Nehemi 9:20 - Bible

²⁰ Í Ímɔ̂leŋ lɛ́lɛɛi pù díkponôi, é Dɔ̂ŋ mɛi káa kili ŋa pono tɛɛ dípɔ. Í mana tɛ̀ɛ dípɔ dí mii, í yá tɛ́ɛ dípɔ díkpele mɛni ma.

Yálá laawoo hɛɓɛ (dc)

²⁰ Ə́ kili lɛlɛɛ tɛɛ di pɔ, diɛ pɛli mɛ̨nį kulɔ ɉu kɛi, hvo manə kulɔ di la, ə́ ya tɛɛ di pɔ diɛ gbələ.

Yálá laawoo hɛɓɛ

²⁰ Ə́ kili lɛlɛɛ tɛɛ di pɔ, diɛ pɛli mɛ̨nį kulɔ ɉu kɛi, hvo manə kulɔ di la, ə́ ya tɛɛ di pɔ diɛ gbələ.

Nehemi 9:20 ပူးပေါင်းရင်းမြစ်များ

Nehemi 9:30

Í kɛ̀ nɔ́ a ílii kpéleɛɛ díyêei a kóraŋ kélee. Í mɔlêŋ è díteniŋ tɔ̀ɔ í lono kɛ́-ƃelai sârai. Kɛ́lɛ, dífe díwoli tɔɔ ní yâ a dɔnɔ kpîŋ. Nya ƃe gɛ̀ í dí tɛ́ɛ lɔii-ŋuŋ da kpɛ́ni-ŋa su-ƃela pɔ́ dí lí a dia luɛ-laa su.

Mąątɛ̨nɛ̨ 105:41

È gɛ̀ yá é kúla gɔnii su gɛ́ ɣìliŋ vɛ̃ɛ-kpâlaŋ su yɛ̂ɛ ya lêe.

Mąątɛ̨nɛ̨ 143:10

Yá ƃé íkaa a Ŋáɣâlai, ítûa-pere lɛ́ ḿâ a gɛɛ ŋá sía la. Ye ḿɛi káa a ǹɛ́lɛɛ í ḿbîlaŋ pere lɛ́lɛɛ ma.

Lɛɛ gbɔwɔ ɓa 16:15

Tãi Eezuɛ-ŋai dí gàa lai, dí díkîe-ni marê kɛ̀ dîyɛɛi, “Lé ƃé ŋí?” Kpɛ́ni fêi, dífe kɛ́ ní a gɔ́lɔŋɔɔ. Nya ƃe Mose è mò dîa ǹyɛɛi, “M̀ii-sɛŋ ká tí Yâwɛɛ a dɛɛ kápɔ mìi mɛ̂ni mai.

Lɛɛ gbɔwɔ ɓa 16:35

Eezuɛ-ŋai dí mana mìi a kóraŋ buu náaŋ é lɛ́ɛ la zu dí seri ǹɔii su ƃɛ́i nûa dí kɛ̀ naai. Dí lɛ̀ɛ mana mîi dí seri Keena lɔii ŋɔkoyaŋ-perei ma.

Lɛɛ gbɔwɔ ɓa 16:4

Yâwɛɛ è mò Mose mà ǹyɛɛi, “Gáa, ŋa pâi kpólo kulâi ŋ̀elei su ŋá bu kámɛni ma. Tɔɔ ǹûai dí lí a ɣele kélee dí ɣele tɔnɔ kpólo ɣɛ́ɛ. Bere sîi tí su ƃé ŋa pâi dísu kɔ̂ɔnii la à kɛ̀ da pâi ŋátɔ̂ŋ-ŋai mɛi kâai.

Lɛɛ gbɔwɔ ɓa 17:3

Kɛ́lɛ kpele-wɛli è kɛ̀ ǹûai kɛ̂i a ŋánaa. Maa mɛni ma dí dílii ŋwana Mose ma dîyɛɛ mai, “Í kúkùla Ize lɔii su lé mɛni ma? Ƃa ŋ̀wɛ̂lii í kúpaa a kpele-wɛli kwa kúnîa-pɛlɛɛi da kútaa-tulɛ-ŋai?”

