Mise 7:9 - Bible

⁹ Kwa sɔnyɔ̂ŋ kɛ́ a Yâwɛɛ ǹyaŋ fɛ̂ɛ kú kúyee sée ŋɔtɔŋ-kpɛ-maai mu a tãi kpua. Kɛ́lɛ gbɛɛ-ŋai, a pâi kúmaa kɔ̃ɔ̂i é m̀ɛni nyɔ́mɔɔ-ŋai su-too nyii kɛ̂i a kúai. A pâi pâi a kúa kwaa ponoɔɔ ma, ǹyaŋ kwa pâi lɛɛ̂i ɣele ma é lɛ́ɛ zu é kú ŋuŋ-ma ƃó.

Yálá laawoo hɛɓɛ (dc)

⁹ Yai-Laa aa níiholi bɔ́, váái mą, Mąąhɔlɔɓo, ŋą́ą́ nɛ̨ŋɛ̨n ɉəɠə mą. Gaa pai gúlɔi kɛɛ pɔ̨nɔ̨ŋą, ə lɛɛ ɉu ə mą́ą́ mɛ̨nį ɓo, yɛ nwɔ́ tɛ̨ą mɛ̨nį too pɔ̨nɔ̨ŋą. Gɛ́ níí pɔ kɛlɛ nwɔ tələnmo kóloi ɓa.

Yálá laawoo hɛɓɛ

⁹ Yai-Laa aa níiholi bɔ́, váái mą, Mąąhɔlɔɓo, ŋą́ą́ nɛ̨ŋɛ̨n ɉəɠə mą. Gaa pai gúlɔi kɛɛ pɔ̨nɔ̨ŋą, ə lɛɛ ɉu ə mą́ą́ mɛ̨nį ɓo, yɛ nwɔ́ tɛ̨ą mɛ̨nį too pɔ̨nɔ̨ŋą. Gɛ́ níí pɔ kɛlɛ nwɔ tələnmo kóloi ɓa.

Mise 7:9 ပူးပေါင်းရင်းမြစ်များ

Samia Veerɛi 24:17

Deeƃé kɛ́ɛ a ŋ̀âla-taa kelai káa pâi ǹûai su-kara mɛni mai, è mò Yâwɛɛ ma ǹyɛɛi, “Gáa, ŋa sɔnyɔ̂ŋ kɛ́ a yá. Ńyãa ƃé zɔnyɔ̂ŋ kɛ̀. Ǹûai ŋí díwɔ̂ sɔnyɔŋ ƃa lé? Dí lɛ̀ɛ nɔ́ ḿbôlu yɛ̂ɛ ƃála-ŋa da lɛ̀ɛ ƃála mɛi káa nuu pôlu. Ŋa íkpera fêi a gɛ́ɛ í íyee síɣe dímɛi. Ŋ́gula maa kɛ́ kwa ŋánûai.”

Zôo 23:10

É máŋ kɛ́ tí, Ɣâla è ƃɛ́i kɔ́lɔŋ a pɔ̂ri ŋ́gâai naai. À kɛ̀ a ńdûa-pere maa kpɛ̂ɛ, a pâi gɔ́lɔnii a gɛɛ ŋa fôlo kpɔ́ yɛ̂ɛ kɔni wôlo su ya-ɣɛli-loŋ.

Zôo 35:14

“Zôo, Ɣâla a pâi ŋ̀óli tɔɔ-pere kɛ̂i léŋ yâ à kɛ̀ ífa pɔ̂ri bɔnaa pere kâai? Ǹyaŋ fɛ̂ɛ nɔ́ í maa kpɛ̂ŋ kɛ́ tãi ímɛni-saai káa la ǹyêei.

Mąątɛ̨nɛ̨ 119:154

Ḿaa kɔ̃ɔ í ḿalo mî. Ŋ́uŋ maa ƃó yɛ̂ɛ berei í íkono tèe lai.

Mąątɛ̨nɛ̨ 37:6

A pâi gɛ̂i íteniŋ ƃô-laai kɛ́ fòlo yɛ̂ɛ vóloi.

Mąątɛ̨nɛ̨ 43:1

Óo Ɣâla, ǹɛ́ a gɛɛ ḿaa waâi. Ḿaa kɔ̃ɔ diai yêei dífe láa ní a ímaa mɛ̂nii. Ŋ́gula kíri-ƃela da wôya-ƃela yêei.

