Sofoni 2:3 - Bible

³ Ka tínaŋ Yâwɛɛ pɔ́ káai kálii maa yeŋɔɔ̂i ǹɔii sui, káai kà ŋɔtɔ̂ŋ mɛi kâai, ká mɛni sãa kɛ́. Ka ká maa yéŋ Yâwɛɛ ŋɛ́i-tuɛ tãi da ka pɔ̂ri kɛ̂i a káloɔɔ a Yâwɛɛ ŋɔlii-ŋwâna ɣelei.

Yálá laawoo hɛɓɛ (dc)

³ Kaai kpɔwɔmąą yɛɛ laa kaa ka yəi nɔi, kaa Yai-Laa woo hon, 'ka Yai-Laa ɲɛ̨ilaa kwɛli, gbəli hu kiɛ, gaa pai ka ɲɛ̨imąąwɛli kaai, a Yai-Laa nwɔ liiɲąnwąną hvólói.

Yálá laawoo hɛɓɛ

³ Kaai kpɔwɔmąą yɛɛ laa kaa ka yəi nɔi, kaa Yai-Laa woo hon, 'ka Yai-Laa ɲɛ̨ilaa kwɛli, gbəli hu kiɛ, gaa pai ka ɲɛ̨imąąwɛli kaai, a Yai-Laa nwɔ liiɲąnwąną hvólói.

Sofoni 2:3 ပူးပေါင်းရင်းမြစ်များ

Samia Veerɛi 12:22

È zu tòo ǹyɛɛi, “Ǹôloŋ kɛ́ɛ ɣele mai, ŋá sûŋ sìɣe ŋá wɔ́lɔ. Ŋá kɛ̀ ŋ́gili ŋá siâi ńyɛ̃ɛi, ‘Gbɛ̂ɛ ƃé gɔ́lɔŋ ɣele da Yâwɛɛ a pâi ḿalôŋ kâai é gɛ́ ǹolôŋ é lɛ́ɛ ɣele ma?’

Mąątɛ̨nɛ̨ 105:4

Ka lí Yâwɛɛ pɔ naa ŋɔwála-wala-laai mɛ̂ni ma, ká vɛli a tãi kélee.

Mąątɛ̨nɛ̨ 149:4

Yâwɛɛ ŋɔnûai maa mɛ̂ni kpanaŋɔɔ̂i ma. A gɛ̀ diai dí maa yeŋɔ̂ɔi, dí díkpɔara-ƃelai yée mɛi ɣále.

Mąątɛ̨nɛ̨ 22:26

Diai pɔ̂ri mâa fé dîɛi, da pâi dílaa miî dí píla. Diai da Yâwɛɛ fɛlii, da pâi sɛɣɛ fêi tɛɛ̂i bɔ́. Tɔɔ dí mɛni kpɛtɛɛ-ŋai ŋ̀aa-see é kɛ́ díyêei wɔ́lɔ-wɔlɔ da wɔlɔ-wɔlɔ.

Mąątɛ̨nɛ̨ 31:20

Ya dílòo íkoôŋ mu, dí kúla díkpɔara-ƃelai dímɛni kpɛtɛɛ nyɔ́mɔɔ-ŋai perêi. Da kɛ̀ íninîŋ mu, díkpɔara-ƃelai da fa ŋɔ́nɔ dílàraŋ.

Mąątɛ̨nɛ̨ 45:4

Ímu-siɣe ímu wûyɛ-laai su í kɔ́ yée mɛi ɣále tɔ̃yâ-laa da teniŋ ƃô-laa maa kɔ̃ɔ mɛni ma. Ya pâi lɔii ŋuŋ láa túɛ-ƃela wála-wala-ŋa dámaa yée mɛi ɣâlei a íwala-walai.

Mąątɛ̨nɛ̨ 57:1

Ḿalôŋ káa mí óo Ɣâla, ḿalôŋ káa, kpɛ́ni fêi, ŋà pá ípɔ a gɛɛ ŋá ƃálo-laa sɔlɔ ƃó. Íkôoŋ mu ƃé ŋá ŋuŋ-ma ƃô sɔlɔ ƃô naa, a lɛɛ la zu vãa kɛ́tɛi a tɛɛ ḿɛi.

