Mise 7:18 - Bible

¹⁸ Óo Yâwɛɛ, Ɣâla da kpɛ́ni kélee fé naa yɛ̂ɛ ƃía. Ƃa ínûai su-mɛni lɛ̀ɛ nyii-ŋai díkaa nîi ɣele mai. Ífa ílii ŋwànaa wɔ́lɔ-wɔlɔ da wɔlɔ-wɔlɔ, kɛ́lɛ ƃa íwɔlɔ-wɔlɔ da wɔlɔ-wɔlɔ wɛli-kɛ-maai lɛ̀ a lii lâa.

Yálá laawoo hɛɓɛ (dc)

¹⁸ Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Yálá laawoo hɛɓɛ

¹⁸ Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Mise 7:18 ပူးပေါင်းရင်းမြစ်များ

Zɛnɛse 4:7

À kɛ̀ ƃà tùa a ǹɛ́lɛɛ, fé pâi ńyee seêi ímu? Kɛ́lɛ à kɛ̀ ƃà wàla tûa a ǹɛ́lɛɛ, gɛ̀ ní sɔnyɔ̂ŋ káa ípɛrɛi lá a gɛɛ ǹyée é pɔ̂ri yâ, kɛ́lɛ fɛ̂ɛ í ǹyée mɛi ɣále.”

Tɔɔɓɛlaa dɔlɔɔ 8:23

ǹyɛɛi, “Óo Yâwɛɛ, Eezuɛ Ŋɔɣâlai, Ɣâla da kpɛ́ni fé naa yɛ̂ɛ ƃía, Ɣâla-taa ŋ̀elei su-pere kpaa máŋ ǹɔii ma mu-pere. Ƃa íkpanaŋ-wooi mɛi káa í gɛ̀ ínûai yêei, íkɛ íwɛli kɛ́-maai lɛ́ dîa à kɛ̀ da íwoo mɛni dí maa tûa kɛ́ a dílii kélee dí sía íkɔɔ-pɔɔi.

Kɔlɔnikɔ Veerɛi 30:9

À kɛ̀ ka tìnaŋ Yâwɛɛ pɔ́ pere, gɛ̀ ní diai kánîa-pɛlɛɛi da kákaayɔɔ-ŋai sôŋ da pâi dí malôŋ kâai dí pá a dia pôlu ǹɔii ŋí ma. Kpɛ́ni fêi Yâwɛɛ nyíi gáa a Káɣâlai gáa a maloŋ kâa Ɣala, ǹyaŋ a pâi káŋɛi malôŋ kâai. Vé pâi bôlu tɔɔ̂i kâa à kɛ̀ kà tìnaŋ bɔ́-naa pere.”

Kɔlɔnikɔ Veerɛi 6:21

Ye ínûai dípɛlɛ-a-gɔɔ wooi mɛni a tãi kélee da ífɛli la gwaai ŋí mai. Ya kɛ̀ ípɔ-taai Ɣâla-taa, ye íwoli tɔ́ɔ í mɛnii mɛ́ni da pâi ífɛlîi mai í dísɔnyɔ̂ŋ su mɛni lɛɛ.

Nehemi 9:17

M̀ɛni-ŋai kélee í mò dîai, dí díyee kùla mù. Zûgbɛlɛ-gbɛlɛ mɛni-ŋai da ŋ̀ɛi kɛ́-maa-ŋai í gɛ̀ díŋɛi Ize lɔii sui, dí nìa gélee ma. Dí kɛ̀ a dí wôlii kpɔ́lɔɔ. Dí dí dílaa túɛ-nuu lɛ̀ a gɛɛ é lí a dia pôlu luɛ-laai su Ize lɔii su. Kɛ́lɛ íkaa a su-mɛni lɛ̂ɛ Ɣala. Maloŋ kâa támaa káa íyêei. Ífa ílii ŋwàna a maa félaa. Í wɛli-kɛ-maai su kɛ̂tɛi. M̀ɛnii ŋí ƃé gɛ̀, ífe íyee kula ní dímu.

