Osia 8:14 - Bible

¹⁴ “Eezuɛ-ŋai da nia ḿâ. Da kâloŋ pɛrɛ-ŋa tɔ̀ɔ díkpîŋ mɛni ma. Ǹyaŋ Zuda a taa-lêe kpaya-kpaya tɔ̀ɔ siɣãŋ tínaŋɔɔ dîa. Kɛ́lɛ ŋa pâi ŋɔŋ tɛɛ̂i daa-ŋai tí su. Ǹyaŋ díkili kɛ́-maa taa-ŋai da pâi kérenîi.”

Yálá laawoo hɛɓɛ (dc)

¹⁴ Israɛlə aa lɛ̨ą bɛlimun ma, aa gbɔwɔ nwɔ tɔɔ pɛlɛ́ɠaa tɔɔ. Ɉuda nwɛi, gaa nwɔ taaɠaai mąątinɛ̨n ɉii a di mąąkpɛ hįį. Kɛlaa, gáá pai nwɔ̨n bilii nwɔ taaɠaai hu, yɛ daa mąą kɔ̨nwɔ̨ pɛlɛ́ɠaa kələn.

Yálá laawoo hɛɓɛ

¹⁴ Israɛlə aa lɛ̨ą bɛlimun ma, aa gbɔwɔ nwɔ tɔɔ pɛlɛ́ɠaa tɔɔ. Ɉuda nwɛi, gaa nwɔ taaɠaai mąątinɛ̨n ɉii a di mąąkpɛ hįį. Kɛlaa, gáá pai nwɔ̨n bilii nwɔ taaɠaai hu, yɛ daa mąą kɔ̨nwɔ̨ pɛlɛ́ɠaa kələn.

Osia 8:14 ပူးပေါင်းရင်းမြစ်များ

Tɔɔɓɛlaa dɔlɔɔ 12:31

Zɛroboaŋ è sâla kùla kwaa-ŋa ma kpɛ̀tɛ ǹyée tɔɔ-ŋai ma, é sâla láa soŋ-ƃela kula núu da kpɛ́ni-ŋa sáma ƃɛ́i kélee è kɛ̀ ŋ̀wɛ̂lii, berei máŋ dífe kɛ́ ní la a Liiva-ŋai.

Tɔɔɓɛlaa dɔlɔɔ 16:31

Zɔnyɔ̂ŋ ní mɛni fé kɛ́ ŋ̀ɛ́i a mɛni kɛ́tɛ ta. Vé kɛ́ ní a gɔ́lɔŋɔɔ a gɛ́ɛ ŋɔsɔnyɔ̂ŋ è kɛ̀ a gɛ́tɛ é tɛ́ɛ Neba ǹóŋ Zɛroboaŋ ma. È Sidɔŋ kaloŋ Ɛbee ǹóŋ-nɛnii Zɛsebɛɛ kùla a ŋɔnɛnî. M̀ɛnii ŋí è gɛ̀ è pɛ̀lɛ tíi kɛ̂i Bêe mì, gɛ́ vɛ̀li.

Tɔɔɓɛlaa veelɛ 18:13

Ɛsekaya kɛ́ɛ a kâloŋ Zuda lɔii mɛi ŋɔkâloŋ-laa koraŋ buu káo náaŋ su, Asiria kaloŋ Sina-Sɛri è daa-leei maa tínaŋɔɔ a siɣaŋ-ŋai kélee yée mɛi ɣâle kɔ́ su.

Kɔlɔnikɔ Veerɛi 26:10

È yeŋkêŋ-ŋa tɔ̀ɔ máŋ vɛ̃ɛ-kpâlaŋ su é lóa-ŋa tée yá soŋ mɛni ma, kpɛ́ni fêi taa-tulɛ támaa è kɛ̀ ǹyêei ǹyéei kwára da diŋ-tiŋ su. Ǹûai díkɛ̀ ǹyéei-ŋa díkɛ tíi kɛ̀ mì gbâlaŋ-ŋa da gbɔmɔ-ƃa kpalaŋ ŋá nyii-ŋai kɛ̀ ǹyéei mai da ǹɔii lɛ́lɛɛi mai. È kɛ̀ a núu nyíi kɛ̀ a ǹɔii wɛ́liɛɛi.

Kɔlɔnikɔ Veerɛi 27:4

È taa-ŋa tɔ̀ɔ ǹyéei ma Zuda lɔii su. È siɣãŋ-ŋa da yeŋkêŋ tɔ̀ɔ ŋ̀úru-ŋai sáma pere.

Mąątɛ̨nɛ̨ 106:21

Dí nìa díŋuŋ ma ƃó nuui Ɣâla ma nyii díŋuŋ ma ƃò a ŋɔwála-wala-laai, é díkula Ize lɔii sui.

