Osia 11:10 - Bible

¹⁰ “Da pâi pîlanii ḿbôlu ńyãa Yâwɛɛ. Ŋa pâi kpêɣei yɛ̂ɛ yala-sulu. Oweei, ŋa pâi kpêɣei, ǹyaŋ ńônii da pâi kɛ̂i kpɛ̃linii dí kɛ́ kùla vóloi liî-pere.

Yálá laawoo hɛɓɛ (dc)

¹⁰ Di kaa pai hvilɛn ɉii Yai-Laa pulu, gaa pai huluun ɉii yɛ yala, a kɛi pa huluun ɉii, lonŋąą kaa pai həɠəi hvóló tooi pələ, diɛ pa a gilɛ, di mąą yɛ kpɛlin.

Yálá laawoo hɛɓɛ

¹⁰ Di kaa pai hvilɛn ɉii Yai-Laa pulu, gaa pai huluun ɉii yɛ yala, a kɛi pa huluun ɉii, lonŋąą kaa pai həɠəi hvóló tooi pələ, diɛ pa a gilɛ, di mąą yɛ kpɛlin.

Osia 11:10 ပူးပေါင်းရင်းမြစ်များ

Zôo 37:1

“Vãai è gɛ̀ ŋá yao kpɔ́ ńii kɛ́ kpɛ̃liŋ ŋ́goi. Ŋá yào kpɔ́ ńii é tée ŋ́goi.

Mąątɛ̨nɛ̨ 119:120

Yá nɔ́ ƃé ŋa yaôi yâ. Ŋa yaôi kpɔ́ í mɛni ŋá téɛɛi ma.

Mąątɛ̨nɛ̨ 2:11

Ka tíi kɛ́ Yâwɛɛ mì, ká ƃaa kɛ́-maa tɛ́ɛ bɔ́, ka kɛ́ kpɛ̃lini a yao

Azaya 11:11

Maa ɣêlei tí a sèri, Ǹuu-namui ŋɔnûai kélee lɛ̀ɛ Asiria, Ize, Patulo, Itiopia, Elaŋ, Babelɔŋ, Ama da yúo kɔlɛ ma lɔii-kpiniŋ-ŋai mai, a pâi díkulâi naa a ŋɔwála-walai é pá a dia pôlu.

Azaya 2:5

M̀ɛni ma, káai a Zeeka ŋɔsuui su-ƃelai, kwaa sia gwaa ponoɔɔi su nyii Yâwɛɛ a dɛ̀ɛ kúpɔi.

Azaya 31:4

Yâwɛɛ è m̀o ḿâ ǹyɛɛi, “Yala-sûlu a taa-tûlɛ sòŋ a nɛ̃ɛ ma kpîŋ maa taa-tulɛi mɛi káa-nuu é láɣi a ŋ̀óo su-kɛ́tɛ ŋ̀óo fa ǹyala-sûlui maa yâo é tée maa taa-tulɛi ma é pú. Bere nɔ́ ƃé gáa la a ńyãa Yâwɛɛ, ŋ̀wála-wala kélee Ɣâlai. Núu da fa pɔ̂ri gɛ̂i ŋá kpéra Zãiyɔŋ Yeei mɛi kâai.

Azaya 42:13

Yâwɛɛ káa yɛ̂ɛ kɔ-kuluƃa. Gbɛtɛ̂ɛi a tãi kélee yɛ̂ɛ kɔ-kuluƃa kɔ́-kɔ mɛni ma. A ŋ̀óo pilîi ŋɔkɔ-kuluƃa-ŋai dîa a gɛ́ɛ dí díkpîŋ kpɛtɛ. A ŋɔwála-wala-laai lɛ̀ ŋɔkpɔara-ƃelai dîa.

Azaya 49:10

Puru da kpele wɛ̂li fé pâi wɔ́lɔ dípaâi. Dífe pâi wɔ́lɔ kɛ̂i vɛ̃ɛ-kpâlaŋ su fólo kɛ́ dí kêreŋ. A pâi kɛ̂i tí, kpɛ́ni fêi, dílaa túɛ nuui a pâi kɛ̂i a díwɛliɛɛ. A pâi liî a dia ya-ɣɛ̂li pɛlɛɛ-ŋa ma.

