Osia 9:8 - Bible

⁸ Ɣâla ŋɔlóno kɛ́-nuui ƃé gáa a Eezuɛ-ŋai mɛi káa núu. Ɣâla a ńdɛɛ ŋɔnûai pɔ́. Kɛ́lɛ ƃɛ́i kélee ŋa lî naai, da ƃáre tɛ̀ ḿberêi yɛ̂ɛ ŋɔni. Kpɔara káa nɔ́ Ŋáɣâlai ŋɔpɛ́rɛi mu.

Yálá laawoo hɛɓɛ (dc)

⁸ Ɛfraimə mąąkpɛmun, da nwɔ́ Yálái ɓə, Yálá kwəi mɛ̨nį hu kulɔmun mə, daa ɓaalə tɛ dɔwɔ, pələ kəlee hu, wɛlikpɛɛ mąą kaa nwɔ Yálái yəi bɛlɛ́n.

Yálá laawoo hɛɓɛ

⁸ Ɛfraimə mąąkpɛmun, da nwɔ́ Yálái ɓə, Yálá kwəi mɛ̨nį hu kulɔmun mə, daa ɓaalə tɛ dɔwɔ, pələ kəlee hu, wɛlikpɛɛ mąą kaa nwɔ Yálái yəi bɛlɛ́n.

Osia 9:8 ပူးပေါင်းရင်းမြစ်များ

Tɔɔɓɛlaa dɔlɔɔ 17:1

Tisibi-nuui Ilaiza nyíi kùla Tisibi Gilia lɔii sui è mò Gâloŋ Eɣa ma ǹyɛɛi, “Nyíi nɔ́ Yâwɛɛ, Eezuɛ Ŋɔɣâlai káa ɣele mai, nyíi ŋ́gaa tíi kɛ̂i mìi, lúu kpaa máŋ tuna fé pâi pûi kóraŋ kpɛ́-kpɛɛ yée mu fɛ̂ɛ nɔ́ ŋá mò a gɛ́ɛ é kɛ́ tí.”

Tɔɔɓɛlaa dɔlɔɔ 18:1

Ɣele kûu támaa tɛɛ pôlu ma, buru koraŋ zaaƃai su, Yâwɛɛ è mò Ilaiza ma ǹyɛɛi, “Lí Gâloŋ Eɣa pɔ́-naa. Ŋa pâi tuna tɛɛ̂i é pú ǹɔii ma.”

Tɔɔɓɛlaa dɔlɔɔ 18:19

Ǹûai tóli dí kúla Eezuɛ gwaa kélee kwa dîa-ni kú koyâŋ Kamɛ Yeei ma. Pá a Bêe ŋɔlóno kɛ́-ƃela ŋuŋ náaŋ pôlu buu lɔ́ɔlui da Asira ŋɔlóno kɛ́-ƃela ŋuŋ náaŋ nyii-ŋai da dílaa mìi Zɛsebɛɛ ŋɔteƃelei mai.”

Tɔɔɓɛlaa dɔlɔɔ 22:11

Kenaana ǹóŋ Zɛdekaya è kɔli turu-ŋa kpɛ̀tɛ é m̀ó ǹyɛɛi, “M̀ɛnii ká ŋí Yâwɛɛ a m̀ôi: ‘Zãâi ŋí ƃé íkaa pâi Siria-ƃelai paâi la í dísu-kara.’ ”

Tɔɔɓɛlaa dɔlɔɔ 22:22

Yâwɛɛ è m̀arê kɛ̀ ǹyɛɛ, ‘Ƃa pâi gɛ́ pere kɛ̂i léŋ?’ È mò ǹyɛɛi, ‘Ŋa pâi liî ŋá lɛ́ɛ mɛni pú ŋɔɣâla lono kɛ́-ƃelai kélee lá.’ Yâwɛɛ ǹyɛɛi, ‘Ƃa pâi pɔrîi ƃɛlɛ̂i. Lí é gɛ́ tí.’

