Nehemi 8:1 - Bible

¹ Ŋ̀áloŋ ǹɔ́ɔlu mɛi feerɛi su, Eezuɛ-lonii kélee kùla gɔ-soŋ-laai sui, dí nâa kɛ̀ a dí séɛɛ dí taa-ŋai su. Ŋ̀áloŋ tí ŋɔfóloi maa-ŋuŋ, dí kélee dí díŋaa tɛ̀ díkîe ma ziɣãŋ lá da ǹaa tòli a Ǹya Siɣãŋ lá Zerusâlɛŋ taa-leei sui. Dí mò zâla láa soŋ-nuui Ɛzura ma nyii kɛ̀ a dɔ̂ŋ lɛ́-nuui dîyɛɛ mai, “Pá a dɔ̂ŋ kɔlɔi nyii Yâwɛɛ è wɔ́lɔ dɛ̀ɛ Eezuɛ-ŋai pɔ́ Mose sârai, í ǹóno kûɛ.”

Yálá laawoo hɛɓɛ (dc)

¹ Nɔi lonnii kəlee di di ŋąąkpɔn nɔ yɛ nu tɔ̨nɔ̨, di pa a Moisə nwɔ tɔ́n ɉɛɓɛ́i, yaai tii Yai-Laa ə naa Israɛlə lonnii nwuɔ̨.

Yálá laawoo hɛɓɛ

¹ Nɔi lonnii kəlee di di ŋąąkpɔn nɔ yɛ nu tɔ̨nɔ̨, di pa a Moisə nwɔ tɔ́n ɉɛɓɛ́i, yaai tii Yai-Laa ə naa Israɛlə lonnii nwuɔ̨.

Nehemi 8:1 ပူးပေါင်းရင်းမြစ်များ

Tɔɔɓɛlaa veelɛ 23:2

Gâloŋ Zosâya è lì ŋâla-pɛrɛ kɛ́tɛi lá é pɛ́lɛ Zuda da Zerusâlɛŋ-ƃelai kélee dîa, zâla-laa soŋ-ƃelai da Ɣâla ŋɔlóno kɛ́-ƃelai. Tãi ǹûai kélee dí díŋaa tɛ̀ la díkîe mai, è Ɣâla ŋɔtɔ̂ŋ kɔlɔi lôno dîɛ nyii zâla-laa soŋ-nuui è gàa ŋâla-pɛrɛ kɛ́tɛi mui.

Kɔlɔnikɔ Veerɛi 34:15

Nya ƃe Ɛɛkea è mò gɔlɔ-pɔ̃yɛɛ-kɛ ǹúui Safaŋ ma ǹyɛɛi, “Ŋâa Dɔ̂ŋ-kɔlɔi káa Yâwɛɛ ŋɔpɛ́rɛi mu.” È nâa dɛ̀ɛ Safaŋ pɔ.

Kɔlɔnikɔ Veerɛi 34:30

Da Zuda é pɛlɛ Zerusâlɛŋ ƃelai, zâla láa-soŋ-ƃelai ƃelai, Liiva-ŋai da Eezuɛ ƃelai kélee, é siɣe nîa-pɛlɛ-pɛlɛɛ ŋai, é too nuu-kpaya-kpayai dîa díkelee dí li Yâwɛɛ ŋɔpɛ́rɛi la. Gɛ́ɛ tí, galoŋ è Gbanaŋ-woo-kɛɛ maa kɔlɔi nyíi dí gàa Yâwɛɛ ŋɔpɛ́rɛi mui lôno díkelee díɛ.

Ɛsdrasə 7:1

Kóraŋ támaa tɛɛ́ pôlu ma, dí Atasɛra kɛ̀ a kâloŋ Pɛsia lɔii mɛi. M̀aa tãi tí nalôŋ tɔnɔ è kɛ̀ naa ǹáa ƃé kɛ̀ a Ɛzura. È dínuu-suui kɔ́ɔ pîlaŋ mɛni pɔlɔi kɔ̂ri é gáa. È gɔ̀lɔŋ a gɛɛ gáa a Eezuɛ ŋɔsâla láa-soŋ nuu kɛ́tɛi Eelɔŋ ŋɔsuui su-nuui da. M̀ɛni-ŋai ŋí ƃé è gàa nyíi ǹɛ ma a gɛɛ gáa a ǹúu suui ŋí su nuu da. Dísuui kɔ́ɔ pîlaŋ-pere káa ŋí: Ɛzura ǹâŋ láa ƃé kɛ̀ a Seraya. Seraya ǹâŋ ƃé kɛ̀ a Azaria, Azaria kɛ́ ƃò a Ikaya ǹóŋ.

