Sofoni 1:7 - Bible

⁷ Ímɛi sáa Ɣâla Yâwɛɛ ŋɛ́i túɛ! Yâwɛɛ ŋɔmɛni ŋátee ɣelei a seri. Yâwɛɛ aâ gbîŋ kpɛ̀tɛ a gɛ̀ɛ é ŋɔnûai kúla a sâla. Ǹyaŋ aâ nûa tóli a gɛɛ dípa.

Yálá laawoo hɛɓɛ (dc)

⁷ 'Ka ka laa pilɛ Ną́mu Yai-Laa lííla! Hvó gaai, Yai-Laa nwɔ hvólói mąą aa kpuwɔ. Yai-Laa aa nwɔ haláá hɛn bɛli, nuąi aa di təli, aa di mąąhəɠə.

Yálá laawoo hɛɓɛ

⁷ 'Ka ka laa pilɛ Ną́mu Yai-Laa lííla! Hvó gaai, Yai-Laa nwɔ hvólói mąą aa kpuwɔ. Yai-Laa aa nwɔ haláá hɛn bɛli, nuąi aa di təli, aa di mąąhəɠə.

Sofoni 1:7 ပူးပေါင်းရင်းမြစ်များ

Zôo 24:1

Ŋ̀wála-wâla kélee Ɣalai fé nîi tãi kpɛtɛ ní a gɛɛ é ŋ̀wana-lɔ̂ɔ-ƃelai dí mɛnii ŋá tée. Lé mɛni ƃé bôlu-ƃelai dífe nîi gáa ní gɛ́ zɔnyɔ̂ŋ-ƃelai dí mɛnii ŋá tèei?

Mąątɛ̨nɛ̨ 46:10

Ɣâla a m̀ôi ǹyɛɛi, “Ka kpera kɔ̂i kákîe-ni pɔ́. Ka gɔ́lɔŋ a gɛɛ ńyãa ƃa Ɣâla. Ŋáwala-wala-laai káa ǹɔii-ŋûŋ-ŋai kélee mɛi ŋ̀éniɛi su.”

Azaya 13:3

Yâwɛɛ ǹyaa kpîŋ ŋɔnúu maa waa-ŋai tɛ́ɛ a gɛɛ dí kɔ́ diai pɔ́ ǹíi-ŋwânai dîa díyoŋka tua-ŋai mɛ̂ni ma.

Azaya 13:6

Malôŋ é tóo kâa, kpɛ́ni fêi, Ŋ̀wála-wâla kélee Yâwɛɛ ŋɔmɛni kula-maai ŋ̀ele a kɛ́ lɛɣɛ̂i.

Azaya 2:12

Ŋ̀elei tí ƃé Ŋ̀wála-wâla kélee Yâwɛɛi a pâi ŋ̀wála-wala-ƃelai kélee yée mɛi ɣâlei la, é ǹyoŋka-ƃelai da ŋ̀ɛi-tɛ-ƃelai ŋáa yéŋ.

Azaya 29:2

Yâwɛɛ a pâi mɛni kpɔ̂lu ŋánaa lâai ǹaa-ƃelai dîa. Díla-sɛŋ nɔ́ ƃé pâi kɛ̂i a wɔ́lɔ su-kɛ́tɛ. Ǹaa a pâi kɛ̂i a Ɣâla-teƃele nyíi ŋ̀á kélee káa a ŋãa tee-teei.

Azaya 34:5

Yâwɛɛ ŋɔƃóa-sɔkpɔi ŋá kulâai ǹyêei ɣâla-taa. Diai a pâi dímɛnii ŋá-teei Idɔŋ, a pâi dísu-karâi la.

Azaya 34:6

Zâla ƃalai da m̀olii díŋãa da díwulɔ kɔ́-kɔɔ̂i Ɣâla Yâwɛɛ ŋɔƃóa-sɔkpɔi ma. A pâi ŋɔsâla kɛ́tɛi kulâi Bosera taa-leei su. A pâi zu-kâra mɛni kɛ́tɛi ŋí kɛ̂i Idɔŋ lɔii ma.

Azaya 6:5

Nya ƃe ŋá mò ńyɛ̃̂ɛi, “Kili-kɛ zu fé ŋɔ́nɔ ńyêei! Ńaŋɔɔ̂i. Ḿaa fé waa ní. Diai ŋ́gaa dísamai dia máŋ dímaa fé waa ní. Kɛ́lɛ ŋaâ Ŋ̀wála-wâla kélee Yâwɛɛi káa nyíi gáa a zɛŋ kélee mɛi Kâloŋ.”

