Mise 7:10 - Bible

¹⁰ Gɛ̀ ní kúkpɔara-ƃelai da pâi nyíŋi kâai ƃâa é kúla dîa, kúkpɔara-ƃelai ŋí kɛ̀ ɣɛ̂lɛi kûai dîyɛɛi, “Yâwɛɛ kɔ́ɔ nyii gáa a Káɣâlai?” Kwa pâi díyee mɛi ɣâlei kâai díkɛ dí tàŋ-taŋ yɛ̂ɛ pere-lêe ma pàra.

Yálá laawoo hɛɓɛ (dc)

¹⁰ Ɲówo kaa pai nąą kaai, yɛ nwumɛ̨; yai tii kɛi kɛ mą́ą́: «Ə́ wɔ Yálái Yai-Laa kaa mį?» Ɲɛ̨́i kaa pai tɛɠɛ ɓoi ɉu, di kaa pai dan ɉii yɛ pələ pɔ palaya.

Yálá laawoo hɛɓɛ

¹⁰ Ɲówo kaa pai nąą kaai, yɛ nwumɛ̨; yai tii kɛi kɛ mą́ą́: «Ə́ wɔ Yálái Yai-Laa kaa mį?» Ɲɛ̨́i kaa pai tɛɠɛ ɓoi ɉu, di kaa pai dan ɉii yɛ pələ pɔ palaya.

Mise 7:10 ပူးပေါင်းရင်းမြစ်များ

Samia Veerɛi 22:43

Ŋá dífũa yɛ̂ɛ muluŋ, ŋá dítaŋ yɛ̂ɛ pere-lee ma para.

Mąątɛ̨nɛ̨ 109:29

Tɔɔ ŋumɛ su kɛ́tɛ é ŋ́gbɔara-ƃelai páa, é kpíniŋ a dia yɛ̂ɛ yokpo.

Mąątɛ̨nɛ̨ 115:2

Ǹɔii ŋuŋ-ŋai da kúmarê kɛ̂i “Káɣâlai kɔɔ,” lé mɛni ma?

Mąątɛ̨nɛ̨ 18:42

Ŋá dífũa díkɛ yɛ̂ɛ muluŋ nyii gáa ǹɔii mai, fãa a nòkwa nɔ́ é tɛ́ɛ lai, ŋá dítaŋ yɛ̂ɛ pere-lêe ma para.

Mąątɛ̨nɛ̨ 35:26

Gɛ́ diai dílii nɛ̃ɛ̂i ŋámɛni kpɔ̂lui mɛ̂ni mai, dí ŋumɛ díkili ŋá pú. Diai da díkpîŋ sìɣe a maa nɛ̃ɛ é tɛ́ɛ ḿâi, ƃâa é kula dîa dí ŋumɛ.

Mąątɛ̨nɛ̨ 42:10

Ŋa mɔ̃lɛ̂i a ŋ̀ánaa. Kɛ́lɛ ŋ́gbɔara-ƃelai díkaa nɔ́ ɣɛ́lɛ maa kulâi ŋ́gbonôi díkɛ m̀o ḿâ dîyɛɛi, “Mí kpîŋ ƃé Íɣâlai káa naai?”

Mąątɛ̨nɛ̨ 42:3

Ŋa wɔ̂lɔi yâ a fólo da kpíni. Ŋ́ɛi-ya a kɛ́ nɔ́ a ŋ́gɔnɔŋ. Ŋ́gbɔara-ƃelai da kɛ́ nɔ́ ḿarê kɛ̂i dîɛ ḿâi, “Mí kpîŋ ƃé Íɣâlai káa naai?”

Mąątɛ̨nɛ̨ 58:10

Dɔ̃yâ-ƃelai líi a pâi nɛ̃ɛ̂i a tãi da pâi zɔnyɔ̂ŋ-ƃelai kula maa kɛ̂i kâai lai. Da pâi díkɔɔ ma waâi ŋ̀wana-lɔ̂ɔ-ƃelai ŋãa su.

