai-Laa aa ɉəɠə ə́ mɛ̨i. Aa ə́ yowo ɲɛ̨i haŋą pələ takpɛli. Israɛlə nwɔ tɔɔmun Yai-Laa yaa kpinįi, gaa ə́ pɔ; hvó kɛa pai kɛi ɲɔwi mɛ̨nį ɲɔ̨n da həli mɛ̨nį ɓa yɛ́.

Yálá laawoo hɛɓɛ

¹⁵ Giti ŋɛ̨i too ə́ mɛ̨i, yɛ wiɛ yɛ́, Yai-Laa aa ɉəɠə ə́ mɛ̨i. Aa ə́ yowo ɲɛ̨i haŋą pələ takpɛli. Israɛlə nwɔ tɔɔmun Yai-Laa yaa kpinįi, gaa ə́ pɔ; hvó kɛa pai kɛi ɲɔwi mɛ̨nį ɲɔ̨n da həli mɛ̨nį ɓa yɛ́.

Sofoni 3:15 ပူးပေါင်းရင်းမြစ်များ

Zɛnɛse 30:23

È koo sîɣe, é lóŋ-surɔ̂ŋ maa sɔlɔ ƃó ǹyɛɛ, “Ɣâla a ŋumɛi kúla ŋ́ɛi.”

Mąątɛ̨nɛ̨ 149:2

Tɔɔ Eezuɛ é lii-nɛ̃ɛ kula ŋɔkpɛtɛ-nuui mɛ̂ni ma. Tɔɔ Zãiyɔŋ ǹônii dí lii-nɛ̃ɛ kula Díkâloŋ mɛni ma.

Mąątɛ̨nɛ̨ 19:9

Núu yaoɔ Yâwɛɛ ma káa a mɛni maa waa. Gáa a wɔ́lɔ-wɔlɔ da wɔ́lɔ-wɔlɔ mɛni. Yâwɛɛ ŋɔmɛni ŋá-teɛɛi káa a tɔ̃yâ mɛni ŋá-teɛɛ. Ŋɔɣele kélee mɛni ŋá-teɛɛi káa a teniŋ ƃo-pere.

Mąątɛ̨nɛ̨ 85:3

Í ílii ŋáa yèŋ, í ílii ŋwâna su kɛ́tɛi maa sòŋ.

Azaya 12:6

Tɔɔ diai kélee Zãiyɔŋ Yeei mai dí láɣi ɣelêi pere a wule-wôo. Eezuɛ Ŋɔɣâla tɔnɔ maa waai kɛ̂tɛi. Gɛ̂i nɔ́ ƃa ŋɔnûai sáma.”

Azaya 25:8

Ǹuu-namui Yâwɛɛ a pâi saa su-karâi. A pâi gɛ̂i núu da fa ŋɔ́nɔ wɔ̀lɔ. A pâi mɛni-sôli mɛni kélee kperâi ŋ̀éniɛi su. Yâwɛɛ ǹyaa kpîŋ ƃé m̀ɛnii ŋí ƃò a gɛɛ a pâi kɛ̂i.

Azaya 33:22

Yâwɛɛ ƃa kúkâloŋ da kúmɛni ŋá-tee nuui. Ǹyaa ƃé a tɔ̂ŋ kpɛ̀tɛ kúmɛni ma. A pâi kúŋuŋ ma ƃôi.

Azaya 35:10

Da pâi tɛ̂i Zerusâlɛŋ a lii-nɛ̃ɛ su-kɛ́tɛ. Da pâi kɛ̂i wule-ŋa toôi, díkɛ lâɣi a lii-nɛ̃ɛ pere. Da pâi kɛ̂i lii-nɛ̃ɛ kulâi wɔ́lɔ-wɔlɔ da wɔlɔ-wɔlɔ. Maloŋ tôo-maa da lii-too pôlu fé ŋɔ́nɔ pâi wɔ́lɔ kɛ̂i dîa.

