Nehemi 2:17 - Bible

¹⁷ Tãi kwa dîa ni kú kòyaŋ lai, ŋá mò dîa ńyɛ̂ɛi, “Tɔ̃yâ ma Zerusâlɛŋ taa-leei su karâai! Ziɣãŋ lá sãai kélee wôloɔɔi, dí kéreŋɔɔ, zãâi kélee su kara kâraai. Fɛ̂ɛ nɔ́ kú daa-leei ŋɔsiɣãŋ tɔ́ɔ pôlu a gɛɛ ƃaa kula maa fé ŋɔ́nɔ sɛ̀lɛŋ kûa.”

Yálá laawoo hɛɓɛ (dc)

¹⁷ Ya ɓə ŋį́ kɛ diɛ: «Mɛ̨nį ɲąąnwąnąąi gu ɉu, ka káá gaai! Ɉerusalɛmə taa aa pu, gbonŋąą kələn ŋąą, ka gu pənə, ka gu Ɉerusalɛmə mąąkpɛ hįį tɔɔ. Gu hvo kɛa kɛ a nwunmɛ̨ lɔwɔ.»

Yálá laawoo hɛɓɛ

¹⁷ Ya ɓə ŋį́ kɛ diɛ: «Mɛ̨nį ɲąąnwąnąąi gu ɉu, ka káá gaai! Ɉerusalɛmə taa aa pu, gbonŋąą kələn ŋąą, ka gu pənə, ka gu Ɉerusalɛmə mąąkpɛ hįį tɔɔ. Gu hvo kɛa kɛ a nwunmɛ̨ lɔwɔ.»

Nehemi 2:17 ပူးပေါင်းရင်းမြစ်များ

Ɛsdrasə 9:9

Kú kɛ́ a luɛ-ŋa, kɛ́lɛ ífe íyee kula ní kú mù. Í gɛ̀ Pɛsia kaloŋ-ŋai dí wála-wala làa tɛ̀ɛ kúpɔ a gɛɛ kú Ŋ̀âla-pɛrɛ Kɛ́tɛi tɔ́ɔ pôlu nyíi nûa dí wɔ́lɔ ŋ̀oloi. Ya gɛ́ kwa kɛ́ Zerusâlɛŋ taa-leei da Zuda lɔii gwaa kélee su ŋuŋ-ma ƃô su.

Nehemi 1:3

Dí mò ḿâ dîyɛɛi, “Diai lène pôlu dí kúla gɔ-soŋ laai su dí pá pôlu Zudai, dí káa mɛni kpɔ̂lu támaa sɔlɔ ƃôi. Ƃaa kula maa támaa sɛ̂lɛŋɔɔi dîa. Zerusâlɛŋ taa-leei ŋɔsiɣãŋ kélee wôloɔi, ŋɔsiɣãŋ lá sãai kélee kéreŋɔɔ.”

Nehemi 2:13

È kɛ̀ niî a kpíni tãi ŋá kùla la daa-leei su ŋá tɛ́ɛ a ziɣãŋ lá pere nyii da kɛ̂ ma Diŋ-tiŋ sui kwára pere vóloi liî pere. Ŋá lì a ǹɔii kwára pere, ŋá tɛ́ɛ ǹyá tôŋ ma nyii da kɛ̂ ma Ǹyao Maa Kalii, ŋá lí ziɣãŋ lá nyii da kɛ̂ ma Dúluŋ ŋá. Tãi ŋá kɛ̀ liî lai, ŋá kɛ̀ daa-lêei ŋɔsiɣãŋ wóloɔɔ-ŋai maa kpɛɛ̂i a ǹɛ́lɛɛ da ziɣãŋ lá sãa kéreŋɔɔ-ŋai.

Nehemi 2:16

Daa-lêei láa túɛ-ƃelai dɔnɔ kpîŋ fé kɛ́ ní a ƃɛ́i kɔ́lɔŋɔɔ ŋá lì naa kpaa máŋ m̀ɛnii ŋá kɛ̀ gɛ̂i. Ḿve tela mɛni da ƃó ní ḿarâa Zuda-ŋai da ma kpaa máŋ zâla láa soŋ ƃelai, ǹûai láa túɛ-ƃelai kpaa máŋ diai kɛ̀ pâi díi kɛ̂i.

