Osia 7:13 - Bible

¹³ “Kpalo ƃêlai dîa. Da dípôlu fé ḿî. Da pâi saâi, kpɛ́ni fêi, da ŋ́gbɔara! Ŋâi pɔri dí ƃâloi, kɛ́lɛ da lɛ́ɛ kɛ̀ a ńaa.

Yálá laawoo hɛɓɛ (dc)

¹³ Kpalo ɓɛlaai diɛ, mąąhɔlɔɓo di kaa pui mą́ą́, di yee aa lɛɛ ɉu, mąąhɔlɔɓo di di nwun dɛ a ɲą́ą́; ɓɛlɔwai ŋį́ kɛi di nwun mąąɓo la, diɛi da kɛ lɛɛ pɛlɛi a náái.

Yálá laawoo hɛɓɛ

¹³ Kpalo ɓɛlaai diɛ, mąąhɔlɔɓo di kaa pui mą́ą́, di yee aa lɛɛ ɉu, mąąhɔlɔɓo di di nwun dɛ a ɲą́ą́; ɓɛlɔwai ŋį́ kɛi di nwun mąąɓo la, diɛi da kɛ lɛɛ pɛlɛi a náái.

Osia 7:13 ပူးပေါင်းရင်းမြစ်များ

Nehemi 1:10

“Kúnuu-namui, íkpɔɔi nuai Eezuɛ-ŋai ká ŋí. Í dí kùla luɛ laa su díkpɔara-ƃelai yêei a íwala-wala laa kɛ́tɛi.

Zôo 22:17

Ǹûai tí dí mò Ɣâla ma dîyɛɛi, ‘Ye tée kûa kúkɛ kúkpîŋ yèe ma.’ Dílâai la Ŋ̀wála-wâla kélee Ɣalai fa pɔ̂ri mɛni ŋánaa kɛ̂i a dia.

Mąątɛ̨nɛ̨ 106:10

È dí kùla díkpɔara-ƃelai yêei é díŋuŋ ma ƃó.

Azaya 30:1

Yâwɛɛ è m̀o ǹyɛɛi, “Kpalo-ƃêlai Zuda lɔii láa túɛ-ƃelai dîa, kpɛ́ni fêi, dí tɔɔ̂i ḿâ. Da mɛni kpɛtɛ́ɛ-ŋa kɛ̀ dífa díŋuŋ ma pìlaŋ a ńyãa. Da lɔii-ŋuŋ da kpɛ́ni-ŋa da mɛni kpɛ̂tɛ díkîɛ-ni loai dífa mò ḿâ. Díkaa nɔ́ niî dísɔnyɔ̂ŋ pûi gîe mɛi.

Azaya 30:2

Da lî Ize dímaa kɔ̃ɔ mɛ̂ni ma nyíi ŋ́gɔlɔŋ fé zui. Dífa ḿarê kɛ̀ dília-wôo ƃó mɛ̂ni ma. Dílâai a Ize kaloŋ a gɛ́ɛ a pɔ̂ri díŋuŋ ma ƃôi.

Azaya 31:1

Kpalo-ƃêlaai diai dîa da lì Ize kpɔŋ mâa mɛni mai. Díkili tɔɔ̂i Ize ŋɔkɔ́ kɔ́-soo-ŋai dîa, gɔ́ kɔ́-keleŋ-ŋai da díkɔ kɔ́-ƃelai. Dífe láa ní a Yâwɛɛ, Eezuɛ Ŋɔɣâla Maa Waai. Dífa fúlɔi máŋ m̀arê kɛ̀ kpɔŋ mâa mɛni ma.

Azaya 41:14

Yâwɛɛ a m̀ôi ǹyɛɛi, “Eezuɛ-ƃela, berei máŋ ka kuro-têɛɛi lai káfe yào. Ŋa pâi kpɔŋ mâa tɛɛ̂i kápɔ. Ńyãa ƃa Eezuɛ Ŋɔɣâla Maa Waai. Ńyãa ƃé káŋuŋ mâ ƃò.

Azaya 43:1

Eezuɛ-ŋa, Yâwɛɛ nyii núu-kpune kpɛ̀tɛi, a m̀ôi kâa ǹyɛɛi, “Káfe yào. Ŋa pâi káŋuŋ maa ƃôi kákpɔara-ƃelai yêei. Ńyãa ƃé kásìɣe zu a gɛ́ɛ ká kɛ́ a ŋátii kɛ́-ƃela. Kákaa a ḿbɔɔ.

Azaya 59:13

Kúsɔnyɔ̂ŋ-ŋai ƃa tɔ̂ŋ-karaa, yá Yâwɛɛ, ímaa-sîa toɔɔ. Kú tɔɔ̂i yá Yâwɛɛ yâ, kwa kúpôlu tɔɔ ísɛŋ lɛ́ɛi ma. Kwa nûa lùaŋ, kúkɛ nûa pɛlɛ wôo-ŋa ƃò, kúkɛ lɛ́ɛ kɛ̀.