Azaya 51:22

Káɣâlai Yâwɛɛ nyíi a ká maa kɔ̃ɔi ǹyɛɛi, “Ŋá ńii ŋwàna kâa, ŋá gɛ́ kákɛ kɛ̀ tàka-taka yɛ̂ɛ núu a lɔɔ kpêle. Kɛ́lɛ ŋa pâi ńii ŋá yenîi kâa. Káfe pâi ŋɔ́nɔ kɛ̂i tàka-taka yɛ̂ɛ núu a lɔɔ kpêle.

Azaya 52:9

Ka koi-nɛ̃ɛ wule-ŋa too ɣelêi pere, káai Zerusâlɛŋ bilêŋ ŋái. Yâwɛɛ a pâi ŋɔtaa-lêei ŋuŋ ma ƃôi, é ŋɔnûai ŋa-nɛnɛ.

Azaya 54:14

Teniŋ-ƃô da tɔ̃yâ-laa da pâi gɛ̂i ká tɔɔ̂i é kpanaŋ. Núu da fé pâi ká lúanîi, kpaa máŋ é ká maa-yao. Mɛni mĩli-miliɛɛ da fé pâi kulâi káŋɛi é gɛ́ ká yao.

Azaya 60:18

Núu da fé ŋɔ́nɔ pâi mɛni su kara mɛ̂ni da kɛ̂i kálɔii ma yɛ̂ɛ berei da kâa gɛ̀ lai. Núu da fé ŋɔ́nɔ pâi kálɔii su karâi. Ŋa pâi ká mɛi kâai, ŋá ká maa kɔ̃́ɔ yɛ̂ɛ siɣãŋ. Ya pâi ńaa maa tɛ̂i kpɛ́ni fêi, ŋa íŋuŋ mâ ƃò.

Azaya 65:19

Ńyãa kpîŋ ŋa pâi kɛ̂i a ńii-nɛ̃ɛ Zerusâlɛŋ mɛni ma da ŋánûai. Wɔ́lɔ-wóo fé ŋɔ́nɔ pâi tɛ̂i naa. Lii tòo pôlu da fé pâi kɛ̂i naa.

Ɉeremi 8:19

Ka káwoli tɔ́ɔ! Ŋa ŋánûai wɔ́lɔ-woo mɛnîi ǹɔii gwaa kélee. Ǹûai da mare kɛ̂ɛ kɛ̂i dîyɛɛi, “Yâwɛɛ fé ŋɔ́nɔ Zãiyɔŋ? Zãiyɔŋ ŋɔkâloŋ fé ŋɔ́nɔ naa?” Yâwɛɛ è mò ǹyɛɛi, “Lé mɛni ƃé da ńii ŋwânai la a díɣâla pɔɔkɔŋ-ŋai é pɛ́lɛ díɣâla da kpɛ́ni-ŋai diai?”

Izikiɛ 35:10

“ ‘Í mò yɛ̂ɛ Eezuɛ da Zuda díkaa pâi kɛ̂i a ípɔɔ, ya pâi dísiɣêi é pɛ́lɛ dí lɔii kpîniŋ-ŋai kélee ma berei máŋ ŋ́gaa la a Díɣâlai Yâwɛɛi.

Izikiɛ 36:15

Ḿve ŋɔ́nɔ pâi ǹɛɛ̂i naa ká ǹɔii-ŋûŋ-ŋai díɣɛlɛ-maa wóo-ŋai mɛni. Káfe pâi ŋɔ́nɔ káyee seêi díƃaa-kula-maa tûa-ŋai mu. À kɛ̀ tí, kálɔii fé ŋɔ́nɔ pâi lɛɛ̂i a vɔ́lɔ. Ńyãai a ŋ̀wála-wala kélee Yâwɛɛi ńyãa ƃé mò tí.’ ”

Izikiɛ 39:29

Ḿve ŋɔ́nɔ pâi ŋ́ɛi loôi Eezuɛ-ƃelai dîa. Kɛ́lɛ ŋa pâi gɛ́i ŋá mɔ̃leŋ é kɛ́ dípôlu va kula naa. Ńyãai ŋ́gaa a Ŋ̀wála-wâla kélee Yâwɛɛi ńyãa ƃé mò tí.”

