Mise 7:8 - Bible

⁸ Óo kúkpɔara-ƃela, káfe lii-nɛ̃ɛ kùla kú mɛi tãi kwa tòo lai, kpɛ́ni fêi kwa pâi kú siɣêi. Kúkaa kpíni su, kɛ́lɛ Yâwɛɛ a pâi kɛ̂i a kú kwaa ponoɔɔi.

Yálá laawoo hɛɓɛ (dc)

⁸ Hvó yɛ́lɛ́ mą́ą́, yɛ́i a ɲówó, akɛ ŋą́ą́ too, múhəɠə hiɛ li, akɛ gáá kpinįi, Yai-Laa ɓə gaa a nwɔ́ kɛɛ pɔ̨nɔ̨.

Yálá laawoo hɛɓɛ

⁸ Hvó yɛ́lɛ́ mą́ą́, yɛ́i a ɲówó, akɛ ŋą́ą́ too, múhəɠə hiɛ li, akɛ gáá kpinįi, Yai-Laa ɓə gaa a nwɔ́ kɛɛ pɔ̨nɔ̨.

Mise 7:8 ပူးပေါင်းရင်းမြစ်များ

Zôo 31:29

Ńii fé tá nɛ̃ɛ ní tãi ŋá ŋ́gbɔara-ƃelai kâa la mɛni kpɔ̂lu sui. Ḿve tá lii-nɛ̃ɛ kula ní a tãi laa-kpala maa mɛ̂ni a kûla la dîai.

Mąątɛ̨nɛ̨ 112:4

Diai dísɔŋ lɛ̂lɛɛi, díkaa kwaa ponóɔɔ su. Diai da nûa malôŋ kàa, dɔ̃yâ-ƃelai da ǹúu sã́a-ŋai, a nɛ̃ɛ ma kpíni é tóo, dímaa a pâi kɛ̂i a bonóɔɔ.

Mąątɛ̨nɛ̨ 143:3

Ŋ́gbɔara-ƃelai da ŋ́gbɛ̂i, daâ gbâa ńyee mɛi ɣále. Da ńzêei kula kpíni maa pɔlɔ-pɔlɔɔ su, ŋ́gɛ ƃò nɔ́ yɛ̂ɛ núu ƃa saa a tãi su kôyaa.

Mąątɛ̨nɛ̨ 20:8

Da pâi karêni dí tóo, kɛ́lɛ kwa pâi kúmu siɣêi kú tɔ́ɔ ɣelêi.

Mąątɛ̨nɛ̨ 27:1

Yâwɛɛ ƃa ŋá kwaa ponoɔɔi da ŋ́uŋ ma ƃó nuu. Fé pâi yaôi núu da kélee ma. Yâwɛɛ ƃa ḿaa kɔ̃ɔ mɛni nyɔ́mɔɔ sii kélee su. Gbɛ̂ɛ ƃé ŋa pɔ̂ri ŋɔ́nɔ yaôi mai?

Mąątɛ̨nɛ̨ 35:19

Ífe ǹɛɛ naa ŋ́gbɔara-ƃelai da ǹɛ́ɛ-ƃelai dí yola kúla ŋ́gbonôi. Diai dítɔɔ̂i ḿâ nyii ŋuŋ da fé mai, ífe ǹɛɛ naa dí díŋɛi níiŋ a ńyãa.

Mąątɛ̨nɛ̨ 37:21

Ŋ̀wana-lɔ̂ɔ-ƃelai da kpa sòŋ dífa dèe, kɛ́lɛ deniŋ ƃô-ƃelai yée lá ƃóɔɔi sɛŋ tɛɛ mɛ̂ni ma.

Mąątɛ̨nɛ̨ 37:24

Da tòo, a dímu sîɣe, kpɛ́ni fêi, Yâwɛɛ a pâi kpɔŋ mâa tɛɛ̂i dípɔ.

Mąątɛ̨nɛ̨ 38:16

Ŋa ímarê kɛ̂i a gɛɛ ífe ǹɛɛ naa ŋ́gɔara-ƃelai dí koi-nɛ̃ɛ kula ŋámɛni sôlii mɛ̂ni ma. Ífe ǹɛɛ naa dí kɛ́ yoŋka tèe ḿɛi, kpɛ́ni fêi, ŋa too mù.

Mąątɛ̨nɛ̨ 84:11

Yâla Yâwɛɛ káa a kwaa ponoɔɔ. Ǹyaa ƃa kú maa kɔ̃ɔ-nuui. A kúmɛi kâa a ǹɛ́lɛɛ a ƃaa kɛ́ maa pere. Diai da tûa sãa kɛ̀i, a dífela fè.

Mąątɛ̨nɛ̨ 97:11

Yà sìa a dɔ̂ŋ wóo, íkɛ tɔ̃yâ mɛni kɛ̀, ya pâi kɛ̂i kwaa ponóɔɔ su, lii-see kɛ́ ƃò íyêei.

