Osia 14:6 - Bible

⁶ Zame a pâi táa-tâai ǹɔii mu. Ŋɔlɛ́lɛ-laai a pâi kɛ̂i yɛ̂ɛ ɔ̂le-wuru, gúŋ nɛ̃ɛ yɛ̂ɛ ŋ̀úru-ŋai díkaa Lɛƃanɔŋ-lɔii sui.

Yálá laawoo hɛɓɛ (dc)

⁶ Gáá pai kɛi a nɛ̨nɲá Israɛlə ɓa, gaa pai powai yɛ yagbudɛn, yɛ ɉamu lɔ kpɔ kwɛa la yɛ Liban wəla wulu.

Yálá laawoo hɛɓɛ

⁶ Gáá pai kɛi a nɛ̨nɲá Israɛlə ɓa, gaa pai powai yɛ yagbudɛn, yɛ ɉamu lɔ kpɔ kwɛa la yɛ Liban wəla wulu.

Osia 14:6 ပူးပေါင်းရင်းမြစ်များ

Zɛnɛse 27:27

Nya ƃe è lɛ̀ɣɛ la é ǹá-gbɔ see mà. È ŋɔseɣei kúŋ mɛ̀ni é lûwa láa ma ǹyɛɛ mai, “Ńoŋ kɔlɔ kúŋ lɛ̂lɛɛi yɛ̂ɛ wolâi kúŋ nyii Yâwɛɛ è lûwa làa mai.

Mąątɛ̨nɛ̨ 128:3

Í nɛnîi a pâi kɛ̂i ípɛrɛi mu yɛ̂ɛ kpɔmɔ-ƃa kpɔlɔ nyíi a ƃâ a dámaai, ǹyaŋ ínîa-pɛlɛɛi da pâi kɛ̂i ítêƃelei ma yɛ̂ɛ ɔle-wuru pòmuŋ lɛ́lɛɛ kpanaŋɔɔ-ŋa.

Mąątɛ̨nɛ̨ 52:8

Kɛ́lɛ, ŋ́gaa nɔ́ yɛ̂ɛ ɔle-wuru nyii gáa ƃɔlɔ̂i Ɣâla ŋɔpɛ́rɛi mui. Ńâai a ŋɔwɛli-kɛ-maa kpanaŋɔɔi wɔ́lɔ-wɔlɔ da wɔlɔ-wɔlɔ.

Mąątɛ̨nɛ̨ 92:12

Dɔ̃yâ-ƃelai da ƃûu ƃò yɛ̂ɛ tóu wuru, díkɛ ƃɔ̀lɔ a ǹɛ́lɛɛ yɛ̂ɛ sîda wuru-ŋai díkaa Lɛƃanɔŋ.

Azaya 27:6

Ŋ̀ele-ŋai da pâi pâi Eezuɛ-ƃelai da pâi ŋɔ́nɔ dísame nina-ŋa siɣêi yɛ̂ɛ wúru-ŋa. Zeeka ŋɔsuui su-ƃelai ŋí da pâi ŋɔ́nɔ ƃûu ƃôi dí ǹɔii lá-fɛɛ. Mii-sãa támaa da pâi kɛ̂i naa dímɛni ma.

Azaya 35:2

Vɛ̃ɛ-kpâlaŋ-ŋai da ǹɔii kpâlaŋ-ŋai da pâi kɛ́i wule-ŋa toôi díkɛ lii-nɛ̃ɛ kùla a zu-kɛ́tɛ. Gwaa-ŋai ŋí ma a pâi kɛ̂i a ǹɛ́lɛɛ yɛ̂ɛ Lɛƃanɔŋ Yee-ŋai ma. Ǹɔii a pâi kɛ̂i a ǹɛ́lɛɛ gwaa-ŋai ŋí ma Kamɛɛ Yeei da Sarɔŋ tiŋ-tiŋ su. Ǹaa-ƃelai kélee da pâi Yâwɛɛ ŋɔfólo-laai kâai, dí Ɣâla ŋɔkɛ́tɛ-laai kɔ́lɔŋ da ŋɔwála-walai.

Azaya 66:14

Tãi ka pâi nyíŋi naa kâai lai, kálii a pâi nɛ̃ɛ̂i. Ǹyaŋ a pâi kákponôi kpananîi é kákɔlɔi pono. Gɛ̀ ní ka pâi gɔ́lɔnîi a gɛ́ɛ ńyãa Yâwɛɛ ŋa kpɔŋ-mâ tɛ̀ɛ diai da ŋ́oo mɛnii dípɔ, kɛ́lɛ ŋ́gɛ ńii ŋwàna ŋ́gbɔara-ƃelai dîa.”

Ɉeremi 11:16

Tãi tɔnɔ ŋá wɔ́lɔ kátòli a ɔle-wuru nyíi ǹáa è kɛ̀ a ŋ̀únu, ḿba lɛ́lɛɛ kɛ́ ƃó ŋá. Kɛ́lɛ ŋa nâa ŋálii ŋwânai tɛ́ɛ nyíi pâi ŋ̀úrii ŋí kérenîi da ŋ̀oŋo-ŋai kéleei.

Osia 6:3

Kwaa kɔ́ kú Yâwɛɛ kɔ́lɔŋ. Ŋɔmɛni kpɛtɛɛi káa a tɔ̃yâ yɛ̂ɛ ɣele ƃɔ́ɔ. A pâi pâi kúpɔ yɛ̂ɛ sama-ya ɣele-tuna nyii a ǹɔii yɔ̂ɔi.”

Maafîu 13:31

E sáŋ da kpɛni sɔ̀ɔ dîɛ, ǹyɛɛ diai, “Ŋ̀âla-taa kâloŋ-laai káa yɛ̂ɛ mɛsɛ-kao tɔnɔ nyii nalôŋ tɔnɔ è zìɣe é zí ŋɔkpâlaŋ ŋái.

Ɉaan 15:1

“Ńyãa ƃa dɔ̃yâ-kpɔmɔi, Ńâŋ ƃa gbɔmɔi mɛi-kaa-nuui.

Filipə 4:18

Ŋa fela-fei sɔlɔ ƃo a ǹáa fɛɛ, dɛɛ nyíti ma máŋ. Náa fɛɛ̂i. Zama-sɛŋ ka dɛ̀ɛ a Ipɛfɔlɔdaitɔi, ŋa zɔlɔ ƃò. È kɛ̀ a sâla-sɛŋ kúŋ nɛ̃ɛ nyíi Ɣâla e ǹyée see mu lii-laa sui.