Azaya 63:8

Yâwɛɛ è m̀o ǹyɛɛi, “Díkaa a ŋánûa, dífe pâi ḿbɛlɛ̂i.” M̀ɛni ma, è díŋuŋ mâ ƃò,

Ɉeremi 14:10

Zɛlemaya è ŋɔ́nɔ mò nyɛɛ Yâwɛɛ è lòno é pîlaŋ ǹûai dîa ǹyɛɛi, “Díkaa nɔ́ a pìlaŋ gɔ́ɔ-ma-ƃela. Dífa kpîŋ dísia pere maa kpɛ̂ɛ. M̀ɛni ma, ǹíi fé láa ní díyêei. Dí mɛni nyɔ́mɔɔ-ŋai kíli a pâi lɛɛ̂i ŋ̀á. Ǹyaŋ a pâi díkula-maa kɛ̂i dísɔnyɔ̂ŋ-ŋai mɛ̂ni ma.”

Ɉeremi 42:20

a gɛɛ ká káa pɔara mâa kɛ́tɛ kɛ̂i. Ká ḿarê kɛ̀ a gɛɛ ŋá Kúɣâlai Yâwɛɛ fɛli kámɛni ma. Ká Kákono tèe a gɛɛ ká pâi m̀ɛnii kélee kɛ̂i a pâi môi.

Ɉeremi 51:9

Ŋ̀ɔ̃ya-ŋai díkaa naai dîyɛɛi, ‘Kúkɔ̀ a gɛɛ kú kpɔŋ mâ tɛɛ Babelɔŋ pɔ́, kɛ́lɛ pere fé kɛ́ ní naa. Gɛ̀ ní kwaa pere kɔ̂rii a gɛɛ kwaa pú kúli kú-pɔ taai. Ɣâla a Babelɔŋ kùla ma kɛ́ a ŋɔwála-wala-laai kélee. Ǹyaŋ a Babelɔŋ su kara kpɔ́ kpúŋ’ ”

Ɉeremi 7:15

Ǹyaŋ ŋa pâi kákpɛ̂i ŋ́ɛi túɛ yɛ̂ɛ berei ŋá wɔ́lɔ gɛ̀ la a ká káayɔɔ-ŋai nyíi-ŋai díkaa a Ifiraŋ ŋɔsuui su-ƃelai. Ńyãa Yâwɛɛ ƃé mò tí.”

Woolaa 5:16

Gâloŋ ƃɔrɔi kɛ̀ kúŋûai, a kula naa a too. Mɔ̃́lɛ-laa a pá kúpɔ kpɛ́ni fêi, kwa sɔnyɔ̂ŋ kɛ́.

Izikiɛ 16:23

Ŋ̀wála-wâla kélee Yâwɛɛi è mò ǹyɛɛi, “Kpalo ƃelaai yâ a maa pɔlɔ-pɔlɔɔ, m̀ɛni-ŋai ní mɛ̂ni ma.

Izikiɛ 18:2

“Zaŋ ŋí yà zɔɔ é pîlaŋ Eezuɛ mai zukulâi ƃa lé? ‘Ǹáŋ-ƃelai dí gbɔmɔ-ƃa kponai mii, kɛ́lɛ ǹîa-pɛlɛɛi ƃe dínyiŋ-ŋa è kpona.’

Izikiɛ 18:25

“Kɛ́lɛ, ká mò kâai, ‘M̀ɛnii ǹuu-namui è gɛ̀i vé lɛ́lɛ ní.’ Káai a Eezuɛ-ƃelai, ka káwoli tɔ́ɔ. Ńdûa-pere fé lɛ́lɛ ní? Káa fé kátua-pere nyɔmɔɔi?

Izikiɛ 34:6

Dítaa taâi ǹyée kpaya-kpaya-ŋai da ǹyée pɛlɛɛ-pɛlɛɛ-ŋai tôŋ su. Ŋá ƃála-ŋai táa taâi ŋ̀éniɛi su gwaa kélee ma núu da fé naa é díkula lɔɔ̂i kɛ́.

Osia 11:12

Eezuɛ a lɛ́ɛ kɛ́ ḿâ. Eezuɛ a ḿbɛlɛ̂i. Kɛ́lɛ Zuda-ƃelai díkaa nɔ́ niî ŋ́gbɔarâi ńyãai a gili-kɛ-zu Ɣala Maa-Waai.

Osia 11:2

Berei nɔ́ ŋá kɛ̀ dítôlii lai, bere nɔ́ ƃé dí kɛ̀ dípôlu fêi la ḿî. Dí kɛ̀ nɔ́ sâla kulâi díɣâlai Bêe-ŋai dîa, dí kɛ́ sɛŋ kúŋ-nɛ̃ɛ kèreŋ dí Ɣâla pɔkɔɔŋ-ŋai dîa.