Ɉeremi 46:10

Ŋ̀wála-wâla kélee Ɣalai Yâwɛɛ ŋɔɣelei ká ŋí. Sâa ƃé a pâi mɛni kula maa kɛ̂i la. Sâa ƃé a pâi ŋɔkpɔara-ƃelai kula maa kɛ̂i la. Ŋɔƃóa-sɔ̂kpɔi a pâi dímiî é lɛ́ɛ lá zu é péla. A pâi díŋãa kpelêi é lɛ́ɛ la zu ǹíi é láa. Sâa ƃé Ŋ̀wála-wâla kélee Yâwɛɛ a pâi sâla kulâi la a diai da tôo ǹyée mui yá ŋûa-pere, Yufeletii Ya-leei kɔlɛ mai.

Izikiɛ 7:10

Mɛni-kpɔ̂lu maa fólo káa pâi. A nâa seri ƃɛ. Ŋwana-lɔɔ mɛni a nâa kɛ́ ƃûu ƃoi. Su mɛni kɛtɛ a nâa seri gɔ̃yɛŋ ma.

Izikiɛ 7:7

Káai ká káa ǹɔii sui, ká m̀ɛnii gbɛɛ-ŋai a pá. Voloi a nâa lɛɣɛ. Vé a lii-nɛɛ kula fólo. Kɛ́lɛ gáa a mɛni kpɔ̂lu kula fólo nyii a ká kɛ̀ kákɛ ƃò tɔɔi ni ǹyéei ma ká fa pɔ̂ri lâɣii a lii-nɛ̃ɛ perei.

Zooɛ 1:15

Ŋ̀elei malôŋɔɔi kpɛ́ni fêi, Yâwɛɛ ŋɔɣelei a lɛ̀ɣɛ, Ŋ̀wála-wâla kélee Ɣalai a pâi pâi a su-kâra.

Zooɛ 2:11

Yâwɛɛ a ŋ̀óo tɛ̂i ɣelêi ŋɔkɔkuluƃa-ŋai túɛ. Ŋɔkɔkuluƃa-ŋai tâmaai, wála-wâla kɛ́ ƃò diai kélee yêei da ŋ̀óo mɛnii. Ŋɔɣelei káa a ɣele kɛ́tɛ, maa-pɔlɔ-pɔlɔɔ. Gbɛ̂ɛ ƃa pɔ̂ri tɔɔ̂i dúɛi?

Zooɛ 2:31

Vóloi a pâi penêi a kpíni, ŋ̀áloŋ é pene a ŋãa, Yâwɛɛ ŋɔɣelei é lɛ́ɛ pâi, nyii gáa a ŋ̀ele kɛ́tɛ maa pɔlɔ-pɔlɔɔi.

Amɔsə 6:10

À kɛ̀ núu ŋɔkáayɔɔ à pà boma kulâi bɛ́rɛi mu a gɛɛ é géreŋ, à ǹúui marê kɛ̀, nyii gáa bɛ́rɛi kpîŋ mɛi, ǹyɛɛ ma, “Núu da káa naa íkɔlɛ?” A pâi m̀ôi, ǹyɛɛ, “Kpao.” Gɛ̀ ní a pâi môi, ǹyɛɛ, “Ímɛi sáa! Kúfe Ɣâla Yâwɛɛ láa tòli.”

Amɔsə 8:3

Kúnuu-namui Ɣâla è mò ǹyɛɛ, Ŋ̀âla-pɛrɛ Kɛ́tɛi mu wule-woo-ŋai da pâi penêi a wɔ́lɔ-wôo a ŋ̀elei tí. Boma-ŋai da pâi kɛ̂i a dítamaa. Da pâi kɛ̂i a dímɛi saá díkɛ boma-ŋai pìli díkîe-ni mɛi kwaa kélee ma.”

Habakukə 2:20

Kɛ́lɛ Yâwɛɛ káa ŋɔpɛ́rɛ maa waai mu. Tɔɔ ǹɔii kélee é m̀ɛi sáa ŋ̀ɛ́i túɛ.

