Nahumə 1:7 - Bible

⁷ Yâwɛɛ sɔŋ lɛ̂lɛɛi, wála-wala kɛ́tɛ káa ǹyêei é diai kúla mɛnii dí láai lai, tãi mɛni kpɔ̂lu a pâ lai.

Yálá laawoo hɛɓɛ (dc)

⁷ Yai-Laa nwɔ mɛ̨nį lɛlɛɛi, gaa a nu mąąkilɛi, laanɔ̨nwɔ̨ lɔwai, nuąi da di mąąkilɛ vaɠan mu, a gili lɛɛ di hu.

Yálá laawoo hɛɓɛ

⁷ Yai-Laa nwɔ mɛ̨nį lɛlɛɛi, gaa a nu mąąkilɛi, laanɔ̨nwɔ̨ lɔwai, nuąi da di mąąkilɛ vaɠan mu, a gili lɛɛ di hu.

Nahumə 1:7 ပူးပေါင်းရင်းမြစ်များ

Kɔlɔnikɔ Maa-ŋuŋ 16:34

Ka sɛɣɛ-fei tɛɛ Yâwɛɛ pɔ́, kpɛ́ni fêi, dûa-pere lɛ́lɛɛi, Ŋɔwɛli kɛ́-maai káa naa wɔ́lɔ-wɔlɔ da wɔ́lɔ-wɔlɔ.

Kɔlɔnikɔ Maa-ŋuŋ 5:20

Dí díkili tɔ̀ɔ Ɣâla ma gɔ́i ŋí su. Nya ƃe Ɣâla è dífɛli-wooi mɛ̀ni é kpɔ́ŋ dîa dí Agiri-ŋai, Zɛtu-ŋai, Nafisi-ŋai, Noda-ŋai da díkpɔŋ mâaa-ƃelai kélee yée mɛi ɣále. Dí ǹûai ŋí ní yée mɛi ɣâle, kpɛ́ni fêi, Ɣâla è kɛ̀ dípôlu gɔ́i ŋí su.

Kɔlɔnikɔ Veerɛi 13:18

Maa ɣelei tí, Eezuɛ-ŋai díwala-wala-laai su è sàa, kɛ́lɛ Zuda-ŋai dí Eezuɛ-ŋai yée mɛi ɣâle kpɛ́ni fêi, Zuda-ŋai dí díkili tɔ̀ɔ dínâŋ-ni Díɣâlai Yâwɛɛ ma.

Kɔlɔnikɔ Veerɛi 32:11

Asiria kɔ-kɔ-ƃela mɛi-nuui è lì tuɛ a ŋ̀óo, “Kpaa Ɛsekaya kíli tɔɔ̂i nâa Yâwɛɛ, Káɣâlai ma?

Kɔlɔnikɔ Veerɛi 32:21

Maa kpîni tí, Yâwɛɛ è ŋɔkélai dɔnɔ tɛ̀ɛ Asiria-ŋai díƃûui su. È díkɔ-kuluƃai-ŋai wála-wala-ŋai da dílaa-tuɛ ƃelai da díi-kɛ́ ƃela kpaya-kpayai páa. Nya ƃe Asiria kaloŋ è lì pôlu ŋɔlɔii sú a ŋumɛ-pere. Tãi è li lai, è lì Ŋɔɣâlai ŋɔpɛ́rɛi kɛ́tɛi mui, a gɛ́ɛ é vɛ̀li. Ǹônii sinaai veerɛ dí lí naa dí bàa a díƃoa-sɔkpɔ-ŋai.

Kɔlɔnikɔ Veerɛi 32:8

Diai díkaa bôlui díkaa nɔ́ a núu-kpune. Kɛ́lɛ Yâwɛɛ Kúɣâlai káa kúpôlu a gɛ́ɛ é kpɔ́ŋ kûa kú gɔi ŋí kɔ́.” M̀ɛnii ŋí Zuda kaloŋ Ɛsekaya è mò ǹûai diai, è díkili kula.

Ɛsdrasə 3:11

Dí wule-ŋa tòo Yâwɛɛ ma, ǹúui da-ŋa díkɛ m̀u-see, dîyɛɛi, “Yâwɛɛ lɛ̂lɛɛi. Ŋ̀wɛ̂li kɛ́ maai ǹyêei Eezuɛ mɛni mai, góyaŋ fé ma.” Ǹúui kélee dí làɣi ɣelêi-pere a tɛ̀ɛ-ŋa. Díkɛ̀ Yâwɛɛ láa maa tɛ̂i, kpɛ́ni fêi, a gɛ́ ŋɔpɛ́rɛ kɛ́tɛi tɔ̂ɔ kɔ́ɔ a pîlaŋ.