Ɛsdrasə 7:10

Ɛzura è tãi támaa sìɣe Yâwɛɛ ŋɔtɔ̂ŋ kɔlɔi maa kɔ́ri mɛni mà. È maa kɔ̂ri kpɔ́ é pɛ́lɛ ǹɛ́i Eezuɛ-ƃelai dîa. È ǹɛ dîa, é berei lɛ́ dîa da pɔ̂ri zu-tɔŋ-ŋai mɛi kâai lai.

Ɛsdrasə 7:11

Gɔlɔi ká ŋí Atasɛra è dɛ̀ɛ Ɛzura pɔ́i. Ɛzura è kɛ̀ a sâla láa soŋ-nuu, gɛ́ ƃò a dɔ̂ŋ lɛ́-nuui da. È kɛ̀ a dareɛ́ɛ Yâwɛɛ ŋɔtɔ̂ŋ-ŋai su nyii è dɛ̀ɛ Mose pɔ́ Eezuɛ-ŋai mɛni mai. Gɔlɔi è dɛ̀ɛ Ɛzura pɔ́i, ŋ̀oo ká ŋí:

Ɛsdrasə 7:6

Ɛzura è kɛ̀ a dareɛ́ɛ a ŋ̀ánaa. E kɛ̀ a gili-ŋa ponoɔɔ Eezuɛ Ɣalai Yâwɛɛ ŋɔtɔ̂ŋ kɔlɔi mɛni su, nyíi è dɛ̀ɛ Mose pɔi. Ŋɔɣâlai Yâwɛɛ è lûwa làa ma. Zãâi kélee è Pɛsia kaloŋ marê kɛ̀ mɛni mai, è dɛ̀ɛ bɔ́. Ɛzura è kùla Babelɔŋ é lí Zerusâlɛŋ. È lì naa a Gâloŋ Atasɛra ŋɔkâloŋ-laa koraŋ ǹɔ́ɔlu mɛi feerɛi su. È lì a Eezuɛ nuu-kpulu-ŋa naa. Ǹúu kpulu-ŋai ŋí ƃé kɛ̀ a zâla láa soŋ-ƃelai, Liiva-ŋai, Ŋ̀âla-pɛrɛi mu wule too-ƃelai, Ŋ̀âla-pɛrɛi mɛi káa-ƃelai da tíi kɛ́ kpakolo-ŋa.

Nehemi 12:26

Ǹûai ŋí dí wɔ́lɔ kɛ̀ ɣele ma a Zasua ǹóŋ-surɔŋ Zioakiŋ nyii kɛ̀ a Zosada ǹóŋ ŋɔlóŋ ŋɔtãi. È kɛ̀ máŋ a tãi Niɛmaya è kɛ̀ la a ǹɔii mɛi kâloŋ, da tãi Ɛzura è kɛ̀ la a sâla láa soŋ-nuu gɛ́ ƃò ŋɔ́nɔ a Dɔ̂ŋ lɛ́ nuui.

Nehemi 12:37

Tãi dí sèri la Ǹya-toŋ-mâ Siɣãŋ lái, dí lì ƃɛ́i núu a tɛ̂ naa gɛ́ tɛ̀ Deeƃé ŋɔtaa lêei sui. Dí tɛ̀ɛ Deeƃé ŋɔkâloŋ-pɛrɛ kɛ́tɛi ma, dí lɛ́ɛ liî dí tɛ́ɛ Ǹyá Siɣãŋ lá nyii kɛ̀ daa lêei ŋɔfólo kulâi-perei.

Nehemi 3:26

da Ŋ̀âla-pɛrɛi mu tii kɛ́-ƃelai nyii-ŋai dí séɛɛ è kɛ̀ Ofɛɛ-yeei mai, dí ziɣãŋ da tɔ̀ɔ. Dí dɔɔ́ kɔ́ɔ pîlaŋ ƃɛ́i Pala è kòyaŋ naai. Dí lì la vóloi ƃêlai pere é lɛ́ɛ la zu dí seri Ǹya Siɣãŋ ma ƃɛ́i Ŋ̀âla-pɛrɛi mɛi káa ƃelai díyeŋkêŋ è kɛ̀ naai.

Nehemi 8:16

Nya ƃe ǹûai dí lì dí pá a wúru laa-ŋa. Dí ƃuu-ŋa tɔ̀ɔ dípɛrɛ-ŋai mɛi-pere a tɛ̀ɛ-ŋa. Da-ŋa dí díwɔ̂-ŋai tɔ̀ɔ dípɛrɛ-ŋai kɔlɛ ma, da-ŋa dí díwɔ̂-ŋai tɔ́ɔ Ŋ̀âla-pɛrɛ Kɛ́tɛi kɔlɛ ma. Da-ŋa dí díwɔ̂-ŋai tɔ̂ɔ Ǹyá Siɣãŋ lá kɔlɛ ma, da-ŋa dí díwɔ̂-ŋai tɔ́ɔ Ifiraŋ Siɣãŋ lá.

