Osia 8:8 - Bible

⁸ Eezuɛ-ƃelai laŋɔ̂ɔi. Díkaa nâa lɔii-ŋuŋ da kpɛ́ni-ŋa sáma yɛ̂ɛ sɛŋ-folo saa.

Yálá laawoo hɛɓɛ (dc)

⁸ Daa Israɛlə mu kpələ, gaa lɔiɠaa lɔwai yɛ hɛn dɔlɔ hvo mą.

Yálá laawoo hɛɓɛ

⁸ Daa Israɛlə mu kpələ, gaa lɔiɠaa lɔwai yɛ hɛn dɔlɔ hvo mą.

Osia 8:8 ပူးပေါင်းရင်းမြစ်များ

Tɔɔɓɛlaa veelɛ 18:11

Asiria kaloŋ è Eezuɛ-ŋai sîɣe a kɔ-soŋ-ŋa. È dí ta-ni kɛ̀ dí sée Ala taai su a ŋɔwála-wala-laai, é da-ni kɛ́ dí sée Abo Ya-leei kɔlɛ Geza lɔii kpiniŋ su. È ǹûai kpéli-ŋai kɛ̀ dí sée daa-ŋai su ƃɛ́i Midia-ŋai díkɛ seêi naai.

Azaya 30:14

Ŋa pâi káwolo wôloi yɛ̂ɛ núu a pɔ̂rɔ leɣi tòo é wólo-wôlo nyíi kɛ̂i fa kɛ̂ galâŋ da mai. Núu da fa pɔ̂ri kpîŋ ŋɔŋ siɣêi galâŋ da su kpaa máŋ é ya-kpôloŋ tuâŋ la.”

Ɉeremi 22:28

Ŋá mò ńyɛ̃ɛ, “Ká káa tûai a Gâloŋ Zɛoasiŋ yɛ̂ɛ pɔ̂rɔ-leɣi sàa nyíi núu da fé ŋ̀wɛ̂lii lé mɛni ma? M̀ɛnii ŋí ƃé da ŋɔnîa-pɛlɛɛi da liî la a dia kɔ-sôŋ laa su ǹɔii su nyíi dífe ǹaa kɔ́lɔŋ?”

Ɉeremi 25:34

Káai a ǹúu láa-tuɛ-ƃelai, ka wɔ́lɔ. Ka too ǹɔii mâ ká wɔ́lɔ kákɛ kìliŋ, kákɛ làɣi a ŋánaa. Tãi aâ nâa seri a gɛɛ díka páa. Ka pâi kɛ̂i a kátaa-tâa ǹɔii ma yɛ̂ɛ pɔ̂rɔ-leɣi kàlaŋ.

Ɉeremi 48:38

Maloŋ-too maa wɔlɔ-woo nɔ́ ƃé ya m̀ɛni Môa pɛrɛ-ŋai mɛi ƃɛ́i nûa da gôyɛŋ naai, da ƃɛ́i da díŋaa tɛ̀ naa mai. Ŋá Môa wòlo yɛ̂ɛ gònoŋ nyíi núu da fé wɛ̂lii lai.

Ɉeremi 50:17

Yâwɛɛ è mò ǹyɛɛ, “Eezuɛ-ƃelai díkaa yɛ̂ɛ ƃála-ŋa nyíi-ŋai yala-sulu a díkpɛ̂i díkɛ tàa-taai. Tãi maa ŋuŋ, Asiria kaloŋ è kɔ́ pɛ̀lɛ dîa. Ǹaa pôlu ma, Babelɔŋ kaloŋ Nɛbukinaza é díkao wólo.

Ɉeremi 51:34

Babelɔŋ kaloŋ è Zerusâlɛŋ su-tee, é m̀ii, È daa lêei su ƃò yɛ̂ɛ zimi-zɔŋ, é gbele yɛɛ sɛŋ sîrɛ. Zãâi nyíi è kɛ̀ ŋ̀wɛ̂lii, è zìɣe, é gbéli píli kwaa kôyaa ma.

