Sofoni 1:13 - Bible

¹³ Da pâi díkɔ̂liŋ kulâi díyêei a wála-wâla-laa, dípɛrɛ-ŋai dí lɛ́ɛ a gbolôŋ. Berei máŋ da pâi pɛ́rɛ-ŋa tɔɔ̂i la díkpîŋ mɛni mai, vé pâi kɛ̂i a dípɔɔ, berei máŋ da pâi kpɔmɔ-kpâlaŋ-ŋa lâai lai, dífe pâi maa-ŋwã̂ai da kpelêi.”

Yálá laawoo hɛɓɛ (dc)

¹³ Nuą da too di wɔɔ hɛngɔwɠaai hu, di di wɔɔ pɛlɛ́ɠaai wolo. Di kaa pai pɛlɛ́ɠaa tɔɔi, Kɛlaa, di hva lɔ mu. Da viɲə yɛa laa, Kɛlaa, di hva da ya kpələ.

Yálá laawoo hɛɓɛ

¹³ Nuą da too di wɔɔ hɛngɔwɠaai hu, di di wɔɔ pɛlɛ́ɠaai wolo. Di kaa pai pɛlɛ́ɠaa tɔɔi, Kɛlaa, di hva lɔ mu. Da viɲə yɛa laa, Kɛlaa, di hva da ya kpələ.

Sofoni 1:13 ပူးပေါင်းရင်းမြစ်များ

Azaya 6:11

Ŋá m̀are kɛ̀ ńyɛ̃̂ɛ m̀ai, “Nùu-namui, ŋá gɛ́ tí a tãi ɣɛɛlu?” Ǹyɛɛ ḿâi, “É lɛ́ɛ la zu daa-lêei é wólo, núu da fé ŋɔ́nɔ kɛ̀ naa, bɛ́rɛ-ŋai dí lɛ́ɛ a vólo, ǹɔii é lɛ́ɛ a bûŋ.

Ɉeremi 15:13

“Ŋa pâi ŋánûai kpɔara-ƃela tɛɛ̂i dípa dí díkɔ̂liŋ da dí laai kɛ̂ sãai kélee síɣe kpɛ́ni-kpɛni, kpɛ́ni fêi, da sɔnyɔ̂ŋ kɛ́ ǹɔii gwaa kélee ma.

Ɉeremi 17:3

Ka Ŋ̀âla-nɛnii Asira ŋí fɛ̀li kwaa kélee ma kálɔii su. Ŋa pâi gɛ̂i kákpɔara-ƃelai dí ká kɔ̃liŋ da kátɔɔ-sãai kúla káyêei zɔnyɔ̂ŋ-ŋai ká gɛ̀ kálɔii gwaa kélee mai, mɛni ma.

Ɉeremi 4:20

Mɛni kpɔ̂lu káa nɔ́ mɛni kpɔ̂lu pôlu. Ǹɔii a lɛɛ a bûŋ. Ŋáƃûui a wólo a maa félaa. Dí seɣe-ŋai kɛ̀ a zɛ̂lɛŋɔɔ berei sui, a fála a gbûa-kpûa

Ɉeremi 4:7

Berei yala-sulu a kûla la ǹoo pêrei é pɛ́lɛ gɔ́nɔŋ mai, bere ƃé ǹɔii-ŋuŋ-ŋai su kara nuui a pâi kulâi la bɔ́ naa é pá é pɛ́lɛ kâa. Gáa kulâi ƃɛ́i gáa naai a gɛɛ é Zuda su kara. Da pâi Zuda taa-lee-ŋai su karâi, ǹaa é lɛ́ɛ a pîleŋ ŋá. Núu da fé ŋɔ́nɔ pâi seêi díta su.

Ɉeremi 5:17

Da pâi ká sí-sãa ƃai ká ŋ̀áa tɛ̀ gîe mai miî é pɛ́lɛ kámii-sãai dîa. Da pâi ká lônii-sinaai da ká lônii nɛyãai paâi. Da pâi káƃala kpulu-ŋai da ká taa-tulɛ-ŋai miî. Da pâi ká kpɔmɔ-kpalaŋ-ŋai da ká fîi wuru-ŋai miî. Gɔ-kuluƃa-ŋai da pâi dítaa maa kɔ́naŋɔɔ-ŋai nyíi ŋai díkili tɔɔ̂i m̀ai su karâi a ƃóa-sɔkpɔ-ŋa.”

Ɉeremi 9:11

Yâwɛɛ è mò ǹyɛɛi, “Ŋa pâi Zerusâlɛŋ wôloi, ŋá ǹaa kɛ́ a taa-pîleŋ ŋá. Ǹaa a pâi kɛ̂i a fɛnɛ-sãa pɔ́-taai. Ŋa pâi Zuda taa-lee-ŋai kélee lɛɛ̂i a búŋ. Núu da kélee fé pâi seêi naa.”

Ɉeremi 9:19

Zerusâlɛŋ-ƃelai da wɔ̂lɔi dîyɛɛi, “Da kú su kara. Ŋumɛ kɛ́tɛ a kú kɛ́. Kpɛ́ni fêi, kwa kula ǹɔii su. Kpɛ́ni fêi, da kúkɛ̂i wólo.”