Lɛɛ gbɔwɔ ɓa 17:6

Ŋa pâi tɔɔ̂i káŋɛi-túɛ gɔnii ma Orɛ. Ísia wurii kiîŋ nɔ́ gɔnii ma, ǹyaŋ yá a pâi kulâi zu a gɛɛ ǹûai dí gbele.” Nya ƃe Mose è gɛ̀ tí Eezuɛ-ŋai dínuu-pɔlɔ-ŋai ŋɛ́i-tuɛ.

Azaya 48:21

È díkùla vɛ̃ɛ-kpâlaŋ su fãai su. Kpele-wɛ̂li fé ŋɔ́nɔ dípaa ní. È gɔnii ƃêla, yá é kúla zu dí gbele.

Azaya 49:10

Puru da kpele wɛ̂li fé pâi wɔ́lɔ dípaâi. Dífe pâi wɔ́lɔ kɛ̂i vɛ̃ɛ-kpâlaŋ su fólo kɛ́ dí kêreŋ. A pâi kɛ̂i tí, kpɛ́ni fêi, dílaa túɛ nuui a pâi kɛ̂i a díwɛliɛɛ. A pâi liî a dia ya-ɣɛ̂li pɛlɛɛ-ŋa ma.

Egaa 2:5

yɛ̂ɛ berei ŋá ŋ́gono tèe la káyêei tãi ká kùla la Ize-lɔii sui. Ŋámɔ̂leŋ káa kákɔlɛ ma, káfe yào.’ ”

Lonon mo 11:17

Ŋa pâi pâi ŋá lóno naa ípɔ. Mɔ̂leŋ gáa íponôi ŋa pâi da pûi díkponôi a gɛɛ ǹûai maa mɛni é kɛ́ kâa ka dîa-ni, vé kɛ̀ nɔ́ yá tɔnɔ yâ.

Ɉaan 4:10

Zîsɛ e ŋ̀óo su tòo, ǹyɛɛi, “Iî kɛ̀ a Ɣâla ŋɔsama-sɛŋ kɔlɔŋɔɔ, da ǹúui gáa môi yâi, ‘Yá tɛ́ɛ ḿbɔ ŋá gbélei,’ iî pɔ̂ri m̀are kɛ̂i, ǹyaŋ eêi pɔ̂ri fulu-laa-ya tɛɛ̂i ípɔ.”

Ɉaan 4:14

kɛ́lɛ, ǹúui nyii a ǹyái kpèle ŋa pâi dɛɛ̂i bɔi, kpele-wɛli fa ŋɔ́nɔ wɔ́lɔ gɛ̀. Ǹyái ŋa pâi dɛɛ̂i bɔi a pâi kɛ̂i gbonôi a yá-lee ŋwɔlɔ-wɔlɔ fulu-laai mɛni ma.”

Lomaŋ 15:30

Ŋa kákpera fêi, ŋánûa, Zîsɛ Kôrai sârai da M̀ɔlêŋ ŋɔwɛli kɛ́-maai a gɛ́ɛ ka kpɔŋ mâ ku Ɣâla fɛli ḿɛni ma a gbanaŋɔɔ

Korɛntə dɔlɔɔ 10:3

Díkelee dí Ŋ̀âla-mii-sɛŋ tɔnɔi mìi.

Ifisiɛŋ 5:9

Kpɛ́ni fêi, kwaa-ponoɔ ŋɔƃa káa mɛni lɛ́lɛɛ kélee su, da mɛni sã́a, e pɛ́lɛɛ tɔ̃yâ ma.

Zasua 5:12

Ǹyaŋ ǹûai dí ǹɔii ninai maa mii-sɛŋ da mii lai, manâi è kpèra toɔ̂ɔ ma. Kɛ́lɛ dí nâa kɛ̀ Keena lɔii su mii-saai miî.

Piɛrə veelɛ 1:21

kpɛ́ni fêi, Ɣâla-woo-ƃoɔ fa pâ a núu kpîŋ nia-mɛni, kɛ́lɛ, M̀ɔlêŋ Maa Waai ƃa núu kɛ̀ é Ɣâla ŋɔwóoi ƃó.