Osia 1:10 - Bible

¹⁰ É máŋ kɛ́ tí, Eezuɛ-ƃelai da pâi kɛ̂i yɛ̂ɛ Yúo ma ŋãya nyii núu fa pɔ̂ri gɔɔ̂nii, kpaa máŋ é ǹónoi. Ƃɛ̂i dí mò naa dîa, “Káfe a ŋánûai,” da pâi dí tôlii nâa a “Gɛɣele-ma ɣalai ǹônii.”

Osia 1:10 ပူးပေါင်းရင်းမြစ်များ

Zɛnɛse 13:16

Ŋa pâi ísuui tâmai yɛ̂ɛ ŋãyai gáa ǹɔii mai a gɛɛ à kɛ̀ núu à pɔ̂ri ŋãyai lônoi ǹɔii ma, gɛ̀ ní da pâi ísuui lônoi.

Zɛnɛse 22:17

ŋa pâi lûwa lâai yâ a zu kɛ́tɛ, ŋá ísuui táma yɛ̂ɛ bɛ̂mɛlɛŋ-kao-ŋai díkaa ŋ̀elei sui da Yúo ma ŋãyai. Ísuui a pâi ŋɔkpɔara-ƃelai yée mɛi ɣâlei.

Zɛnɛse 32:12

Kɛ́lɛ í mò yɛ̂ɛi, ‘Ŋa pâi mɛni lɛ́lɛɛ kɛ̂i yɛ̂, ŋá ísuui táma yɛ̂ɛ Yúo su ŋãya, nyii núu fa pɔ̂ri ǹônoi.’ ”

Samia Veerɛi 7:24

Ya ínûai kɛ̂i kɛ́ ma ya kɛ́ a Díɣâla.

Azaya 43:6

Ŋa pâi m̀ôi yá-ŋûa lɔii-kpiniŋ ma a gɛ́ɛ é ŋánûai tɛ́ɛ, ŋá m̀ó séɣai-pere lɔii kpiniŋ ma a gɛ́ɛ vé kànaŋ dîa. Tɔɔ ŋánûai dí kúla ǹɔii ŋuŋ su kôyaa-ŋai su, da ŋ̀éniɛi gwaa kélee.

Azaya 48:19

Kálônii dîi pâi kɛ̂i a dítamaa yɛ̂ɛ ŋãya, díwɔ̂ lonii támaa yɛ̂ɛ yûo ma ŋãya. Fêi pâi ǹɛɛ̂i naa dílaa é kpɛ́ɛ ǹɔii ma, kpaa máŋ lɔii-ŋuŋ su-ƃela dí dísu kara.”

Azaya 63:16

Yá ƃé íkaa a kúnâŋ. Kúnâŋ-pɔlɔ-ŋai Eberaɣɛ̃ɛ da Zeeka dífe kú kɔ́lɔŋ, kɛ́lɛ yá, Yâwɛɛ ƃa kúnâŋ. Yá ƃa ǹúui nyii a wɔ́lɔ kúŋuŋ-ma ƃò a tãi kéleei.

Azaya 64:8

Kɛ́lɛ, óo Yâwɛɛ, yá nɔ́ ƃa Kúnâŋ. Kúkaa yɛ̂ɛ leɣi-pɔ̂rɔ, ǹyaŋ yá ƃa ǹeɣi-tɔɔ nûui. Yá ƃé kúkpɛ̀tɛ.

Azaya 65:1

Yâwɛɛ è mò ǹyɛɛi, “Ŋá ŋ́gbîŋ lɛ̀ ǹûai dîa nyii-ŋai dífe kɛ́ ní ŋ́gɔ̂rii. Diai dífe kɛ́ ní ŋ́gɔ̂rii, ŋá ŋ́gbîŋ lɛ̀ dîa. Ǹɔii-ŋûŋ nyii vé kɛ́ ní ńdôlii, ŋá fâa ŋ̀óo mu ńyɛɛi, ‘Ńyãa ká ŋí, ŋa pâi kpɔnîi kâa.’