Woolaa 2:16

Íkpɔara-ƃelai da díla tɔ̀ɔ yâ. Da ɣɛ́lɛ-maa kûla íkponôi dí dísĩ̂a mii a yá dîyɛɛ yâi, “Kwaâ zu kara. Ŋ̀ele kûui ŋí ƃé kú kɛ̀ maa kpɛ́nîi. Kwaâ lɛɛ ɣele ma kwa gáa.”

Woolaa 2:2

Ǹuu-namui è ǹíi ŋwàna Zeeka ŋɔnûai dîa é dí kɛ̂i kara. Vé dímalôŋ káa ní. Ziɣãŋ-ŋai kɛ̀ a dínaŋɔɔ ŋɔlɔii mai, è gélee wòlo. È ƃâa kùla ŋɔlɔii ma da m̀ɛi kâloŋ-ŋai.

Woolaa 2:5

Ǹuu-namui è Eezuɛ su-kara yɛ̂ɛ berei núu kpɔara-nuu a gɛ̀ la lai. È ŋɔkili tɔɔ maa kwaa-ŋai ma kélee su kàra, é ŋɔkâloŋ pɛrɛ-ŋai kélee wólo. È Zuda ŋɔmaloŋ toô-maai da ŋɔwɔ́lɔi su kɛ̀tɛ.

Woolaa 4:2

Zãiyɔŋ ǹyaŋka-ŋai mɛni è kɛ̀ a gbanaŋɔɔ kûa yɛ̂ɛ gôo. Kɛ́lɛ dímaa mɛni a kɛ́ nɔ́ yɛ̂ɛ pɔ̂rɔ leɣi-ŋa.

Woolaa 5:2

Ŋɔ̃́ya-ŋa da kúkɔ̃liŋ kélee síɣe a dí pɔ́ɔ, lɔii da kpɛ́ni su-ƃela da see kúkɛ̂i.

Izikiɛ 36:3

“M̀ɛni ma m̀ó ǹyée-ŋai dîa yɛ̂ɛi, Ŋ̀wála-wâla kélee Yâwɛɛi ǹyɛɛ, ‘Ká kpɔara-ƃelai dí ká su kàra dí ká lɛ́ɛ a kápûŋ a gɛɛ kákɔlɛ ma lɔii-ŋai dí ká sóŋ dí kɛ́ ɣɛ́lɛ maa kûla ká kponôi.

Levetekɔ 26:33

Ŋa pâi gɛ̂i kákpɔara-ƃelai dí kɔ́ pɛ́lɛ kâa kátaa-tàa lɔii ŋuŋ da kpɛni-ŋa su. Ŋa pâi kálɔii su karâi kátaa-lee-ŋai dílɛɛ a pilêŋ ŋá.

Lomaŋ 9:22

A kɛ̀ ti ŋaŋ gɛ̀ ní le? À kɛ̀ Ɣâla è kɛ̀ ŋ̀wɛ̂lii a gɛ́ɛ e ŋɔlii-ŋwana kɛ́tɛi lɛ da ŋɔwála-walai, gɛ̀ ní e ǹía kpèle kpɔ́ a dámaa diai yêei gɛ̀ a gɛ́ɛ ǹíi e ŋwanai, nyíi-ŋai kɛ̀ nɔ́ su-kara mɛni mai.

Dutɛrɔnome 28:25

“A pâi gɛ̂i kákpɔara-ƃelai yée é tɛ́ɛ kâa. Ka kɔ̀ dípɔ ka pâi pûi díyêei. Ǹɔii-ŋuŋ kpéli-ŋai su-ƃelai da ká kàa dílaa a pâi kpâlai dîa.

Dutɛrɔnome 28:64

“A pâi kátaa-tâai lɔii-ŋuŋ-ŋa su. Ka pâi kɛ̂i naa ká kɛ́ ɣâla da kpɛ́ni-ŋa fɛli nyii-ŋai díkpɛtɛ̂i a wúru da kɔni-ŋai, nyii-ŋai ka kánâŋ-ni káfe kɛ́ ní a díkɔlɔŋɔɔi.