Mąątɛ̨nɛ̨ 76:9

tãi í ímu-siɣe la a gɛɛ í ǹûai dí mɛnii ŋá têei í diai ŋuŋ ma ƃó pɔ̂ri mâa fé dîɛi.

Mąątɛ̨nɛ̨ 91:1

Ǹúui pâi kɛ̂i Yâwɛɛ ŋɔwála-wala-laai mui, a pâi víi tɔɔ̂i Ŋ̀wála-wâla kélee Ɣalai ninîŋ mu.

Lɛɛ gbɔwɔ ɓa 12:27

Ka m̀ó dîa kâa, ‘Gáa a Kúnuu-namui Ŋɔtɛɛ-mɛi sala. Kpɛ́ni fêi, è tɛ̀ɛ Eezuɛ ŋai dípɛrɛ-ŋai mɛi Ize lɔii su a tãi è Ize-ŋai pàa lai. È kúpɛrɛ-ŋai maa láai.’ ” Nya ƃe ǹûai dí pɛ̀lɛ díŋume ŋá dí Ɣâla fɛ̀li.

Hanwon 18:10

Ɣâla Yâwɛɛ wóo káa yɛ̂ɛ yeŋkêŋ kpanaŋɔɔ. Núu sã́a a lî naa a gɛɛ é ŋuŋ ma ƃô sɔlɔ ƃó.

Azaya 1:17

Ka mɛni lɛ́lɛɛ-ŋa kɛ́-pere maa kɔ́ri. Ka gáa a gɛɛ núu kélee ŋɔtɔ̃yâ-laai é lí bɔ́. Káfe fàa ma dí núu da kula maa kɛ́ mɛni da ma nyii zɔŋ fé zui. Ka dee-noŋ-ŋai maa kɔ̃ɔ, ká lóno bɔɔ-nɛyãai mɛni ma.”

Azaya 11:4

Kɛ́lɛ, ŋɔmɛni-teɛɛi a pâi kɛ̂i a tɔ̃yâ mɛni ŋá-teɛɛ ǹuu doo mu-ŋai mɛni ma. A pâi diai maa kɔ̃ɔi pɔ̂ri mâa fé dîɛi. A pâi mɛni nyɔ́mɔɔ kɛ́-ƃela kula maa kɛ̂i, díkelee dísaa.

Azaya 61:1

Ŋ̀wála-wâla kélee Yâwɛɛi Ŋɔmɔ̃̂leŋ káa ḿbôlu. A ńziye zu a ńdɛɛ, a gɛ́ɛ ŋá dùŋ lɛ́lɛɛi ƃô gôlo-ƃelai dîa, diai dílii toɔɔ̂i pôlui, ŋá díŋa nɛnɛ, diai díkaa kɔ-sôŋ laa sui, ŋá díŋuŋ-mâ ƃó túŋ tòo, diai díkaa kpini-pɛrɛ mui ŋá dí maa-tee.

Ɉeremi 39:18

Ŋa pâi ímɛi kâai. Dífe pâi ípaâi. Ífulu-laai a pâi lɛɛ̂i íyêei a ífela-fei, kpɛ́ni fêi, í íkili tɔ̀ɔ ḿâ. Ńyãa Yâwɛɛ ƃé mò tí.”

Ɉeremi 45:5

Yá íkpîŋ mɛni wɛ̂lii? Ífe gɛ̀ tí. Ŋa pâi pâi a mɛni kpɔ̂lu su kɛ́tɛ núu-kpune sáma. Kɛ́lɛ, ya pâi ŋuŋ-ma ƃô sɔlɔ ƃôi ƃɛ́i kélee kpɔ́ ya lî naai. Ńyãa Yâwɛɛ ƃé mò tí.”

Izikiɛ 13:5

Dífa lí ƃɛi-ŋai ziaŋ a wólo naai, kpaa máŋ díziaŋ ŋai tɔ́ɔ dí dínaŋ Eezuɛ-ŋai dîa a dímaa kɔ̃ɔ sɛŋ a tãi kɔ́ a pa lai kpaa máŋ tãi Yâwɛɛ ŋɔɣelei a pá lai.