Mąątɛ̨nɛ̨ 1:6

Yâwɛɛ ƃa dɔ̃yâ-ƃelai téniŋ tɔ̀ɔ gɛ́ dímaa kɔ̃ɔ. Kɛ́lɛ a ŋ̀wana-lɔ̂ɔ-ƃelai su-kara.

Mąątɛ̨nɛ̨ 100:5

Yâwɛɛ sɔŋ lɛ̂lɛɛi, ŋɔwɛli kɛ́-maai kóyaŋ fé ma, ŋɔteniŋ ƃô-laai káa naa é síɣe núu-suu tɔnɔ ma é tóo gbéli ma.

Mąątɛ̨nɛ̨ 20:1

Tɔɔ Yâwɛɛ é íwoo su too tãi ya kɛ̂ la mɛni kpɔ̂lu sui. Tɔɔ Zeeka Ŋɔɣâlai é ímaa kɔ̃ɔ.

Mąątɛ̨nɛ̨ 25:8

Yâwɛɛ sɔŋ lɛ̂lɛɛi, deniŋ ƃóɔɔ. M̀ɛni ƃé a pere lɛ̀ la sɔnyɔ̂ŋ nuu ma a gɛɛ é sía la.

Mąątɛ̨nɛ̨ 27:5

A pâi ḿaa kɔ̃ɔ̂i mɛni kpɔ̂lu su, é gɛ́ ŋ́gɛ ƃò ŋɔpɛ́rɛi mu ŋuŋ ma ƃô su, é ńdɛ ɣelêi é ńzee kɔni kɛ́tɛ ŋá sɛŋ da kélee yée fa pɔ̂ri ḿâ.

Mąątɛ̨nɛ̨ 37:39

Yâwɛɛ a dɔ̃yâ-ƃelai ŋuŋ ma ƃò, gɛ́ dímaa kɔ̃ɔ mɛni kpɔ̂lu su.

Mąątɛ̨nɛ̨ 37:40

A kpɔŋ dîa é díŋuŋ ma ƃó. A díŋuŋ ma ƃò ŋ̀wana-lɔ̂ɔ-ƃelai yêei, kpɛ́ni fêi, da lì bɔ́ naa a gɛɛ é dímaa kɔ̀ɔ.

Mąątɛ̨nɛ̨ 46:2

M̀ɛni ma, kúfe pâi yaôi a nɛ̃ɛ ma kpîŋ ǹɔii kɛ́ kpɛ̃liŋ, ǹyée kpaya-kpayai díkɛ tòo yúo su díkɛ yèŋ gbôŋ ma,

Mąątɛ̨nɛ̨ 50:15

Tãi kélee ka kɛ̂ la mɛni kpɔ̂lu sui, ka ńdoli. Ŋa pâi ká ŋuŋ maa ƃôi. À kɛ̀ tí, ka pâi ńaa maa tɛ̂i.”

Mąątɛ̨nɛ̨ 59:16

Kɛ́lɛ ŋa pâi wule toôi é pîlaŋ íwala-wala-laai ma. Ŋa pâi kɛ̂i wule toôi a ɣele-wala kélee é pîlaŋ íwɛli kɛ́-maa kpanaŋ ma. Yá nɔ́ ƃa ŋ́uŋ ma ƃó nuu. Ŋa kɛ̀ mɛni kpɔ̂lu su, yá ƃa ŋ́gûla zu.

Mąątɛ̨nɛ̨ 71:3

Íkaa a ḿɛi káa-nuu kpanaŋɔɔ yɛ̂ɛ kɔni nyii ŋ́gili tɔɔ̂i mai. Yá ƃa ḿɛi káa-nuu nyii ŋa ŋuŋ maa ƃô sɔlɔ ƃô ǹyêei.

Mąątɛ̨nɛ̨ 86:7

Tãi ŋá kɛ̀ la mɛni kpɔ̂lu sui, ŋá ítòli, kpɛ́ni fêi, yá ƃé yà ŋ́oo su tòo.

Mąątɛ̨nɛ̨ 9:10

Diai dí ílaa kɔ́lɔŋ dia ƃa dílaa-lai pù íkponôi. Núu da a pà ípɔ óo Yâwɛɛ, ífa íyee kùla maa nûui mu.

Mąątɛ̨nɛ̨ 91:15

Da ńdòli, ŋa pâi díwoo su toôi. Ŋa pâi kɛ̂i díkɔlɛ dímɛni kpɔ̂lui kélee su. Ŋa pâi díŋuŋ ma ƃôi ŋá ƃaa kɛ́-maa tɛ́ɛ dípɔ.