Mąątɛ̨nɛ̨ 103:13

Berei nɔ́ ǹaŋ-nuu a ǹônii malôŋ kàa lai, bere nɔ́ ƃé Yâwɛɛ a diai malôŋ kàa la da ƃaa kɛ́-maa tɛ̂ɛ bɔ́i.

Mąątɛ̨nɛ̨ 130:4

Kɛ́lɛ, íku sɔnyɔ̂ŋ su mɛni lɛ̀ɛ, a gɛɛ kú ŋumɛ-maa tɛɛ ípɔ.

Mąątɛ̨nɛ̨ 35:10

Ŋa pâi m̀ôi kpɔ́ ńii su pere ńyɛɛ Yâwɛɛ mai, “Núu da fé naa zeríɛɛ ípɔ. Diai pɔ̂ri mâa fé dîɛi ya dímaa kɔ̃ɔ í díkula diai yêei díwála-walai tɛɛ̂i díwɔ̂i mai, í kɛ́ diai kula yêei kɛ̀ nûa da díkɔ̃liŋ kùla díyêei a wála-wala-laai.”

Mąątɛ̨nɛ̨ 65:3

Zɔnyɔ̂ŋ-ŋai kwa gɛ̀i, tãi kwa lɛ̂ɛ gɛ̂i la zu é kɛ́tɛ é tɛ́ɛ kúkponoi mai, maa tãi ƃé ya kúsu-mɛ̂ni lɛ̀ɛ la.

Mąątɛ̨nɛ̨ 65:4

Lûwa káa ǹúui ma í zìɣe zu í nɛɣɛ a yâi, a gɛɛ é kɛ́ ípɛrɛi mui. Kúlii a pâi lâai zãai mɛni ma ya dɛ̀ɛ kúpɔ ípɛrɛi mui, nyíi gáa a Ípɛrɛ Maa Waai.

Mąątɛ̨nɛ̨ 71:19

Óo Ɣala, íteniŋ ƃô-laai maa mɛ̂ni seriɛɛ̂i ŋ̀ele-kɔlɔŋ su. Ya mɛni kpaya-kpaya támaa kɛ́. Óo Ɣâla, gbɛ̂ɛ ƃé zeriɛɛ̂i ípɔi?

Mąątɛ̨nɛ̨ 86:15

Óo Ǹuu-namui, íkaa a ŋɛi-maloŋ kâa da wɛli-kɛ-maa Ɣâla. Ílii kpelêɛi, íkɛ ƃò a wɛli-kɛ-maa nuu teniŋ ƃôɔɔ.

Mąątɛ̨nɛ̨ 86:5

Í sɔŋ lɛ̂lɛɛi, íkɛ kúsɔnyɔ̂ŋ su mɛni lɛ̀ɛ. Íwɛ̂li-kɛ-maai káa naa diai da ífɛ̀lii, dí mɛni ma.

Mąątɛ̨nɛ̨ 89:6

Óo Yâwɛɛ, sɛŋ da fé ŋ̀elei su nyii zeriɛɛi ípɔ. Vúlu-sãai kélee Ɣâla-taai, da fé seri ní ípɔ.

Mąątɛ̨nɛ̨ 89:8

Ŋ̀wála-wâla kélee Ɣalai Yâwɛɛ, sɛŋ da ŋɔwála-wala-laai fé seri ní ípɔ. Óo Yâwɛɛ, íteniŋ ƃoɔ̂ɔi íkɛ mɛni kélee su.

Lɛɛ gbɔwɔ ɓa 15:11

“Gbɛ̂ɛ ƃé gáa yɛ̂ɛ yá ŋ̀âla-ŋai sáma Óo Yâwɛɛ? Gbɛ̂ɛ ƃé gáa yɛ̂ɛ yá, yái íwala-walai maa-waa-laa su, ímaa pɔlɔ-pɔlɔɔ fólo-laa tua-kɛɛ su, da ŋɛi-kɛ-maa kɛ́ɛi?

Lɛɛ gbɔwɔ ɓa 34:9

È mò ǹyɛɛi, “À kɛ̀ ílii lâai kpɔ́ m̀aa mɛni ma a ǹɛ́lɛɛ, gɛ̀ ní Óo Yâwɛɛ ŋa ímarê kɛ̂i a gɛɛ kwa kâa-ni kú lí. Ǹûai ŋí ŋuŋ su kpanaŋɔ̂ɔi. Kɛ́lɛ kúsɔnyɔ̂ŋ su-mɛni lɛɛ í kúsiɣe a ínûa.”