Osia 10:12

Ka tɔ̃yâ kɔ́ri. Gáa yɛ̂ɛ sí-sɛŋ kao lɛ́lɛɛ síɣɛɛ ká kpâlaŋ ŋá. Ka tɔ̃yâ mɛni kɛ̀, ka pâi ƃɛlɛ-sêe sɔlɔ ƃôi ńyêei. Gáa yɛ̂ɛ sí-sɛŋ lɛ́lɛɛ ḿba kuláa. Ka ńyãa Yâwɛɛ ḿvɛ̀li, ŋa pâi lûwa toôi kâa ŋá ká ƃálo. A pâi kɛ̂i yɛ̂ɛ tuna nyii pâi pûi ká sí-sãai dîa a gɛɛ dí ƃɔ̀lɔ.

Osia 7:10

Eezuɛ-ŋɔyoŋkai káa a sêre faa nyii dɔɔ̂i gbîŋ mai. Ǹyaŋ dífe ŋ̀wɛ̂lii dí lene pôlu Yâwɛɛ pɔ́, Díɣâlai kpaa máŋ dí gɔ́ri mɛnii ŋí kélee su.

Zôna 3:9

Gbɛ̂ɛ ƃé gɔ́lɔŋ a gɛɛ tãi da Ɣâla a pâi ǹíi maa fálenîi é kúkula ŋɔlii-ŋwâna kɛ́tɛi su a gɛɛ kúfe sàa?”

Zakari 8:19

“Ŋ̀áloŋ náaŋ, ǹɔ́ɔlui, mɛi feerɛi da buui maa sûŋ siɣe ɣêle-ŋai da pâi kɛ̂i a lii-nɛ̃̂ɛ ɣele kɛ́tɛ-ŋa Zuda-ƃelai mɛ̂ni ma. M̀ɛni ma ka tɔ̃yâ wɛ́li da lii-sêe.”

Maafîu 5:5

Lûwa káa diai dîa dílii maa yeŋɔɔ̂i, kpɛ́ni fêi, dîa ƃe dípɔɔ ƃa ǹɔii.

Tɛsalonikə dɔlɔɔ 4:1

Gbɛɛ ŋái, ŋánûa, kwa kákpera fei, kúkɛ kalia-woo ƃo Kúnuu-namui Zîsɛ kponôi a gɛ́ɛ, yɛ̂ɛ berei ka káfulu-laai kɛ-pere maa kɔ́ri la kúyêei, da berei ka pɔ̂ri Ɣâla líi lâai lai, berei kákaa tuâi lai, ka gɛ́ ti a gbanaŋɔɔ a tãi kélee.

Tɛsalonikə dɔlɔɔ 4:10

ǹyaŋ káƃarâai díkaa Masadonia gwaa kéleei, ka díkelee díwɛli ni kpɔ a dámaa. Kɛ́lɛ, ŋánûa, kwa kalia-woo ƃôi a gɛ́ɛ ka díwɛli kpɔ́ a dámaa a tãi kélee.

Piɛrə dɔlɔɔ 1:22

Kámɔ̂leŋ maa waâi a dɔ̃yâi maa-woo-mɛniɛi gáa káyêei a gɛɛ tɔ̃yâ-wɛli-kɛ-maa é kɛ́ káyêei kákîe-ni mɛni mai. M̀ɛni ma ka kákîe-ni wɛ́li tɔ̃yâ-pere su é kúla kálii su.

Piɛrə dɔlɔɔ 3:4

Kɛ́lɛ, kálɛlɛ-laai é kúla kákponôi é kɛ́ a kátûa-perei nyíi maa-yeŋɔɔ̂i mɛi saai, nyíi ǹɛ́lɛɛ̂i Ɣâla ŋɛ́i-tuɛ yɛ̂ɛ kɔni mɛni kpanaŋɔɔ̂i.

Piɛrə veelɛ 3:18

Kɛ́lɛ, ka ƃɔlɔ Kúnuu-namui da Kúƃalo-nuui Zîsɛ Kôrai ŋɔƃɛlɛ-sêei su da ŋɔtárei. Fólo-laa é kɛ́ ma sâa da wɔlɔ-wɔlɔ. É kɛ́ ti.