Osia 5:7

Dífe niî kɛ́ ní a tɔ̃yâ-ƃela Yâwɛɛ ŋɛ́i. Ǹyaŋ vé pâi dílônii kɔ́lɔŋ-nii. Dí lɛ́ɛ ɣala mɛni kɛ́ɛ-ŋai a pâi dísu karâi da dílɔii.

Osia 7:1

“Ŋá kɛ̀ ŋ̀wɛ̂lii ŋá Eezuɛ ƃálo, ŋá gɛ́ é ƃûu ƃó, kɛ́lɛ gáa nɔ́ nîi ŋɔsɔnyɔ̂ŋ kɛ̂i. Sameria káa nɔ́ ŋwana lɔ̂ɔ kɛ̂i da lɛ́ɛ, ŋ̀uma-ƃelai dí kɛ́ ŋúma kɛ̀, mɛni-nyɔmɔɔ kɛ́-ƃelai dí kɛ́ mɛni nyɔ́mɔɔ kɛ̀.

Osia 7:3

“Díŋwana-lɔ̂ɔ tuai su dí gâloŋ líi nɛ̃ɛ, ǹyaŋ gâloŋ ǹônii da ǹíi nɛ̃ɛ a dí lɛ́ɛ lono-ŋai.

Osia 9:12

À kɛ̀ kpîŋ da nîa-pɛlɛɛ maa sɔlɔ ƃò, ŋa pâi dípaâi. Dítɔnɔ fa lɛ̂ɛ ɣele ma. Ŋà kùla dípôlu, kpalo ƃêlai dîa!”

Osia 9:17

Ŋáɣâlai a pâi díkpɛ̂i, kpɛ́ni fêi, dífe niî díwoli tɔɔ ní ŋ̀óo ma. Da pâi kɛ̂i a pilaŋ gɔ́ɔ ma-ƃela ǹɔii-ŋûŋ-ŋai su.

Zôna 1:10

Zôna è mò dîa a gɛɛ è kɛ̀ pûi Yâwɛɛ yêei. Nya ƃe ǹúai díyao kpɔ́ a dámaa dîyɛɛ m̀ai “Í gɛ̀ tí lé mɛni ma?”

Zôna 1:3

Kɛ́lɛ Zôna è pù a gɛɛ é lí Sipîŋ taa-leei su é kúla Yâwɛɛ ŋɛ́i. È lì Zâpa taa-leei su é yáŋa-keleŋ tɔnɔ káa naa gɛ́ lì Tasi. È géleŋ fela-fêe kɛ̀ é píli zu a gɛɛ é lí Sipîŋ é kúla Yâwɛɛ ŋɛ́i.

Mise 6:12

Káai a dɔ́ɔ-ƃelai ka gôlo-ƃelai dí-sãai kula díyêei ǹyaŋ kákelee ká kɛ́ ƃò a lɛ́ɛ-ƃela.

Mise 6:4

Ŋá kákùla Ize lɔii su ŋá káŋuŋ maa ƃó luɛ-laa su. Ŋá Mose, Eelɔŋ da Miriaŋ tɛ̀ɛ a gɛɛ dítɔɔ ká túɛ.

Maafîu 23:37

“Óo Zerusâlɛŋ, Zerusâlɛŋ, yái Ɣâla ŋɔlóno-kɛ-ƃelai pâa, í diai sɔ́ɔ a kɔni dí dítɛ̀ɛ ípɔ-naai! Ŋa ŋ̀wɛ̂lii ŋá ílônii ŋá tɛ̂i díkîe ma a tãi támaa, yɛ̂ɛ berei tɛ́ɛ-lêe a ǹônii ŋá tɛ́ la díkîe ma goôŋ mui, kɛ́lɛ, ífa faa m̀a!

Dutɛrɔnome 15:15

Ka gɔ́lɔŋ a gɛɛ ká kɛ̀ a luɛ-ŋa Ize lɔii su Yâwɛɛ Káɣâlai é káŋuŋ maa ƃó. Mɛni ƃé ŋa dɔ̂ŋ ŋí tɛɛ̂i la kápɔ sâa.

Zɔ̂ŋ Maa-ŋuŋ 1:10

À kɛ̀ kwa mo a gɛɛ kúfe niî sɔnyɔ̂ŋ kɛ́ ní, gɛ̀ ní kwa gɛ̂i a lɛɛ-nuu, ǹyaŋ wóoi fé kúkponôi.

M̀ɛni-lɛɛi 8:13

Nya ƃe ŋá nàa kàa, ŋá kuɛ wóo mɛ̀ni a ŋ̀óo su kɛ́tɛ tãi è kɛ̀ kóonîi Ɣâla-taa sama, nyɛɛi, “Kpâlo, kpâlo, kpâlo ƃélaâi diai dîa díkaa ǹɔii mai, tãi Ŋ̀âla-taa-kela saaƃai da kɛ̂ durii gbeli-ŋai fɛɛ̂i lai, ǹyaŋ dífɛɛ-tãi a nàa seri!”