Azaya 1:18

Yâwɛɛ a m̀ôi ǹyɛɛi, “Ka pá kwaa kúloai kpɛtɛ kwa káa ni. Berei máŋ kásɔnyɔ̂ŋ a kpɔ̂lui la yɛ̂ɛ dóloi, ŋa pâi káwâai ká kɛ́ kóle yɛ̂ɛ yee fũa. Berei máŋ kásɔnyɔ̂ŋ a kpɔ̂lu la yɛ̂ɛ lólo-mãlaŋ, ŋa pâi káwaâi ká kɛ́ yɛ̂ɛ ƃála leɣa kole.

Azaya 33:24

Diai kélee pâi kɛ̂i Zãiyɔŋ, kɔlɔ-fela fé pâi wɔ́lɔ da sonîi. Yâwɛɛ a pâi dísu-mɛ̂ni lɛɛ̂i dísɔnyɔ̂ŋ-ŋai mɛ̂ni ma.

Azaya 38:17

Ya ŋá lii-ŋwânai pene a lii-nɛ̃ɛ. Ya ŋ́uŋ ma ƃó, ya ŋ́gula mɛni nyɔ́mɔɔ támaa perei. Ya ńzu mɛ̂ni lɛɛ ŋásɔnyɔ̂ŋ-ŋai kélee mɛ̂ni ma.

Azaya 40:18

Gbɛ̂ɛ ƃé ya pâi Ɣâla kɔɔ̂ni m̀ai? Ya pɔ̂ri gɛ́-pere lɛ̂i léŋ?

Azaya 40:25

Gbɛ̂ɛ ƃé ya pɔ̂ri Ŋ̀âla Maa Waai kɔ̂ɔni m̀ai? Núu da káa naa nyii m̀oloŋɔ̂ɔi m̀a?

Azaya 43:25

Ŋ́gaa a Ɣâla. Ńyãa ƃa núu su-mɛni lɛ̀ɛ. Ŋa gɛ̀ tí, kpɛ́ni fêi, ŋ́gaa a ńyãa Ɣâla. Ŋa pâi ísu-mɛni lɛɛ̂i zɔnyɔ̂ŋ-ŋai ya gɛ́i m̀ɛni ma.

Azaya 44:22

Ŋá kásu mɛni lɛ̀ɛ kásɔnyɔ̂ŋ kélee mɛni ma yɛ̂ɛ lúu a tàa. Ka pá ḿbɔ. Ńyãa ƃa káŋuŋ ma ƃó nuui.”

Azaya 55:7

Ŋwana-lɔ̂ɔ-ƃela, ka kátûa-pere maa fáleŋ. Káai káfe a teniŋ ƃô-ƃelai, ka kákili ŋá sîai nyɔ́mɔɔ-ŋai maa fáleŋ. Ka tínaŋ Yâwɛɛ pɔ-naa pere. Kà gɛ̀ tí, a pâi kámalôŋ kâai, é kásu-mɛ̂ni lɛɛ. Kwaa tínaŋ Yâwɛɛ Kúɣâlai pɔ́naa pêre.

Azaya 57:10

Ká kɔlɔ kpɛ̂ɛ kâa ɣâla da kpɛ́ni-ŋa kɔ́ri mɛni su, kɛ́lɛ káfii fé kpɛ̀ɛ ní nyíŋi kélee su. Ka lâai la káɣâla pɔkɔɔŋ-ŋai da pɔ̂ri kponoi kpânaŋ tɛɛ̂i kápɔ kɔlɔ fa wɔ́lɔ kpɛ̀ɛ kâa.

Azaya 57:16

Ŋa fúlu-laa tɛ̀ɛ ŋánûai pɔ́. Fé pâi ŋɔ́nɔ da sɔŋ siɣêi kpaa máŋ ŋá ńii ŋwána dîa wɔ́lɔ-wɔlɔ da wɔ́lɔ-wɔlɔ. Ńyãa ƃé vúlu-laa lɛwoi tɛ̂ɛ dípɔ.

