Nehemi 9:25 - Bible

²⁵ Daa-lêe-ŋai kɔ-kuluƃa wála-wala-ŋa dí kɛ̀ zui dí kɛ́ naa maa kɔ̃ɔi, ínûai dí naa kélee sòŋ é pɛ́lɛ zi-sãa kpɛtɛ lɔii-ŋai dîa. Dí pɛ́rɛ-ŋa sòŋ dílaa fɛ́ɛ a sãâ lɛ́lɛɛ-ŋa, dí ya-loa-ŋa soŋ, kpɔmɔ kpâlaŋ-ŋa, ɔle-wuru kpalaŋ-ŋa da ƃá-wuru támaa. Dí kɛ̀ dílaa miî dí kɛ́ pìla a ɣele kélee, díkɔlɔ lɛ́lɛɛ dîa a tɛ̀ɛ-ŋa. Dí kélee dí dínîa kɛ̀ ímaloŋ kâai sarâi.

Yálá laawoo hɛɓɛ (dc)

²⁵ Di walawalaaɠaa hon, da lɔi lɛlɛɛɠaa, di pɛlɛ́ɠaa hɔlɔɓo a di wɔɔ, di laahvɛɛ a hɛn gɔw huwu lɔpee. Ya-lɔwa da viɲə yɛaɠaa. Olivə yeaɠaa, da ɓá wulu kpulu tamąą. Di di laa mįi, di koo haɠa ə laa di ŋą. Di wɔ yɛnɛ̨ɛ̨ kɛ di ɲąąnɛ̨ɛ̨ hu, ə́ wɔ mɛ̨nį lɛlɛ pələ ɓa.

Yálá laawoo hɛɓɛ

²⁵ Di walawalaaɠaa hon, da lɔi lɛlɛɛɠaa, di pɛlɛ́ɠaa hɔlɔɓo a di wɔɔ, di laahvɛɛ a hɛn gɔw huwu lɔpee. Ya-lɔwa da viɲə yɛaɠaa. Olivə yeaɠaa, da ɓá wulu kpulu tamąą. Di di laa mįi, di koo haɠa ə laa di ŋą. Di wɔ yɛnɛ̨ɛ̨ kɛ di ɲąąnɛ̨ɛ̨ hu, ə́ wɔ mɛ̨nį lɛlɛ pələ ɓa.

Nehemi 9:25 ပူးပေါင်းရင်းမြစ်များ

Tɔɔɓɛlaa dɔlɔɔ 14:9

Ƃa sɔnyɔ̂ŋ támaa kɛ́ tɛɛ dia-ŋai kélee dîa kɛ̀ a kâloŋ ítuɛi. Ƃa Ɣâla da kpɛ́ni-ŋa kpɛ̀tɛ íkpîŋ mɛni ma, Ɣâla pɔkɔɔŋ-ŋa nyíi dí kpɛtɛɛ̂i a kɔli. Ƃa gɛ́ ńii a ŋwána a zu kɛ́tɛ ƃa ḿbili ípôlu pere.

Tɔɔɓɛlaa dɔlɔɔ 8:66

Bôlu ma ɣelei è ǹûai kélee tɛ̀ɛ pôlu dípɔ-taai. Dí lûwa tòo gâloŋ mâ. Gɛ̀ ní dí nâa lì dípɔ-taai. Ǹûai dí lii-nɛ̃ɛ kùla a zu kɛ́tɛ mɛni lɛ́lɛɛ-ŋai kélee mɛni ma nyíi Yâwɛɛ è gɛ̀ ǹyée mu-nuui Deeƃé mɛni ma da ŋɔnûai Eezuɛ-ŋai.

Nehemi 9:35

Berei máŋ í gɛ̀ la díkpîŋ kaloŋ kɛ́ ƃò dílɔii mɛi, í gɛ́ dí sée sí-sãa kpɛtɛ lɔii ma, í lûwa kélee láa dîai, dífe wɔ́lɔ díwoli tɔɔ ní yâ.

Mąątɛ̨nɛ̨ 105:44

È nûa da kpɛ́ni-ŋa dílɔii-ŋa kùla díyêei é dɛ́ɛ Eezuɛ-ŋai pɔ, gɛ́ ƃo a díkɔ̃liŋ.

Mąątɛ̨nɛ̨ 65:11

Ísɔŋ lɛ̂lɛɛi a ŋ̀ánaa. Ya gɛ̀ sí-sãa dí kpɛtɛ ǹɔii ma a ǹɛ́lɛɛ. Ƃɛ́i kélee íkaa naai, mii-sãa támaa káa naa.

Hanwon 30:9

À wàla kɛ́ tí, ŋà sɛŋ támaa sɔlɔ ƃô à tɛ̀ɛ gɛ̂i ma, gɛ̀ ní ŋa pâi ímaa sîa toôi ńyɛ̂ɛi, “Gbɛ̂ɛ ƃa Ɣâla Yâwɛɛ?” Kpaa máŋ ŋà wàla sɛŋ támaa sɔlɔ ƃó, ŋà kòlo, ŋa ŋúma kɛ́, gɛ̀ ní ŋa ƃâa kula Ŋáɣâlai ma.

Azaya 6:10

È m̀o ḿâ ǹyɛɛi, “Gɛ́ ǹûai ŋí kíli ŋá é pú. Gɛ́ díwoli é tíniŋ, díŋɛi é pú a gɛɛ dífe kwaa kâa, dífe mɛni da mɛ̀ni, dífe mɛni ŋá kàa ma. À kɛ̀ tí, da pâi tínanîi ḿbɔ a gɛɛ ŋá díƃalo.”