Azaya 66:20

Da pâi kánûai kélee kulâi ǹɔii-ŋûŋ-ŋai su dí ńzama a dîa. Da pâi pâi a dia ŋáyee maa waai ma Zerusâlɛŋ. Da pâi kɛ̂i soo-ŋa, mûu-ŋa, da soo-fáleŋ-ŋa mɛi. Da pâi kɛ̂i kɔ́kɔ keleŋ-ŋa su da géleŋ-ŋai núu a ŋ̀alai. Da pâi kɛi nɔ́ pâi a dîa yɛ̂ɛ berei Eezuɛ-ƃelai da pâ la a m̀ii-sã̂a sama-sãai sɛŋ-fôlo maa-waa-ŋa su Ŋápɛrɛ Kɛ́tɛi mui.

Ɉeremi 33:22

Ŋa pâi gɛ̂i ńyee mu-nuui Deeƃé ŋɔsuui su é kɛ́tɛ da zâla láa-soŋ-nuui kùla Liiva suui sui. Dísuui su a pâi kɛ̂tɛi kpɔ́ yɛ̂ɛ yúo ma ŋãya da bɛ́mɛlɛŋ-kao-ŋai nyii núu da fa pɔ̂ri dí lônoi.”

Danîa 6:26

Ŋa dɛɛ̂i ŋákâloŋ lɔii-kpiniŋ su gwaa kélee a gɛɛ núu kélee é yao Danîa Ŋɔɣâlai ma é ŋumɛ-mâa tɛ́ɛ bɔ́. Ǹyaa ƃa Gɛ-ɣele-ma Ɣalai. Gáa naa wɔ́lɔ-wɔlɔ da wɔ́lɔ-wɔlɔ. Núu da fa pɔ̂ri ŋɔkâloŋ-laai su karâi. Ŋɔkɛ-mɛi-laai kóyaŋ fé ma.

Osia 1:9

Nya ƃe Yâwɛɛ è mò Osia ma ǹyɛɛi, “Ǹáa sée a Loaŋmi, kpɛ́ni fêi Eezuɛ-ŋai dífe a ŋánûa, ńyaŋ fé a díɣâla.”

Osia 2:23

Ŋa pâi ŋánûai seêi kɛ̂i ma ǹɔii su dí ƃûu ƃó naa. Ŋa pâi Loluama malôŋ kâai, ŋá m̀ó Loaŋmi ma, ká káa a ŋánûa, gɛ̀ ní da pâi m̀ôi dîyɛɛ íkaa a Kúɣâla.”

Ɉaan 1:12

Ǹúui kélee ǹyée sèe mùi, é ǹáa síɣe a tɔ̃yâi, è wála-wâla tɛ̀ɛ dípɔ a gɛɛ dí kɛ́ a Ɣâla lônii,

Lomaŋ 8:19

Ŋ̀éniɛi a maa-kpɛŋ kɛ̂i a ǹíi a zu kôya Ŋ̀âla-lonii-ŋai kula-mɛni ma;

Korɛntə veelɛ 6:18

ŋa pâi kɛ̂i a kánâŋ, káaŋ ka pâi kɛ̂i a ńônii-sinaa da ńônii-nɛyaa, ŋwála-wala kélee-Nuu-namui ƃa nyíŋi ƃò.”

Hebreu 11:12

Mɛni ma surɔ̂ŋ tɔnɔ è nyíi kɛ̀ a bɔlɔɔ kpɔ́ a kɛ́ pâi saâi, núu-suu é kùla gbonôi nyíi zu-ƃelai dí kɛ̀ a dítamaa kpɔ́ yɛ̂ɛ bɛmɛlɛŋ-kao-ŋai díkaa ŋ̀elei sui da ŋɛyãai gáa yúo ma nyíi núu fa pɔ̂ri ǹónôi.