Azaya 62:5

Berei nyáŋkpa a nɛnî-kpela kùla là a kɛ̂ a ǹíi lá, gɛ́ m̀aa kɔ̃̂ɔi, berei ƃé ílônii-sinaa da pâi ímaa kɔ̃ɔ̂i la. Ɣâla líi a pâi kɛ̂i a nɛ̃ɛ ímɛni ma, yɛ̂ɛ nyáŋkpa da nɛnî-kpela da díkîe-ni kùla a nina.

Azaya 64:9

M̀ɛni ma, ífe ílii ŋwàna kûa a ŋ̀ánaa, kpaa máŋ kúsɔnyɔ̂ŋ maa mɛ̂ni é lɛ́ɛ kíli ŋa wɔ́lɔ-wɔlɔ. Kúkaa a ínûa. Kúmalôŋ káa.

Azaya 65:19

Ńyãa kpîŋ ŋa pâi kɛ̂i a ńii-nɛ̃ɛ Zerusâlɛŋ mɛni ma da ŋánûai. Wɔ́lɔ-wóo fé ŋɔ́nɔ pâi tɛ̂i naa. Lii tòo pôlu da fé pâi kɛ̂i naa.

Ɉeremi 3:12

È mò ḿâ a gɛɛ ŋá m̀ó ŋ̀orɛ̂-wooi ŋí ƃó Eezuɛ ma ńyɛ̃ɛi, “Eezuɛ, yái ífe teniŋ ƃô níi, ye tínaŋ pôlu ḿbɔ naa pere. Ḿve pâi ǹíi ŋwânai yâ. Ŋà núu malôŋ kàa. Ḿve pâi ŋ́ɛi ɣirîi íperêi wɔ́lɔ-wɔ́lɔ da wɔ́lɔ-wɔ́lɔ.

Ɉeremi 3:5

Ya pâi kɛ̂i nɔ́ a í líi ŋwánaa ḿâ a tãi kélee? Ífe pâi kɛ̂i nɔ́ a í líi ŋwánaa ḿâ a tãi kélee.’ Eezuɛ, bere ƃé í mò la kɛ́lɛ í zɔnyɔ̂ŋ-ŋai kélee kɛ̀ íkɛ̀ ŋ̀wɛ̂lii í gɛ́i.”

Ɉeremi 31:20

“Eezuɛ, íkaa a ŋáwɛli-kɛ-ma loŋ, ǹôloŋ nyíi ŋá ŋ̀wɛ̂li-ni kpɔ́ a ŋ̀ánaai. Tãi kélee ílaa kíli a tôo la ŋ́ai, ŋà ŋ́gili-ŋa sìa a wɛli-kɛ maa é pîlaŋ yâ. Í maa mɛ̂ni káa nɔ́ niî ńii su. Ŋa pâi íŋɛi malôŋ kâai.

Ɉeremi 31:34

Núu da fé pâi kɛ̂i naa é Yâwɛɛ maa mɛ̂ni lɛ́ m̀arâŋ nuu ma, kpɛ́ni fêi, díkelee da pâi kɛ̂i a ŋ́gɔlɔŋɔɔ, é síɣe ǹîa-pɛlɛɛi dîa é tóo ǹúu kpaya-kpaya dîa. Ŋa pâi dísɔnyɔ̂ŋ su mɛ̂ni lɛɛ̂i. Ǹyaŋ, dímɛni nyɔ́mɔ-ŋai kíli fé pâi lɛɛ̂i ŋ́ga. Ńyãa Yâwɛɛ ƃé mò tí.”

Ɉeremi 32:41

A pâi ńii nɛ̃ɛ̂i ŋá mɛni lɛ́lɛɛ kɛ́ dîɛ. Ŋa pâi gɛ̂i dí sée ǹɔii ŋí su teniŋ ƃô pere su wɔ́lɔ-wɔlɔ da wɔlɔ-wɔlɔ.

