Mise 7:3 - Bible

³ Dí kélee dí táreɛi sɔŋyɔ̂ŋ kɛ̀ pere su. Gâloŋ da mɛni ŋá-tée-ƃelai díkɛ yee-pɛlɛ ǹá sɛŋ-kao sòŋ. Dɔɔ-ƃelai dí kɛ́ mò dîa zɛŋ da ŋ̀wɛ̂lii, ǹyaŋ da dîa-ni dí woo kɛ́ ƃò zu tɔnɔɔ.

Yálá laawoo hɛɓɛ (dc)

³ Di yee kaa lɔ mɛ̨nį ɲɔ̨n ɉu, nɔi ɲąąwooɓomun a gbɛa niiɓa hɛn vɛli, hvo tɛɠa kɛ mɛ̨nį ɓoi. Giti teemun yɛ nɔgwəi hɛn vɛli, galanɉon a pələ ɓo, ɉɛn ɲɛ̨i a kulɔ bɔ mąą mɛ̨nį ɓa.

Yálá laawoo hɛɓɛ

³ Di yee kaa lɔ mɛ̨nį ɲɔ̨n ɉu, nɔi ɲąąwooɓomun a gbɛa niiɓa hɛn vɛli, hvo tɛɠa kɛ mɛ̨nį ɓoi. Giti teemun yɛ nɔgwəi hɛn vɛli, galanɉon a pələ ɓo, ɉɛn ɲɛ̨i a kulɔ bɔ mąą mɛ̨nį ɓa.

Mise 7:3 ပူးပေါင်းရင်းမြစ်များ

Hanwon 16:30

Ŋɛ́i-gbana-too-nuu a mɛni nyɔ́mɔɔ kpɛ̀tɛ ǹíi su. Ǹúui a ǹá-gbɔ ma nyîŋ a m̀arâŋ-nuui, a núu láa ƃò bôlu.

Hanwon 17:23

Wôya mɛni-saa ƃó nuu a ǹyée sèe yee-pɛlɛ-ǹá-sɛŋ-kao mu a gɛɛ é dɔ̃yâi perêi kpáaŋ.

Azaya 1:23

Í lɔii mɛi-ƃelai da tɔɔ Yâwɛɛ ma. Díwɛli kɛ́-maa ƃelai díkaa a ŋúma-ƃela tee-tee. Yee pɛlɛ ǹá-sɛŋ mɛni wɛ́li káa dîa a ŋ̀ánaa. Dífe kpáaŋ ní bɔɔ-nɛyãai da dee-noŋ-ŋai mɛ̂ni ma. Dífa bɔɔ-nɛyâai dímɛni-saai ƃô a tɔ̃yâ-pere.

Azaya 26:21

Yâwɛɛ a pâi a gɛɛ é ŋ̀wana-lɔ̂ɔ-ƃelai kula maa kɛ́ díŋwana-lɔ̂ɔ tua-ŋai mɛ̂ni ma. Diai kélee nûa pàa a ŋwana-lɔ̂ɔ pere loo-pêre-ŋa sui, díkelee dímaa mɛ̂ni a pâi toôi banaŋ ma. Ǹyaŋ diai kélee nûa dí dípàa bere sîi-ŋai ŋí sui, da maa mɛ̂ni fé pâi lɛɛ̂i loo-pêrei.

Azaya 3:5

Nûa da pâi kɛ̂i díkîe-ni lúanîi. Kpakolo-ŋa da pâi tɔɔ̂i díkîe-ni dîa. Ǹyaŋkpa-ŋai dífe ŋɔ́nɔ pâi ƃaa-kɛ maa tɛɛ̂i ǹúu-pɔlɔ-ŋai pɔ́. Bilaŋ-gɔ́ɔ ma-ƃelai dífe ŋɔ́nɔ pâi kɛ̂i ƃaa-kɛ maa tɛɛ̂i dítɛɛ-maa-ŋai pɔ́.