Azaya 64:2

Dîi kɛ̀ kpɛ̃lînii yɛ̂ɛ yá ƃé nɛ́ŋ-nîi ŋɔŋ ŋá. Pá í íwala-wala laai lɛ́ íkpɔara-ƃelai dîa, í gɛ́ ǹɔii-ŋûŋ-ŋai díkɛ kpɛ̃̀liŋ tãi da kɛ̂ la íŋɛi tuɛi.

Azaya 66:2

Ńyãa ƃé ŋ̀éniɛi ŋí kélee kpɛ̀tɛ. Gélee káa a ḿbɔɔ. Diai ŋa pâi dímɛi kâai, dia ƃa diai dímaa yeŋɔ̂ɔi, da dípôlu tɔ̀ɔ dísɔnyɔ̂ŋ mai, díkɛ yào ḿâi, da diai da ŋ́oo mɛnii.”

Azaya 66:5

Káai ka yâo Yâwɛɛ ma, kákɛ ŋ̀óo mɛnii, ka káwoli tɔ́ɔ m̀ɛnii mâ a m̀ôi. Ǹyɛɛi, “Kákpɔɔi-ƃelai da kákpɔara dîɛ ka dia ni káfa mɛni kpɛtɛɛ da kɛ̀ gîe ma, kpɛ́ni fêi, kákaa a teniŋ ƃô-ƃela. Ká ƃɛlɛ fé kákpɔɔi-kpɔɔi ƃelai da-ni koi. Da ɣɛ́lɛ maa kulâi kákponôi ńaai mɛni ma dîyɛɛi, ‘Tɔɔ Yâwɛɛ é ŋɔwála-wâla kɛ́tɛi lɛ́ é díŋuŋ ma ƃó kú ǹaa káa díkɛ koi-nɛ̃̂ɛ kùla.’ Kɛ́lɛ dia ƃé m̀baa kula-maai tí a pâi sɛ̂lɛnii dîa.

Ɉeremi 2:2

a gɛɛ ŋá lí ŋá ŋ̀orɛ̂-wooi ŋí ƃó Zerusâlɛŋ-ƃelai kélee dîa. “Tãi kákɛ̀ la a nîa-pɛlɛɛi, kákili è lɛ̀ɛ ŋ́a kálaa-laai maa mɛ̂ni ma, berei kákɛ̀ la a ŋ́wɛliɛi a tãi ŋá ká kùla la a nɛniî. Kákɛ ḿbôlu vɛ̃ɛ-kpâlaŋ su, ǹɔii sú nyíi sí-sɛŋ fé kɛ́ ní a zíɛɛ naai.

Ɉeremi 25:30

“M̀ɛni ma, Zɛlemaya, ye ŋ̀óo-ŋai ŋí ƃó dîa. Kɛ́ dîa: ‘Yâwɛɛ a pâi lâɣii kpɔ́ ŋ̀ele-kɔlɔŋ su é ŋɔ́nɔ láɣi kpɔ́ ŋɔpɛ́rɛi-maa-waai mu. A pâi kpɔ́ lâɣii ǹɔii-ŋuŋ-ŋai dîa a ŋánaa. A pâi lâɣii kpɔ́ yɛ̂ɛ nûa ƃé kpɔmɔ-ƃa siâi a gɛɛ dí gɛ́ a ŋwã̂ai. A pâi lâɣii kpɔ́ ǹûai kélee díkaa ɣele mai dí ŋ̀óo mɛ́ni.

Ɉeremi 31:9

Da pâi kɛ̂i wɔ̂lɔi dí kɛ́ pa, kɛ́lɛ ŋa pâi dí ŋáa nɛnɛ̂i kwa dîa-ni kúkɛ pà pôlu. Ŋa pâi liî dí láa lɛ̂i ǹyá-ɣɛli-ŋai lá, dí sía pere sã́a su dífa kâreŋ. Ŋ́gaa a Eezuɛ ǹâŋ, Ifiraŋ kɛ́ ƃò a ńoŋ-surɔŋ m̀aa-ŋuŋ.”