Nehemi 3:15

Saluŋ ƃé ziɣãŋ kpɛ̀tɛ da dòli a Ǹya Tôŋ ma Siɣãŋ, é vaâŋ kula ma. Dí gbôŋ sɛ̂lɛŋ wuru kpono-ŋai tɔ̂ɔ. È kɛ̀ tí, dí ziɣãŋ-ŋai lá kpôŋ-ŋai sɛ̂lɛŋ dí zɔɔ̂ŋ too sãai kpɛ̀tɛ. Gwaa da ma káa naa da ǹaa tòli a Sila Poai. È ziɣãŋ ŋí tɔ̂ɔ kɔ́ɔ pìlaŋ naa é seri la gâloŋ pɛrɛi pôlu. È tɛ̀ɛ la naa é lí é seri berei ma nyii a tɛ̂ Gâloŋ Deeƃé ŋɔtaa-lêei sui. Saluŋ è kɛ̀ a Misipa lɔii kpiniŋ mɛi nûu. Saluŋ ǹâŋ láa ƃé kɛ̀ a Kowozɛ.

Mąątɛ̨nɛ̨ 102:15

Ǹɔii ŋuŋ-ŋai kélee da pâi kpɛ̃lînii Yâwɛɛ ŋɛ́i-tuɛ, ǹɔii ma kaloŋ-ŋai kélee dí yao gɛ́ mɛni kpaya-kpayai a gɛ̂i mɛ̂ni ma,

Mąątɛ̨nɛ̨ 44:13

Kúkɔlɛ ma-ƃelai da m̀ɛnii kâai ya gɛ̂i a kúai, díkɛ ɣɛ́lɛ maa kùla kúkponôi.

Mąątɛ̨nɛ̨ 44:14

Ya gɛ́ kwa kɛ́ nɔ́ a ɣɛ́lɛ maa sɛŋ ǹɔii-ŋuŋ da kpɛ́ni-ŋa su-ƃelai yêei. Da kɛ́ tɛɛ̂i, díkɛ díŋuŋ kpɛ̂mɛŋ a kúa.

Mąątɛ̨nɛ̨ 79:12

Óo Ǹuu-namui, ǹɔii-ŋûŋ-ŋai da íwoo yɔ̂ŋ fei, díkula maa kɛ́ gîei lɔ́ɔlu mɛi feerɛ zɔnyɔ̂ŋ mɛni ma da gɛ́ a yai.

Mąątɛ̨nɛ̨ 79:4

Kúkɔlɛ ma lɔii-ŋuŋ-ŋai su-ƃelai da kúlarânii, díkɛ ɣɛ́lɛ maa kûla kúkponôi.

Ɉeremi 24:9

Ŋa pâi mɛni kpɔ̂lu lâai dîa a gɛɛ ŋ̀éniɛi su-ƃelai da dí kâa, dí yao kpɔ́ a ŋánaa. Nûa da pâi ɣɛ́lɛ-maa kulâi díkponôi, dí kɛ́ wóo nyɔ́mɔɔ-ŋa ƃò dîa, dí kɛ́ dílaa kɛ̀ a kpalo-sɛŋ ƃɛ́i kélee ŋa pâi dítaa-tâai naai.

Woolaa 2:2

Ǹuu-namui è ǹíi ŋwàna Zeeka ŋɔnûai dîa é dí kɛ̂i kara. Vé dímalôŋ káa ní. Ziɣãŋ-ŋai kɛ̀ a dínaŋɔɔ ŋɔlɔii mai, è gélee wòlo. È ƃâa kùla ŋɔlɔii ma da m̀ɛi kâloŋ-ŋai.

Woolaa 3:51

Lii too pôlu káa ḿâ m̀ɛni-ŋai mɛni ma kɛ̂i a ǹɛyâai daa lêei sui.

Izikiɛ 5:14

Ŋa pâi ká kélee ká su karâi. Ŋá pâi ká kɛ̂i a ɣɛ́lɛ-maa-sɛŋ ǹɔii-ŋûŋ-ŋai dítinaŋɔ̂ɔi kâai sáma. Ŋá pâi m̀ɛnii ŋí kɛ̂i ǹûai kélee ŋɛ́i túɛ da diai kélee da kɛ́ tɛɛ̂i.

Mise 7:11

Zerusâlɛŋ-ƃela, daa-lêei ŋɔsiɣãŋ tɔɔ tãi a pâi. Tãi tí ma kálɔii-kpîniŋ su a pâi kɛ̂tɛi.

Samuɛlə dɔlɔɔ 11:2

Ǹaai ǹyɛɛ dîai, “Tɔ̃yâ ma kwa kâa-ni kwa pâi mɛni kpɛtɛɛ kɛ̂i. Kɛ́lɛ fɛ̂ɛ kúwoo é pú gîe ma mɛni tɔnɔ ma. M̀ɛnii kpîŋ ƃa fɛ̂ɛ ŋá ƃâa kúla Eezuɛ-ƃelai dîa a Zaabɛɛ sinaai kélee láa mii yée mɛi ŋɛi-gaoi kuláa dí ŋuŋ ma tɛi-tɛi.”