Sofoni 1:14

Yâwɛɛ ŋɔɣele kɛ́tɛi a lɛɣɛ, ǹyaŋ a pâi a maa-felaa! Yâwɛɛ ŋɔpa-ɣelei a pâi kɛ̂i a mɛni kpɔ̂lu-ɣele. A pâi kɛ̂i a mɛni kpɔ̂lu-ɣele nyii pâi gɛ̂i ŋ̀wála-wâla-nuui a pâi wɔ̂lɔi naa.

Zakari 14:1

Ká gáa, Yâwɛɛ ŋɔɣelei káa pâi tãi da pâi kásãâi ŋáa kɔlɛ̂i la káŋɛi dí gùla káyêei.

Zakari 2:13

Kákelee ka kámɛi sáa Yâwɛɛ ŋɛ́i túɛ, kpɛ́ni fêi, a pâi kulâi ŋɔkwaa maa waai ma.

Malasi 4:1

Ŋ̀wála-wâla Yâwɛɛ a môi ǹyɛɛi, “Ŋ̀ele kûui káa pâi tãi ǹyoŋka-ƃelai da zɔnyɔ̂ŋ-ƃelai da pâi kérenîi la yɛ̂ɛ kala kpâlai. Maa ɣêlei tí da pâi kérenîi, dí kpua tɔ̂nɔ kpîŋ fé pâi lɛɛ̂i.

Maafîu 22:4

È ŋɔnɔ yée-mu-ƃelai da kpɛni-ŋa tɛ̀ɛ, ǹyɛɛ dîa, ‘Ka m̀ó diai ŋá ƃɛlɛ-toli ƃò a diai dia, ka gáa, ŋa ŋámii-sɛŋ kpɛtɛ. Ŋa ŋániŋa-sirɛ-ŋai da ŋátaa-tulɛ wúlɔɔ-ŋai paa. Ŋa nâa zãâi kélee kpɛtɛ. Ka pá nɛnî-kula-kuui su.’

Lomaŋ 3:19

Kú gɔ́lɔŋ a gɛ́ɛ m̀ɛnii kélee bɔ̃yɛɛ̂i dɔ̂ŋ sui gáa nɔ́ diai mɛni ma díkaa dɔ̂ŋ mui. Dɔ̂ŋ a m̀ɛni-ŋai ŋí ƃò gɛ́ɛ é núu kpera káfalo kɛ̂i, a gɛ́ɛ é ǹɛɛ naa Ɣâla é ǹɛ́ a gɛ́ɛ ŋ̀éniɛi su-ƃelai da sɔnyɔ̂ŋ kɛ́.

Lomaŋ 9:20

Kɛ́lɛ, gbɛ̂ɛ ƃa yá, yai íkaa a núu-kpunei, a gɛ́ɛ í Ɣâla wóo su too pôlu? Sɛŋ da gbɛ̀tɛi a kɛ̂ gbɛtɛ-nuu ma, “Ya ŋ́gbɛtɛ ŋí lé mɛni ma?”

Filipə 4:5

Tɔɔ núu kélee e kálii-lɛ̂lɛi kɔlɔŋ. Kúnuu-namui a nâa lɛɣɛ.

Kolosə 1:12

ka sɛɣɛi-fei tɛɛ Nàŋ-nuui pɔ nyíi kúkpɛtɛ a gɛ́ɛ ku kɛ́ a Ŋ̀âla-ƃelai dítûa-perei da kɛ-ƃela gwaa-ponoɔi sui.

Samuɛlə dɔlɔɔ 16:5

Samia ǹyɛɛi, “Owoei, gáa a lawoi-laa naa-kaa ká ŋí. Ŋá pà a gɛ́ɛ ŋá sâla kula Yâwɛɛ ma. Ka kákpîŋ kpɛtɛ ká pá kwaa zâla-laa soŋ-nuuii kúla. Ka pá kwáa lí.” Samia è ƃɛlɛ tôli ƃò a Zɛse máŋ ǹônii-sinaai a gɛ́ɛ dí pá dí zâla-laa soŋ-nuuii kúla.

Samuɛlə dɔlɔɔ 20:26

Sɔ̂ɔ fé mɛni da ƃó ní a maa ɣelei tí, kpɛ́ni fêi, è kɛ̀ gíli ŋá siâi ǹyɛɛi, “Ɣele ta mɛni da aâ Deeƃé kɛ́ nyíi a gɛ́ m̀aa wàa ní. Tɔ̃yâ ma m̀aa fé wàa ní.”