Ɉeremi 33:9

Zerusâlɛŋ-ƃelai da pâi lii-nɛ̃ɛ kulâi, dí ƃâa kɛ́ ḿâ, dí ŋáfolo-laai maa tɛ́. À kɛ̀ tí, ŋ̀éniɛi su-ƃelai kélee da pâi yaôi dí kɛ́ kpɛ̃liŋ tãi da pâi m̀ɛni lɛ́lɛɛ-ŋai ŋá gɛ̀ Zerusâlɛŋ, maa tûŋ mɛnîi lai, da berei Zerusâlɛŋ a pâi ƃûu ƃôi lai.”

Ɉeremi 5:22

Ńyãa ƃa Yâwɛɛ, lé mɛni ƃé káfa ƃaa-kɛ-ma tɛ̂ɛ la ḿbɔi? Lé mɛni ƃé káfa kpɛ̃̂liŋ la ŋ́ɛi túɛi? Ŋá ŋaya kɛ̀ a yúo ŋɔgɔ̃yɛŋ-pere, gáa a gɔyɛŋ-pere kpanaŋɔɔ nyíi va pɔ̂ri maa tíyeniî. Ǹyuoi a pɔ̂ri túmo-tumoi, kɛ́lɛ, va pɔ̂ri naɣînii m̀ɛi. Ǹyái ŋɔzikɛ-zikɛi a pɔ̂ri toôi, kɛ́lɛ, va pɔ̂ri tɛɛ̂i gɔyɛŋ-perei mɛi.

Ɉeremi 50:4

Yâwɛɛ è mò ǹyɛɛ, “Tãi ŋ̀ele-ŋai tí ŋ̀aa sèe a pâi kɛ̂i lai, Eezuɛ-ƃelai da Zuda-ƃelai da pâi lenêi pôlu dílɔii su díkɛ wɔ̀lɔ díkɛ ńyãai a Díɣâlai ŋ́gɔ̂ri.

Ɉeremi 7:6

à kɛ̀ ka wàla tûa a ŋ̀ɔ̃ya-ŋai, da diai dínâŋ-ni dífe mai, kpaa a bɔɔ-nɛyãai a nyɔ́mɔɔ, kpaa ká núu páa ƃɛ́ nyíi ŋuŋ fé mai, à kɛ̀ ka wàla ɣâla-da-kpɛ́ni-ŋa fɛli, a kákpîŋ lii ŋwàna,

Ɉeremi 7:9

Ka pɔ̂ri ŋúma kɛ̂i, ká núu páa, kákɛ ɣâla da kpɛ́ni-ŋa fɛ̀li, kákɛ ká fòo a lɛ́ɛ pere, kákɛ kéreŋ-sɛŋ kúŋ-nɛ̃ɛ kèreŋ Bêe ma, kákɛ ƃò ɣâla-da-kpɛ́ni-ŋa pôlu nyíi-ŋai káfe dí kɔ́ pɛ̀lɛlɔŋ,

Izikiɛ 26:16

À kɛ̀ tí, gâloŋ-ŋai díkaa ǹya-leei kɔlɛi da pâi kulâi díkâloŋ see-sɛŋ-ŋai ŋá dí pîlaŋ dí díkâloŋ-seɣe-ŋai kúla díkɔŋ ma da díseɣe lɛ́lɛɛ-ŋai. Da pâi dí maa ɣirîi a yao dísee ǹɔii ma díkɛ kpɛ̃lîŋ a tãi da pâi ká mɛi tûŋ mɛnîi lai.

Osia 3:5

Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.

Zooɛ 3:16

Yâwɛɛ wóo káa tɛ̂i Zãiyɔŋ Yeei ma. Ŋ̀óo kɛ́ kùla Zerusâlɛŋ, ŋ̀ele-kɔlɔŋ da ǹɔii díkɛ kpɛ̃lîŋ. Kɛ́lɛ Yâwɛɛ káa a ŋɔnûai mɛi káa-nuu, dɔɔ̂i kpanaŋɔɔ ŋɔnûai Eezuɛ-ŋai mɛni ma.

Amɔsə 1:2

Emɔ è mò ǹyɛɛi, “Kúnuu-namui kpéɣe-woo è kùla Zãiyɔŋ, ŋ̀óo é kúla Zerusâlɛŋ. Ǹyaŋ gala ŋûnu lɔii a pâi wɔ̂lɔi, Kamɛɛ Yeei tôŋ é kpála.”