Azaya 2:5

M̀ɛni ma, káai a Zeeka ŋɔsuui su-ƃelai, kwaa sia gwaa ponoɔɔi su nyii Yâwɛɛ a dɛ̀ɛ kúpɔi.

Azaya 49:9

Ŋa pâi m̀ôi diai dîa díkaa kpini-pɛ̂rɛ mu ńyɛ̂ɛ dîai, ‘Kaŋuŋ ma a ƃó.’ Diai díkaa kpínii ńyɛ̂ɛ dîai, ‘Ka kúla gbínii su ká lí kâa.’ Da pâi kɛ̂i yɛ̂ɛ ƃála-ŋa ƃé yée ma kala ŋûnu ŋá dí kɛ́ dílaa mìi.

Azaya 50:10

Gbɛɛ-ni ƃé kásama da yâo Yâwɛɛ ma, díkɛ díwoli tɔ̀ɔ ŋɔtíi kɛ́-ƃelai dîai? Gbɛ̂ɛ-ni ƃé kásama díkaa kpînii dífa kwaa ponóɔɔ kàai? Tɔɔ dí láa a Yâwɛɛ, dí díkili tɔ́ɔ Ɣâla ma.

Azaya 9:2

Diai kɛ̀ siâi kpînii, daâ kwaa ponoɔ́ɔ su-kɛ́tɛ káa. Diai kɛ̀ lɔii kpíniɛɛ maa pɔlɔ-pɔlɔɔ sui, díkaa nâa kwaa ponoɔ́ɔ kɛ́tɛ su.

Ɉeremi 48:27

Môa, gíli é lɛ́ɛ íŋa berei í ɣɛ́lɛ-maa kùla la Eezuɛ kponôi. Ítûa a dia yɛ̂ɛ sɛŋ ƃé ya dísoŋ ŋúma-ƃela sáma.

Ɉeremi 50:11

Yâwɛɛ è mò ǹyɛɛ, “Babelɔŋ-ƃela, ká ŋálɔii-ŋuŋ wólo. Kálii nɛ̃ɛ̂i kákɛ koi-nɛɛ kula. Ká kɛ́ sìa-sia yɛ̂ɛ niŋa a pìli mii-sɛŋ kpɔlɔ su gɛ́ mìi gɛ́ daŋ-taŋ kpaa máŋ yɛ̂ɛ soo-sîrɛ ƃé záa tôlii.

Ɉeremi 8:4

M̀ó dîa yɛ̂ɛ Yâwɛɛ ǹyɛɛi, “À kɛ̀ núu a tòo, a pɔ̂ri mù siɣêi pôlu. À kɛ̀ núu a làŋ, a pɔ̂ri lenêi pôlu.

Izikiɛ 25:6

“ ‘Ńyãa Yâwɛɛ ƃé m̀ɛnii ŋí ƃò. Ká káyee-ŋa lókwa, ká píli ɣelêi ká pîlaŋ ká kɛ́ lii-nɛ̃ɛ kùla kpɛ́ni fêi, Eezuɛ ƃɛlɛ kpɛɛ̂i kákoi.

Izikiɛ 35:15

Yɛ̂ɛ berei ká lii-nɛ̃ɛ kula la tãi ká Eezuɛ lɔii nyii gáa a ḿbɔɔi su kara lai, bere ƃé ŋa pâi gɛ̂i la a káa. Siɛ-yeei da Idɔŋ lɔii kélee da pâi lɛɛ̂i a dí pûŋ. À kɛ̀ tí, gɛ̀ ní ǹɔii su-ƃelai kpéli-ŋai da pâi gɔ̂lɔnii a gɛɛ Ńyãa ƃa Yâwɛɛ.”

Izikiɛ 36:5

“Ńyãai ŋ́gaa a Ŋ̀wála-wâla kélee Yâwɛɛi ŋa ǹíi ŋwânai kpɔ́ ká kɔlɛ ma lɔii-ŋuŋ-ŋai dîa é pɛ́lɛ Idɔŋ ma. Dí ŋá lɔii síɣe a dípɔɔ a ŋɛi-tɛ da lii-nɛ̃ɛ pere.

Amɔsə 9:11

Maa-ɣelei tí ŋa pâi Deeƃé ŋɔpɛ́rɛi siɣêi ŋá dɔɔ, nyii doɔ̂i, ŋá bɛ́ŋ pɛ́lɛ, ŋá mu siɣe ŋá dɔɔ yɛ̂ɛ berei è wɔ́lɔ kɛ̀ a dɔɔ́ lai,

Abdiasə 1:12

Kɛ́lɛ maa fé kɛ́ ni a nɛ̃ɛ í yoŋka tée tã ilêɣe è kɛ̀ la mɛni kpɔlu sui. Ifêi pɔri lii-nɛ̃ɛ kulai Zuda ŋɔnûai su-kara mɛni ma. Ífêi pɔri ɣɛ́lɛ-maa kulâi díkponôi dimɛni-soli kaai su.

