Osia 12:6 - Bible

⁶ “M̀ɛni ma, Íɣâlai ŋɔwála-wala-laai su, pá pôlu bɔ́, íwɛli-kɛ-maa da tɔ̃yâ-laa soŋ a gbanaŋɔɔ í Íɣâlai maa kpɛ́ŋ a tãi kélee.”

Yálá laawoo hɛɓɛ (dc)

⁶ «Yai-Laa Mɛ̨nį Kəlee ŋą Hééɓomun Yálái ti a Yai-Laa.» Bələ ɓə mąąnɛ̨ɛ̨ di vɛli la.

Yálá laawoo hɛɓɛ

⁶ «Yai-Laa Mɛ̨nį Kəlee ŋą Hééɓomun Yálái ti a Yai-Laa.» Bələ ɓə mąąnɛ̨ɛ̨ di vɛli la.

Osia 12:6 ပူးပေါင်းရင်းမြစ်များ

Zɛnɛse 49:18

“Óo Yâwɛɛ, ŋa íƃalo-laai maa kpɛ̂nii.

Mąątɛ̨nɛ̨ 123:2

Yɛ̂ɛ berei nɔ́ núu-yee mu-nuu kíli tɔɔ̂i la ŋɔnuu-namui mai, yɛ̂ɛ berei nɔ́ núu-yee mu-nɛni kíli tɔɔ̂i la m̀ɛi nûui mai, Óo Yâwɛɛ, Kúɣâlai, bere nɔ́ ƃé ŋɛ́i káa la yâ, é lɛ́ɛ la zu íku malôŋ káa.

Mąątɛ̨nɛ̨ 27:14

Láa a Yâwɛɛ maa mɛ̂ni. Kili kɛ-zu é kɛ́ íyêei, ílii fé tòo pôlu. Ye ílii kpéle í m̀aa kpɛ́ŋ.

Mąątɛ̨nɛ̨ 37:7

Ílii kpéle í Yâwɛɛ maa kpɛ́ŋ. Ílii fé sɛ̀lɛŋ diai mɛ̂ni ma díkɛ mɛ̂ni a ƃûu ƃoi, kpaa máŋ diai mɛ̂ni ma dímɛni kpɛtɛɛ nyɔ́mɔɔ-ŋai ŋ̀aa-see a kɛ̂i.

Lɛɛ gbɔwɔ ɓa 3:15

Mó Eezuɛ-ŋai dîa a gɛɛ Ńyãa Yâwɛɛ nyii gáa a dínâŋ-ni Díɣâlai, Eberaɣɛ̃ɛ Ŋɔɣâlai, Aise Ŋɔɣâlai, da Zeeka Ŋɔɣâlai, ǹyaa ƃé ítɛ̀ɛ dípɔ naa. Ńaa ká ŋí wɔlɔ-wɔlɔ da wɔlɔ-wɔlɔ nyii fɛ̂ɛ núu kélee dí ńdoli lai.

Hanwon 1:23

À kɛ̀ kà káwolii tɔ̀ɔ ŋália-wooi ma, gɛ̀ ní ŋa pâi ŋámɔ̂leŋ ŋɔtárei kélee tɛɛ̂i kápɔ, ŋa ŋɔ́nɔ ŋ́oo-ŋai su-kulâi lɛ́ kâa.

Hanwon 21:3

Ɣâla Yâwɛɛ è tɔ̃yâ-laa da sã́a-laa wɛlini é tɛ́ɛ sâla-kuláa ma.

Azaya 1:16

Ka kpera mɛni nyɔ́mɔɔ kɛ́ɛ ma, ká ǹanii wáa kâa. Tɔ̃yâ ma ka kpera mɛni nyɔ́mɔɔ kɛ́ɛ ma.

Azaya 30:18

Maloŋ-kâa káa Yâwɛɛ yêei kámɛni ma. A ŋ̀wɛ̂lii é kámalôŋ káa, kpɛ́ni fêi, pɔara-mâa fé gɛ́-mɛni da kélee su. Lûwa káa diai dîa díkili tɔɔ-maai kélee káa Yâwɛɛ mai.

Azaya 31:6

Yâwɛɛ è m̀o ǹyɛɛi, “Eezuɛ-ƃela, ka sɔnyɔ̂ŋ kɛ́ a ńyãa, ka tela tɔɔ ḿâ. Kɛ́lɛ ka tínaŋ ká pá ḿbɔ-naa pôlu!

Azaya 40:31

Kɛ́lɛ, diai da díkili tɔ̀ɔ Yâwɛɛ ma kpɔŋ-mâ mɛni mai, díwala-wala laai su a pâi kpananîi. Da pâi tɛ̂i ŋ̀elei su yɛ̂ɛ da kɛ̀ kuɛ koôŋ pôlu. Dí máŋ kîrɛ siɣe, dífe pâi fôai. Dí máŋ sía, dífii fé pâi kpɛɛ̂i.

