Osia 2:7 - Bible

⁷ A pâi kîrɛ siɣêi ŋɔwɛ́li-ŋai pôlu, kɛ́lɛ vé pâi dísonîi. A pâi díkɔ̂rii, kɛ́lɛ vé pâi díkâai. A pâi m̀ôi ǹyɛɛ, ‘Ŋa pâi liî pôlu ŋásurɔ̂ŋ maa-ŋuŋ pɔ́, kpɛ́ni fêi, ŋá kɛ̀ mɛni lɛ́lɛɛ sɔlɔ ƃôi é tɛ́ɛ tãi ŋí ma.’

Yálá laawoo hɛɓɛ (dc)

⁷ di lee kɛ mɛ̨nį a wɛlikɛ nɛ̨ɛ̨nu, nɛ̨ɛ̨nui di mąą koo həɠə, aa nwumɛ̨ tɛ a gbɔwɔ, a kɛi ə kɛi mo diɛ: «Gáá gilɛ həɠəi nwɔ́ wɛliɠaai pulu, diɛ ɓə da gɔ́ a kɔ̨nɔ̨n da yá; diɛ gɔ́ a həɠəɠaa, wulɔ da lɔɔ.»

Yálá laawoo hɛɓɛ

⁷ di lee kɛ mɛ̨nį a wɛlikɛ nɛ̨ɛ̨nu, nɛ̨ɛ̨nui di mąą koo həɠə, aa nwumɛ̨ tɛ a gbɔwɔ, a kɛi ə kɛi mo diɛ: «Gáá gilɛ həɠəi nwɔ́ wɛliɠaai pulu, diɛ ɓə da gɔ́ a kɔ̨nɔ̨n da yá; diɛ gɔ́ a həɠəɠaa, wulɔ da lɔɔ.»

Osia 2:7 ပူးပေါင်းရင်းမြစ်များ

Kɔlɔnikɔ Veerɛi 28:23

A kâa kɛ sala-ŋa kulâi ŋâla-ŋai kɛ Dɛmɛikai dîa. Kpɛni fêi Dɛmɛika ƃelai dí ǹyée mɛi ɣale, gɛ mo ǹyɛɛi, “Tãi Siria-ŋai díkâloŋ-ŋai dí ǹyée mɛi ɣalei, ŋa pâi díɣâlai fɛlii a gɛ́ɛ é kpɔŋ mâa.” Kɛ́lɛ dí gɛ Eea da Eezuɛ dítoo.

Mąątɛ̨nɛ̨ 116:7

Ńii seɛ̂ɛi, kpɛ́ni fêi, Yâwɛɛ sɔŋ lɛ̂lɛɛi ḿɛni ma.

Azaya 30:16

Ka mò kâa ka pâi tɛ̂i soo-ŋa mɛi kú pú kú kúla kúkpɔara-ƃelai perêi. Ka púɔɔ fé nyɔ́ŋ ní. Gáa kákili ŋá a gɛ́ɛ kásoo-ŋai kɔ́ɔ ma fêlaai é tɛ́ɛ kákpɔara-ƃelai díwɔ̂ɔ-ŋai dîa. Kɛ́lɛ vé tí!

Ɉeremi 14:22

Ŋ̀âla-pɔkɔɔŋ-ŋai díkaa ǹɔii-ŋuŋ-ŋai sui, da fa pɔ̂ri gɛ̂i tuna é pú. Ŋ̀ele-kɔlɔŋ fa pɔ̂ri gɛ̂i tuna é pú gbîŋ-yee ma. M̀ɛni ma, yá nɔ́ ƃé kúkili káa yâ, óo Yâwɛɛ, yái íkaa a Kúɣâlai. Kpɛ́ni fêi yá tɔnɔ nɔ́ ƃé ya pɔ̂ri m̀ɛni-ŋai ŋí kɛ̂i.

Ɉeremi 2:2

a gɛɛ ŋá lí ŋá ŋ̀orɛ̂-wooi ŋí ƃó Zerusâlɛŋ-ƃelai kélee dîa. “Tãi kákɛ̀ la a nîa-pɛlɛɛi, kákili è lɛ̀ɛ ŋ́a kálaa-laai maa mɛ̂ni ma, berei kákɛ̀ la a ŋ́wɛliɛi a tãi ŋá ká kùla la a nɛniî. Kákɛ ḿbôlu vɛ̃ɛ-kpâlaŋ su, ǹɔii sú nyíi sí-sɛŋ fé kɛ́ ní a zíɛɛ naai.

Ɉeremi 2:28

“Ŋ̀âla-ŋai ká dí kpɛ̀tɛ kákpîŋ mɛni mai, dîa kɔ̂ɔ? Ka ǹɛɛ naa díka ŋuŋ ma ƃó tãi kákaa la mɛni kpɔ̂lu sui. Káai a Zuda-ƃelai, ɣâla támaa káa káyêei yɛ̂ɛ berei kátaa-lee-ŋai káa lai.

Ɉeremi 2:36

Ka gáa berei ka kákpîŋ foâŋ la kákɛ tɛ̀ kákɛ yeŋ, kákɛ kátûa pere maa fâleŋ a maa félaai. Ize a pâi kálii tôoi pôlu yɛ̂ɛ ƃerei Asiria è kálii tòo la pôlui.

Ɉeremi 3:1

Yâwɛɛ è mò ǹyɛɛi, “À kɛ̀ núu da a ŋɔnɛnîi lɛ̀ɛ, m̀aa nɛ̂nii tí é surɔ̂ŋ da kpɛ́ni kúla, va ŋɔ́nɔ pɔ̀ri kulâi ŋɔsurɔ̂ŋ ninai yêei da ŋɔsurɔ̂ŋ duɛ-tuɛi dí ŋɔ́nɔ tûa. Da gɛ̀ tí, m̀aa tûa-laai tí a ǹɔii maa tĩ̂a kara ŋ́ɛi. Kɛ́lɛ, Eezuɛ, yaâ wɛ́li támaa sóŋ, íkɛ ŋɔ́nɔ ŋ̀wɛli a gɛɛ í ŋɔ́nɔ pá pôlu ḿbɔ naa.

Ɉeremi 31:18

“Ŋá Eezuɛ-ƃela wóo mɛ̀ni a lii-too pôlu pere, ‘Yâwɛɛ, kúkaa yɛ̂ɛ lɔɔ-fɛnɛ sãa. Kɛ́lɛ í kú tɔ̀ɔ a gɛɛ kú íwoo mɛni. Pá a kûa pôlu. Kwa kúkpîŋ kpɛtɛ a gɛɛ kú pá pôlu ípɔ naa. Yá ƃa Yâwɛɛ nyíi gáa a Kúɣâlai.

Ɉeremi 31:32

Vé pâi kɛ̂i yɛ̂ɛ gbanaŋ-wooi nyíi ŋá gɛ̀ dínâŋ pɔlɔ-ŋai yêei a tãi ŋá dísòŋ la a díyee ŋá díkula Ize lɔii sui. Berei máŋ ŋá kɛ̀ la yɛ̂ɛ dísurɔ̂ŋ, dífe ŋákpanaŋ-wooi mɛi káa ní.

Ɉeremi 44:17

M̀ɛnii nɔ́ kú mòi, ǹyaa nɔ́ ƃé kwa pâi gɛ̂i. Kwa pâi sâla kulâi kúɣâla-nɛnii ma, nyíi gáa a Ŋ̀âla-taa Kâloŋ-nɛnii. Kwa pâi kpele-sɛŋ sala kulâi m̀a yɛ̂ɛ berei nɔ́ kwa kúnâŋ pɔlɔ-ŋai, kúkâloŋ-ŋai da kúlaa túɛ-ƃelai kwa kâa gɛ̀ la daa-ŋai su Zuda da Zerusâlɛŋ pere-ŋai mai. Tãi tí ma, mii-sɛŋ támaa è kɛ̀ kúyêei, kúkɔ̃lîŋ támaa, mɛni kpɔ̂lu da fé kúpôlu.