Azaya 32:7

Ǹúui ŋɔtárei fé seri ní zui, káa a núu nyɔ́mɔɔ, gɛ́ mɛni nyɔ́mɔɔ sii támaa kɛ̀. A gôlo-ƃelai su kàra a ŋɔlɛ́ɛ mɛni-ŋai, va ǹɛɛ naa dí dítɔ̃yâi sɔlɔ ƃó.

Azaya 5:23

Kpalo-ƃêlaai diai dîa da yèe pɛlɛ ǹá sɛŋ-kao sòŋ, díkɛ nûa dímɛni-sâa ŋá tèe a wôya-perei.

Ɉeremi 3:5

Ya pâi kɛ̂i nɔ́ a í líi ŋwánaa ḿâ a tãi kélee? Ífe pâi kɛ̂i nɔ́ a í líi ŋwánaa ḿâ a tãi kélee.’ Eezuɛ, bere ƃé í mò la kɛ́lɛ í zɔnyɔ̂ŋ-ŋai kélee kɛ̀ íkɛ̀ ŋ̀wɛ̂lii í gɛ́i.”

Ɉeremi 4:22

Yâwɛɛ è mò ǹyɛɛi, “ŋánûai dífe mɛni ŋá kâai. Dífe ŋ́gɔ́loŋ. Díkaa a ǹîa-pɛlɛɛi nyíi-ŋai táre fé díyêei. Dífa mɛni ŋá kàa. Dítareɛɛi nɔ́ mɛni nyɔ́mɔ kɛ́ mɛni su. Kɛ́lɛ dífe mɛni lɛ́lɛɛ kɛ́ pere kɔ́lɔŋ.”

Ɉeremi 8:10

Yâwɛɛ è mò a gɛɛ a pâi dípɛrɛ-ŋai tɛɛ̂i díƃarâai pɔ, é pɛ́lɛ díkpâlaŋ-ŋa tíi da dínɛyãai dîa. Ŋa pâi ǹɔii ŋí su-ƃelai kélee su karâi. É síɣe ǹúui guro-tei ma é tóo gɛ́tɛi ma, díkelee díkaa nɔ́ wôya sɛŋ kɔ̂rii. Ɣâla ŋɔlóno kɛ́-ƃelai da zâla láa soŋ-ƃelai dífe a teniŋ ƃô-ƃela.

Izikiɛ 22:12

Núu da ni da yèe-pɛlɛ-na sɛŋ kao sòŋ a gɛɛ dí núu paa. Dí ta ni díkɛ geni pɛlɛ dísɛŋ kaoi ŋai dîa tài da kpa pili la diai. Ŋ̀wála-wâla kélee Yâwɛɛi è mò ǹyɛɛ, “Ká-tua-pere-ŋai ŋí a gɛ́ ká nîa mâ Ńyãai ŋgáa a Ŋ̀wála-wâla kélee Ɣâlai ƃé mò tí.”

Izikiɛ 22:27

Dílaa túɛ-ƃelai díkaa yɛ̂ɛ baníŋ nyii-ŋai dakɛ̂ dí kɔ̃́nɔŋ fala-falai, díkɛ núu pàa, díkɛ ƃò a núu paa-ƃela a gɛɛ díkɛ fili-sãa sɔlɔ ƃô, dítɔɔ a woyâ pere.

Izikiɛ 22:6

Kaai a Eezuɛ m̀ɛi ƃelai, ka kákpɔɔi wala-wala laa siɣe ká kɛ nua paa.

Izikiɛ 34:21

Kpɛ́ni fêi ka m̀ála fii-kpɛɛ-ŋai lòkwa ká kɛ́ dítũaŋ a kámĩla é lɛ́ɛ la zu díkelee díkɛ tàa-taa.

