Sofoni 1:14 - Bible

¹⁴ Yâwɛɛ ŋɔɣele kɛ́tɛi a lɛɣɛ, ǹyaŋ a pâi a maa-felaa! Yâwɛɛ ŋɔpa-ɣelei a pâi kɛ̂i a mɛni kpɔ̂lu-ɣele. A pâi kɛ̂i a mɛni kpɔ̂lu-ɣele nyii pâi gɛ̂i ŋ̀wála-wâla-nuui a pâi wɔ̂lɔi naa.

Yálá laawoo hɛɓɛ (dc)

¹⁴ Yai-Laa nwɔ hvóló kɛnɛ̨i mąą aa kpuwɔ, mąą aa kpuwɔ-o, gaa pai kpɔ a gɔwɔ mąąhulaa. Yai-Laa nwɔ hvólói, ɉələ kaa mɛ̨i, kɔkulaa yɛ tómą a wɔlɔ, yɛ mąąkilɛi kwɛli.

Yálá laawoo hɛɓɛ

¹⁴ Yai-Laa nwɔ hvóló kɛnɛ̨i mąą aa kpuwɔ, mąą aa kpuwɔ-o, gaa pai kpɔ a gɔwɔ mąąhulaa. Yai-Laa nwɔ hvólói, ɉələ kaa mɛ̨i, kɔkulaa yɛ tómą a wɔlɔ, yɛ mąąkilɛi kwɛli.

Sofoni 1:14 ပူးပေါင်းရင်းမြစ်များ

Azaya 15:4

Ɛsibɔŋ da Ele-ale-ƃelai da wɔ̂lɔi ɣelêi pere. Da wɔ̂lɔi Zaɣa lɔii su kôyaai su-ƃelai díkɛ díwoo mɛni. Gɔ́ kɔ́-ƃelai dia máŋ da wɔ̂lɔi a díwoo su kɛ́tɛ. Pɔri maa da kélee fé ŋɔ́nɔ díyêei.

Azaya 33:7

Ŋ̀wála wala-ƃelai da kpɔŋ mâa wɛ̂lii. Géla-ŋai dí dítɛ̀ɛ a gɛɛ dí ǹûai loai kpɛtɛ lii-sêe mɛni mai, da wɔ̂lɔi a ŋ̀ánaa.

Azaya 66:6

Ka káwoli tɔ́ɔ. Láɣi-woo su kɛ́tɛ a tɛ̂i daa-lêei su. Yâwɛɛ ká tí Ŋɔpɛ́rɛ Maa Waai mu gɛ́ ŋɔkpɔara-ƃelai kula-maa kɛ̀ a ŋ̀óo. Gɛ̀ ŋɔkpɔara ƃelai féla fe m̀ɛnii dí gɛ̀i mɛ́ni ma.

Azaya 8:22

Da pâi díŋɛi pîlanii ǹɔii ma. Dífe pâi sɛŋ da kpɛ́ni kâai naa fɛ̂ɛ nɔ́ mɛni kpɔ̂lu, lii too pôlu, da kpíni su pîlaŋɔɔ nyii díkaa liî zu a diai.

Ɉeremi 25:36

Ŋá kɛ̀ ǹúu láa-tuɛ-ƃelai láɣi-woo mɛnîi. Ŋá kɛ̀ ǹûai láa-tuɛ-ƃelai wɔ́lɔ-woo mɛnîi ɣelêi-pere, kpɛ́ni fêi Yâwɛɛ è kɛ̀ dílɔii su karâi.

Ɉeremi 30:7

Mɛni kpɔ̂lu ɣele maa pɔlɔ-pɔlɔɔ káa pâi. Ŋ̀elei ŋí gɔɔŋ-maa fé ma. A pâi kɛ̂i a lii-too pôlu tãi ǹûai mɛ̂ni ma. Kɛ́lɛ dífe pâi lɛɛ̂i zu.”

Ɉeremi 46:5

Yâwɛɛ è ḿarê kɛ̀ ǹyɛɛ, “Kɛ́lɛ lé ƃé ya gâai?” “Da yaôi kpɔ́, díkɛ lène pôlu a kîrɛ. Da díkɔ-kuluƃa-ŋai lôkwai dí kɛ̀ lene pôlu. Da díkpɛ̂i kpɔ́ a ŋ̀ánaa dí kɛ́ kîrɛ sìɣe é tɛ́ɛ gɛ̂i ma, dífa dípôlu kàa.