Tɔɔɓɛlaa dɔlɔɔ 22:28

Mikâya è mò ǹyɛɛi, “À kɛ̀ ƃa pène pôlu fúlu-laa su, gɛ̀ ní Yâwɛɛ fé lóno ní ḿbɔ.” È ŋɔ́nɔ mò ǹyɛɛi, “Ka ŋ̀óo-ŋai ŋí lâai kɛ́, káai kélee ƃɛ́i ŋánûa!”

Tɔɔɓɛlaa dɔlɔɔ 22:6

Eezuɛ kaloŋ è Ɣâla ŋɔlóno kɛ́-ƃelai tòli díkîe ma. Dí kɛ̀ yɛ̂ɛ núu ŋuŋ náaŋ. È dímarê kɛ̀ ǹyɛɛ dîai, “Ŋa pɔri liî a gɛ́ɛ ŋá kɔ́ Lemɔ Gilia pɔ́, kpaa máŋ ŋá kpéra?” Dí zu tòo, “Lí, kpɛ́ni fêi, Yâwɛɛ a pâi dɛɛ̂i gâloŋ pɔ́.”

Tɔɔɓɛlaa veelɛ 13:21

Tãi tɔnɔ da, Eezuɛ-ŋai da-ni dí kɛ̀ ƃolôŋ lá nalôŋ tɔnɔ poma loo mɛni ma. Dí kɛ́ɛ molôŋ lai, dí Môa-ƃelai dí kɔ-kuluƃa sɔŋ nyɔ́mɔɔ-ŋai da-ŋa kàa ŋɔ́nɔ pâi. Dí nalôŋ poma tôo gɔni ƃôloŋ su a maa félaa ƃɛ́i dí wɔ́lɔ Ilasa lòo naai dí pú. Tãi nalôŋ poma è tòo la m̀olôŋ su é lɛ́ɛ Ilasa káo mai, nalôŋ è kɛ̀ pôlu a vúlu, é mu siɣe é tɔ́ɔ.

Tɔɔɓɛlaa veelɛ 2:14

Nya ƃe è ǹyokpoi sìɣe nyii kùla Ilaza yêei é tóoi é ǹyái ŋá lókwa la. È marê kɛ̂ɛ kɛ̀ ǹyɛɛi, “Yâwɛɛ kɔɔ nâa, Ilaza Ŋɔɣâlai?” Ǹyái ŋá ŋáa è kɔ̀lɛ, é tɔ́ɔ laa-mii-yêe mɛi-pêre da kɔɔ-yêe mɛi-pêre ǹyaŋ è ǹyái tìyeŋ.

Tɔɔɓɛlaa veelɛ 2:21

Nya ƃe è kùla é lí ǹyái lá é mii-kpôloi píli ǹyái su ǹyɛɛi, “Mɛnii ká ŋí Yâwɛɛ a m̀ôi. ‘Ŋa ŋɔ́nɔ ǹyái maa kɛ́ a ŋwaa. Vé pâi ŋɔ́nɔ ǹûai kɛ̂i dí sáa kpaa máŋ é ǹɔii kɛ́ a nyɔ́mɔɔ sí-sɛŋ mɛni ma.’ ”

Tɔɔɓɛlaa veelɛ 4:41

Ilasa è mò ǹyɛɛi, “Ka pá a felaƃa fũa.” Tãi dí pà la a felaƃa fũai, è bù neɣii su ǹyɛɛi, “Dɛɛ ǹûai pɔ́ dí mii.” Ǹyaŋ núu paa sɛ̂ŋ fé ŋɔ́nɔ kɛ́ ní neɣii su.

