Sofoni 3:12 - Bible

¹² Kpɛ́ni fêi, ŋa pâi ŋa-yêŋ-ƃela da woo-mɛni-ƃela lɛ̂i kásama. Da pâi díkɛ̂i kɔ̂rii ńyãa Yâwɛɛ ńaai su.

Yálá laawoo hɛɓɛ (dc)

¹² Gáá pai ɲéé kanąn ɉii nu huwu logolo tiikpə ɓa, ə́ wɔ lɔi hu. A nuąi di kaa a yeehvowolo nuą, di ɓɛlɛɛ, Yai-Laa laa hu ɓə di kaa pai kɛi di mąą kilɛi laa.

Yálá laawoo hɛɓɛ

¹² Gáá pai ɲéé kanąn ɉii nu huwu logolo tiikpə ɓa, ə́ wɔ lɔi hu. A nuąi di kaa a yeehvowolo nuą, di ɓɛlɛɛ, Yai-Laa laa hu ɓə di kaa pai kɛi di mąą kilɛi laa.

Sofoni 3:12 ပူးပေါင်းရင်းမြစ်များ

Ɛsdrasə 9:8

Tãi kpuai ŋí yée mu, Kúɣâlai Yâwɛɛ, ya kúmalôŋ káa ya ǹɛɛ naa kwa kula luɛ-laa su, kwa pá gwaa ma waai ŋí ma ŋuma-ƃo kɛ́ ƃò kúyêei. Ya kú kúla luɛ-laa su ya gɛ́ kúkɛ ƃò fúlu lâa nina su.

Mąątɛ̨nɛ̨ 37:40

A kpɔŋ dîa é díŋuŋ ma ƃó. A díŋuŋ ma ƃò ŋ̀wana-lɔ̂ɔ-ƃelai yêei, kpɛ́ni fêi, da lì bɔ́ naa a gɛɛ é dímaa kɔ̀ɔ.

Azaya 14:30

Yâwɛɛ a pâi kɛ̂i ŋɔnûai nyii-ŋai díkaa a kôlo-ƃelai mɛi kâai díŋuŋ ma ƃóɔɔ, díkɛ díkɛ ɣéniɛi kɛ̀ lii-sêe su. Kɛ́lɛ a pâi gɛ̂i puru ŋánaa é káai a Felesia-ŋai ká páa. Kátà fé pâi lɛɛ̂i ɣele ma.

Azaya 14:32

Gela-ŋai da kûla Felesîai, kwa pɔ̂ri díwoo too pere kɛ̂i léŋ? Kwa pâi m̀ôi dîa a gɛɛ Yâwɛɛ aâ Zãiyɔŋ siɣe zu a ǹaa kpɛtɛ ŋɔnûai mɛni ma nyii-ŋai da mɔ̃lɛi. Ǹaa ƃé da pâi kɛ̂i naa lii-sêe su.

Azaya 29:19

Yâwɛɛ a pâi gɛ̂i lii-nɛ̃ɛ kɛ́ ƃò diai dîa nûa díkɛ̀ lúanii. Eezuɛ Ŋɔɣâla Maa Waai a pâi gɛ̂i gôlo-ƃelai dí kɛ́ lii-nɛ̃ɛ kùla.

Azaya 50:10

Gbɛɛ-ni ƃé kásama da yâo Yâwɛɛ ma, díkɛ díwoli tɔ̀ɔ ŋɔtíi kɛ́-ƃelai dîai? Gbɛ̂ɛ-ni ƃé kásama díkaa kpînii dífa kwaa ponóɔɔ kàai? Tɔɔ dí láa a Yâwɛɛ, dí díkili tɔ́ɔ Ɣâla ma.

Azaya 6:13

À kɛ̀ kpîŋ núu tɔ̂nɔ a lɛ̀ɛ naa, ŋa pâi maa nûui su-karâi. Maa nûui a pâi kɛ̂i nɔ́ yɛ̂ɛ ôo wuru ƃé da mɛi tée maa ŋûmei a lɛɛ tɔɔ̂ni.” (Ŋ̀umei káa yɛ̂ɛ ɣéniɛ nina kɔ́ɔ pîlaii Ɣâla ŋɔnûai mɛni ma.)

Ɉeremi 17:7

“Kɛ́lɛ, ŋa pâi lûwa lâai ǹúui ma nyíi pâi gíli tɔɔ̂i ḿâi.