Izikiɛ 48:35

Ziɣãŋ ŋí ŋɔkɔ̀ɔŋ maa kélee bu gîe ma é tínaŋ daa-leei ma káa a kɔ́ɔ ƃɔ́rɔnii wála ŋuŋ buu saaƃa (30,000). Ǹyaŋ daa-leei ŋí láa ƃé pâi kɛ̂i a ‘Yâwɛɛ káa ƃɛ́.’ ”

Zooɛ 3:17

“Ka pâi ŋ́gɔlɔnii naa a Yâwɛɛ Káɣâlai, nyii gáa Zãiyɔŋ Yeei mai, ŋáyee maa-waai. Zerusâlɛŋ a pâi kɛ̂i a maa-waa. Ŋɔ̃́ya da kélee yée fé ŋɔ́nɔ pâi tɛɛ̂i naa.

Amɔsə 9:15

Yâwɛɛ ǹyɛɛ, “Ŋa pâi dísîi dílɔii su, ǹyaŋ núu fé pâi ŋɔ́nɔ wɔ́lɔ dí kulâi dílɔii su nyii ŋá dɛ̀ɛ dípɔi.”

Mise 7:10

Gɛ̀ ní kúkpɔara-ƃelai da pâi nyíŋi kâai ƃâa é kúla dîa, kúkpɔara-ƃelai ŋí kɛ̀ ɣɛ̂lɛi kûai dîyɛɛi, “Yâwɛɛ kɔ́ɔ nyii gáa a Káɣâlai?” Kwa pâi díyee mɛi ɣâlei kâai díkɛ dí tàŋ-taŋ yɛ̂ɛ pere-lêe ma pàra.

Habakukə 2:17

Ŋ̀wana-lɔ̂ɔ tuai í gɛ̀ Lɛƃanɔŋ lɔii sui, a pâi pâi pôlu ípɔ. Zua-ŋai kélee í ƃàai, da pâi pâi dí ímaa yáo. Nyíŋi a pâi kɛ̂i kpɛ́ni fêi ƃa núu támaa páa, ǹyaŋ kpɛ́ni fêi ƃa mɛni nyɔ́mɔɔ támaa kɛ́ a ǹûai dítaa-lêe-ŋai su, da dílɔii-ŋûŋ ŋai su.

Habakukə 2:8

Ƃa lɔii-ŋûŋ támaa su-sãa siɣe. Diai lɛ̂ɛ pôlui, da pâi í wɔ̂i siɣêi a wála-wâla kpɛ́ni fêi, ƃa mɛni nyɔ́mɔɔ támaa kɛ́, ƃa núu támaa páa ǹɔii su da diai díkaa daa kpaya-kpaya-ŋai sui.

Sofoni 3:17

Íɣâlai Yâwɛɛ káa íkɔlɛ. Ŋɔwála-wala-laai à gɛ̀ íyee é tɛ́ɛ íkpɔara-ƃelai dîa. A pâi lii-nɛ̃ɛ kulâi í mɛni ma, a pâi ísɔnyɔ̂ŋ su-mɛni lɛɛ̂i ŋɔwɛ̂li-kɛ-maai mɛni ma. A pâi wule toôi é lii-nɛ̃ɛ kula ímɛni ma

Sofoni 3:5

Kɛ́lɛ Yâwɛɛ káa dísama. A tɔ̃yâ-mɛni kɛ̀, va mɛni nyɔ́mɔɔ kɛ̀. Ɣele-wâla kélee a ŋɔtɔ̃yâ-laai lɛ̂, ɣele ƃɔ́ɔ kélee va fɛ̂ɣɛ, kɛ́lɛ ŋumɛ fé wôya-nuu ma.

Zakari 12:3

Maa ɣêlei tí ŋa pâi Zerusâlɛŋ kɛ̂i a kɔni wuyɛɛ ǹûai kélee mɛni ma. Diai kélee pâi mù siɣêi da pâi sɛŋ sôlii díkpîŋ dîa. Ǹɔii-ŋuŋ-ŋai kélee ŋ̀éniɛi sui da pâi pâi kwaa tɔnɔ ma dí kɔ́ pɛ́lɛ ma.

