Nehemi 9:26 - Bible

²⁶ “Berei máŋ í kɛ̀ m̀ɛni lɛ́lɛɛ-ŋai ŋí kélee kɛ̂i la dîɛi, dí íwoo pìli, dí díyee kúla ítɔ̂ŋ-ŋai mu, dí tɔ́ɔ yâ. Dí í lóno kɛ́-ƃelai pàa nyii-ŋai kɛ̀ dísɔnyɔ̂ŋ-ŋai maa mɛ̂ni ƃôi dîai. Dí díŋɛi nàɣiŋ ímɛi a gbɛ́ɛ pôlu.

Yálá laawoo hɛɓɛ (dc)

²⁶ «Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Yálá laawoo hɛɓɛ

²⁶ «Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Nehemi 9:26 ပူးပေါင်းရင်းမြစ်များ

Tɔɔɓɛlaa dɔlɔɔ 14:9

Ƃa sɔnyɔ̂ŋ támaa kɛ́ tɛɛ dia-ŋai kélee dîa kɛ̀ a kâloŋ ítuɛi. Ƃa Ɣâla da kpɛ́ni-ŋa kpɛ̀tɛ íkpîŋ mɛni ma, Ɣâla pɔkɔɔŋ-ŋa nyíi dí kpɛtɛɛ̂i a kɔli. Ƃa gɛ́ ńii a ŋwána a zu kɛ́tɛ ƃa ḿbili ípôlu pere.

Tɔɔɓɛlaa dɔlɔɔ 18:13

Ŋánuu-namui, ífe niî mɛ̀ni ní a gɛ́ɛ Zɛsebɛɛ kɛ́ɛ kɛ̀ Yâwɛɛ ŋɔlóno kɛ́-ƃelai paâi ŋá núu ŋuŋ tɔnɔ lòo kɔni-wolo feerɛ su, ǹúui buu lɔ́ɔlu kɔni-wolo tɔnɔ su, buu lɔ́ɔlu kɔni wolo tɔnɔ su ŋá mii-sãa tɛ̀ɛ dípɔ naa da yá.

Tɔɔɓɛlaa dɔlɔɔ 18:4

Zɛsebɛɛ kɛ́ɛ Yâwɛɛ ŋɔlóno kɛ́-ƃelai paâi, Obadia è Ɣâla ŋɔlóno kɛ́-ƃelai ŋuŋ tɔnɔ sìɣe é díloo kɔni wolo feerɛ su, dɔnɔ núu buu lɔ́ɔlu, gɛ́ mii-sɛŋ tɛ̀ɛ dípɔ da yá naa.)

Tɔɔɓɛlaa dɔlɔɔ 19:10

È zu tòo, “Ŋá Yâwɛɛ, ŋ̀wála-wala kélee Ɣalai maa mɛni sòŋ a gbanaŋɔɔ. Eezuɛ-ŋai da díyee kúla í kpanaŋ-wooi mu, da íɣâla-teƃele-ŋai wólo da ílono kɛ́-ƃelai páa a ƃóa-sɔ̂kpɔ. Ńyãa tɔnɔ ƃé lɛ̀ɛ ǹyaŋ da kɔ̂i a gɛ́ɛ dí ḿbaa máŋ.”

Tɔɔɓɛlaa veelɛ 21:10

Ɣele tɔnɔ ta Yâwɛɛ è mò ŋɔlóno-kɛ-ƃelai da-ni dîa ǹyɛɛi,

Tɔɔɓɛlaa veelɛ 21:11

“Gâloŋ Manasɛ a mɛni maa liƃiɛɛ támaa kɛ́ a tɛɛ Amora-ŋai dîa nyii-ŋai ǹɔii su dítuɛi. Ǹyaŋ ŋánûai da pîlaŋ gɔ́ɔ pɔ̂ɔi da sɔnyɔ̂ŋ kɛ́ a ńyãa a ŋɔɣâla-pɔkɔŋ-ŋai fɛliɛɛ.