Ɉeremi 50:20

Ŋ̀elei tí a pà, núu da fé pâi ŋɔ́nɔ sɔnyɔ̂ŋ kɛ̂i Eezuɛ. À kɛ̀ tí, núu da fé ŋɔ́nɔ pâi ŋwana lɔ̂ɔ tua kɛ̂i Zuda, kpɛ́ni fêi, diai ŋá gɛ̀ dí lɛ́ɛ ɣele mai, ŋa pâi dísɔnyɔ̂ŋ su-mɛni lɛɛ̂i. Ńyãa Yâwɛɛ ƃé mò tí.”

Izikiɛ 6:8

“À kɛ̀ tí, ŋa pâi kákpulu-loŋ lɛɛ̂i ɣele ma. Tãi ka pâi kɛ̂i la ǹɔii-ŋuŋ ŋai tí samai, ká ta-ni da pâi pui mòa-sɔkpɔi yêei a tãi ka pâi liî la lɔii-ŋuŋ da kpɛ́ni ŋa sui.

Mise 5:6

Da pâi Asiria siɣêi a ƃóa-sɔ̂kpɔ. Da pâi kúŋuŋ ma ƃôi Asiria-ŋai yêei tãi da pâ la kúlɔii sui.

Nahumə 1:7

Yâwɛɛ sɔŋ lɛ̂lɛɛi, wála-wala kɛ́tɛ káa ǹyêei é diai kúla mɛnii dí láai lai, tãi mɛni kpɔ̂lu a pâ lai.

Zakari 11:11

M̀ɛni ma gono-têei su è kàra a maa ɣêlei tí. Diai kɛ̀ m̀ála-ŋai yâi díkɛ díkɔ̀lɛi, dí kɛ̀ ŋ́gâai, dí nâa gɔ̀lɔŋ a gɛɛ gáa a Yâwɛɛ ŋɔwóoi.

Zakari 11:7

Diai m̀ála-ŋai yâ díkɛ díkɔ̀lɛi, dí ńdòli a gɛɛ ŋá kɛ́ a m̀ála-ŋai mɛi-káa-nuu díkɛ liî dípaâi. Nya ƃe ŋá wúru kpua feerɛ sìɣe ŋá dɔnɔi tóli a ƃɛlɛ-sêe, ŋá dɔnɔ tóli a kɛ-zu-tɔnɔɔ. Ǹyaŋ ŋá m̀ála-ŋai mɛi kâa.

Maafîu 11:5

Ŋ̀ɛi-pu-ƃelai ŋɛ́i láa káa ƃôi. Gɔɔ-pu-ƃelai díkɛ sia. Gbôdo-ƃelai díkɛ ƃalo. Ŋ̀oli-tínîŋ-ƃelai díkɛ mɛni mɛ̂ni. Zaa-ƃelai da dímu siɣe saa yêei, díkɛ Duŋ Lɛ́lɛɛi ƃo gôlo-ƃelai dîa.

Maafîu 12:21

ǹyaŋ kili-kɛ-zu a pâi kɛ̂i Zɛ̃tai-ŋai yêei ǹáai su.”

Maafîu 5:3

“Lûwa káa diai dîa díkoloɔ̂i dímɔ̂leŋ sui, kpɛ́ni fêi, Ŋ̀âla-taa kâloŋ-laai káa a dípɔɔ.

Lomaŋ 15:12

Nya ƃe Azaya e mò ŋɔ́nɔ, ǹyɛɛ, “Núu tɔnɔ a pâi kulâi Zɛse ŋɔsuui su, nya ƃe pâi kɛ̂i Zɛ̃tai-ŋai mɛi; Zɛ̃tai-ŋai da pâi díkili kɛ̂i ma.”

Zĩi 2:5

Ka káwoli tɔ́ɔ, ŋáwɛli-kɛ-maa-ƃelai. Ɣâla fé gôlo-ƃelai lɛ́ ní ŋ̀éniɛi ŋí su a gɛɛ dí tɔɔ laa-la su dí kɛ́ a Gâloŋ-laai sɔlɔ-ƃo-ƃela, nyíi è maa-kono-tee kɛ̀ diai yêei dí ŋ̀wɛli ní?

Piɛrə dɔlɔɔ 1:21

Ŋ̀âlai nyíi m̀u siɣe saa yêei é fólo-laa tɛ̀ɛ bɔi, ká láa la Zîsɛ sârai a gɛɛ kálaa-lai da kákili-kɛ-zui káa Ɣâla kponôi.