Mise 4:10 - Bible

¹⁰ Káai a Zerusâlɛŋ-ƃelai, ka kámu siɣe ká nyíɣɛ yɛ̂ɛ koi-têe à kɛ̀ nɛnî ma kpɛ́ni fêi da pâi kákulâi daa-lêei su dí lí a káa lɔii pûŋ su. Da pâi kákulâi naa dí lí a káa Babelɔŋ lɔii su. Kɛ́lɛ Yâwɛɛ a pâi kákulâi naa kákpɔara-ƃelai yêei.

Yálá laawoo hɛɓɛ (dc)

¹⁰ Siɔn nɛ̨ɛ̨gbɛla! 'Kpɛlaan a mɔ̨nɔ̨, ə́ gbóó təli, yɛ nɛ̨ɛ̨nui kwəinwąną kɛi. Mąąhɔlɔɓo, ə́ kulɔ hiɛ li taai, yɛ́ li lɛɛi lɔwɔ ɓa, ə́ kaa pai lii kpɔ Babilonə, di kaa pai ə́ nwun mąąɓoi laa; nąą ɓə Yai-Laa kaa pai ə́ kulɔi laa ə́ yowoɠaa yəi.

Yálá laawoo hɛɓɛ

¹⁰ Siɔn nɛ̨ɛ̨gbɛla! 'Kpɛlaan a mɔ̨nɔ̨, ə́ gbóó təli, yɛ nɛ̨ɛ̨nui kwəinwąną kɛi. Mąąhɔlɔɓo, ə́ kulɔ hiɛ li taai, yɛ́ li lɛɛi lɔwɔ ɓa, ə́ kaa pai lii kpɔ Babilonə, di kaa pai ə́ nwun mąąɓoi laa; nąą ɓə Yai-Laa kaa pai ə́ kulɔi laa ə́ yowoɠaa yəi.

Mise 4:10 ပူးပေါင်းရင်းမြစ်များ

Tɔɔɓɛlaa veelɛ 20:18

Da pâi liî a ílônii sinaa da-ni Babelɔŋ lɔii su dí díkɛ dítuɛ é sáa. Da pâi dí kɛ̂i a gâloŋ ŋɔtíi-kɛ-ƃela naa gâloŋ-pɛrɛ kɛ́tɛi mu.”

Tɔɔɓɛlaa veelɛ 25:4

Babelɔnia-ŋai dí kɔ́-kɔ-ƃelai dí Zerusâlɛŋ taa-leei ŋɔgalai wôlo a ma ɣelei tí. Ma kpînii tí, Gâloŋ Zɛdikia da ŋɔkɔ́-kɔ-ƃelai dí kɔ̀ dí pú dí tɛ́ɛ galai lá ƃɛ́i-pere nyii kɛ̀ gâloŋ ŋɔsûai su-perei. É máŋ kɛ́ tí, dí kɛ̀ a gɔ́lɔŋɔɔ a gɛɛ Babelɔŋ kɔ-kɔ-ƃelai dí kɛ̀ a dí tínaŋɔɔ daa-leei ma ǹyée tooɔɔ gîei. Tãi dí kùla lai, dí zòŋ a Zɔdiŋ Ya-leei ma tiŋ-tiŋ su-pere.

Kɔlɔnikɔ Veerɛi 33:11

Nya ƃe Yâwɛɛ è gɛ Asiria kaloŋ ŋɔkɔ-kuluƃa ŋai dí pa dí Manasɛ sòŋ a kɔ-sôŋ dí kpawɔ pili zũai, Dí bili ƃara-kpɔnɔ ŋá díli la Babelɔŋ.

Kɔlɔnikɔ Veerɛi 36:20

Nɛbukinaza è li a diai nyíi kélee dífe dí paâ ni Babelɔŋ díkɛ tii kɛ mi da ǹônii-sinaai. Dí lɛ̀ɛ tîi kɛ̂i diɛ é lɛɛ la zu Pɛsia-ŋai dí Babelɔŋ yée mɛi ɣále.

Kɔlɔnikɔ Veerɛi 36:23

Pɛsia kaloŋ Salɔ ǹyɛɛi, “Yâwɛɛ Ɣâla nyíi gáa ɣâla-taai a ŋ̀éniɛi su kaloŋ-laai kélee tɛɛ ḿbɔ a ǹɛ́ a gɛ́ɛ ŋá ɣâla-pɛrɛ kɛtɛ tɔɔ mi Zerusâlɛŋ Zuda-lɔii su. M̀ɛni m̀a, kaai kélee kákaa a Ɣâla ŋɔnûai, ka li naa. Ɣâla é kɛ́ ká kɔlɛ ma.”

Mąątɛ̨nɛ̨ 106:10

È dí kùla díkpɔara-ƃelai yêei é díŋuŋ ma ƃó.

Azaya 43:14

Eezuɛ Ŋɔɣâla Maa Waai nyii gáa a káŋuŋ maa ƃó Ɣâlai ǹyɛɛi, “Ŋa pâi káŋuŋ maa ƃôi, ŋá kákula Babelɔŋ-ŋai yêei. Ŋa pâi kɔ-kuluƃa-ŋa tɛɛ̂i naa dí ǹaa siɣãŋ-ŋai lá wólo. Ǹaa-ƃelai dílii-nɛ̃ɛ kula-wôoi a pâi penêi a wɔ́lɔ-wôo.

Azaya 45:13

Ŋá ńyee kpàmo Sarɔ ma a gɛ́ɛ é kɛ́ a ŋátii kɛ́-nuu. Dɔ̃yâ mɛnii kélee ŋa pâi gɔ́ɔ pîlani ǹɔii ma ƃɛ́i, ŋa pâi gɛ̂i zârai. Ŋa pâi zia pere-ŋai kélee su sã̂ai. Ǹyaa ƃe pâi ŋátaa-lêei Zerusâlɛŋ tɔɔ̂i ŋɔ́nɔ pôlu, é ŋánûai kúla ