Osia 2:5 - Bible

⁵ Dílee è wulu-wulu kɛ̀. È dímaa kôo sìɣe ŋumɛ tûa kɛ́ɛ su. È mò ǹyɛɛ, ‘Ŋa pâi liî ŋáwɛli-ŋai pɔ́ nyii-ŋai da kpólo yà ḿî, seɣe, wúlɔ da kpele-sɛŋ.’

Yálá laawoo hɛɓɛ (dc)

⁵ A wala gɛ tii, gáá pai həɠə kulɔi mą, ə lɛɛ a gbuwulu, gɛ́ nɛɛ lɔ yɛ bələi wɔlɔ ə kɛ la a gaa yələ. Ŋį́ gɛ yɛ lɔi pun, ŋį́ gɛ yɛ gbali a kələn, gɛ́ gɛ, yɛ haa la a kpələ wɛli.

Yálá laawoo hɛɓɛ

⁵ A wala gɛ tii, gáá pai həɠə kulɔi mą, ə lɛɛ a gbuwulu, gɛ́ nɛɛ lɔ yɛ bələi wɔlɔ ə kɛ la a gaa yələ. Ŋį́ gɛ yɛ lɔi pun, ŋį́ gɛ yɛ gbali a kələn, gɛ́ gɛ, yɛ haa la a kpələ wɛli.

Osia 2:5 ပူးပေါင်းရင်းမြစ်များ

Azaya 1:21

Zerusâlɛŋ taa-leei, tãi tɔnɔ da, í kɛ̀ yɛ̂ɛ ǹɛnîi ńyii a bɔ̂ŋ wóo mɛnii. Tãi tɔnɔ da ínûai kélee dí kɛ̀ a teniŋ ƃô-ƃela. Kɛ́lɛ yâ nâa kɛ́ yɛ̂ɛ wulu-wulu kɛ́-nɛni. Ínûai kélee da kɛ́ a núu paa-ƃela.

Azaya 50:1

Yâwɛɛ è m̀o ǹyɛɛi, “Gáa kákili ŋá a gɛ́ɛ ŋá kákpɛ̀ yɛ̂ɛ surɔ̂ŋ a ŋɔnɛnîi lɛ̂ɛ? À kɛ̀ tí, gɛ̀ ní, dáa-lâa kɔlɔi ŋá dɛ̀ɛ kápɔi, ǹyaa kɔɔ? Kpaa máŋ gáa kákili ŋá a gɛ́ɛ ŋá kátɛ̀ɛ a sɛ́ɣɛ-sãa diai pɔ́ díkpa káa ḿâi? Kpao, kásɔnyɔ̂ŋ maa luɛ-laa ƃé kákaa zu. M̀ɛni nyɔ́mɔɔ-ŋai ká gɛ̀, da nyíi-ŋai ka gɛ̂i maa luɛ-laa ká ŋí ka zui.

Ɉeremi 11:13

Kpɛ́ni fêi, káai kákaa Zudai, káɣâla-ŋai tâmaai yɛ̂ɛ berei kátaa lêe-ŋai díkaa lai. Ká ŋumɛ ɣâla-teƃele-ŋai ká dɔ̀ɔ Bêe ɣalai mɛni mai, dâmaai yɛ̂ɛ bere-ŋai díkaa Zerusâlɛŋ.

Ɉeremi 13:22

Ǹyaŋ à kɛ̀ ya marê-kɛ̂ɛ kɛ̀ a gɛɛ lé mɛni ƃé m̀ɛnii ŋí è kɛ̀ la a yái, lé mɛni ƃé da íseɣei fála la da gùla yâ, da í tée perêi, zukulâi ƃa, kpɛ́ni fêi, ya sɔnyɔ̂ŋ támaa kɛ́.

Ɉeremi 2:20

Ŋ̀wála-wâla kélee Yâwɛɛi è mò ǹyɛɛi, “Tãi su kôyaa yée mu, ká káyee kùla ŋá wála-wala laai mu, ká tɔ́ɔ kákpîŋ yee ma. Ká mò kâai, ‘Ḿve pâi vɛliî,’ kɛ́lɛ tãi ká kɛ̂ ká ɣâla da kpɛ́ni-ŋai fɛliî lai, ka kɛ̂ lɔ-pɔ̂rɔŋ kɛ̂i ǹyée-ŋai ma da ŋ̀úru-ŋai mu, káɣâla mɛni kɛ́ɛ maa-pere su.

Ɉeremi 6:8

Ka ká mɛi káa, óo Zerusâlɛŋ-ƃela. À wàla kɛ́ tí, ŋa pâi ḿbôlu tɔɔ̂i kâa, ŋa kálɔii lɛ́ɛ a bûŋ ƃɛ́i núu da fé pâi lɛɛ̂i naai.”

Izikiɛ 16:35

Óo Zerusâlɛŋ, yái a wulu-wulu kɛ́-nuui, m̀ɛnii mɛ̂ni nyii Ŋ̀wála-wâla kélee Yâwɛɛi a môi.

Izikiɛ 16:39

Ŋa pâi ká tɛɛ̂i ká wɛ̂li-ŋai pɔ́ díka wulu-wulu kɛ kwaa ŋai m̀â da káɣâla-pɔɔkɔŋ fɛli kwaa-ŋai m̀â wólo. Da pâi ká maa ɣiri sãa-sɔ̃ɔ kpanaŋɔɔi kulâi kâa. Díka maa-ɣiri-kɔyɛŋ-ŋai siɣe díka lɛɛ a kákaŋ.

Izikiɛ 16:4

Tãi díka maa sɔlɔ ƃó lai, dífe káwoliŋ tée ni. Dífe káwaa-ni a gɛɛ kákɛ a ká maa waa. Dífe mîi-kpolo sia ni kâa, kpaa máŋ díseɣe ƃela kpiniŋ a kaa.

Osia 1:2

Yâwɛɛ è lòno Osia pɔ́ a maa-ŋuŋ. È mò ma ǹyɛɛi, “Lí íwulu-wulu-kɛ nɛni kula a ínɛnî ka ǹyaa ká nîa-pɛlɛɛ maa sɔlɔ ƃó. Ǹîa-pɛlɛɛi da pâi kɛ̂i nɔ́ yɛ̂ɛ dílee. Bere nɔ́ ƃé ŋánûai Eezuɛ-ŋai dí káa la kpɛ́ni fêi, dí káa ɣâla da kpɛ́ni-ŋa fɛlîi yɛ̂ɛ berei núu a wulu-wulu kɛ̀ lai. Da díyee kúla ḿû.”

Osia 2:2

Yâwɛɛ è mò ǹyɛɛi, “Ka mó kálee ma a gɛɛ é kpéra ŋɔmɛni nyɔ́mɔɔi ma. Vé ŋɔ́nɔ a ŋánɛnî ńyaŋ ḿve ŋɔ́nɔ a ŋɔsurɔ̂ŋ. Ka mó ma a gɛɛ é ǹyée kúla wulu-wulu kɛ́ɛ su, é tée mɛni piliɛɛ zu ma.

Osia 2:8

“Vé kɛ́ ní a gɔ́lɔŋɔɔ a gɛɛ ńyãa ƃé mii-sɛŋ tɛ̀ɛ bɔ́, ŋwã̂ai, sɛŋ-kao kole da gôo tɛ̀ɛ bɔ̀ nyii-ŋai è tíi kɛ̀ la Bêe Ɣalai fɛli-pɛrɛi mui.

Osia 3:1

Yâwɛɛ è mò ḿâ ǹyɛɛi, “Lí í ŋɔ́nɔ ínɛnîi wɛ́li kɛ́ nyii gáa a wulu-wulu kɛ́ nɛnii. Ŋ̀wɛ́li yɛ̂ɛ berei ŋá Eezuɛ-ƃelai wɛ́li-ni lai. Berei máŋ da tínaŋ la díkpɔɔi kpɛtɛ ɣâla-ŋai pɔ́ pere dí kɛ́ kpólo nɛ̃ɛ-ŋa mìi nyii da dɛ̀ɛ díɣâla-ŋai tí pɔi.”

Osia 4:5

Ya pâi karênii a ɣele ƃɔ́ɔ, yɛ̂ɛ à kɛ̀ a kpíni. Ɣâla ŋɔlóno kɛ̂-nuui a pâi karênii máŋ bere sîi tɔnɔi ŋí su. Ŋa pâi Eezuɛ su-karâi nyii gáa a íleei.

Osia 8:9

Eezuɛ-ŋai da lí Asiria lɔii su yɛ̂ɛ wɛlɛ-sôo-ŋa ƃé dí sáa kɔ̂rii a gɛɛ dí tɛ́ dí kɛ́ tɛ̀ɛ-tɛɛ nɔ́ díŋuŋ ma díkɛ díkpɔŋ maa-ƃela kɔ̀ri. Da nâa díwɛli kɛ́ maa-ƃela káa.

Osia 9:10

Yâwɛɛ è mò ǹyɛɛi, “Tãi ŋá Eezuɛ-ŋai kàa lai, dí kɛ̀ yɛ̂ɛ kpɔmɔ-ƃa vɛ̃ɛ-kpâlaŋ su. Tãi ŋá dínâŋ-ni kàa lai, dí kɛ̀ yɛ̂ɛ fîi wuru-ƃa maa-ŋuŋ. Kɛ́lɛ tãi da ńdɛɛ la dí tínaŋ Bêe Ɣalai pɔ́-naa-perei, ŋa díkpɔara yɛ̂ɛ berei ŋá Bêe Ɣalai kpîŋ kpɔ̀ara lai.

Amɔsə 8:13

Maa-ɣêlei tí nɛnî-kpela-ŋa da nyáŋkpa-ŋa da pâi fôai a kpele-wɛ̂li.

Nwun mąąɓo 16:23

Felesia-ŋai díɣâlai láa ƃé kɛ̀ a Dagɔŋ. Ɣele tɔ̂nɔ da díkâloŋ-ŋai dí díŋaa tɛ̀ ma a gɛ́ɛ dí kúu kɛ́tɛ kɛ́ dí sâla kula díɣâlai Dagɔŋ ma. Dí kɛ̀ lii-nɛ̃ɛ kulâi díkɛ wule tôo dîyɛɛi, “Kúɣâlai a gɛ́ kwa kúkpɔara-nuui Saŋsiŋ yée mɛi ɣále.”