Osia 1:11 - Bible

¹¹ Zuda da Eezuɛ-ƃelai da pâi ŋɔ́nɔ kɛ̂i zu tɔnɔɔ. Da pâi núu tɔnɔ lɛ̂i a dílaa túɛ-nuu. Da pâi dí lɔii siɣêi pôlu. Óoei, Zariɛɛ ŋɔɣelei a pâi kɛ́i a ɣele kɛ́tɛ. M̀ɛni ma ílîa-surɔŋ tóli a “Ŋánûai,” í ísaa-ƃɔlɔ tóli a “Ƃa maloŋ-kaa sɔlɔ ƃó.”

Osia 1:11 ပူးပေါင်းရင်းမြစ်များ

Mąątɛ̨nɛ̨ 110:3

Ya pɛ̀lɛ íkpɔara-ƃelai dîa, ínûai da pâi kpɔŋ maa tɛɛ̂i ípɔ. Da pâi kɛ̂i yɛ̂ɛ ɣele ƃɔ̂i luu. Ǹyaŋkpa-ŋai da pâi pâi ípɔ naa ǹyée maa waa-ŋai dîa.

Ɉeremi 30:21

Díkpɔɔi nuu a pâi kɛ̂i dílaa túɛ. Dílaa túɛ-nuui a pâi kulâi dísama. Tãi ŋa pâi dôlii lai, da pâi pâi ŋ́gɔlɛ. Ǹúui nênɛ ƃé pâi pâi ŋ́gɔlɛ mâ à kɛ̀ ḿve dòli nii? M̀ɛni ma, ka pâi kɛ̂i a ŋánûa, ńyaŋ ŋ́gɛ ƃò a Káɣâla. Ńyãa Yâwɛɛ ƃé mò tí.”

Ɉeremi 30:3

Ɣele da a pâi pâi tãi ŋa pâi Eezuɛ da Zuda-ƃelai kɛ̂i la dí lene pôlu ǹɔii su ŋá wɔ́lɔ dɛ̀ɛ dínûa pɔlɔ-ŋai pɔ́i. Ǹyaŋ a pâi kɛ̂i a dípɔɔ. Ńyãa Yâwɛɛ ƃé mò tí.”

Ɉeremi 30:7

Mɛni kpɔ̂lu ɣele maa pɔlɔ-pɔlɔɔ káa pâi. Ŋ̀elei ŋí gɔɔŋ-maa fé ma. A pâi kɛ̂i a lii-too pôlu tãi ǹûai mɛ̂ni ma. Kɛ́lɛ dífe pâi lɛɛ̂i zu.”

Ɉeremi 31:33

Bere ƃé gbanaŋ-woo ninai a pâi kɛ̂i la: Ŋa pâi ŋá tɔ̂ŋ pûi díkili ŋá, ŋá bɔ̃yɛ dí líi su. Ŋa pâi kɛ̂i a Díɣâlai, dí kɛ́ ƃò a ŋánûa.

Ɉeremi 32:37

Ŋa pâi ǹûai ŋáa tɛ̂i gîe ma, ŋá díkula ǹɔii-ŋuŋ-ŋai kélee ŋá dítaa-taa zui su a tãi ŋá kɛ̀ a ńii ŋwánaa lai, ŋá pá a dia pôlu gwaai ŋí ma a gɛɛ dí kɛ́ ƃò ŋuŋ-ma ƃô su.

Ɉeremi 50:19

Ŋa pâi Eezuɛ-ƃelai tɛɛ̂i pôlu dílɔii su. Da pâi mii-sãa lɛ́lɛɛ-ŋa miî nyíi-ŋai da lɛ̂lɛ Kamɛɛ Yeei ma, Basãŋ kpiniŋ sui, da nyíi-ŋai da lɛ̂lɛ Ifiraŋ ŋɔlɔii kpiniŋ su da Giliai. Nyíi-ŋai kélee da pâi wɛ̂lii a diai, da pâi kɛ̂i miî.

Izikiɛ 39:25

Ŋ̀wála-wâla kélee Yâwɛɛ è mò ǹyɛɛ, “M̀ɛni ma ŋa pâi nâa Zeeka ŋɔsuui su-ƃelai malôŋ kâai, ŋá Eezuɛ see pôlu díseêi. À kɛ̀ tí, gɛ̀ ní ŋa pâi ńaa maa waai maa kɔ̃ɔ̂i.

Osia 2:1

M̀ɛni ma íƃarâ Eezuɛ-ŋai tóli a “Ɣâla ŋɔnûai nyii a dímalôŋ kaai.”

Osia 3:5

Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.

Lomaŋ 11:15

Kpɛ́ni fêi, à kɛ̀ díyee-kula-mui su-kulâi ƃa ŋ̀éniɛi páa pôlu Ɣâla pɔ́, gɛ̀ ní, díyee-see-mui su-kulâi ƃé pâi kɛ̂i a lé, é kúla fúlu-laa kúlaa saa yêei pôlu?