Izikiɛ 16:18

Í zeɣei ŋá dɛɛ í pɔi seɣe í dòo dîa. Í ŋá ɔle-wulɔi da ŋá kereŋ-sɛŋ kuŋ-nɛɛi tɛɛ dí pɔ.

Izikiɛ 16:8

“Tãi ŋa ŋɔ́nɔ tɛ̀ɛ la yâi, ŋa gàa a gɛɛ tãi a seri a gɛɛ í nâa kɛ́ a surɔŋ-pɛrɛ mu ǹuu. Nya ƃe ŋá í mɛi pɛlɛ a ŋá seɣei ŋá íkaŋ loo ŋá kpanaŋ-woo kɛ̀ í yêei a gɛɛ kwa yâ kúkɛ tua-laa ma. Íkɛ a ḿbɔɔ.” Ŋ̀wála-wâla kélee Yâwɛɛi ƃé mò tí.

Izikiɛ 20:32

Ka gbɛ̀tɛ kákili ŋa a gɛɛ ka ŋwɛli ká kɛ yɛ̂ɛ ǹɔii ŋuŋ ŋai díkaa ká kɔlɛ mai, ká kɛ yɛ̂ɛ ǹûai díkaa ká kɔlɛ ǹɔii ŋai sui a gɛɛ ká kɛ ŋ̀úru-ŋai da gɔni-ŋai fɛli. Kɛ́lɛ, vé pâi kɛ̂i a dɔnɔ kpîŋ.

Izikiɛ 23:12

È Asiria mɛi-ƃelai, gɔkuluƃa-ŋai mɛi-ƃelai da gɔkuluƃa-ŋai nyii-ŋai kɛ̀ a dímaa ɣiriɛɛ kɔ́kɔ mɛni ma, díkɛ ƃò a sinâa lɛ́lɛɛ-ŋai da-ŋa díkɛ soo-ŋa siai maa kili-tee.

Izikiɛ 23:22

“M̀ɛni ma, Óoliƃa, Ńyãa Ŋ̀wála-wâla kélee Yâwɛɛi, ŋa pâi gɛ̂i a gɛɛ íwɛli kɛ́-maa-ƃelai nyii-ŋai í ípôlu tɔ̀ɔ dîai díkula ƃéla kélee ma íƃɛlɛ é kɛ́ɛ díkoi dítɔɔ yâ.

Izikiɛ 23:4

Nɛyãi ŋí maa-ŋuŋ láa ƃé kɛ̀ a Óola, ǹêɣe láa ƃé kɛ̀ a Óoliba. Ŋá díkula a nɛnî. Dínîa-pɛlɛɛ maa sɔlɔ ƃó ḿî yɛ̂ɛ berei dílaa káa lai, Óola ƃa Sameria da Óoliba ƃa Zerusâlɛŋ.

Danîa 4:17

Ɣâla-taa kela-ŋa ƃé pà dí m̀ɛnii ŋí duŋ tòo a gɛɛ ŋ̀éniɛi su-ƃelai kélee dí gɔ́lɔŋ Ŋ̀wála-wâla kélee Ɣalai ƃe gáa kâloŋ-laa kélee mɛi. A wála-wala tɛ̀ɛ núu kélee pɔ́ yɛ̂ɛ berei a wɛ̂li lai. A nɛ̃ɛ ma maa nuui é kɛ́ a núu doo-mu.”

Danîa 4:25

A pâi íkulâi núu-kpune sáma ka fɛnɛ-sãa ka ƃò kwaa tɔ̂a. Ya pâi kɛ̂i naa a kóraŋ lɔ́ɔlu mɛi feerɛ kala kɛ̀ ƃò a íkɔnɔ̃ŋ yɛ̂ɛ niŋa, nɛŋ kɛ́ pù yâ. Ya pâi gɔlɔnîi a gɛɛ Ɣâla ŋɔwála-walai tɛɛ̂i kâloŋ-laa kélee ma. Ǹyaŋ a wála-wala tɛ̀ɛ núui pɔ́ a wɛ̂li é dɛɛ bɔ́i.

Danîa 4:32

Da pâi íkulâi núu-kpune sáma dí ítɛɛ ǹɔɔi su. Ya pâi kɛ̂i naa í kɛ́ kala mîi yɛ̀ɛ fɛnɛ-sɛŋ a kóraŋ lɔ́ɔlu mɛi feerɛ. Ya pâi gɔ́lɔnîi a gɛɛ Ŋ̀âla Kɛ́tɛi ƃa sɛŋ kélee ǹâmu. Ǹyaŋ núui a wɛ̂li é da tɛɛ bɔ́i, maa nûui ƃé a da tɛɛ bɔ́.”

Danîa 5:21

Dí gbɛ̀ é kúla núu-kpune sáma é lí ǹɔɔi su da fɛnɛ-sãa dí ƃò naa. Ŋɔkili ŋa-siai è nâa kɛ̀ yɛ̂ɛ fɛnɛ-sɛŋ, kala kɛ́ ƃò a gɔ́nɔ̃ŋ. Nɛŋ è lɛ̀ɛ pûi mà é gɔ́lɔŋ a gɛɛ Ŋ̀âlai nyii gáa ŋ̀elei sui ƃé gáa sɛŋ kélee mɛi. Gáa kâloŋ-laa kélee mɛi. Ǹúui a wɛ̂li é da tɛɛ bɔ́i, a pɔri gɛ̂i tí.

Osia 1:2

Yâwɛɛ è lòno Osia pɔ́ a maa-ŋuŋ. È mò ma ǹyɛɛi, “Lí íwulu-wulu-kɛ nɛni kula a ínɛnî ka ǹyaa ká nîa-pɛlɛɛ maa sɔlɔ ƃó. Ǹîa-pɛlɛɛi da pâi kɛ̂i nɔ́ yɛ̂ɛ dílee. Bere nɔ́ ƃé ŋánûai Eezuɛ-ŋai dí káa la kpɛ́ni fêi, dí káa ɣâla da kpɛ́ni-ŋa fɛlîi yɛ̂ɛ berei núu a wulu-wulu kɛ̀ lai. Da díyee kúla ḿû.”

Osia 13:6

Kɛ́lɛ tãi ká sèri la ǹɔii lɛ́lɛɛi mai, sɛŋ kélee è kɛ̀ káyêei kálii è nɛ̃ɛ. Ká kákpîŋ sìɣe a gɛ́tɛ ká nìa ḿâ.

Osia 14:1

Óo Eezuɛ-ƃela, ka pá pôlu Káɣâlai Yâwɛɛ pɔ́, kpɛ́ni fêi, kásɔnyɔ̂ŋ a gɛ́ ka too.

Osia 2:16

Maa ɣêlei tí ya pâi ńdôlii a ísurɔ̂ŋ. Ífe pâi ŋɔ́nɔ ńdôlii a íbêei nyii gáa a íɣâlai.

Osia 5:13

“Tãi Eezuɛ è ŋɔkɔlɔ-felai kàa lai, Zuda é ŋɔkpálai-laai káai, è kɛ̀ tí, Eezuɛ è lì Asiria lɔii su, é gâloŋ kɛ́tɛi worɛ̂ tɛ̀ɛ. Kɛ́lɛ vé kɛ̀ pɔri ní díƃâloi.

Osia 5:15

“Ŋa pâi liî pôlu ḿbɔ naa é lɛ́ɛ la zu dí dísɔnyɔ̂ŋ kɔ́lɔŋ, dí ŋ́gɔri. Ǹyaŋ tãi da dímɛni-kpɔ̂lu-ŋai kɔ̂lɔŋ lai, da pâi ŋ́gɔ̂rii.”