Osia 13:9 - Bible

⁹ “Óo Eezuɛ-ƃelai, ŋa pâi kásu karâi, gɛ̀ ní gbɛ̂ɛ ƃé pâi kpɔŋ maa tɛɛ̂i kápɔi?

Yálá laawoo hɛɓɛ (dc)

⁹ Israɛlə yɛ́ ɓəi! Daa ə́ hu kala ŋɛ̨i! Tɔ́ɔ́ ɓə ə́ mo ná; ɲą́ą́ dɔ̨nɔ̨ lɔ ɓə ŋą́ pɛli kpɔnmąątɛɛi ə́ pɔ.

Yálá laawoo hɛɓɛ

⁹ Israɛlə yɛ́ ɓəi! Daa ə́ hu kala ŋɛ̨i! Tɔ́ɔ́ ɓə ə́ mo ná; ɲą́ą́ dɔ̨nɔ̨ lɔ ɓə ŋą́ pɛli kpɔnmąątɛɛi ə́ pɔ.

Osia 13:9 ပူးပေါင်းရင်းမြစ်များ

Kɔlɔnikɔ Veerɛi 28:23

A kâa kɛ sala-ŋa kulâi ŋâla-ŋai kɛ Dɛmɛikai dîa. Kpɛni fêi Dɛmɛika ƃelai dí ǹyée mɛi ɣale, gɛ mo ǹyɛɛi, “Tãi Siria-ŋai díkâloŋ-ŋai dí ǹyée mɛi ɣalei, ŋa pâi díɣâlai fɛlii a gɛ́ɛ é kpɔŋ mâa.” Kɛ́lɛ dí gɛ Eea da Eezuɛ dítoo.

Mąątɛ̨nɛ̨ 146:5

Lûwa káa diai dîa Zeeka Ŋɔɣâlai a kpɔŋ mâ tɛ̀ɛ dí pɔi, da diai da díkili tɔ̀ɔ Díɣâlai Yâwɛɛ mai,

Mąątɛ̨nɛ̨ 33:20

Kwa kúkili kɛ́ Yâwɛɛ ma. Ǹyaa ƃa kúmaa kɔ̃ɔ, gɛ́ kpɔŋ mâa tɛ̀ɛ kúpɔ yɛ̂ɛ kɔ-kuluƃa maa kɔ̃ɔ kɔli-kalaŋ.

Mąątɛ̨nɛ̨ 46:1

Ɣâla ƃa kúmaa kɔ̃ɔ-nuui. Ǹyaa ƃa gɛ̀ kúkponôi é kpanaŋ. Gbîŋ kpɛtɛɛi a tãi kélee a gɛɛ é kpɔ́ŋ mâa tɛɛ kúpɔ kwa kɛ̀ mɛni kpɔ̂lu su.

Hanwon 6:32

Núui a wulu-wulu kɛ̀ a núu da kpɛ́ni ŋɔnɛnîi, gáa a ƃoo nûu. Ǹúui a gɛ̀ tíi, a gbîŋ ŋuŋ-la pìli.

Hanwon 8:36

Kɛ́lɛ diai dífe pâi ŋ́gâai, da díkpîŋ ŋwàna, diai kélee ŋ́gbɔarâi, díkɛ saa wɛ̂li.”

Azaya 3:11

Kɛ́lɛ kpalo ƃelâai ŋ̀wana-lɔ̂ɔ ƃelai dîa. Mó dîa a gɛɛ m̀ɛni nyɔ́mɔɔ-ŋai kélee dí gɛ̀ a díƃarâai, da a pâi kɛ̂i a dia.

Azaya 3:9

Dí su-ɣɛ̂ɛ mɛni kɛ́ɛi a pâi dílɛ̂i. Da dísɔnyɔ̂ŋ-ŋai lɛ́ banaŋ ma yɛ̂ɛ berei Sodɔŋ-ƃelai dí gɛ̀ lai. Kpalo-ƃelâi dîa. Kɛ́lɛ, dia ƃé pà la díkpîŋ pɔ́.

Ɉeremi 2:17

Káa kpîŋ ƃé pà a m̀ɛnii ŋí kákpîŋ kâa, kpɛ́ni fêi, ká kápôlu tɔ̀ɔ Yâwɛɛ ma nyíi gáa a Káɣâlai, tãi è kɛ̀ pâi la a káai.

Ɉeremi 2:19

Ka kpɔɔi tua-pere nyɔ̂ŋ a pâi ká kula maa kɛ̂i. Kpɛ́ni fêi káka pôlu tɔ̀ɔ ḿâi, ka pâi mɛni ŋá téɛɛ sɔlɔ ƃôi. Ka pâi gɔ́lɔniî a gɛɛ mɛni nyɔ́mɔɔ da saa da pâi pâi ká pɔ́ à kɛ̀ ka kápôlu tɔ̀ɔ Yâwɛɛ Káɣâlai ma, ǹyaŋ káfa ŋɔ́nɔ yào ḿâa tɛ̀ɛ ḿbɔ. Ńyãai ŋ́gáa a Ŋ̀wála-wâla kélee Yâwɛɛi, ńyãa ƃé mò tí.”