Tɔɔɓɛlaa veelɛ 4:43

Ǹyée-mu-nuui è mò ǹyɛɛi, “Ŋa pɔ̂ri mii-sãa kuroi ŋí seêi léŋ ǹûa ŋuŋ tɔnɔi ŋí ŋɛi?” Ilasa è zu tòo ǹyɛɛ mai, “Dɛɛ ǹûai pɔ́ dí mii. Kpɛ́ni fêi, mɛnii ká ŋí Yâwɛɛ a m̀ôi, ‘Da pâi mii-sãai ŋí miî da é lɛ́ɛ.’ ”

Tɔɔɓɛlaa veelɛ 5:14

Nya ƃe Neema è lì é tóo Zɔdiŋ Ya-leei su gîei lɔ́ɔlu mɛi feerɛ, yɛ̂ɛ berei Ŋ̀âla-naloŋ è mò la mài. È ƃàlo ŋɔkpono ma kɔlɔ-fela nyɔ́mɔɔi yêei, gɔlɔ ma é kɛ́ nɛ̃ɛ-nɛ̃ɛ yɛ̂ɛ lôloŋ.

Tɔɔɓɛlaa veelɛ 5:27

Neema ŋɔkpono ma kɔlɔ-fela nyɔ́mɔɔi a pâi í sonîi ka ísuui su-ƃela kélee wɔ́lɔ-wɔlɔ da wɔ́lɔ-wɔlɔ.” Geaza è kùla Ilasa ŋɛ́i é lí ǹyaŋ gbono ma kɔlɔ-fela nyɔ́mɔɔi è zòŋ. Gbono ma gwaa kélee è kole-kole yɛ̂ɛ yee kôle pé-pe.

Tɔɔɓɛlaa veelɛ 7:19

Gâloŋ mɛi káa-nuu kɛ́tɛi ŋí è mò ŋâla-naloŋ ma ǹyɛɛi, “Ḿve láa ní la! À nɛ̃ɛ ma kpîŋ Yâwɛɛ é tínaa ŋ̀ele-kɔlɔŋ lá ƃó a gɛɛ mii-sɛŋ é pú ǹíi ma, va pɔ̂ri mii-sɛŋ kɛ́ɛ tí kɛ̂i a gɛɛ é tínaa kɛ́ naa!” Ŋâla-naloŋ è ŋ̀óo su tòo ǹyɛɛi, “Ƃa pâi gâai é kɛ́, kɛ́lɛ ífe pâi maa mii-sɛŋ da miî.”

Tɔɔɓɛlaa veelɛ 7:2

Gâloŋ mɛi káa-nuu kɛ́tɛi kɛ̀ naa gâloŋ kɔlɛi è zu tòo ǹyɛɛi, “Ḿve láa-ni la! A nɛ̃ɛ ma kpîŋ Yâwɛɛ é ŋ̀ele kɔ̂lɔŋ lá ƃó a gɛɛ mii-sɛŋ é pú ǹɔii ma, va pɔ̂ri mii-sɛ̂ŋ kɛ́ɛ tí kɛ̂i a gɛɛ é tínaa kɛ́ naa!” Ilasa è ŋ̀óo su tòo ǹyɛɛi, “Ƃa pâi gâai é kɛ́, kɛ́lɛ ífe pâi maa mii-sɛŋ da miî.”

Mąątɛ̨nɛ̨ 124:7

Kwa pú yɛ̂ɛ ŋɔni a kùla ƃáre ŋá, m̀are-woŋ a ɣále, ǹyaŋ kwa ŋuŋ ma ƃô sɔlɔ ƃó.

Ikilisiati 9:12

Yɛ̂ɛ berei nyɛ̃ɛ a tôo la tumâi é kpíniŋ lai, kpaa máŋ ŋɔni a kɔ̂ la a ƃárei, bere nɔ́ ƃé m̀ɛni-ŋai ŋí a kûla la a núu-kpune dɛ̂i-pere. Núu da fé tãi kɔ́lɔŋ ŋ̀ɔi a pâ la bɔ́i.

Wɛli 3:3

Daa-lêei maa kpɛ́-ƃelai dí ŋ́gàa, ŋá dí marê kɛ́, “Ká ŋáwɛli kɛ́-maa nûui kâa?”