Ɉeremi 33:8

Ŋa pâi zɔnyɔ̂ŋ-ŋai dí gɛ̀ a ńyãai kulâi dia, ŋá dísu-mɛni lɛɛ dísɔnyɔ̂ŋ-ŋai da dítɔɔ mâ tuai kélee mɛni ma.

Ɉeremi 38:8

Ɛbemelɛ è lì Bɛŋsima ŋɔsiɣãŋ lá-ƃerei ǹyɛɛ gâloŋ ma,

Ɉeremi 50:20

Ŋ̀elei tí a pà, núu da fé pâi ŋɔ́nɔ sɔnyɔ̂ŋ kɛ̂i Eezuɛ. À kɛ̀ tí, núu da fé ŋɔ́nɔ pâi ŋwana lɔ̂ɔ tua kɛ̂i Zuda, kpɛ́ni fêi, diai ŋá gɛ̀ dí lɛ́ɛ ɣele mai, ŋa pâi dísɔnyɔ̂ŋ su-mɛni lɛɛ̂i. Ńyãa Yâwɛɛ ƃé mò tí.”

Ɉeremi 9:24

Kɛ́lɛ zɛŋ é gíli tɔ́ɔ mai, ǹyaa ƃa Ńyãa Yâwɛɛ, é tela ŋ́gɔlɔŋ a Ɣâla, dáreɛɛ ḿaa mɛ̂ni su. É kɛ́ tela a gɔ́lɔŋɔɔ a gɛɛ ńyãa ƃa Yâwɛɛ nyíi ŋáwɛli kɛ́-maai kpanaŋɔ̂ɔi, ŋ́deniŋ ƃôɔɔ, ŋ́gɛ mɛni ŋá tèe a tɔ̃yâ-pere ǹɔii ŋí su. É kɛ́ a gɔ́lɔŋɔɔ a gɛɛ mɛni-ŋai ŋí ƃé ǹɛ̂lɛɛi a ńîa. Ńyãa Yâwɛɛ ƃé mò tí.”

Izikiɛ 18:23

Ká lâai la a lii-nɛ̃ɛ mɛni a gɛɛ ŋá zɔnyɔ̂ŋ-ƃelai káa díkɛ sáa. Kɛ́lɛ ńii a nɛ̃̂ɛ à kɛ̀ ŋa díkàa díkɛ dílii maa fâleŋ a gɛɛ dí lɛ́ɛ ɣele ma.”

Izikiɛ 33:11

Mó Eezuɛ-ƃelai dîa Ńyãai a Ŋ̀wála-wâla kélee Yâwɛɛi ńyɛ̃ɛ m̀ɛnii ŋí ƃé ŋá mò kâa, ‘Tɔ̃yâ ma tãi nɔ́ ŋ́gaa la ɣele mai, ńii fa nɛ̃ɛ sɔnyɔ̂ŋ nuu ŋɔsɔnyɔ̂ŋ mɛ̂ni ma. M̀ɛnii a níi nɛ̃ɛi ƃa sɔnyɔ̂ŋ-nuu é ǹíi maa fáleŋ é lɛ́ɛ ɣele ma. Eezuɛ-ƃela, ka kpera sɔnyɔ̂ŋ kɛ̂i. Lé mɛni ƃé ka pâi saâi lai?’

Izikiɛ 33:16

Tãi nɔ́ a bôlu fé la ŋɔsɔnyɔ̂ŋ mai, ŋɔsɔnyɔ̂ŋ kíli fé pâi lɛɛ̂i ŋ́a, ǹyaŋ gɛ̀ ní a pâi lɛɛ̂i ɣele ma.

Danîa 9:9

Berei máŋ kútɔɔ̂i la yâi, maloŋ kâa da su-mɛni lɛ̂ɛ káa nɔ́ íyêei kúmɛni ma.

Osia 14:2

Ka lí a kpera-fêi-woo Yâwɛɛ pɔ́, kâa, “Kúsɔnyɔ̂ŋ-ŋai kélee su mɛni lɛɛ, í íyee sée kúmɛni lɛ́lɛɛ-ŋai mu. Kwa pâi ílaa maa tɛ̂i yɛ̂ɛ berei kú kúkono tèe lai.