Mąątɛ̨nɛ̨ 95:6

Ká pá kú pîlaŋ kúŋugbe ŋá kúkpɛtɛ Ɣâlai Yâwɛɛ kɔ́ɔ mu kú vɛli,

Azaya 17:10

Eezuɛ-ƃela, kâa ŋɔ́nɔ nia Káɣâlai ma nyíi káŋuŋ-mâ ƃò é kámaa kɔ̃ɔi yɛ̂ɛ kɔnii. Kákaa nâa si-sãa síi ká kɛ́ kákpîŋ kpɛ̀tɛ ɣâla-ŋai fɛli naa.

Azaya 29:23

Ka kákpɔɔi lonii kâa kásama, nyii ŋá dɛ̀ɛ kápɔi, ka pâi gɔ́lɔnîi a gɛ́ɛ ńyãa ƃa Eezuɛ Ŋɔɣâla Maa Waai. Gɛ̀ ní, ka pâi ŋ́gɔlɔnîi ká ńaa síɣe a m̀aa waa, ka ƃaa kɛ́-maa tɛ́ɛ ḿbɔ, ká ńyãai a Eezuɛ Ŋɔɣâlai láa maa tɛ́.

Azaya 42:13

Yâwɛɛ káa yɛ̂ɛ kɔ-kuluƃa. Gbɛtɛ̂ɛi a tãi kélee yɛ̂ɛ kɔ-kuluƃa kɔ́-kɔ mɛni ma. A ŋ̀óo pilîi ŋɔkɔ-kuluƃa-ŋai dîa a gɛ́ɛ dí díkpîŋ kpɛtɛ. A ŋɔwála-wala-laai lɛ̀ ŋɔkpɔara-ƃelai dîa.

Azaya 42:25

È ǹíi ŋwàna kûa yɛ̂ɛ ŋɔŋ a tèe láa kpâla ma, é gɛ́ kú mɔ̃́lɛ kɔ́ su. Ŋɔlii-ŋwânai è kúai a Eezuɛ-ŋai kúkêreŋ yɛ̂ɛ ŋɔŋ. Kɛ́lɛ kúfe m̀ɛnii ŋá káa ní kɛ̀ kɛ̂i. Kúfe mɛni da maa kɔ́ri ní a dɔnɔ kpîŋ.

Azaya 43:21

Ńyãa ƃé ŋánûai kpɛ̂tɛ. Dia máŋ da pâi laa maa tɛ̂ wule-ŋa toôi ḿâ.”

Azaya 9:10

“Bɔ̂rɔ kane pɛrɛ-ŋai aâ wólo. Kɛ́lɛ kwa pâi dítɔɔ̂i a kɔni maa kîiŋɔɔ-ŋa. Sakimo wuru-ŋai daâ ƃúleŋ, kɛ́lɛ kwa pâi sîda wuru lɛ́lɛɛ-ŋa sîi dípɔ ŋá.”

Azaya 9:9

Ǹyaŋ à kɛ̀ tí, Sameria taa-leei Eezuɛ-lɔii sui, zu-ƃelai kélee da pâi gɔ́lɔnîi a gɛɛ ǹyaa ƃe gɛ̀ tí. Ǹûai tí yoŋkai, dísu mɛni kɛ́tɛ. Da pâi môi dîyɛɛi,

Ɉeremi 17:27

Kɛ́lɛ, fɛ̂ɛ nɔ́ dí ŋ́oo mɛ́ni, dí Vii-tɔɔ-ɣelei mɛi káa a fólo maa-waa. Dífe kpîri sìɣe dílɔ la, kpaa dí kúla la Zerusâlɛŋ a Vii-tɔɔ-ɣelei. À kɛ̀ da gɛ̀ tí, gɛ̀ ní ŋa pâi ŋɔŋ toôi Zerusâlɛŋ siɣãŋ láƃerei. Ŋɔŋ a pâi gâloŋ-pɛrɛi kéreniî Zerusâlɛŋ, ǹyaŋ núu da fé pâi kɛ̂i naa é ŋɔŋ kpîŋ líiŋ.”

Ɉeremi 2:32

Nɛnî-kpela a pɔ̂ri niâi ŋɔkɔyɛ̂ŋ-ŋai dîa, kpaa ǹɛniî nyíi gáa liî surɔŋ kulâi é nia ŋɔmaa ɣîri-sãai ma? Kɛ́lɛ, ŋánûai da nîa ḿâ a tãi su kóyaa dífe ŋɔ́nɔ góraŋ kɔ́lɔŋ.

