Nehemi 6:9 - Bible

⁹ Kúkpɔara-ƃelai díkɛ̀ kɔ̂i a gɛɛ dí kú ḿaa yáo. Dí kɛ̀ gɛ̂i tí a gɛɛ dí kú kpéra kú tíi ma. Kɛ́lɛ ŋá Ɣâla marê kɛ̀ a gɛɛ é gɛ́ kú kponôi é kpanaŋ.

Yálá laawoo hɛɓɛ (dc)

⁹ Mąąhɔlɔɓo, di kəlee di kɛi kɛ di ku mąąɲɔw, diɛ kɛ diɛ: «Di kaa pai di yee ɓoi goló ɓa, hva kɛa kɛ.» Yii hu, ɲéé huwalawala.

Yálá laawoo hɛɓɛ

⁹ Mąąhɔlɔɓo, di kəlee di kɛi kɛ di ku mąąɲɔw, diɛ kɛ diɛ: «Di kaa pai di yee ɓoi goló ɓa, hva kɛa kɛ.» Yii hu, ɲéé huwalawala.

Nehemi 6:9 ပူးပေါင်းရင်းမြစ်များ

Kɔlɔnikɔ Veerɛi 15:7

Kɛ́lɛ mɛni a kpèra kâa, katɔɔ a gbanaŋɔɔ. Káfii fé kpɛ̀ɛ, kpɛ́ni fêi díi kélee kákaa gɛ̂i, ka pâi ŋɔfela-fêi sɔlɔ ƃôi.”

Kɔlɔnikɔ Veerɛi 32:18

Nya ƃe dílono ǹûai kɛ ziɣãŋ mɛi Zerusâlɛŋ pɔ a Ibulu-woo a gɛ́ɛ dí dímaa-yao dí daai soŋ.

Ɛsdrasə 1:6

Díkɔlɛ maa-ƃelai kélee dí kpɔŋ-maa tɛ̀ɛ dípɔ a sãâ. Zãâi ŋí ƃé kɛ̀ a kâpa sɛŋ-folo-ŋa, gôo, sãâ kpulu-kpulu-ŋa, taa-tulɛ ŋa da sãâ da kpɛ́ni sɔ̃ɔ kpanaŋɔɔ-ŋa. Dí sama sãa tɛ̀ɛ dípɔ máŋ Ŋ̀âla-pɛrɛ Kɛ́tɛi mɛni ma.

Nehemi 6:14

È kɛ̀ tí, ŋá Ɣâla fɛ̀li ńyɛɛi, “Óo Ŋáɣâlai, Saŋbala da Tobaya kula maa kɛ́ m̀ɛnii dí gɛ̀i m̀ɛni ma. Í lóno kɛ́-nɛnii Naodia da m̀arâai nyii-ŋai díkaa ḿaa yaôi, dí kula maa kɛ́.”

Mąątɛ̨nɛ̨ 138:3

Tãi ŋá ítòli lai, íŋoo mɛ̀ni, íwala-wala tɛ̀ɛ ḿbɔ, nyii ŋgbonoi kpanaŋ.

Mąątɛ̨nɛ̨ 56:3

Tãi ŋa kɛ̂ yaôi lai, ŋa ŋ́gili tɔ̀ɔ yâ.

Mąątɛ̨nɛ̨ 68:35

Ɣâla maa pɔlɔ-pɔlɔi à kɛ̀ kulâi ŋɔpɛ́rɛi maa waai mu. Ǹyaa ƃa Eezuɛ Ŋɔɣâlai. A wála-wala-laa da kponoi kpânaŋ tɛ̀ɛ ŋɔnûai pɔ́. Ka laa maa tɛ̂ tɛɛ Ɣâla pɔ́.

Mąątɛ̨nɛ̨ 71:1

Óo Yâwɛɛ, ŋa pá ípɔ a gɛɛ í ḿaa kɔ̃ɔ. Ífe nɛ̀ɛ naa ŋ́gbɔara-ƃelai dí ńyee mɛi ɣále.

Azaya 40:29

Diai dí káa fôai, a wála-wala laa tɛ̀ɛ dí pɔ́. Diai dífe wála-wala níi, a díkponôi kpànaŋ.