Kɔlɔnikɔ Veerɛi 36:16

Kɛ́lɛ, dí ɣɛlɛ-maa kula Ɣâla ŋɔlo-kɛ-ƃelai kponoi. Dífe díyee see ní ŋ́oo mu. Díkɛ ɣɛlɛ-maa kulâi ŋɔlóno-kɛ ƃelai kponôi é lɛɛ la zu Yâwɛɛ é ǹíi ŋwana dîa nyíi gula-maa fé kɛ ni ma.

Nehemi 9:18

Dí gôo kpɛ̀tɛ a niŋa-loŋ pɔkɔɔŋ, dí mó dîyɛɛi, ‘Ŋ̀âlai ŋí ƃé kúŋuŋ ma ƃò é kú kúla ǹuɛ laai su Ize lɔii su.’ Nyíŋi è kɛ̀ a ŋɛi ǹaɣiŋ mɛi kpɛ́ɛ pôlu.

Nehemi 9:29

Í ínûai lia-woo ƃò a gɛɛ dí díyee sée pôlu ítɔ̂ŋ-ŋai mu. Kɛ́lɛ díwolii kpɔ̂lɔ kɛ̀. Dífe díyee see ní dímu. Ǹúu-kpune mɛi káa tɔŋ-ŋai í dɛ̀ɛ dípɔ a gɛɛ dí kɛ́ sia a dia díkɛ̀ ɣéniɛi sui, dí díyee kùla dímu. Dí kɛ̀ nɔ́ sɔnyɔ̂ŋ kɛ̂i.

Nehemi 9:30

Í kɛ̀ nɔ́ a ílii kpéleɛɛ díyêei a kóraŋ kélee. Í mɔlêŋ è díteniŋ tɔ̀ɔ í lono kɛ́-ƃelai sârai. Kɛ́lɛ, dífe díwoli tɔɔ ní yâ a dɔnɔ kpîŋ. Nya ƃe gɛ̀ í dí tɛ́ɛ lɔii-ŋuŋ da kpɛ́ni-ŋa su-ƃela pɔ́ dí lí a dia luɛ-laa su.

Mąątɛ̨nɛ̨ 50:17

Káfe fáa ní mà a gɛɛ ŋá káteniŋ tɔɔ. Ká káyee kúla ŋ́oo mù.

Ɉeremi 16:11

À kɛ̀ tí, mó dîa, Yâwɛɛ ǹyɛɛi, ‘Kánâŋ-pɔlɔ-ŋai dí dípôlu tɔ̀ɔ ḿâ, dí kɛ̀ ɣâla-da-kpɛni-ŋa fɛ̀li díkɛ tíi kɛ̀ dîɛ. Dí dípôlu tɔ̀ɔ ḿâ dífe díyee see ní ŋ́oo mu da ŋásɛŋ-lɛɛi.

Ɉeremi 2:30

Ŋa kákùla maa kɛ̀, kɛ́lɛ káfe mɛni da kula ní zu. Ŋálono kɛ́-ƃelai nyíi-ŋai ŋá dítɛ̀ɛi, ká dí pâa a káƃoa-sɔkpɔ-ŋai yɛ̂ɛ yala-sulu líi ŋwánaa.

Ɉeremi 2:7

Ŋa pà a káa lɔii lɛ́lɛɛ su, a gɛɛ ká ǹaa sí-sɛŋ m̀bá lɛ́lɛɛ míi. Kɛ́lɛ, tãi ká pá la naai, ká ŋálɔii maa-tĩa kara. Ká ŋ́gɔlĩŋ maa-tĩa kara.