Nehemi 8:3

Ɛzura è Mose ŋɔtɔ̂ŋ kɔlɔi ŋí lòno naa dîɛ é kúla ɣele-wala pɛ-pɛ ma, é lɛ́ɛ la zu vóloi é tɛ́ ŋuŋ ma. È kɛ̀ tɔɔ̂-ni Ǹyá Siɣãŋ lá. È kɛ̀ Dɔ̂ŋ-ŋai ŋí lônoi ǹûai kélee wóli tɔ̂ɔ ma kpɔ́ tɔ̀ŋ-tɔŋ.

Azaya 8:20

Kɛ́lɛ díwoo su-too yɛ̂ɛi, “Ka káwoli tɔ́ɔ m̀ɛnii ma Yâwɛɛ a ǹɛ̂i kâai. M̀ɛni-ŋai m̀ɔlêŋ-ŋai da zaa-ƃelai da mò kâai, dífa kákùla mɛnîi.”

Levetekɔ 9:5

Zãai Mose è mɛni ƃó diai dí pà a gélee Yâwɛɛ ŋɔpɛ́rɛ maa waai ŋɛ́i-tuɛ. Eezuɛ-ŋai kélee dí díŋaa tɛ̀ ma naa dí kɛ̀ Yâwɛɛ fɛli.

Malasi 4:4

“Ńyee mu-nuui Mose ŋɔsɛŋ-lɛ́ɛ-ŋai maa mɛ̂ni é lɛ́ɛ kákili ŋá, dɔ̂ŋ-ŋai é pɛ́lɛ ŋ̀óo-ŋai dîa ŋá dɛ̀ɛ bɔ́ Sana Yeei ma Eezuɛ-ŋai kélee mɛni ma a gɛɛ dí láa lai.

Maafîu 13:52

Nya ƃe è mò dîa, ǹyɛɛi, “Mɛni ma kɔlɔ-pɔ̃yɛ-nuu kélee nyii dí gɛ̀ a Ŋ̀âla-taa kâloŋ-laai su-nuui dai, gáa yɛ̂ɛ pɛ́rɛ-namu nyii a sɛŋ nina da sɛŋ pɔlɔ kùla ŋɔlaai-kɛ-kwaai mai.”

Maafîu 23:13

“Kpalo ƃêlai kâa gɔlɔ-pɔ̃yɛ-ƃelai da Faresii-ŋai, kákaa a kíri-ƃela! Kpɛ́ni fêi, ka Ŋ̀âla-taa kâloŋ-laai lá tɛ́ núu-kpune perêi. Kpɛ́ni fêi, káfa lɔ̂ naa káa kpîŋ. Káfa têla ǹɛɛ naa a gɛɛ diai ŋ̀wɛ̂lii dí lɔ́ naai dí lɔ́.]

Maafîu 23:2

“Gɔlɔ-pɔ̃yɛ-ƃelai da Faresii-ŋai da see Mose ŋɔsee-sɛŋ ŋá,

Maafîu 23:34

Mɛni ma ka gáa, ŋa pâi Ɣâla ŋɔlóno-kɛ-ƃela tɛɛ̂i da táre-ƃela é pɛ́lɛ kɔlɔ-pɔ̃yɛ-ƃela dîa. Ka pâi da-ni paâi, ka da-ni kpamo saa-wuru ma. Ka pâi da-ni lókwâi Ŋ̀âla-fɛli-kêre-ŋai mu, ka da-ni kpɔara, kakɛ díkɔ̂ri daa-ŋai su,

Dutɛrɔnome 31:11

Eezuɛ-ŋai kélee da díŋaa tɛ̀ gîe ma Yâwɛɛ ŋɔkwaa maa waai ma ka dɔ̂ŋ-ŋai ŋí lóno, dí mɛ̀ni.

Nwun mąąɓo 20:1

Liiva naloŋ ŋɔnɛnî-loŋ pàa mɛ̂ni è gɛ̀ Eezuɛ-ŋai kélee dí díŋaa tɛ́ gîe ma Misipa Yâwɛɛ ŋɛ́i túɛ. Dí kùla Daŋ lɔii-kpiniŋ su yá-ŋûa-pere é tóo Bɛɛsiba séɣai pere é seri Gilia vóloi kulâi-pere.

Nwun mąąɓo 20:8

Eezuɛ-ƃelai kélee dí mò dîyɛɛi, “Kúta fé pâi lɔ̂i bɔ́-bɔrɔŋ kpaa máŋ ŋɔƃûui mu.