Izikiɛ 9:9

Nya ƃe Ɣâla è ŋ́oo su tòo ǹyɛɛi, “Eezuɛ ƃelai da Zuda ƃelai dísɔnyɔ̂ŋ-ŋai su kɛ̂tɛi kpɔ́ a m̀aa pɔlɔ-pɔlɔɔ. Da núu páa kpɔ́ ǹɔii gwaa kélee ma. Ǹyaŋ teniŋ ƃô laa fé ŋɔ́nɔ Zerusâlɛŋ. Kpɛ́ni fêi, da kɛ̂ m̀ôi dîyɛɛi, ‘Yâwɛɛ a bôlu tɔɔ ǹɔii mâ. Yâwɛɛ fé kú kaai.’

Osia 4:18

Ǹûai da gbàa kpɛ̀ɛ a nɔɔi kpeleɛɛ, da pɛ̂lɛ wulu-wulu kɛ̂i. Dí wɛ́li-ni a ƃaa-kula-maa é tɛ́ɛ ƃaa-kɛ-maa ma.

Osia 7:3

“Díŋwana-lɔ̂ɔ tuai su dí gâloŋ líi nɛ̃ɛ, ǹyaŋ gâloŋ ǹônii da ǹíi nɛ̃ɛ a dí lɛ́ɛ lono-ŋai.

Amɔsə 5:12

Kpɛ́ni fêi, ŋá gɔ́lɔŋ kátûa-pere-nyɔŋ tâmaai, kásɔnyɔ̂ŋ támaa káai ka dɔ̃yâ-ƃelai lûaŋ, kákɛ yee-pɛlɛ ǹá-sɛŋ sòŋ wôya kɛ́-mɛni ma, kákɛ káŋɛi nàŋiŋ gôlo-ƃelai dítɔ̃yâi mɛi gêtii lái.

Mise 2:8

Yâwɛɛ è zu tòo ǹyɛɛi, “Ka ŋánûai sòŋ yɛ̂ɛ ká kɔ́ɔyɔ̃ɔ-ŋa. Da díseɣe-ŋai sèe kayêei a sɛ́ɣɛ, káfa ŋɔ́nɔ dɛ̀ɛ dípɔ pôlu.

Mise 3:11

Ǹúu-ŋuŋ túɛ-ƃelai da yee-pɛlɛ-ǹá sɛŋ sòŋ dímɛni-sâa ƃóɔɔi su. Zâla láa soŋ-ƃelai da dɔ̂ŋ lɛ̀ sɛŋ mɛni ma, ǹɛ́ɛ ɣala-woo ƃó-ƃelai díkɛ tuɛ-mɛni ƃò a lɛ́ɛ sɛŋ-kao mɛni ma. É máŋ kɛ́ tí, díkili tɔɔ̂i nɔ́ Yâwɛɛ ma dîyɛɛi, “Yâwɛɛ káa kúkɔlɛ, mɛni da kélee fa pɔ̂ri kɛ̂i a kûa.”

Mise 3:2

Kɛ́lɛ ka mɛni lɛ́lɛɛ kpɔ̀ara, ká ǹyɔ́mɔɔi wɛ́li, ka ŋánûai kɔlɔ kúla, ká díluu kúla díkao ma yɛ̂ɛ kɔ́li a sua sôŋ.

Maafîu 26:15

ǹyɛɛ diai, “Ɣɛɛlu ƃe ka pâi dɛ̀ɛi ḿbɔ, à kɛ̀ ŋà Zîsɛ tɛ̀ɛ kápɔ?” Nya ƃe dí sɛŋ-kao kole kpua buu saaƃa tɛ̀ɛ bɔ.

Korɛntə dɔlɔɔ 4:5

Mɛni ma káfe mɛni ŋá tèe tãi tuɛ, é lɛ́ɛ zu Kúnuu-namui é pá. A pâi pâi a gbínii ŋɔloo-sãai fíeŋ ŋá e núu-kpune líi su mɛni ƃó. À kɛ̀ ti, gɛ̀ ní, núu kélee a pâi Ɣâla ŋɔlaa-maa-tɛi sɔlɔ ƃôi.