Mąątɛ̨nɛ̨ 7:6

Óo Yâwɛɛ, ímu-siɣe, í ŋ́gbɔara-ƃelai kula maa kɛ́ a lii ŋwâna pere. Óo Ŋáɣâlai, ímu-siɣe í kpɔ́ŋ ḿâ. Gɛ́ tɔ̃yâ mɛni é kɛ́.

Mąątɛ̨nɛ̨ 94:15

Gâloŋ-ŋai da pâi kɛ̂i mɛni-saa ƃôi a teniŋ ƃô-pere. Deniŋ ƃô-ƃelai da pâi tɔɔ̂i díwoo pôlu.

Azaya 42:16

“Ŋa pâi tɔɔ̂i ŋánûa ŋɛ́i púɔɔ-ŋai túɛ, ŋá tɛ́ɛ a dia a berei dífe tá tɛ̀ɛ ní lai. Ŋa pâi díkpinii kɛ̂i a kwaa ponoɔɔ. Ŋa pâi bere kilɛ-kilɛ-ŋai su sãâi. Ŋákono teei ká ŋí, ǹyaŋ fé pâi wɔ́lɔ m̀aa fálenîi.

Azaya 42:7

Ŋ̀ɛi pu-ƃelai da pâi kwaa kâai ísârai, diai díkaa kpini-pɛrɛ mui, dí ŋuŋ ma ƃô sɔlɔ ƃó ísârai.

Azaya 46:13

Ŋa pâi káŋuŋ ma ƃôi a maa félaa. Ǹaa su fé ŋɔ́nɔ kôya ní. Sɛŋ da fa pɔ̂ri káŋuŋ ma ƃó mɛnii kperâi. Ŋa pâi Zerusâlɛŋ ŋuŋ ma ƃôi, ŋá Eezuɛ mu-wuyɛ.”

Azaya 51:22

Káɣâlai Yâwɛɛ nyíi a ká maa kɔ̃ɔi ǹyɛɛi, “Ŋá ńii ŋwàna kâa, ŋá gɛ́ kákɛ kɛ̀ tàka-taka yɛ̂ɛ núu a lɔɔ kpêle. Kɛ́lɛ ŋa pâi ńii ŋá yenîi kâa. Káfe pâi ŋɔ́nɔ kɛ̂i tàka-taka yɛ̂ɛ núu a lɔɔ kpêle.

Azaya 56:1

Yâwɛɛ è m̀o ŋɔnûai dîa ǹyɛɛi, “Ka tɔ̃yâ da teniŋ ƃô mɛni-ŋa kɛ́. Ŋa pâi kápɔ a ƃálo-laa tãi kpua yée mu.

Ɉeremi 10:19

Ǹûai dí mò dîyɛɛi, “Kpalo ƃélaai kûa kúsɛŋ sôli-maai mɛ̂ni ma. Kúpalai fa kpɛ̂ɛ. Kɛ́lɛ kú mò kúkpîŋ ma a gɛɛ kú maa kɔlɔ-fela ká ŋí. Fɛ̂ɛ kú kúyee sée mu.

Ɉeremi 14:7

Ŋánûai díwɔ̀lɔ dîyɛɛi, ‘Berei kúsɔnyɔ̂ŋ-ŋai da kú lɛ́ lai, Yâwɛɛ, ye kpɔŋ kûa a gɛɛ ǹûai dí kɛ́tɛ-laai káa. Tãi támaa yée-mu, kwa kú pôlu tɔɔ yâ, kú sɔnyɔ̂ŋ kɛ́ a yá.

Ɉeremi 51:10

Yâwɛɛ è mò ǹyɛɛ, “Ŋánûai dí làɣi dîyɛɛi, ‘Yâwɛɛ a kúmɛnii gbà kula. Kwaa lí kú m̀ó kúnûai dîa Zerusâlɛŋ m̀ɛnii nyíi Kúɣalai Yâwɛɛ a gɛ̂i.’ ”

Woolaa 1:18

“Yâwɛɛ teniŋ ƃôɔɔi, kɛ́lɛ fa ŋɔtɔ̂ŋ mɛi kâa. Nûa, ka káwoli tɔ́ɔ ká berei káa ŋa mɔ̃lɛ̂i lai. Ŋá nyáŋkpa-ŋai da kɛ́ a luɛ-ŋa lɔii-ŋuŋ da kpɛ́ni-ŋa su.