Ɉeremi 32:23

Kɛ́lɛ, tãi dí pá la ǹɔii ŋí sui, dífe díyee see ní íwooi mu, kpaa máŋ dí tûa yɛ̂ɛ berei ísɛŋ-lɛɛi káa lai. M̀ɛni-ŋai í mò a gɛɛ dí gɛ́i, dífe dɔnɔ kpîŋ kɛ́ ní. Zɛŋ ƃé gɛ̀ íkɛ m̀ɛni kpɔ̂lui ŋí làa dîa.

Ɉeremi 42:19

Nya ƃe ŋá mò ńyɛ̃ɛi, “Yâwɛɛ aâ mò káa kpulu loŋ ŋí kâa lɛ̀ɛ Zudai a gɛɛ káfe lì Ize. M̀ɛni ma, ŋa kália-woo ƃôi lônii ma

Woolaa 3:42

“Kwa sɔnyɔ̂ŋ kɛ́ a yá, kwa tɔɔ yâ, ǹyaŋ ífe kúsu mɛni lɛɛ̂i.

Izikiɛ 20:21

“Kɛ́lɛ ǹîa-pɛlɛɛ-ŋai dîa máŋ dítɔɔ ma. Dífe sia ni a ŋátɔ̂ŋ lá woo nyii a fulu-lâa tɛɛ diai pɔ́ da m̀ɛi káai. Dífe dí mɛi káa ni. Dí ŋáfii-tɔɔ ɣelei maa-tĩa kara. Ŋá gbɛ̀tɛ a gɛɛ ńii wãna dîa vɛ̃ɛ-kpâlaŋ su.

Maafîu 21:35

Kɛ́lɛ, díi-kɛ-ƃelai dí ǹyee-mu-ƃelai sòŋ. Dí dɔnɔ lòkwa. Dí dɔnɔ paa. Dí dɔnɔ sɔɔ a kɔni.

Gɛlaɠaa 7:52

Ɣâla ŋɔlóno kɛ́-ƃelai nênɛ ƃé vé mɛni-soli káa ní kánâŋ-ni yêei? Kánâŋ-ni dí Ɣâla worɛ̂-woo ƃó-ƃelai kélee pà a nyíi-ŋai kɛ̀ Dɔ̃yâ Nuui pá mɛni ƃôi nàa túɛi. Káa kpîŋ ka káyee kúla Dɔ̃yâ Nuui ŋí mu ka bàa.

Dutɛrɔnome 32:14

Dítaa-tûlɛ-ŋai ŋíni-ya è kɛ̀ a dámaa, díƃála-ŋai, díƃoli-ŋai da díniŋa-ŋai díkɛ̀ kpɔ́ a dílɛlɛɛ a ŋ̀ánaa, díwîi da díŋwãai díkɛ̀ kpɔ́ a dílɛlɛɛ a ŋ̀ánaa.

Dutɛrɔnome 32:15

“Yâwɛɛ ŋɔnûai díkɛ̀ a tɔ̂ɔ, kɛ́lɛ, dítɔ̂ɔ mà. Díkɛ̀ a dí kpaya-kpaya dí koo seeɛ a mii-sɛŋ támaa miɛɛ. Dí dípôlu fè Ɣâla mì nyii dí kpɛ̀tɛi. Dí díyee kùla Gɔnii mù nyii díŋuŋ ma ƃoi.

Nwun mąąɓo 10:6

Naa kɛ́ɛ tíi, Eezuɛ-ŋai dí ŋɔ́nɔ sɔnyɔ̂ŋ kɛ̀ a Yâwɛɛ. Dí pɛ̀lɛ Bêe da Siria ɣala-ŋai fɛlîi. Dí ŋɔ́nɔ kɛ̀ Araŋ, Sidɔŋ, Môa-ŋai, Amɔŋ da Felesia-ŋai díɣâla-ŋai fɛlîi, kpɛ́ni fêi, Eezuɛ-ŋai dí dípôlu tɔ̀ɔ Yâwɛɛ ma. Dífe kɛ́ ní ǹíi láa mɛni kɛ̂i,