Ɉeremi 4:18

Ítûa-perei da ísɔŋ ƃé pà a m̀ɛnii ŋí yâ. Ǹyaŋ ísɔnyɔ̂ŋ ƃé pà a m̀ɛnii ŋí. Nya ƃe a í sɔ́ɔ í liî ma yɛ̂ɛ ƃóa-sɔpkɔ.

Ɉeremi 5:25

Kɛ́lɛ, kásɔnyɔ̂ŋ-ŋai da ká kpéra m̀ɛni-lɛ́lɛɛ-ŋai ŋí sɔlɔ ƃôi.

Osia 13:4

Ńyãa ƃa Yâwɛɛ, Káɣâlai. Ńyãa ƃé kákùla Ize-lɔii su. Káfe Ɣâla da kpɛ́ni kɔ́lɔŋ é kúla ńyãa ḿbôlu. É kúla ḿƃôlu, káƃalo nuu da kpɛ́ni fé naa.

Osia 14:1

Óo Eezuɛ-ƃela, ka pá pôlu Káɣâlai Yâwɛɛ pɔ́, kpɛ́ni fêi, kásɔnyɔ̂ŋ a gɛ́ ka too.

Osia 7:14

Dífa ḿvɛli é kúla dílii su. Kɛ́lɛ da kɛ̂ wɔ̂lɔi dígbìŋ-ŋai ŋá yɛ̂ɛ ǹûai laa-laa fé díyêei. Da kɛ̂ wɔ̂lɔi díɣâla-ŋai dîa díkɛ díkpîŋ ŋwàna a gɛɛ díkpɔmɔ kpâlaŋ da díkpâlaŋ-ŋai ŋá é lɛ́lɛ mii-sɛŋ da ŋwã̂ai mɛni ma. Ǹyaŋ da tɔɔ ḿâ.

Osia 7:15

Berei máŋ ŋá sɛŋ lɛ̀ la dîa, ŋá wála-wala-laa tɛɛ dípɔi, da mɛni nyɔ́mɔɔ kpɛtɛ̂i nɔ́ ḿɛni ma.

Malasi 1:12

Kɛ́lɛ káfa ƃâa kɛ̀ ḿâ à kɛ̀ kà mò kâa ŋátêƃelei káa kpɛ́ni-kpɛni, ǹyaŋ káa kɛ́ mii-sɛ̂ŋ pù ŋá nyii káfe ŋ̀wɛli níi.

Malasi 1:13

Ka mò kâa, ‘Kúfii kpɛɛ̂i nâa m̀ɛni-ŋai ŋí kélee mɛni ma!’ À kɛ̀ tí ká kásĩ̂a mìi a ńyãa. Zama sɛŋ ka pâ la ḿbɔi, gáa a ŋúma taa-sua, gɔ́ɔ púɔɔ, kpaa máŋ gɛ́ kɔ̀lɛ. Ká gɔ́lɔŋ ŋa pâi ńyee seêi nyíti mu káyêei?

Malasi 1:9

Káai a zâla-laa soŋ-ƃelai, ka Ɣâla marê kɛ́ a gɛɛ é mɛni lɛ́lɛɛ kɛ́ kûɛ. Vé pâi káɣâla fɛlii-wooi su toôi ǹyaŋ a pâi kulâi kásɔŋ su.

Dutɛrɔnome 33:26

Eezuɛ-ŋa, ɣâla da fé naa nyii da Káɣâlai dí pɔ̂riɛi. A kula ŋ̀ele-kɔlɔŋ su a ŋɔfólo-laai a pâi a gɛɛ é kpɔ́ŋ kâa.

Dutɛrɔnome 33:29

Óo Eezuɛ, kálii nɛ̃ɛ̂i a ŋánaa! Ŋ lûwa támaa láa kâa a tɛɛ ǹɔii-ŋuŋ kpéli-ŋai dîa. Yâwɛɛ a kámɛi kâai gɛ́ kámaa kɔ̃ɔ. Yâwɛɛ nyaa kpîŋ ƃa kámaa kɔ̃ɔ kɔli-kalaŋ da kákɔ-kɔ ƃoa-sɔkpɔi, gɛ́ kámaa kɔ̃ɔ kákɛ kákpɔara-ƃelai yée mɛi ɣàle. Ká kpɔara-ƃelai da pâi pâi díkɛ ká marê kɛ̀ a gɛɛ ká dímaloŋ káa, a kɛ̀ tí ka pâi ƃɔlɔnii dîa.