Mąątɛ̨nɛ̨ 79:10

Lé mɛni ƃé ǹɔii-ŋûŋ-ŋai da kúmarê kɛ̂i la dîyɛɛ “Káɣâlai kɔɔ?” Tɔɔ kú íkaa í ǹɔii-ŋûŋ-ŋai kula maa kɛ́ nyii-ŋai ínûai ŋãa pûi.

Mąątɛ̨nɛ̨ 92:12

Dɔ̃yâ-ƃelai da ƃûu ƃò yɛ̂ɛ tóu wuru, díkɛ ƃɔ̀lɔ a ǹɛ́lɛɛ yɛ̂ɛ sîda wuru-ŋai díkaa Lɛƃanɔŋ.

Azaya 26:11

Óo Yâwɛɛ, ŋ̀wana-lɔ̂ɔ-ƃelai dífe gɔ́lɔŋ a gɛɛ ya pâi díkula maa kɛ̂i. Díkula maa kɛ́ dí mɔ̃lɛ. M̀ɛnii í gbɛ̀tɛ díkula maa kɛ́ mɛni mai gɛ́. Ǹɛ́ dîa berei í ínûai wɛ́li ní lai.

Azaya 41:25

“Ŋà núu da sìɣe zu nyii zeɛ́ɛ káa vóloi kulâi pere. A pâi kulâi yá-ŋûa-pere é kɔ́ pɛ́lɛ ǹúu láa túɛ-ƃelai dîa. A pâi díyee mɛi ɣâlei é díkîiŋ, yɛ̂ɛ pɔ̂rɔ-leɣi kpɛtɛ-nuu ƃé pɔ̂rɔ kîinii, a gɛ́ɛ é pɔ̂rɔ leɣi kpɛtɛ la.

Ɉeremi 49:15

Ńyãa Yâwɛɛ ŋa pâi gɛ̂i ífii é kpɛ́ɛ. Ǹyaŋ núu da fé pâi ƃâa kɛ̂i yâ.

Ɉeremi 51:24

Yâwɛɛ è mò ǹyɛɛ, “Ka pâi ŋ́gâai mɛni kpa kùla Babelɔŋ ma m̀ɛnii kélee è gɛ̀ a Zerusâlɛŋ mɛ̂ni ma.

Ɉeremi 51:51

Ká mò kâa, ‘Da ƃâa kula kûa, kwa ŋumɛ. Wála-wala-laa kélee kpɔ́ da fé kúyêei, kpɛ́ni fêi, ŋɔ̃ya-ŋa da kúkwaa maa waa-ŋai ma kula kúyêei Ŋ̀âla-pɛrɛ Kɛ́tɛi mu.’

Izikiɛ 7:18

Da pâi maloŋ-tôo maa seɣe tôoi dîa. Dí dímaa ɣiri a mɛni-kpɔlu seɣe. Ŋumɛ a pâi dísonîi. Kpólaŋ è tòo díŋûa a tɛɛ ŋa.

Danîa 3:15

Da pâi dúrui fɛ̂ɛi, m̀ɔɔi, gɔnîŋ da ŋ̀ali-sãai kpéli-ŋai kélee. Kà maa wôo-ŋai ŋí mɛni, kà tòo ŋáɣâlai ŋá gbɛtɛi kɔ́ɔ mu ká vɛ̀li. Kɛ́lɛ kà wàla gɛ́ tí, da pâi kápilîi ŋ̀ɔŋ kpɔ̂lui su kpɔ́ nɔ́ ŋ̀á ma. A gɛ̀ tí, lé ɣâla nênɛ ƃé pâi káŋuŋ ma ƃôi ńyêei.”

Zooɛ 2:17

Tɔɔ zâla láa-soŋ-ƃelai da Yâwɛɛ ŋɔtíi kɛ́-ƃelai dí tɔ́ɔ ŋ̀âla-teƃelei da bɛ́rɛi lá loai dí wɔ́lɔ dîyɛɛi, “Ínûai ƃálo óo Yâwɛɛ. Ífe nɛ̀ɛ naa ƃâa é kúla ípɔɔ-sɛŋ ma é kɛ́ a ɣɛ́lɛ maa sɛŋ ǹɔii ŋuŋ-ŋai su. Dí m̀ó ǹûai dîa dîyɛɛi, ‘Díɣâlai kɔ́ɔ?’ ”

Abdiasə 1:10

“Káai a Idɔŋ-ƃelai, ŋumɛ a pâi kásonîi ŋ̀wana-lɔ̂ɔ tuai mɛ̂ni ma ká gɛ̀ a kálêɣe Zeeka ŋɔnûai. Ŋa pâi kásuui kélee kpɛɛ̂i ǹɔii ma wɔ́lɔ-wɔlɔ da wɔ́lɔ-wɔlɔ.