Azaya 41:10

Ŋ́gaa kákɔlɛ, káfe yào! Ńyãa ƃa Káɣâlai, sɛŋ da fé pâi ká m̀aa yaôi! Ŋá pâi kákponôi kpananîi, ŋá kpɔŋ mâa tɛ̀ɛ ká pɔ́. Ŋá pâi kámaa kɔ̃ɔi ŋá ká káŋuŋ ma ƃó.

Ɉeremi 38:4

Nya ƃe díi kɛ́-ƃela kpaya-kpayai dí lì gâloŋ pɔ́ dîyɛɛ mai, “Fɛ́ɛ nɔ́ kú ǹaloŋ ŋí páa. Ǹóno sîi a gɛ̂i, a gɛ̂i gɔ-kuluƃa-ŋai díkaa daa-lêei sui díkili fa pɔ̂ri kulâi dí kɔ́ kúmɛni ma. Gáa ǹóno tɔnɔi ŋí kɛ̂i ǹûai kélee pɔ́ nyíi-ŋai díkaa daai sui. Ǹóno-woo fé kpɔŋ mâa tɛɛ̂i ǹûai pɔ́. Kɛ́lɛ, gáa nɔ́ dí líi toôi pôlu.”

Izikiɛ 30:24

Ŋa pâi ŋáƃoa-sɔkpɔi tɛɛ̂i Babelɔŋ kaloŋ pɔ́ a ŋɔwála-wala-laai. Kɛ́lɛ ŋa pâi Ize kaloŋ yée ɣâlei. À kɛ̀ tí, a pâi nyíɣɛi ŋɔkpɔara-ƃelai ŋɛ́i túɛ yɛ̂ɛ núui saâi sɛŋ sôli maa sûi.

Zakari 10:12

Ŋa pâi díkponôi kpananîi, ǹyaŋ dífolo-laai maa a pâi tɛ̂i ńaai su.” Yâwɛɛ ƃé mò.

Korɛntə veelɛ 12:9

kɛ́lɛ, e mò mâ, ǹyɛɛi, “Ŋáƃɛlɛ-sêei támaâi ímɛni ma, kpɛ́ni fêi, ŋáwala-walai maa waâi fii-kpɛɛ su.” Mɛni ma lii-nɛ̃ɛ kɛ́tɛ su ŋa pâi yoŋka teêi ŋáfii-kpɛɛ-ŋai su a gɛ́ɛ Kôrai ŋɔwála-walai é kɛ́ ḿɛi.

Ifisiɛŋ 3:16

a gɛ́ɛ berei ŋɔfólo-laai kɛ̂tɛi lai, é kákɛ kákponôi e kpanaŋ a wála-wala-laa núu-kpune kponôi Ŋɔmɔ̂leŋ sârai,

Ifisiɛŋ 6:10

Gbɛɛ ŋái, kákponôi é kpánaŋ Kúnuu-namui kponôi da ŋɔwála-wala-laai ŋɔsu-kpanaŋ.

Filipə 4:13

Ŋa pɔ̂ri mɛni kélee kɛ̂i gbonôi nyíi a ńzu kpanaŋ.

Hebreu 12:12

Mɛni ma ka káyee nyii-ŋai zɛlɛŋɔɔ̂i kâai tɛ́ ɣelêi ká kákpêleŋ nyii-ŋai dífii-kpɛɛ su kpanaŋ.

Piɛrə dɔlɔɔ 5:10

Kámɛni-soli-kaai pôlu ma nàa kuro à kɛ̀ tí, m̀ɛlɛ-see kélee-Ɣalai nyíi a kátoli ŋɔwɔlɔ-wɔlɔ fólo-laai ma Kôrai kponôi, ǹyaa kpîŋ a pâi kámaa waâi, é kátɔɔ̂i kpanaŋ, é kákponôi kpanaŋ.

Samuɛlə dɔlɔɔ 30:6

Deeƃé líi è tòo pôlu a ŋ̀ánaa, kpɛ́ni fêi, ǹûai díkɛ̀ ŋ̀wɛ̂lii dí zɔ̀ɔ a kɔni. Díkelee díkɛ̀ kpɔ́ a dílii ŋwánaa dílônii-sinaai da dílônii-nɛyãai mɛni ma. Kɛ́lɛ Yâwɛɛ, Deeƃé Ŋɔɣâlai è wála-wala tɛ̀ɛ bɔ́.