Azaya 62:6

Óo Zerusâlɛŋ, ŋa ísiɣãŋ gwaa kélee maa tínaŋ a kpakolo-ŋa wála-wâla-ŋa. Díkaa ǹaa m̀ɛi káai a kpíni da fólo. Díkaa naa, díkɛ wɔ̀lɔ Yâwɛɛ ma, díkɛ ŋɔkono-têe-ŋai maa mɛ̂ni tòo gíli ŋa, dífa ǹɛɛ naa a gɛɛ é nia dîa.

Ɉeremi 11:19

Kɛ́lɛ, ŋá kɛ̀ yɛ̂ɛ ƃála-loŋ ŋumɛɛ nyíi dí kɛ̀ liî la bàa mɛ̂ni mai. Ḿve kɛ́ ní a gɔ́lɔŋɔɔ a gɛɛ m̀ɛnii ŋí tɔɔ̂i ḿâ. Díwôya mɛni kpɛ̀tɛ dí kɛ́ mò dîyɛɛi, “Kwaa ŋ̀úrii da ḿba dísu kara, kwaa bàa kú gula ǹúu-fulu-ŋai sáma, a gɛɛ ǹáa fa lâa kɛ́ la ɣele ma.”

Ɉeremi 14:13

Nya ƃe ŋá mò ńyɛ̃ɛi, “Áa, Ŋ̀wála-wâla kélee Yâwɛɛ, Ɣâla ŋɔlóno kɛ́-ƃelai da m̀ôi ǹûai dîa dîyɛɛi, ‘Kɔ́ fé ŋɔ́nɔ pâi toôi kâa, kpaa máŋ puru é tóo kâa, kpɛ́ni fêi, Yâwɛɛ a góno tée a gɛɛ lii-see nɔ́ ƃé pâi kɛ̂i kâa.’ ”

Ɉeremi 23:13

Ŋa zɔnyɔ̂ŋ káa nyíi Ɣâla ŋɔlóno kɛ́-ƃelai da gɛ̂i Sameriai. Díkaa lônoi Bêe ɣalai láai su, ǹyaŋ da gɛ́ ŋánûai dámaa da kula berei ma.

Ɉeremi 31:6

Tãi káa pâi, maa tãi tí, ziɣãŋ-mɛi káa nuui a pâi tóli ƃôi a ɣelêi pere Ifiraŋ yee-ŋai ma ǹyɛɛi, ‘Ka pá kwáa lí Zãiyɔŋ Kúɣâlai Yâwɛɛ pɔ.’ ”

Ɉeremi 6:14

Dífa sále pù ŋánûai dí palai ŋá a ǹɛ́lɛɛ, dí kɛ̀ mò dîa dîyɛɛi, ‘Lii-see é kɛ́ kâa’ nyíi va pɔ̂ri lii-see tɛɛ̂i dí pɔi.

Ɉeremi 6:17

Ŋá núu da tɔ̀ɔ a gɛɛ é dímɛi káa. Ŋá mò dîa ńyɛ̂ɛi, “Ka káwoli tɔ́ɔ dúru-wooi ma.” Kɛ́lɛ dí mò dîyɛɛi, “Kúfa pɔ̂ri kúwoli tɔɔ̂i.”

Woolaa 2:14

Ɣâla ŋɔlóno kɛ́-ƃelai da lɛ́ɛ tée-tee kɛ̂i yâ. Dífe dɔ̃yâ mɛnii ƃôi yâ nyii da gàa zĩ̂a sui. Da íkîrii dí kɛ́ ísɔnyɔ̂ŋ mɛni lòo. Mɛni-ŋai dí mò yâi, gáa a lɛ́ɛ, gɛ́ ƃò a núu piliɛɛ mɛnîi woo-ŋa.

Woolaa 4:13

Kɛ́lɛ Ɣâla ŋɔlóno kɛ́-ƃelai da zâla láa-soŋ-ƃelai dísɔnyɔ̂ŋ ƃé gɛ̀ nyíŋi é kɛ́. Dí gɛ̀ nûa sɔŋ lɛ́lɛɛ-ŋa dí sáa daa lêei su.