Abdiasə 1:12

Kɛ́lɛ maa fé kɛ́ ni a nɛ̃ɛ í yoŋka tée tã ilêɣe è kɛ̀ la mɛni kpɔlu sui. Ifêi pɔri lii-nɛ̃ɛ kulai Zuda ŋɔnûai su-kara mɛni ma. Ífêi pɔri ɣɛ́lɛ-maa kulâi díkponôi dimɛni-soli kaai su.

Mise 4:11

Kákpɔara-ƃela da kula lɔii-ŋûŋ támaa su dîyɛɛi, “Kwa pâi Zerusâlɛŋ su karâi, naa é lɛ́ɛ a pilêŋ ŋá.”

Mise 7:8

Óo kúkpɔara-ƃela, káfe lii-nɛ̃ɛ kùla kú mɛi tãi kwa tòo lai, kpɛ́ni fêi kwa pâi kú siɣêi. Kúkaa kpíni su, kɛ́lɛ Yâwɛɛ a pâi kɛ̂i a kú kwaa ponoɔɔi.

Sofoni 3:15

Yâwɛɛ a kátɔŋ-kpɛ́ maai síɣe pôlu, a kakpɔara-ƃelai kélee su kara. Eezuɛ ŋɔkâloŋ Yâwɛɛ káa ká kɔlɛ ma. Káfe ŋɔ́nɔ yòo.

Zakari 10:5

Díkelee púɔɔ gîe ma, da pâi kɛ̂i yɛ̂ɛ kɔ́kɔ-ƃela támaa, díkɛ ƃɔ̀rɔŋ díkpɔara-ƃelai mɛi gɔ́li-ŋai loai bârai su. Da pâi kɔ́ kɔ̂i, kpɛ́ni fêi, Yâwɛɛ káa dípôlu, ǹyaŋ da pâi diai yée mɛi ɣâlei díkaa gɔ́kɔ-sôo-ŋai mɛi.

Malasi 1:5

Eezuɛ-ƃelai da pâi nyíŋi kâai a díkpîŋ ŋɛi-gao, ǹyaŋ da pâi môi, “Yâwɛɛ wála-wâlaai Eezuɛ lɔii su da ǹɔii da kpɛ́ni-ŋai.”

Malasi 4:3

Ŋ̀ele-kûui ŋa pâi m̀ɛnii ŋí kɛ̂i lai, káyee a pâi tɛɛ̂i ŋ̀wana-lɔ̂ɔ-ƃelai dîa, ǹyaŋ da pâi kɛ̂i a muluŋ kákɔɔ mu.

Maafîu 27:43

Ǹáâi a Ɣâla, tɔ̀ɔ nâa é m̀álo, à kɛ̀ à ŋ̀wɛli. Kpɛ́ni fêi, è mò ǹyɛɛ, ‘Ŋ́gaa a Ɣâla Ǹóŋ.’ ”

Zasua 7:9

À kɛ̀ tí, Keena-ŋai da ǹûai kélee ǹɔii sui da pâi mɛnîi. Gɛ̀ ní da pâi tînanii kûa dí kúpaa. À kɛ̀ tí, gɛ̀ ní ílaa kɛ́tɛi ŋí fé pâi karâi?”

M̀ɛni-lɛɛi 18:20

Óo Ɣâla-taa, ka m̀aa-lii-nɛ̃ɛ kula. Óo ŋ̀âla-ƃelai, da zia-ƃelai, é pɛ́lɛ Ɣâla ŋɔlóno-kɛ-ƃelai dîa, kpɛ́ni fêi, Ɣâla a tɔŋ-kpɛ́-maa tɛ́ɛ bɔ̂ kámɛni ma!