Azaya 58:6

“Sûŋ siɣe pêre fe ŋí nyíi a ńii làai. Kɛ́lɛ, kà kɛ̀ sûŋ siɣêi, ka káyee kúla ká ŋwana lɔ̂ɔ tua-ŋai su nyii-ŋai da nûa ɣiri, da ŋ̀ôya mɛni-ŋai nyii gáa yɛ̂ɛ káraŋ doɔ́ɔ nûa kɔŋ mai. Diai ka díluanîi, ká tée dîa dí lí.

Azaya 8:17

Yâwɛɛ a gbîŋ loo ŋɔnûai dîa, kɛ́lɛ ŋá kili tɔɔ-maai a pâi kɛ̂i nɔ́ m̀a.

Ɉeremi 22:15

À kɛ̀ ya pɛ́rɛ tɔ̀ɔ a sîda wuru, gɛ̀ ní a pâi íkɛ̂i a kâloŋ lɛ́lɛɛ, kpɛ́ni fêi, ípɛrɛi lɛ̂lɛɛi é tɛ́ɛ ǹûai díwɔ̂i ma? Ínâŋ è ŋɔkɛ-ɣeniɛi kɛ̀ a lii-nɛ̃ɛ é seri gɔ̃yɛŋ ma. È kɛ̀ a téniŋ ƃô-nuu, zã́a. M̀ɛni ma gɛ́ mɛ̂ni kélee è ƃûu ƃò.

Izikiɛ 18:30

“M̀ɛni ma ńyãai a Ŋ̀wála-wâla kélee Yâwɛɛi, ŋa pâi ká mɛnii ŋá têei káai a Eezuɛ-ƃelai yɛ̂ɛ berei ká tûa-perei káa la tɛi-tɛ́i. Ka kálii pene ká kápôlu tɔɔ kásɔnyɔ̂ŋ-ŋai dîa a gɛɛ kásɔnyɔ̂ŋ fa lâ ká lɛ́ la.

Osia 10:12

Ka tɔ̃yâ kɔ́ri. Gáa yɛ̂ɛ sí-sɛŋ kao lɛ́lɛɛ síɣɛɛ ká kpâlaŋ ŋá. Ka tɔ̃yâ mɛni kɛ̀, ka pâi ƃɛlɛ-sêe sɔlɔ ƃôi ńyêei. Gáa yɛ̂ɛ sí-sɛŋ lɛ́lɛɛ ḿba kuláa. Ka ńyãa Yâwɛɛ ḿvɛ̀li, ŋa pâi lûwa toôi kâa ŋá ká ƃálo. A pâi kɛ̂i yɛ̂ɛ tuna nyii pâi pûi ká sí-sãai dîa a gɛɛ dí ƃɔ̀lɔ.

Osia 14:1

Óo Eezuɛ-ƃela, ka pá pôlu Káɣâlai Yâwɛɛ pɔ́, kpɛ́ni fêi, kásɔnyɔ̂ŋ a gɛ́ ka too.

Osia 4:1

È mò ǹyɛɛi, “Teniŋ ƃô-nuu tɔnɔ kpîŋ fé naa. Dífa ŋ́oo sìɣe a gbanaŋɔɔ. Dífe ŋɔ́nɔ ŋ́gɔlɔŋ a Díɣâla.

Zooɛ 2:12

Yâwɛɛ ǹyɛɛ, “Loníi ma kpîŋ, ka lene pôlu ká pá ḿbɔ a kálii kélee, ká kɛ́ sûŋ sìɣe, ká kɛ́ malôŋ sèe ƃò.

Zooɛ 2:13

Ka kálii su waa, kɛ́lɛ ká seɣe-ŋai fêi.” Ka tínaŋ Yâwɛɛ, ká Ɣâla pɔ́ naa pere, kpɛ́ni fêi, zɔŋ lɛ̂lɛɛi gɛ́ núu malôŋ kàa. Va ǹíi ŋwàna a maa félaa ǹyaŋ ŋɔwɛli kɛ́-maai káa nɔ́ naa wɔ́lɔ-wɔlɔ, gɛ́ sɔnyɔ̂ŋ su mɛni lɛ̀ɛ.

Amɔsə 4:13

Ka gáa, Ɣâla ƃé ǹyéei kpɛ̀tɛ é vãai kpɛtɛ é núu-kpune ŋɔkili-ŋa-siai lɛ́ mà. A ŋ̀ele ƃɔ́ɔi pène a kpíni, gɛ́ gɔ́ɔ tɔ̀ɔ ǹyée-ŋai ma ǹɔii su. Ǹáa ƃa Yâwɛɛ Ŋ̀wála-wâla kélee Ɣalai!