Izikiɛ 3:17

È mò ḿâ ǹyɛɛi, “Núu-kpune ǹóŋ, ŋa ísiɣe a gɛɛ íkɛ a sɛŋ mɛi káa-nuu Eezuɛ-ŋai mɛi. Tãi kélee yâ ńa-woo mɛ̀ni lai a gɛɛ í m̀aa lia-woo ƃó ḿî dîa a gbanaŋɔɔ.

Izikiɛ 33:7

“M̀ɛni m̀a, núu-kpune ǹóŋ, ŋa íkɛ a kwaa mâ mɛi-kaa nûu Eezuɛ-ŋai mɛ̂ni ma. Tãi kélee nɔ́ ya mɛni da mɛ̀ni la ńai mó mî dîa.

Osia 5:1

“Óo zâla láa soŋ-ƃelai, ka káwoli tɔ́ɔ! Óo Eezuɛ-ƃelai, ka káwoli tɔ́ɔ! Ka káwoli tɔ́ɔ, káai a gâloŋ ŋɔpɛ́rɛi mu-ƃelai! M̀ɛni ŋáa téeɛi ŋí tɔɔ̂i kâa. Kpɛ́ni fêi, ka nâa kɛ́ a ƃáre Mesipa taa-leei su, ká ƃò nâa a tuma Tabɔ Yeei mɛi kpɛ́ni fêi káa ƃé ka ǹûai kɛ́ díkɛ Ɣâla da kpɛ́ni-ŋa fɛ̀li naa.

Osia 9:7

Dɔŋ-kpɛ-maa-tãi à sèri, fela-fei-tãi a sèri, Eezuɛ-ŋai da pâi gɔ́lɔnîi. Ka gâai yɛ̂ɛ “Ɣâla ŋɔlóno kɛ́-nuui ƃoɔ̂i, ǹúui m̀ɔlêŋ káa gbonôi táre fé ŋuŋ su.” Kásɔnyɔ̂ŋ da kákpɔara su kɛ̂tɛi nyii ka gɛ́ a Ɣâlai.

Osia 9:9

Díkaa a ŋwana lɔ̂ɔ-ƃela yɛ̂ɛ berei è wɔ́lɔ kɛ̀ la Gibia taa-leei sui. Ɣâla fé pâi niâi dísɔnyɔ̂ŋ ŋai dîa. A pâi díkula maa kɛ̂i.

Mise 7:4

Dɔ̃ya-ƃelai ŋánaai ǹûai sámai, dí káa nâa yɛ̂ɛ kala nyɔ́mɔɔ nyii a sí-sɛŋ kpɛi. Ŋ̀élei a nâa seri tãi Ɣâla a pá tɔ̂ŋ kpɛ̂i la ǹûai dîa yɛ̂ɛ berei è dília-wôo ƃò la ŋɔlóno kɛ́-ƃelai sârai.

Ɉaan 15:24

Eêi kɛ̀ fé díi kɛ́ ni dísama nyii núu da fe tá gɛ níi, dísɔŋ fei kɛ̀ dîa. Kɛ́lɛ, da nâa díkaa, da ŋ́gbɔara kwa Ńâŋ.

Lomaŋ 3:7

Kɛ́lɛ, à kɛ̀ ŋálɛɛ kɛ́ɛ a pâ a Ɣâla ŋɔtɔ̃yâ laa-lai fíyeŋ ŋá, gɛ̀ ní lé mɛni ƃé da ŋámɛnii ŋá teêi la a gɛ́ɛ ŋ́gaa a sɔnyɔ̂ŋ-nuui?

Hebreu 13:17

Ka kátuɛ-ƃelai wóo mɛni ká kɛ́ dímu. Kpɛ́ni fêi, díkaa kámɔ̂leŋ mɛi kâai yɛ̂ɛ ǹûai ƃe fɛ̂ɛ dí díkoraŋ ƃoi. Tɔɔ dí gɛ́ a lii-nɛ̃ɛ, dífe gɛ a lii-soli, kpɛ́ni fêi, à kɛ̀ da kɛ̀ a lii-soli, gɛ̀ ní káfe pâi mɛni lɛ́lɛɛ kulâi zu.