Levetekɔ 26:41

dí gɛ́ ŋá ḿbôlu fé dîɛ ŋá dítɛɛ lɔii ŋuŋ da kpɛni-ŋa su díkpɔara-ƃelai pɔ́i. Gbɛɛ ŋái, kálônii da dílii maa fàleŋ da díyee sèe m̀ɛni kula maai mu dí zɔlɔ ƃò dísɔnyɔ̂ŋ mɛni mai mu,

Malasi 3:18

Ŋánûai da pâi ŋɔ́nɔ mɛni sîi feerɛ loai kɔ́lɔnîi, zɔnyɔ̂ŋ-ƃelai da zɔŋ lɛ̂lɛɛ-ƃelai, ǹúui va ŋ́oo mɛnii da ǹúui a ŋ́oo mɛnii.”

Korɛntə dɔlɔɔ 4:5

Mɛni ma káfe mɛni ŋá tèe tãi tuɛ, é lɛ́ɛ zu Kúnuu-namui é pá. A pâi pâi a gbínii ŋɔloo-sãai fíeŋ ŋá e núu-kpune líi su mɛni ƃó. À kɛ̀ ti, gɛ̀ ní, núu kélee a pâi Ɣâla ŋɔlaa-maa-tɛi sɔlɔ ƃôi.

Timote veelɛ 4:8

Tɔ̃yâ-laa maa-ƃɔrɔi lâai kɛ́ɛ̂i naa ḿaa-mɛni ma, nyíi Kúnuu-namui, nyíi gáa a dɔ̃yâi ŋɔmɛni-ŋa tee-nuui, a pâi ḿaa pui la a maa-Ɣelei ti, ńyãa tɔnɔ nɔ́ fêi, kɛ́lɛ, a pâi máŋ ǹúui kélee maa pui ma nyíi-ŋai da Kúnuu-namui ŋɔpâi wɛ̀li.

M̀ɛni-lɛɛi 18:20

Óo Ɣâla-taa, ka m̀aa-lii-nɛ̃ɛ kula. Óo ŋ̀âla-ƃelai, da zia-ƃelai, é pɛ́lɛ Ɣâla ŋɔlóno-kɛ-ƃelai dîa, kpɛ́ni fêi, Ɣâla a tɔŋ-kpɛ́-maa tɛ́ɛ bɔ̂ kámɛni ma!

Samuɛlə dɔlɔɔ 24:15

Tɔɔ Yâwɛɛ é kúloai káa kwa yá é gáa a gɛ́ɛ m̀ɛnii yâ kɔ̂i la ḿbɔi ńzɔŋ fé zu é ŋ́uŋ ma ƃó íyêei.”

Samuɛlə dɔlɔɔ 25:39

Tãi Deeƃé è m̀ɛni la a gɛ́ɛ Neeba a saai, è mò ǹyɛɛi, “Laa maa tɛ̂ é tɛ́ɛ Yâwɛɛ pɔ́! A Neeba ŋɔmɛnii ŋáa tée, kpɛ́ni fêi, è woo-yɔ̂ŋ pìli ḿâ. Yâwɛɛ è ŋ́gbera a gɛ́ɛ ḿve mɛni nyɔ́mɔɔ da kɛ̀. Ǹyaŋ è ǹɛɛ naa a gɛ́ɛ Neeba é mɛni nyɔ́mɔɔ kɛ́ a gbîŋ.”

Samuɛlə dɔlɔɔ 26:10

Yâwɛɛ a pâi Sɔ̂ɔ paâi ǹyaa kpîŋ tãi nɔ́ ǹyaa Yâwɛɛ gáa la ɣele mai kpaa máŋ é sáa gbɔ́ɔi yee ma kpaa máŋ kɔ̂i.

Samuɛlə dɔlɔɔ 3:18

Nya ƃe Samia è m̀ɛnii kélee ƃò mà. È mò mà ǹyɛɛi, “Ǹyaa ƃa Yâwɛɛ. Tɔɔ é m̀ɛnii kɛ́ zãâi ŋ̀ɛ́i.”