Amɔsə 3:4

Yala-sulu a pɔ̂ri kpêɣei wolâi, à kɛ̀ vé niî sua soŋ ní? Yala-sulu-loŋ wóo a tɛ̂ kpɛ́ni, à wàla seŋ da soŋ?

Amɔsə 3:8

Yala-sului a kpèɣe, gbɛ̂ɛ ƃé vé pâi yaôi? Ɣâla Yâwɛɛ a lóno, gbɛ̂ɛ ƃé vé pâi ŋ̀óo su kulâi?”

Mise 4:5

Ǹɔii-ŋuŋ-ŋai da díɣâla-ŋai fɛ̀li tɛi-tɛi kɛ́lɛ kúai a Eezuɛ-ŋai, kwa pâi sîai Yâwɛɛ Kúɣâlai láai su wɔ́lɔ-wɔlɔ da wɔ́lɔ-wɔlɔ.

Habakukə 3:16

Ŋa díŋ mɛ̀ni, ḿaa kɛ́ kpɛ̃liŋ, díŋ è gɛ̀ ńagbɔ é kɛ́ soo-soo, ŋ́gao kɛ́ sàa ŋ́gbonôi, záza kɛ́ ńdòo. Ŋá pâi ḿɛi saâi ŋá tãi maa kpɛ́ŋ tãi mɛni-kpɔ̂lu a pâi lâai la diai dîa da ŋ̀wɛ̂lii dí kúsu karai.

Zakari 10:10

Ŋa pâi díkulâi Ize da Asiria ŋá pá a dia dípɔ-taai, ŋá dísee Gilia-lɔii su da Lɛƃanɔŋ-lɔii su máŋ. Ǹɔii láa a pâi fɛɛ̂i núu-kpune é lɛ́ɛ la zu núu-seêi fa ŋɔ́nɔ kɛ̀ naa.

Zakari 10:12

Ŋa pâi díkponôi kpananîi, ǹyaŋ dífolo-laai maa a pâi tɛ̂i ńaai su.” Yâwɛɛ ƃé mò.

Zakari 8:7

Ŋa pâi ŋánûai ƃâloi ǹɔii-ŋûŋ-ŋai su díkaa vóloi kulâi-pere da vóloi liî-pere.

Ɉaan 8:12

Zîsɛ e ŋɔ́nɔ lóno dípɔ, ǹyɛɛi, “Ńyãa ƃa ǹɔii ŋɔkwaa-ponoɔi; ǹúui nyii a pîlaŋ ḿbôlui ve pâi siâi kpinii. Kɛ́lɛ, gwaa-ponoɔ fulu-laai a pâi kɛ̂i ǹyêei.”

Gɛlaɠaa 24:25

Pɔ̂ɔ kɛ́ɛ a lóno a pîlaŋ tɔ̃yâ laa-la ma, da nuu-kpiŋ mɛi-kaa ma, e pɛlɛ mɛni-ŋa-teɛɛi ma nyíi pâi pâi, Feli e yào, ǹyɛɛi, “Lí nâa; ŋà tãi kàa ŋa pâi ítolîi.”

Lomaŋ 8:1

Mɛni ma diai díkaa Zîsɛ Kôrai kponôi dífe pâi nâa tɔ̂ŋ pûi dîa.

Piɛrə veelɛ 2:10

é téla kɛ́ kpɔ́ a diai da díwoli tɔ̀ɔ tua-pere-nyɔŋ maa-sɛŋ-wɛliɛ ma nyíi a núu kàrai, da diai da díŋɛi nàɣîŋ ǹúu-tuɛ-ƃelai mɛi. Dílii-kpeleɛɛ, díŋuŋ su kpanaŋɔɔ, dífa yao a lóno nyɔ́mɔɔ-kɛɛ é pîlaŋ la Ɣâla ŋɔfólo-laai ma,

M̀ɛni-lɛɛi 10:3

é tóli ƃò a ŋ̀óo su kɛ́tɛ yɛ̂ɛ yala-sulu ƃe kpéɣêi. Dólii ƃoɔ mìi, ŋele-gbana lɔ́ɔlu mɛi feerɛ tíŋ è tɛ̀.