Woolaa 5:2

Ŋɔ̃́ya-ŋa da kúkɔ̃liŋ kélee síɣe a dí pɔ́ɔ, lɔii da kpɛ́ni su-ƃela da see kúkɛ̂i.

Izikiɛ 22:31

M̀ɛni m̀a, ŋa pâi ńii ŋwãnai dîa. Ŋa pâi díkereni a ŋá lii-ŋwanai. Ǹyaŋ ŋa pâi díkereni a ŋálii-ŋwãnâi dímɛni nyɔ́mɔɔi mɛ̂ni ma yɛ̂ɛ ŋɔŋ a sɛŋ kêreŋ. Ńyãai a Ŋ̀wála-wâla kélee Yâwɛɛi ńyãa ƃé mò tí.”

Izikiɛ 7:19

Da pâi díkane-ŋai pilii berei-leei ma yɛ̂ɛ kala. Dígôo-ŋai da pâi kɛ̂i yɛ̂ɛ sɛŋ maa-liƃiɛɛ. Díkane-ŋai da dígôo-ŋai dífe pâi pɔri dímaa teei a tãi Yâwɛɛ a pâi ǹíi ŋwanai lai. Dífe pâi dilíi laai kpaa máŋ dímaa mɛni é dílii laa. Gôoi da ganei ƃe díperei kpaaŋ díkɛ tòo sɔnyɔ̂ŋ su.

Izikiɛ 7:21

“Ŋa pâi gɛi ŋɔyã ŋa dí gula ká yêei. Ǹɔii-ŋuŋ ŋwana-lɔɔ-ŋai da pâi ƃâa kulâi kâa.

Izikiɛ 7:24

Ŋa pâi ǹɛɛ̂i naa lɔii-ŋuŋ ŋwana-lɔɔ ŋa dí pá díka pɛrɛ-ŋai kula káyeêi. Ŋa pâi díwala-wala laai kpelâi, ŋa díkwaa mâ waa ŋai maa tĩa kara.

Amɔsə 5:11

M̀ɛni ma, ká gôlo-ƃelai lûaŋ, ká dímii-sãai kúla díyêei a wála-wala-laa, ká kɔni-pɛrɛ-ŋa tɔ̀ɔ, kɛ́lɛ káfe pâi kɛ̂i dímu. Ká kpɔmɔ-kpalaŋ-ŋa kɛ̀, kɛ́lɛ káfe pâi ŋwã̂ai kpelêi é kúla dísu.

Mise 3:12

Kátûa-perei mɛni ma, Zãiyɔŋ a pâi kɛ̂i a kpâlaŋ ŋá tii kɛ̂i. Zerusâlɛŋ a pâi kɛ̂i a pilêŋ ŋá, Ɣâla ŋɔpɛ́rɛi tɔɔ̂i kɛ́ ƃò a wolâ su.

Mise 6:15

Ka pâi sí-sɛŋ sîi, kɛ́lɛ káfe pâi m̀á kulâi. Ka pâi wúlɔ kúlai wúlɔ-wuru su, kɛ́lɛ káfe pâi da miî. Ka pâi ŋwã̂ai kpɛtɛ̂i, kɛ́lɛ káfe pâi da kpelêi.

Sofoni 1:9

Maa ɣêlei tí ŋa pâi tɔ̂ŋ kpɛ̂i diai kélee dîa da ǹɔii da kpɛ́ni su ɣala-ŋai fɛ̂lii da diai da dímɛi-nûui ŋɔpɛ́rɛi láa fɛ̀ɛ a ŋúma-sãa nyii dínuu pàa díkɛ zìɣei.”

Dutɛrɔnome 28:30

“Káta a gbɛ̀tɛ gili-ŋa a gɛɛ é nɛnî da kula núu da kpɛ́ni ƃé pâi kɛ̂i a ǹúui maa-ŋuŋ é seɣe ɣíri maa nɛnii ma. Ka pɛ́rɛ-ŋa tɔ̀ɔ kɛ́lɛ núu da kpɛ́ni-ŋa ƃé pâi kɛ̂i nyiî dímu. Ka pâi sí-sãai sîi kɛ́lɛ núu da kpɛ́ni-ŋa ƃé pâi kɛ̂i m̀á kulâi.

Dutɛrɔnome 28:39

Ka pâi ƃá-kpɔmɔ-ŋa sîi kɛ́lɛ káfe pâi da ŋ̀áa-nɛ̃ɛ kulâi, kpɛ́ni fêi, kolo-ŋa da pâi gélee su-karâi.

Dutɛrɔnome 28:51

Da pâi kátaa-tulɛ-ŋai da kási-sãai kélee mîi kpɔ́ kpɔlɔwɔ. Mii-sãa, ŋwãai, taa-tûlɛ kpaa máŋ ɔle wúlɔ da fé pâi lɛɛ̂i naa kámii mɛni ma. Ǹyaŋ ka pâi puru siɣêi é lɛ́ɛ la zu káŋuŋ lá é píli kpɔ́ kpɔlɔwɔ.