Osia 14:5

Ŋa pâi kɛ̂i yɛ̂ɛ lúu Eezuɛ-ŋai yêei. Da pâi poâi yɛ̂ɛ wúru. Dísame a pâi lɔ̂i ǹɔii mu yɛ̂ɛ wúru.

Zooɛ 2:32

Tãi da a pâi diai pâi Yâwɛɛ láa tôlii, da pâi ƃâloi. Ǹyaŋ diai Zãiyɔŋ Yeei ma da Zerusâlɛŋ nyii-ŋai pûi, yɛ̂ɛ berei Yâwɛɛ è m̀ó lai, da diai lɛ̀ɛ pôlui dia ƃa ǹûai Yâwɛɛ a pâi dítôlii.”

Amɔsə 1:11

Ɣâla Yâwɛɛ è mò ǹyɛɛ, “Idɔŋ ŋɔsɔnyɔ̂ŋ saaƃa kpaa náaŋ mɛni ma, fé pâi dɔŋ-kpɛ-maai siɣêi pôlu mà, kpɛ́ni fêi, è ǹêɣe kpɛ̀ a gbálai kɛ̀ ǹyéei, maloŋ-kaa kélee fé kɛ́ ní ǹyêei m̀ɛni ma, ŋɔlii-ŋwanai su è kɛ̀tɛ, è ƃò nɔ́ gíli ŋá wɔ́.

Amɔsə 7:8

Nya ƃe è ḿarê kɛ̀ ǹyɛɛi, “Emɔ, lé ƃé ƃa gâai?” Nya ƃe ŋá mò mà, ńyɛ̂ɛi, “Sɛŋ-kɔɔŋ-sɛŋ.” Nya ƃe è mò ḿâ ǹyɛɛi, “Gáa, ŋa sɛŋ-kɔɔŋ-sɛŋ lâai Eezuɛ-ŋai sáma nyii-ŋai díkaa a ŋánûai. Fé pâi ŋɔ́nɔ dísu-mɛni lɛɛ̂i.

Amɔsə 8:2

È mò ǹyɛɛi, “Emɔ, lé ƃé ƃa gâai?” Ǹyɛ̃ɛ mà, “Wúru-ƃa kpɔlu kpɔlɔ tɔnɔ.” Nya ƃe Ɣâla Yâwɛɛ è mò ḿâ, ǹyɛɛ, “Ŋánûai Eezuɛ-ŋai dítãi kpɛɛ ŋá a seri. Fé pâi ŋɔ́nɔ dísu-mɛni lɛɛ̂i.

Zôna 4:2

È Yâwɛɛ fɛ̀li ǹyɛɛi, “Ŋá kɛ̀ a gɔ́lɔŋɔɔ a gɛɛ íkaa a ƃɛlɛ-see da maloŋ-kâa Ɣala, ífaa ílii ŋwàna a maa félaa, wɛli-kɛ-maa kɛ̀ ƃò íyêei, ƃa ílii maa fâleŋ ífaa núu ŋɔsɔnyɔ̂ŋ su too. M̀ɛnii ŋá kɛ̀ ŋ́gili ŋá siâi ma tãi ŋá kɛ̀ niî la ŋalɔii sui nyaa ká ŋí. M̀ɛnii ŋí ƃe gɛ̀ ŋá pú ŋá lí Sipîŋ.

Mise 2:12

“Ŋa pâi Eezuɛ-ŋai ŋáa-tɛ̂i ma nyii-ŋai lɛ̀ɛ Eezuɛ lɔii sui. Ŋa pâi dí tɔɔ̂i ŋ́duɛ yɛ̂ɛ ƃála-mɛi káa-nuu a ŋɔƃála-ŋai kùla kóraŋ su gɛ́ lì a dia kala ŋá, ǹyaŋ kálɔii láa a pâi ŋɔ́nɔ fɛ̂ɛi a nûa támaa.”

Mise 4:7

Dí kɔ̃liŋɔɔi dí naa kôya dípɔ-taai ma kɛ́lɛ ŋa pâi dí kɛ̂i ŋɔ́nɔ a lɔii-ŋûŋ ŋá díkɛ a lɔii-ŋûŋ kpanaŋɔɔ. Ŋa pâi kɛ̂i dímɛi a kâloŋ Zãiyɔŋ yeei ma wɔ́lɔ-wɔlɔ.”