Amɔsə 5:24

Kɛ́lɛ tɔɔ tɔ̃yâ-laa é ɣilîŋ yɛ̂ɛ ya-lee, teniŋ ƃô-laa é kɛ́ yɛ̂ɛ ya-ɣiliŋ.

Mise 6:8

Kpào, Yâwɛɛ a m̀ɛni lɛ́lɛɛ-ŋai lɛ́ kûa nyii a ŋ̀wɛ̂lii kú gɛi. M̀ɛnii a ŋ̀wɛ̂lii kúyêei ǹyaa ká ŋí: Kú tɔ̃yâ mɛni kɛ́, kú núu malôŋ káa a tãi kélee, kú kúmaa yéŋ Ɣâla ŋɛ́i woo mɛni su.

Mise 7:7

À kɛ̀ a ńyãa, ŋa pâi ŋɛ́i kɛ̂i Yâwɛɛ ma. Ŋa pâi Ɣâla maa kpɛ́niii a kili-kɛ-zu nyii gáa a ŋáƃalo-nuui. Ŋáɣâlai a pâi ŋ́oo mɛnîi.

Habakukə 2:3

Kɛ́lɛ zĩ̂ai fé niî pá ní. Gáa pâi a maa félaa. Vé a lɛ́ɛ. A wàla kɛ́ pâi a maa-felaa, maa kpɛ̂ŋ kɛ́. Tɔ̃yâ ma a pâi pâi, nàa fé pâi tûai.

Sofoni 3:8

Yâwɛɛ è mò ǹyɛɛ, “Maa kpɛ́ŋ nɔ́ tãi ŋa pâi mu siɣêi la a gɛɛ ŋá sere-faa kɛ́. Kpɛ́ni fêi ŋá mɛni-kpɛtɛɛi ƃà a gɛɛ ŋá ǹɔii-ŋûŋ-ŋai kélee pú gîe ma ŋá dí tóli a gɛɛ ŋá ŋálii-ŋwânai pú dîa, ŋá núu kula-maa kɛ́ yɛ̂ɛ ŋɔŋ nyii ǹɔii kélee kèreŋ.

Zakari 1:3

Kɛ́lɛ ŋaâ nâa m̀ó káa, ka ŋɔ́nɔ tínaŋ ḿbɔ-naa-pere, ŋá pâi ŋɔ́nɔ tínanîi kápɔ-naa-pere.

Zakari 7:9

“Ká mɛni-sâa ŋáa tée a zã́a, ká mɛni lɛ́lɛɛ kɛ́ kákîe-ni dîɛ, ká kákîe-ni malôŋ káa.

Zakari 8:16

M̀ɛni-ŋai káa ŋí maa nɛ̃ɛ̂i ká gɛ́i: Ka tɔ̃yâ ƃó kákîe-ni dîa, ká mɛni-sâa ƃó a tɔ̃yâ nyii a pâ a lii-sêei.

Gɛlaɠaa 2:38

Nya ƃe Pitɛ è mò, ǹyɛɛ, “Kákelee ka kálii pene dí kábatâi kɛ́ Zîsɛ Kôrai láai su kásu-mɛni é lɛ́ɛ kásɔnyɔ̂ŋ-ŋai mɛni ma. Gɛ̀ ní ka pâi M̀ɔlêŋ Maa Waai sɔlɔ ƃôi nyíi gáa a ƃɛlɛ-sêe.

Gɛlaɠaa 26:20

Kɛ́lɛ, maa-ŋuŋ, ŋá mò Dimɛika-ƃelai dîa da Zerusâlɛŋ-ƃelai da Zuda-ƃelai kélee e pɛlɛ Zɛ̃tai-ŋai dîa a gɛ́ɛ dí dílii pene dí pa Ɣâla pɔ, dí tíi kɛ́ a ǹɛ́lɛɛ yɛ̂ɛ lii-pene-ƃela.

Zĩi 1:27

Ɣâla-mɛni kɛ́ɛ nyíi maa waai, maa fé kara ni Ɣâla Nàŋ-nuui ŋɛ́i-tuɛi, ǹyaa ká ŋí, a gɛɛ núu é tee-lonii naa káa da pɔ́ɔ-nɛyaa a tãi da kɛ̂ la mɛni-kpɔlu sui, a gɛɛ ŋɔ́nɔ é gbîŋ kɛ́ a ǹúui nyíi zɔŋ fé kɛ̀ m̀a ŋ̀éniɛi su.

Zĩi 2:13

Kpɛ́ni fêi, maloŋ-kaa fé mɛni-ŋa-teɛɛ su diai mɛni ma dífa maloŋ-kaa kɛ̀i. Kɛ́lɛ, maloŋ-kaa a mɛni-ŋa-teɛɛ yée mɛi yále.