Ɉeremi 23:27

Da gâai nɔ́ yɛ̂ɛ dísee-wôo-ŋai da pâi gɛ̂i ŋánûai dí nia ḿâ yɛ̂ɛ berei dínûa pɔlɔ-ŋai díwɔ́lɔ gɛ̀ la dí kɛ́ tìnaŋ Bêe ɣalai pɔ́ naa perei.

Ɉeremi 3:21

Yóo-yoo woo káa tɛ̂i ǹyéei tôŋ-su. Gáa a Eezuɛ-ƃelai wɔ́lɔ-woo da díkpera fêi wòo, kpɛ́ni fêi, da dítûa-pere maa fáleŋ, da nia Díɣâlai Yâwɛɛ ma.

Ɉeremi 5:17

Da pâi ká sí-sãa ƃai ká ŋ̀áa tɛ̀ gîe mai miî é pɛ́lɛ kámii-sãai dîa. Da pâi ká lônii-sinaai da ká lônii nɛyãai paâi. Da pâi káƃala kpulu-ŋai da ká taa-tulɛ-ŋai miî. Da pâi ká kpɔmɔ-kpalaŋ-ŋai da ká fîi wuru-ŋai miî. Gɔ-kuluƃa-ŋai da pâi dítaa maa kɔ́naŋɔɔ-ŋai nyíi ŋai díkili tɔɔ̂i m̀ai su karâi a ƃóa-sɔkpɔ-ŋa.”

Izikiɛ 23:35

“Tãi yà nâa nia la ḿâ, ya ńdũaŋ ípôlu-perei, yà pâi ísurɔ̂ŋ wɛli lii ŋánaai da íwulu-wulu kɛ́ɛi maa mɔ̃lɛ-laa kɛ̂i.”

Osia 13:6

Kɛ́lɛ tãi ká sèri la ǹɔii lɛ́lɛɛi mai, sɛŋ kélee è kɛ̀ káyêei kálii è nɛ̃ɛ. Ká kákpîŋ sìɣe a gɛ́tɛ ká nìa ḿâ.

Osia 2:13

Ǹyaŋ ŋa pâi tɔ̂ŋ kpɛ̂i m̀a gúui mɛni ma a gɛ̀ Bêe-ŋai dîa gɛ́ m̀aa-ɣiri a m̀aa ɣîri-sãa lɛ́lɛɛ-ŋa, gɛ́ lì ŋɔwɛ́li-ŋai pɔ́ naa, gɛ́ nìa ḿɛni mai.”

Osia 4:6

Ŋánûai su a kâra, kpɛ́ni fêi, táre fé díyêei. Káai a zâla láa-soŋ-ƃelai, gáa a kásɔŋ kpɛ́ni fêi, ka kápôlu tɔ̀ɔ ḿâ, ka ŋásɛŋ lɛ́ɛi kpɔara. Berei ka ǹia la ŋátɔ̂ŋ mai, ńyãa máŋ ŋa pâi niâi kálônii dîa.

Amɔsə 1:10

Ŋa pâi ŋɔŋ pilîi Taya ŋɔsiɣãŋ ma a gɛɛ é ŋɔkóli-ŋai kélee kéreŋ.”

Amɔsə 1:12

M̀ɛni ma ŋa pâi ŋɔŋ pilîi Temaŋ ma a gɛɛ é Boza ŋɔkóli-ŋai kéreŋ.”

Amɔsə 1:14

M̀ɛni ma ŋa pâi ŋɔŋ pɔnîi Laba ŋɔsiɣãŋ ma a gɛɛ é ŋɔkóli-ŋai kéreŋ, a láɣi-woo su kɛ́tɛ a kɔ́ kɔ́-tãi da fãa kɛ́tɛ tɛɛ-tãi,

Amɔsə 1:4

Mɛni ma, ŋa pâi ŋɔŋ pilîi Azae ŋɔpɛ́rɛi ma a gɛɛ é Bɛŋ Ada ŋɔkóli-ŋai kéreŋ.

Amɔsə 2:5

M̀ɛni ma, ŋa pâi ŋɔŋ pilîi Zuda ma, a gɛɛ é Zerusâlɛŋ ŋɔkóli-ŋai kéreŋ.”

Ifisiɛŋ 2:10

Kpɛ́ni fêi, kúkaa a Ɣâla ŋɔkpɛtɛ-sãa. È kúkpɛ̀tɛ Kôrai kponôi tíi lɛ́lɛɛ-ŋa kɛ́ mɛni ma, nyíi-ŋai Ɣâla e díkpɛ̀tɛ gíli ŋá nàa tuɛ a gɛ́ɛ ku díkɛi.

Dutɛrɔnome 32:18

Da nia Ŋ̀âlai ma nyii díkpɛ̀tɛ é díŋuŋ ma ƃòi. Ka nia ŋ̀âlai ma nyii ká maa sɔlɔ ƃôi.