Mise 5:3

Yâwɛɛ a pâi Eezuɛ-ŋai lɛɛ̂i luɛ-laa su é lɛ́ɛ la zu ǹɛnîi é ǹóŋ-surɔŋ maa sɔlɔ ƃó. Gɛ̀ ní ǹîa-ni nyii ŋai luɛ-laa sui, da pâi lenêi pôlu dí sée Eezuɛ lɔii su.

Mise 7:14

Yâwɛɛ, ínûai í dílɛi, dí mɛi káa yɛ̂ɛ berei ƃála-mɛi-kaa nuu a ŋɔƃála-ŋai mɛi kâa lai. Berei máŋ díkaa la kwa kôya ma vɛ̃ɛ-kpâlaŋ sui, lɔii lɛ́lɛɛ káa díkɔlɛ ma. Tɔɔ dí lí dísee Basãŋ da Gilia lɔii lɛ́lɛɛ-ŋai ma yɛ̂ɛ berei dí wɔ́lɔ gɛ̀ lai.

Sofoni 3:17

Íɣâlai Yâwɛɛ káa íkɔlɛ. Ŋɔwála-wala-laai à gɛ̀ íyee é tɛ́ɛ íkpɔara-ƃelai dîa. A pâi lii-nɛ̃ɛ kulâi í mɛni ma, a pâi ísɔnyɔ̂ŋ su-mɛni lɛɛ̂i ŋɔwɛ̂li-kɛ-maai mɛni ma. A pâi wule toôi é lii-nɛ̃ɛ kula ímɛni ma

Lonon mo 23:21

Ŋa gáa a gɛɛ Eezuɛ ŋɔtínaa tuɛ-pere, Mɛni kpɔ̂lu fé pâi kulâi mà, kpaa máŋ mɛni-sôli. Yâwɛɛ, Díɣâlai káa díkɔlɛ. Da mò dîɛ ǹyaa ƃa Díkâloŋ ma.

Lukə 15:32

Maa nɛɛ̂i kɛ̀ ku lii-nɛ̃ɛ kula, kúlii é láa. Kpɛ́ni fêi, ílêɣei ŋi kɛ̀ a zaai, a kɛ́ ŋɔnɔ a vulu; e kɛ̀ a ǹáŋɔɔ, nya ƃe a káa.’ ”

Lukə 24:47

Ǹyaŋ à kɛ̀ ti, ǹáa su lii-pene da sɔnyɔ̂ŋ su-mɛni-lɛɛ a pâi ƃôi sii-ŋa kélee ma, gɔ́ɔ e pîlaŋ Zerusâlɛŋ.

Lomaŋ 11:4

Kɛ́lɛ, Ɣâla e ŋ̀óo su tòo leŋ? “Núu wála lɔ́ɔlu mɛi feerɛ káa niî ǹyêei, nyíi-ŋai dífe niî pɛlɛ ni Bêe kɔɔ mu.”

Dutɛrɔnome 33:26

Eezuɛ-ŋa, ɣâla da fé naa nyii da Káɣâlai dí pɔ̂riɛi. A kula ŋ̀ele-kɔlɔŋ su a ŋɔfólo-laai a pâi a gɛɛ é kpɔ́ŋ kâa.

Zĩi 2:13

Kpɛ́ni fêi, maloŋ-kaa fé mɛni-ŋa-teɛɛ su diai mɛni ma dífa maloŋ-kaa kɛ̀i. Kɛ́lɛ, maloŋ-kaa a mɛni-ŋa-teɛɛ yée mɛi yále.

Nwun mąąɓo 10:16

Maa ɣelei tí zãai dí dí kùla díkɔlɛ lɔii ŋuŋ-ŋai su díkɛ dí fɛlii, dí gélee pìli. Dí pɛ̀lɛ ŋɔ́nɔ Yâwɛɛ fɛlîi. Eezuɛ-ŋai dímalôŋ è tòo mà dímɔ̃lɛ laai mɛ̂ni ma.