Ɉeremi 48:41

À kɛ̀ tí, a pâi ǹaa taa-lee-ŋai kélee siɣêi. M̀aa ɣêlei tí, Môa kɔ-kuluƃa-ŋai da pâi kɛ̂i kpɔ́ nɔ́ yɛ̂ɛ nɛnî a kɛ̀ koi-têe su.

Izikiɛ 12:23

M̀o dîa m̀ɛnii ńyãai Ŋ̀wála-wâla kélee Yâwɛɛi ŋ̀a mòi diai. Ŋa pâi zaŋ-wooi ŋí kperâi. Dífe ŋɔ́nɔ pâi da ƃoi Eezuɛ lɔii-ŋí su. M̀o dîa a gɛɛ tãi aâ seri a gɛɛ m̀ɛni-ŋai ŋí ŋa-see é kɛ.

Izikiɛ 30:3

Ŋ̀elei nyii Yâwɛɛ a pâi tíi kɛ̂i lai a nâa lɛɣɛ. Gáa a mɛni ŋáa téɛɛ da mɛni kpɔ̂lu ǹɔii-ŋûŋ-ŋai mɛ̂ni ma.

Izikiɛ 7:12

Tãi a pâi. A nâa seri. Diai sãâ yâi, dífe lii-nɛ̃ɛ kùla, kpaa máŋ diai sãâ kɔlɛ̂i dífe malôŋ see ƃò. Kpɛ́ni fêi lii-ŋwâna káa pâi ǹûai kélee dîa.

Izikiɛ 7:16

À kɛ̀ tí, diai pâi pui dí liî, da pâi kɛ̂i ǹyée-ŋai mâ díkɛ wɔ́lɔ dísɔnyɔ̂ŋ-ŋai mɛ̂ni ma yɛ̂ɛ toloŋ-ŋa ƃe fâai ǹyée-ŋai tôŋ su.

Zooɛ 1:15

Ŋ̀elei malôŋɔɔi kpɛ́ni fêi, Yâwɛɛ ŋɔɣelei a lɛ̀ɣɛ, Ŋ̀wála-wâla kélee Ɣalai a pâi pâi a su-kâra.

Zooɛ 2:1

Ka dúrii fɛ́ɛ Zãiyɔŋ Yeei ma, ká vɛ́ɛ a ŋ̀óo su kɛ́tɛ ŋáyee maa-waai ma! Tɔɔ ǹɔii su-ƃelai kélee dí kpɛ̃lîŋ. Yâwɛɛ ŋɔtãi a pâi, a nâa lɛ̀ɣɛ.

Zooɛ 2:11

Yâwɛɛ a ŋ̀óo tɛ̂i ɣelêi ŋɔkɔkuluƃa-ŋai túɛ. Ŋɔkɔkuluƃa-ŋai tâmaai, wála-wâla kɛ́ ƃò diai kélee yêei da ŋ̀óo mɛnii. Ŋɔɣelei káa a ɣele kɛ́tɛ, maa-pɔlɔ-pɔlɔɔ. Gbɛ̂ɛ ƃa pɔ̂ri tɔɔ̂i dúɛi?

Zooɛ 2:31

Vóloi a pâi penêi a kpíni, ŋ̀áloŋ é pene a ŋãa, Yâwɛɛ ŋɔɣelei é lɛ́ɛ pâi, nyii gáa a ŋ̀ele kɛ́tɛ maa pɔlɔ-pɔlɔɔi.

Zooɛ 3:14

Núu wála támaa káa mɛni ŋãa-tee ya-ƃolo-ƃoloŋ su. Yâwɛɛ ŋɔɣelei a lɛ̀ɣɛ mɛni ŋá-tee mɛni ma ǹyá-ƃolo-ƃoloŋ su.