Mise 4:10

Káai a Zerusâlɛŋ-ƃelai, ka kámu siɣe ká nyíɣɛ yɛ̂ɛ koi-têe à kɛ̀ nɛnî ma kpɛ́ni fêi da pâi kákulâi daa-lêei su dí lí a káa lɔii pûŋ su. Da pâi kákulâi naa dí lí a káa Babelɔŋ lɔii su. Kɛ́lɛ Yâwɛɛ a pâi kákulâi naa kákpɔara-ƃelai yêei.

Mise 7:10

Gɛ̀ ní kúkpɔara-ƃelai da pâi nyíŋi kâai ƃâa é kúla dîa, kúkpɔara-ƃelai ŋí kɛ̀ ɣɛ̂lɛi kûai dîyɛɛi, “Yâwɛɛ kɔ́ɔ nyii gáa a Káɣâlai?” Kwa pâi díyee mɛi ɣâlei kâai díkɛ dí tàŋ-taŋ yɛ̂ɛ pere-lêe ma pàra.

Zakari 12:8

Maa ɣêlei tí, Yâwɛɛ a pâi Zerusâlɛŋ-ƃelai maa tínanîi yɛ̂ɛ siyãŋ a gɛɛ diai pɔri fé dîɛi da pâi kɛ̂i yɛ̂ɛ Deeƃé, ǹyaŋ Deeƃé ŋɔpɛ́rɛi-mu-ƃelai da pâi kɛ̂i dítuɛ yɛ̂ɛ Ɣâla, yɛ̂ɛ Ɣâla-taa-kela.

Malasi 4:2

Kɛ́lɛ káai ka yâo ḿâai ŋátɔ̃yâ-laai a pâi ƃêlai kâa yɛ̂ɛ fólo, gɛ́ pà a ƃálo-laa kápɔ yɛ̂ɛ fólo-kpãle. Ka pâi kɛ̂i a ká ŋuŋ-maa-ƃóɔɔ kálii kɛ́ nɛ̃ɛ yɛ̂ɛ da niŋa-lônii kula kóraŋ su díkɛ pìli-pili.

Maafîu 4:16

ǹûai nyii-ŋai kɛ̀ sêe ni kpînii, dí kwaa ponoɔ kɛ́tɛ kàa, nyii-ŋai kɛ̀ see ni saa-taa kpíni su da ŋɔninîŋ mui, kwaa-ponoɔ a kula a dia.”

Ɉaan 16:20

Tɔ̃yâ kpîŋ, ŋá m̀ó kâa, ka pâi gbeɣêi toôi. Kɛ́lɛ, ǹɔii a pâi lii-nɛ̃ɛ kulâi, malôŋ a pâi toôi kâa. Kɛ́lɛ, kámaloŋ-too-maai a pâi penêi a lii-nɛ̃ɛ.

Ɉaan 8:12

Zîsɛ e ŋɔ́nɔ lóno dípɔ, ǹyɛɛi, “Ńyãa ƃa ǹɔii ŋɔkwaa-ponoɔi; ǹúui nyii a pîlaŋ ḿbôlui ve pâi siâi kpinii. Kɛ́lɛ, gwaa-ponoɔ fulu-laai a pâi kɛ̂i ǹyêei.”

Gɛlaɠaa 26:18

a gɛ́ɛ í díŋɛi lá ƃo í díkula kpinîi í pa a dia kwaa-ponoɔ su í díkula Sêtɔŋ ŋɔwála-walai su í pa a dia Ɣâla pɔ, a gɛ́ɛ dí sɔnyɔ̂ŋ su-mɛni-lɛɛ maa sɔlɔ ƃo. A gɛɛ ŋɔ́nɔ dí kwaa ma sɔlɔ ƃo diai sama, nyíi-ŋai dímaa waâi a naa-laai gáa díyêei ḿɛni mai.’

Korɛntə veelɛ 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Korɛntə veelɛ 4:9

da kúkpɔara, kɛ́lɛ, kúwɛli-kɛ-maa-ƃelai dífa dípôlu tɔ̀ɔ kûa; dí kútòo, kɛ́lɛ, kúsu fé kara ni;

M̀ɛni-lɛɛi 21:23

Ǹyaŋ daa-leei ŋí fé kpaaŋ ni fólo mɛni ma da ɣáloŋ a gɛɛ é fólo mɛi, kpɛ́ni fêi, Ɣâla ŋɔfólo-laai ƃa ŋɔkwaa-ponoɔi, ŋɔlaŋpoi ƃa M̀ála-loŋ.

M̀ɛni-lɛɛi 22:5

Kpíni fé pâi ŋɔ́nɔ kɛ̂i naa. Dífe pâi ŋɔ́nɔ laŋpo da fólo díkwaa-ponoɔ wɛ̂lii, kpɛ́ni fêi, Kúnuu-namui Ɣâla a pâi kɛ̂i a díkwaa-ponoɔi, ǹyaŋ da pâi kɛ-mɛi-laa kɛ̂i wɔlɔ-wɔlɔ da wɔlɔ-wɔlɔ.