Azaya 63:7

Ŋa pâi Yâwɛɛ ŋɔwɔ́lɔ-wɔlɔ wɛ̂li-kɛ-maai maa mɛ̂ni ƃôi. Ŋa ǹáa maa tɛ̂i é pîlaŋ la m̀ɛnii a gɛ̀ kûɛi, mɛni ma. A lûwa láa kpɔ́ Eezuɛ ma a ŋ̀ánaa ŋɔwɔ́lɔ-wɔlɔ wɛli-kɛ-maai da ŋɔmaloŋ kâa laai mɛ̂ni ma.

Ɉeremi 2:7

Ŋa pà a káa lɔii lɛ́lɛɛ su, a gɛɛ ká ǹaa sí-sɛŋ m̀bá lɛ́lɛɛ míi. Kɛ́lɛ, tãi ká pá la naai, ká ŋálɔii maa-tĩa kara. Ká ŋ́gɔlĩŋ maa-tĩa kara.

Ɉeremi 31:14

Ŋa pâi gɛ̂i zâla láa-soŋ-ƃelai dí píla a mii-sɛŋ lɛ́lɛɛ, ŋá ǹûai kélee líi láa a zɛŋ da ŋ̀wɛ̂lii. Ńyãa Yâwɛɛ ƃé mò tí.”

Ɉeremi 32:23

Kɛ́lɛ, tãi dí pá la ǹɔii ŋí sui, dífe díyee see ní íwooi mu, kpaa máŋ dí tûa yɛ̂ɛ berei ísɛŋ-lɛɛi káa lai. M̀ɛni-ŋai í mò a gɛɛ dí gɛ́i, dífe dɔnɔ kpîŋ kɛ́ ní. Zɛŋ ƃé gɛ̀ íkɛ m̀ɛni kpɔ̂lui ŋí làa dîa.

Izikiɛ 20:6

Ŋa ŋ́gono-tee a gɛɛ ŋa pâi dí kulai Ize-lɔii su ŋa li a dîa ǹɔii ma nyii ŋa zie zu a gɛɛ ŋá dɛɛ dípɔi. Ǹɔii ŋí káa a sí-sɛŋ kpɛtɛ lɔii lɛ́lɛɛ. Ǹɛ́lɛɛ̂i kpɔ́ é tɛ́ɛ lɔii-sii kélee ma.

Danîa 11:24

Ǹɔii m̀ɛi-ŋai tɔɔ-sãa támaa káa naai, a pâi nàa siɣêi ǹɔii ǹâmela tɛ̂i-pere. M̀ɛnii ǹâŋ kpaa máŋ ǹâŋ ŋɔ̀naŋ-ni dífe wɔ́lɔ gɛ́ níi, a pâi gɛ̂i. Zãâi a pâi zɔlɔ ƃôi kɔ́ sui, a pâi ŋ̀áa kɔlɛ̂i bôlu-ƃelai dîa. A pâi kɔ̂i a gɛɛ é taa-lee maa tínaŋɔɔ-ŋa sòŋ kɛ́lɛ ŋɔtãi su a pâi kɛ̂i a gbuaa.

Osia 13:6

Kɛ́lɛ tãi ká sèri la ǹɔii lɛ́lɛɛi mai, sɛŋ kélee è kɛ̀ káyêei kálii è nɛ̃ɛ. Ká kákpîŋ sìɣe a gɛ́tɛ ká nìa ḿâ.

Osia 3:5

Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.

Lomaŋ 2:4

Kpaa máŋ ya íŋɛi naɣîŋ ŋɔsɔŋ lɛ̂lɛ-laa su-kɛ́tɛi mɛi, ŋɔmaloŋ-kaai da ŋɔlii-kpelei ma? Ífe gɔ́lɔŋ a gɛ́ɛ Ɣâla ŋɔsɔŋ lɛ̂lɛi su-kulai ƃa é íkɛ í ílii pene?

Dutɛrɔnome 3:5

Daa-lee-ŋai ŋí kélee maa è kɛ̀ a góliɛɛ a siɣãŋ-ŋa, wúru kpono da kɔli-ŋa da kpanâŋ pɛlɛ-pɛlɛɛ támaa nyii-ŋai dímaa fé kɛ́ ní a goliɛɛi.

Dutɛrɔnome 32:13

“È ǹɛɛ naa díkɛ nûa mɛi a kâloŋ ńyee-ŋai mâ, è gɛ dí kɛ́ ǹɔii su mii-sãai miî. Dí kɔ̃iŋ wûrɔ kùla gɔni-woloi su, Dí ɔle-wuru-ŋai dílɛlɛ gɔni-lɔii mâ.

Dutɛrɔnome 32:14

Dítaa-tûlɛ-ŋai ŋíni-ya è kɛ̀ a dámaa, díƃála-ŋai, díƃoli-ŋai da díniŋa-ŋai díkɛ̀ kpɔ́ a dílɛlɛɛ a ŋ̀ánaa, díwîi da díŋwãai díkɛ̀ kpɔ́ a dílɛlɛɛ a ŋ̀ánaa.

Dutɛrɔnome 32:15

“Yâwɛɛ ŋɔnûai díkɛ̀ a tɔ̂ɔ, kɛ́lɛ, dítɔ̂ɔ mà. Díkɛ̀ a dí kpaya-kpaya dí koo seeɛ a mii-sɛŋ támaa miɛɛ. Dí dípôlu fè Ɣâla mì nyii dí kpɛ̀tɛi. Dí díyee kùla Gɔnii mù nyii díŋuŋ ma ƃoi.