Hanwon 18:10

Ɣâla Yâwɛɛ wóo káa yɛ̂ɛ yeŋkêŋ kpanaŋɔɔ. Núu sã́a a lî naa a gɛɛ é ŋuŋ ma ƃô sɔlɔ ƃó.

Azaya 25:4

Yá nɔ́ ƃé diai pɔ̂ri mâa fé dîɛi da pâ ípɔ díŋuŋ ma ƃô mɛni ma. Ǹyaŋ ya díkùla dímɛni kpɔ̂lu-ŋai su. Ya dímaa kɔ̃̂ɔ fãa kɛ́tɛ yêei, í ninîŋ tɛɛ dípɔ vóloi ŋɔzizi fé dí kerêŋ. Díkpɔara-ƃela da pɛ̂lɛ dîa yɛ̂ɛ fãa kɛ́tɛ,

Azaya 32:2

Gâloŋ ŋí da ŋɔtíi kɛ́-ƃela kpaya-kpayai da pâi Eezuɛ maa kɔ̃ɔ̂i ŋɔkpɔara-ƃelai yêei. Da pâi kɛ̂i m̀ɛi yɛ̂ɛ ya-ɣɛ̂li ƃé ɣilînii lɔii kpâla ma. Da pâi kɛ̂i m̀ɛi yɛ̂ɛ kɔni kɛ́tɛ niniŋ fɛ̃ɛ-kpâlaŋ su.

Azaya 50:10

Gbɛɛ-ni ƃé kásama da yâo Yâwɛɛ ma, díkɛ díwoli tɔ̀ɔ ŋɔtíi kɛ́-ƃelai dîai? Gbɛ̂ɛ-ni ƃé kásama díkaa kpînii dífa kwaa ponóɔɔ kàai? Tɔɔ dí láa a Yâwɛɛ, dí díkili tɔ́ɔ Ɣâla ma.

Ɉeremi 16:19

Yâwɛɛ, yá ƃé ya maa-kɔ̃ɔ, íkɛ wála-wala-laa tɛ̀ɛ ḿbɔ, tãi ŋa kɛ̂ la mɛni kpɔ̂lu sui. Lɔii-ŋuŋ-ŋa da pâi pâi ípɔ-naa díkula ŋ̀éniɛi gwaa kélee ma dí mó yâ dîyɛɛi, “Ŋ̀âla-ŋai kɛ̀ kúnâŋ pɔlɔ-ŋai yêei, dífe kɛ́ ní a tɔ̃yâ ɣâla-ŋa. Díkɛ̀ nɔ́ a ɣâla-pɔkɔɔŋ nyíi-ŋai kɛ̂i fé kɛ́ ní dîai.

Ɉeremi 17:17

Ífe kɛ́ a mɛni kpɔ̂lu ḿɛ̂ni ma. Mɛni kpɔ̂lu a làa ḿâ, yá ƃa ḿaa kɔ̃̂ɔ.

Ɉeremi 24:5

“M̀ɛnii ńyãai a Eezuɛ Ɣalai Yâwɛɛ ŋa môi ƃa, Zuda-ƃelai nyíi-ŋai ŋa pâi dítɛɛ̂i kɔ-sôŋ pere su Babelɔŋ, díkaa yɛ̂ɛ fîi wuru-ƃa lɛ́lɛɛi.

Ɉeremi 33:11

Ka pâi lii-nɛ̃ɛ woo-ŋa mɛnîi naa ɣelêi-pere. Ka pâi kɛ̂i nɛnî kula kûu su wule-ŋa mɛnîi a ɣelêi-pere, dí kɛ́ lii-nɛ̃ɛ wule too a tãi da pâi kɛ̂i pâi la a sɛɣɛ-fei sama-sãa Ŋ̀âla-pɛrɛ Kɛ́tɛi mui. Da pâi m̀ôi dîyɛɛi, ‘Ka sɛɣɛ-fei tɛɛ Ŋ̀wála-wâla kélee Yâwɛɛ pɔ́, kpɛ́ni fêi, zɔŋ lɛ̂lɛɛi, ŋɔwɛli kɛ́-maa kɔ́yɛŋ fé ma.’ Ŋa pâi gɛ̂i ǹɔii ŋí é ƃûu ƃó yɛ̂ɛ berei è wɔ́lɔ kɛ̀ lai. Ńyãa Yâwɛɛ ƃé mò tí.”

Woolaa 3:25

Yâwɛɛ ŋɔmɛni lɛ́lɛɛi káa naa diai mɛni ma díkili káa mài, da diai da gɔ̀rii.

