Osia 13:16 - Bible

¹⁶ Tɔŋ kpɛ́-maai a pâi pâi Sameria-ƃelai pɔ́, kpɛ́ni fêi da sɔnyɔ̂ŋ kɛ́ a ńyãa. Da pâi saâi kɔ́ su. Da pâi dínîa-pɛlɛɛi da díkoo-nɛyãai su tée-têei.”

Osia 13:16 ပူးပေါင်းရင်းမြစ်များ

Tɔɔɓɛlaa veelɛ 15:16

Ma tãi tí su, Minaŋɛŋ è ŋɔsiai sîɣe é kúla Tafisa daai é lí é kɔ́ pɛ́lɛ Tapua taai ma da diai kélee kɛ̀ naa kɔlɛ ma kpiniŋ tí sui, kpɛ́ni fêi, dífe fáa ní kɛ̀ ma a gɛɛ dí dígala-ŋai lá ƃó berei. È Tapua taai su kàra-kara é nàa-ƃela kélee páa, é goo-nɛni-ŋai kélee koi láa ƃó a ŋɔƃóa-sɔ̂kpɔi.

Tɔɔɓɛlaa veelɛ 17:18

Yâwɛɛ líi è ŋwàna kpɔ́ Eezuɛ-ƃelai dîa a zu kɛ́tɛ nyii gɛ̀ é gɛ́ díkula ŋ̀ɛ́i. Dí tɔnɔ da kpîŋ fé lɛ̀ɛ ní naa. Zuda-ƃelai nɔ́ ƃé lɛ̀ɛ dílɔii su.

Tɔɔɓɛlaa veelɛ 17:5

Asiria kaloŋ Sɛmanesɛ è kɔ́ pɛ̀lɛ Eezuɛ lɔii ma. È Sameria taa-leei maa tînaŋ dí gɛ́ naa a kóraŋ saaƃa.

Tɔɔɓɛlaa veelɛ 17:6

Dí naa yée-mɛi ɣâle a Gâloŋ Osia ŋɔkâloŋ-laa koraŋ ǹɔ́ɔlu mɛi náaŋ. Asiria kaloŋ è Eezuɛ-ŋai sòŋ a kɔ-soŋ-ŋa é lí a dia Asiria lɔii su. È da-ni kɛ̀ dí sée Ala taai su a ŋɔwála-wâla-laai. È gbéli-ŋai kɛ̀ dí sée Abo Ya-leei kɔlɛ Gozaŋ lɔii kpiniŋ su. È gɛ̀ ǹûai kpéli-ŋai dí sée daa-ŋai su ƃɛ́i Midia-ŋai dí kɛ̀ naai.

Tɔɔɓɛlaa veelɛ 8:12

Azae è marê kɛ̀ ǹyɛɛ mai, “Ńâŋ, lé ƃé íkaa wɔ̂lɔi?” Ilasa è zu tòo ǹyɛɛ mai, “Ŋa wɔ̂lɔi kpɛ́ni fêi, ŋa mɛni ŋánaai kɔ́lɔŋ ya pâi gɛ̂i a Eezuɛ-ŋai. Ya pâi dítaa-lee-ŋai ma tínaŋɔɔ a gala-ŋai kérenii, í dí yáŋkpa-ŋai páa. Ya pâi kpîŋ dí kwaatâra-ŋai ŋuŋ wólo-wôloi, í dí koo-nɛ̂ni-ŋai koi ƃéla a ƃóa-sɔ̂kpɔ.”

Azaya 13:16

Da pâi dílônii paâi, dí dísu tée-têe a gbua-kpûaa díŋɛi. Da pâi dípɛrɛ-ŋai mu sãa kulâi naa, dí nyíi a dínɛyâai a kpala ǹá-pere.”

Azaya 17:3

Ŋa pâi Eezuɛ maa kɔ̃ɔ-sãai kélee wôloi berêi. Dɛmɛika a pâi lɛɛ̂i luɛ-laai. Diai pù dí kúla Siria kɔi sui ŋa pâi ƃâa kulâi dîa yɛ̂ɛ berei ŋá gɛ̀ la a Eezuɛ-ŋai. Ńyãa, Ŋ̀wála-wâla kélee Yâwɛɛ ƃé m̀o tí.”