Zooɛ 3:16

Yâwɛɛ wóo káa tɛ̂i Zãiyɔŋ Yeei ma. Ŋ̀óo kɛ́ kùla Zerusâlɛŋ, ŋ̀ele-kɔlɔŋ da ǹɔii díkɛ kpɛ̃lîŋ. Kɛ́lɛ Yâwɛɛ káa a ŋɔnûai mɛi káa-nuu, dɔɔ̂i kpanaŋɔɔ ŋɔnûai Eezuɛ-ŋai mɛni ma.

Amɔsə 8:2

È mò ǹyɛɛi, “Emɔ, lé ƃé ƃa gâai?” Ǹyɛ̃ɛ mà, “Wúru-ƃa kpɔlu kpɔlɔ tɔnɔ.” Nya ƃe Ɣâla Yâwɛɛ è mò ḿâ, ǹyɛɛ, “Ŋánûai Eezuɛ-ŋai dítãi kpɛɛ ŋá a seri. Fé pâi ŋɔ́nɔ dísu-mɛni lɛɛ̂i.

Sofoni 1:10

Yâwɛɛ è mò ǹyɛɛ, “Maa ɣêlei tí láɣi-woo a pâi kulâi ziɣãŋ lá-ƃerei nyii da dòli a Ǹyɛ̃ɛi, wɔ́lɔ-wôo é kúla daai m̀éla veerɛ ma, su-kâra tiŋ kɛ́tɛ é kûla ǹyée-ŋai dîa.

Sofoni 1:7

Ímɛi sáa Ɣâla Yâwɛɛ ŋɛ́i túɛ! Yâwɛɛ ŋɔmɛni ŋátee ɣelei a seri. Yâwɛɛ aâ gbîŋ kpɛ̀tɛ a gɛ̀ɛ é ŋɔnûai kúla a sâla. Ǹyaŋ aâ nûa tóli a gɛɛ dípa.

Malasi 4:5

“Kɛ́lɛ Yâwɛɛ ŋɔmɛni-kpɔ̂lu-kula ɣêle-kuu kɛ́tɛi é lɛ́ɛ pâi pâi, ŋa pâi Ɣâla ŋɔlóno kɛ́-nuui Ilaiza tɛɛ̂i.

Gɛlaɠaa 2:20

Vóloi a pâi penêi a kpíni, ŋ̀áloŋ é pene a ŋãa, Kúnuu-namui ŋɔɣelei é lɛ́ɛ pâi, nyíi gáa a ɣele kɛ́tɛ maa ponoɔɔ̂i.

Filipə 4:5

Tɔɔ núu kélee e kálii-lɛ̂lɛi kɔlɔŋ. Kúnuu-namui a nâa lɛɣɛ.

Tɛsalonikə dɔlɔɔ 4:16

Kpɛ́ni fêi, Kúnuu-namui ǹyaa kpîŋ a pâi kulâi ŋ̀elei su a lolo-woo da Ŋ̀âla-taa-kela-ŋai dínuu kɛ́tɛi ŋɔtóli-woo da Ɣâla ŋɔtúrii-woo. Zaa-ƃelai nyíi-ŋai díkaa Kôrai kponôi da pâi dímu siɣêi fulɔi;

Hebreu 12:26

Maa-tãi tí ŋ̀óo è ǹɔii kpɛ̀liŋ. Kɛ́lɛ, a nâa góno tée, nyɛɛi, “Ǹɔii tɔnɔ nɔ́ fé a lɛɛ pôlu tɔnɔ a gɛɛ ŋa gbɛ̃liŋ, kɛ́lɛ, ŋa pâi ŋ̀elêi su kpɛ̃linii máŋ.”

Zĩi 5:9

Ŋánûa, mɛni nyɔ́mɔɔ fé kɛ̀ kákoi é pîlaŋ kákîe-ni dîa, a gɛɛ núu da fé kámɛni ŋá tèe. Ka gáa, mɛni-ŋa-tee-nuui káa tɔɔ̂ ni gbôŋ-ŋai lá.

Piɛrə veelɛ 2:3

Dísɛŋ-wɛlii sú, da pâi káwôyai a lɛ́ɛ-woo-ŋa. Dímɛni-ŋa tée-nuui a gbîŋ kpɛ́tɛ a tãi su kôyaa. Dísu-karai nuui káa niî a ŋ̀ɛi gɛ́ dímaa kpɛ́ŋ.