Danîa 3:28

Gâloŋ è mò dîa nyɛ̀ɛi, “Laa maa-tɛ é tɛ́ɛ Káɣâlai pɔ́ ka kula ŋ̀ɔŋ kpɔ̂lui sui. È ŋɔkélai tɛ̀ɛ é káŋuŋ ma ƃó ká kúla ŋ̀ɔŋ kpɔ̂lui su. Ká làa la. Ká ŋ́oo pìli. Káfe fáa ní a gɛɛ ka ŋáɣâlai fɛ́li. Ká fàa ma a gɛɛ ká sáa é tɛ́ɛ la ɣâla da kpɛ́ni fɛliɛɛ ma fɛ̂ɛ nɔ́ Káɣâlai.

Danîa 6:23

Gâloŋ líi è nɛ̃ɛ é ŋ̀óo tɛ́ɛ a gɛɛ dí Danîa kula ǹyala-sulu loai su. Tãi dí gùla la naai, pɔ́ɔ da fé kɛ́ ní gɔlɔ ma, kpɛ́ni fêi, è kɛ̀ a ǹáa a Ŋɔɣâlai.

Zooɛ 3:16

Yâwɛɛ wóo káa tɛ̂i Zãiyɔŋ Yeei ma. Ŋ̀óo kɛ́ kùla Zerusâlɛŋ, ŋ̀ele-kɔlɔŋ da ǹɔii díkɛ kpɛ̃lîŋ. Kɛ́lɛ Yâwɛɛ káa a ŋɔnûai mɛi káa-nuu, dɔɔ̂i kpanaŋɔɔ ŋɔnûai Eezuɛ-ŋai mɛni ma.

Sofoni 3:12

Kpɛ́ni fêi, ŋa pâi ŋa-yêŋ-ƃela da woo-mɛni-ƃela lɛ̂i kásama. Da pâi díkɛ̂i kɔ̂rii ńyãa Yâwɛɛ ńaai su.

Maafîu 27:43

Ǹáâi a Ɣâla, tɔ̀ɔ nâa é m̀álo, à kɛ̀ à ŋ̀wɛli. Kpɛ́ni fêi, è mò ǹyɛɛ, ‘Ŋ́gaa a Ɣâla Ǹóŋ.’ ”

Maafîu 7:23

Nya ƃe ŋa pâi m̀ôi dîa, ‘Fe kákɔlɔŋ. Ka siɣe ŋ́ɛi, kákaa a ŋwana-lɔ̂ɔ ƃela.’

Ɉaan 10:14

Ŋ́gaa a m̀ála mɛi-kaa-nuu lɛ́lɛɛi; ŋá ḿbɔɔ kɔ́lɔŋ, ǹyaŋ ḿbɔɔ kɛ́ ƃo a ŋ́gɔlɔŋɔɔ,

Ɉaan 10:27

Ŋáƃala-ŋai da ŋ́oo mɛ̀ni, ńyaŋ ŋá díkɔlɔŋ, díyaŋ da pîlaŋ ḿbôlu;

Lomaŋ 11:22

Ya pɔ̂ri Ɣâla ŋɔsɔŋ lɛ̂lɛi kâai da ŋɔlii-kpanaŋ: ǹíi kpanaŋɔɔ̂i diai dîa da tooi, kɛ́lɛ, Ɣâla ŋɔsɔŋ-lɛ̂lɛi káa yâ à kɛ̀ yà lɛ̀ɛ nɔ́ ŋɔsɔŋ-lɛ̂lɛi su; à wàla kɛ́ ti da pâi íteêi ya máŋ.

Galatə 4:9

kɛ́lɛ, ka nâa Ɣâla kɔ́lɔŋ, ǹyaŋ mɛnii gbanaŋɔɔ̂i ƃa, Ɣâla a nâa kákɔlɔŋ. Ka pɔ̂ri tínaŋ-pere kɛ̂i leŋ ŋɔ́nɔ ŋ̀éniɛi-su-ƃelai tua-pere fii-kpɛɛ-ŋai dîa nyíi-ŋai díkaa nɔ́ kpɛni-kpɛni, ká kɛ́ ŋ̀wɛli a gɛ́ɛ ká kɛ́ ŋɔ́nɔ a díluɛ-ŋai?

Timote veelɛ 2:19

Kɛ́lɛ, Ɣâla ŋɔmɛni kɔ́ɔ pîlaŋɔɔi káa tɔ̂ɔni a gbanaŋɔɔ ŋ̀óo-ŋai ŋí pɔ̃yɛɛ ma: “Kúnuu-namui e dîai kɔ́lɔŋ díkaa a bɔ́ɔi.” “Tɔɔ dîai kélee da Kúnuu-namui láa tòlii dí disu kula ŋwana-lɔɔ ma.”