Nehemi 7:73 - Bible

⁷³ Ǹûai ŋí dí see Zuda lɔii kpiniŋ su taa-ŋai su a tɛ̀ɛ-ŋa. Zâla láa soŋ-ƃelai, Livai-ŋai, Ŋ̀âla-pɛrɛ Kɛ́tɛi mɛi káa-ƃelai, Ŋ̀âla-pɛrɛ Kɛ́tɛi mu wule too-ƃelai, Ŋ̀âla-pɛrɛ Kɛ́tɛi mu tii kɛ́ kpakolo-ŋai, da Eezuɛ-ƃelai da-ŋa.

Nehemi 7:73 ပူးပေါင်းရင်းမြစ်များ

Tɔɔɓɛlaa veelɛ 7:10

Dí lì pôlu Sameria dí galai mɛi-káa-ƃelai tóli dí mó dîa dîyɛɛi, “Kú lì Siria-ŋai díƃûui su kúfe kpakolo tɔnɔ kpîŋ káa ní naa. Ífa núu tɔnɔ kpîŋ tíŋ mɛ̀ni. Zoo-ŋai da zoo-fáleŋ-ŋai nɔ́ ƃé dí kpulɔ̂ŋɔɔi, zua-kɔlɔ pɛrɛ-ŋai kélee lá ƃóɔɔ, núu da fé dímu.”

Kɔlɔnikɔ Maa-ŋuŋ 9:2

Diai kɛ̀ a ǹûai m̀aa-ŋuŋ dí lène pôlu dísee dítaa-ŋai su, díkpanaŋ-ŋai lá díkɔ̃liŋ-ŋai mɛi dia ƃé kɛ̀ a Eezuɛ-ŋai, zâla láa-soŋ-ƃelai, Liiva-ŋai da ǹûai da kâa tíi kɛ̀ Ŋ̀âla-pɛrɛ Kɛ́tɛi mui.

Ɛsdrasə 2:70

Eezuɛ-ƃelai kélee kɛ̀ gɔ́-soŋ laai sui dílônii dí lène pôlu Eezuɛ. Dí lì dísee dítaa-ŋai su tɛi-tɛi. Diai kɛ̀ gɔ́-soŋ laai sui, da-ŋa ƃa: Zâla lá-soŋ-ƃelai, Liiva-ŋai, Ŋ̀âla-pɛrɛ Kɛ́tɛi ŋɔwule-too-ƃelai, Ŋ̀âla-pɛrɛ Kɛ́tɛi mɛi káa-ƃelai, da Ŋ̀âla-pɛrɛ Kɛ́tɛi mu tii kɛ́-ƃelai.

Ɛsdrasə 3:1

Eezuɛ-ŋai kuláa gɔ́-soŋ laai su Babelɔŋ dí ɣáloŋ lɔ́ɔlu mɛi feerɛ sìɣe dí dítaa-ŋai su kpɛ̀tɛ. Ǹaa pôlu ma, dí díŋaa-tɛ gîe ma Zerusâlɛŋ taa-leei su.

Nehemi 11:3

Eezuɛ-ƃelai da-ni, zâla láa soŋ-ƃelai, Liiva-ŋai, diai kɛ̀ tíi kɛ̂i Ŋ̀âla-pɛrɛ Kɛ́tɛi mui, da Gâloŋ Saloma ŋɔtíi kɛ́-ƃelai dísuui su sinaai dí lì dí sée Zuda lɔii ŋɔtaa-leei gbéli-ŋai su dí kɔ̃liŋ-ŋai mɛi. Kɛ́lɛ ǹɔii kpîniŋ-ŋai mɛi-ƃelai dí sèe Zerusâlɛŋ da dínûai.

Nehemi 7:72

Ǹûai kpéli-ŋai kélee dí gôo pãŋ ŋuŋ saaƃa pôlu buu lɔ́ɔlu mɛi feerɛ kao lɔ́ɔlu (375) tɛ̀ɛ da káne pãŋ wála feerɛ pôlu buu lɔ́ɔlu (2,500) tɛ̀ɛ. Dí ŋɔ́nɔ yokpo buu lɔ́ɔlu mɛi da kao lɔ́ɔlu mɛi feerɛ tɛ̀ɛ zâla láa soŋ-ƃelai mɛni ma.