Azaya 8:4

Ǹôloŋ ŋí é lɛ́ɛ pâi pɔrîi ǹee láa tôlii a ‘Yaai,’ kpaa máŋ é ǹâŋ láa tóli a ‘Datá,’ zãâi Asiria kaloŋ è gùla yêei kɛ̀ Dɛmɛika da Sameria kɔi sui, da pâi gélee kulâi ǹyêei.”

Osia 10:2

Dílii su nyɔ̂mɔɔi Ɣâla mɛni ma. Da pâi dísɔnyɔ̂ŋ vela-fei sɔlɔ ƃôi. Yâwɛɛ a pâi díɣâla fɛli-teƃele-ŋai wôloi, é díɣâla-pɛrɛ-ŋai wólo.

Osia 11:6

Ƃóa-sɔkpɔ a pâi dítaa-lêe-ŋa maa tínaŋɔɔ a siɣãŋ su karâi, é ŋánûai páa dítua-pere nyɔ̂ŋ-ŋai mɛni ma.

Osia 7:14

Dífa ḿvɛli é kúla dílii su. Kɛ́lɛ da kɛ̂ wɔ̂lɔi dígbìŋ-ŋai ŋá yɛ̂ɛ ǹûai laa-laa fé díyêei. Da kɛ̂ wɔ̂lɔi díɣâla-ŋai dîa díkɛ díkpîŋ ŋwàna a gɛɛ díkpɔmɔ kpâlaŋ da díkpâlaŋ-ŋai ŋá é lɛ́lɛ mii-sɛŋ da ŋwã̂ai mɛni ma. Ǹyaŋ da tɔɔ ḿâ.

Amɔsə 1:13

Ɣâla Yâwɛɛ è mò, ǹyɛɛ, “Amɔŋ ǹônii dísɔnyɔ̂ŋ saaƃa kpaa náaŋ mɛni ma, fé pâi dɔŋ-kpɛ-maai siɣêi pôlu dîa kpɛ́ni fêi, dí Gilia koo-nɛyãai koi ƃêla a gɛɛ dí dílɔii su kɛ́tɛ.

Amɔsə 3:9

Ka m̀ó Asɔdɔ koli-ŋai da Ize koli-ŋai su, kâai, “Ka káŋa tɛ́ mà Sameria Yeei ma, ká berei káa daa-ƃelai wóo fé la zu tɔnɔɔi, da berei ŋwana-lɔɔ káa la zui.”

Amɔsə 9:1

Ŋa Kúnuu-namui kàa tɔɔ̂-ni ŋ̀âla-teƃelei kɔlɛ, ǹyɛɛi, “Bɛ́rɛ yée-mu nɔ̃ɔ-ŋai lókwa a gɛɛ bɛ́rɛi kwaa kélee é kpɛ̃lîŋ, í díwolo ǹûai kélee ŋûa. Nyii-ŋai pâi lɛɛ̂i, ŋa pâi dípaâi a m̀óa-sɔkpɔi. Dɔnɔ kpîŋ fé pâi pûi. Dɔnɔ kpîŋ fé pâi kulâi zu.

Mise 1:4

Ǹyée-ŋai da pâi séɣenîi gɔ́ɔ mu yɛ̂ɛ ƃɔ́ɔ a kɛ̀ ŋɔŋ kɔlɛ, díkɛ yèŋ gbotolo-ŋai su yɛ̂ɛ yá a kɛ̀ yenîi yée kwára.

Mise 6:16

Nyíŋi a pâi kɛ̂i, kpɛ́ni fêi, ka pîlaŋ gâloŋ Oŋri ŋɔtûa-pere nyɔ́mɔɔ-ŋai pôlu da ǹóŋ Eɣa nyii máŋ è kɛ̀ a kâloŋ. Ka pîlaŋ dímɛni kpɛ́tɛɛ nyɔ́mɔɔ-ŋai pôlu ǹyaŋ ŋa pâi ká su karâi, núu kélee é ká kpɔara. Núu kélee a pâi ŋ̀ɛ́i naŋînii ká mɛi.”

Nahumə 3:10

Berei máŋ è kɛ̀ tí lai, dí Tɛbi taa-leei wôlo dí lí a zu-ƃelai luɛ la su. Dí ǹîa-pɛlɛɛi pâa, dí lí a díkɔ̃liŋ kélee, dí ǹúu ŋuŋ tuɛ-ƃelai kélee pú yɔlɔ ŋá.