Zakari 14:11

Ǹyaŋ ǹûa da pâi naa, foo-wôo fé pâi kɛ̂i ŋɔ́nɔ dípôlu. Zerusâlɛŋ-ƃelai da pâi seêi naa a díŋuŋ-maa ƃóɔɔ.

Zakari 9:9

Óo lii-nɛ̃̂ɛ kúla Zãiyɔŋ-loŋ-nɛnii! Óo Zerusâlɛŋ ǹóŋ-nɛnii, láɣi ɣelêi! Gáa, íkâloŋ káa pâi ípɔ! Zã̂ai ƃálo-laa kɛ́ ƃò ǹyêei, ǹíi maa yeŋɔɔ, gɛ́ ƃò seêni wɛlɛ-sôo-loŋ mɛi.

Ɉaan 1:49

Natɛnia e zu tòo, e m̀o ma, “Kaamɔ̂ɔ, íkaa a Ɣâla Ǹóŋ! Íkaa Eezuɛ Ŋɔkâloŋ!”

Ɉaan 12:15

“Ífe yào Zãiyɔŋ ǹóŋ-nɛni; gáa, íkâloŋ káa pâi, gáa see ni wɛlɛ-sôo-loŋ mɛi!”

Ɉaan 19:19

Pâle máŋ è kɔlɔ pɔ̃̂yɛ, é bɛlɛ zaa-wurii ma. Ǹóno-woo ƃe kɛ̀ a, “Nâzarɛ Zisɛi, Zûu-ŋai Díkâloŋ.”

Ɉaan 5:30

“Fa mɛni da kélee kɛ̀ a ŋ́gbɔɔi-wala-wala. Berei ŋa mɛ̀ni lai, berei nɔ́ ƃe ŋa mɛni ŋá tèe la, ǹyaŋ ŋámɛni-ŋa-teɛɛi sã́âi, kpɛ́ni fêi, fa ŋ́gbɔɔi-nia-mɛnii kɛ́, fɛ̂ɛ nyii ńdɛ̀ɛi ǹîa-mɛni.

M̀ɛni-lɛɛi 12:10

Nya ƃe ŋá wóo su kɛ́tɛ mɛ̀ni Ɣâla-taa, nyɛɛi, “Kúɣâlai ŋɔƃálo-laai, ŋɔwala-wala-laai, ŋɔkâloŋ-laai, da Kôrai ŋɔwala-wala-laai da nâa pá. Kpɛ́ni fêi, ǹúui a mɛni pɛ̂lɛ kú-ƃarâa diai, da dòo ǹɔii mâ, nyíi a mɛni pɛ̂lɛ dîa a fólo da kpíni Kúɣâlai ŋ́ɛi-tuɛi.

M̀ɛni-lɛɛi 18:20

Óo Ɣâla-taa, ka m̀aa-lii-nɛ̃ɛ kula. Óo ŋ̀âla-ƃelai, da zia-ƃelai, é pɛ́lɛ Ɣâla ŋɔlóno-kɛ-ƃelai dîa, kpɛ́ni fêi, Ɣâla a tɔŋ-kpɛ́-maa tɛ́ɛ bɔ̂ kámɛni ma!

M̀ɛni-lɛɛi 19:16

Láa è kɛ̀ a pɔ̃yɛɛ ŋɔyokpoi ma da ŋ̀wɛ́rɛ ma, nyíi kɛ̀ a kâloŋ-ŋa kélee Díkâloŋ da nuu-namela kélee Dínuu-namui.

M̀ɛni-lɛɛi 7:15

Mɛni ma díkaa Ɣâla ŋɔkâloŋ-see-sɛŋ ŋ́ɛi-tuɛ, díkɛ tíi kɛ́ mì ŋɔkwaa maa waai ma a fólo da kpini. Ǹyaŋ ǹúui gáa see ni gâloŋ-see-sɛŋ ŋái, ŋɔkɛ-naai a pâi kɛ̂i a ninîŋ dímɛi.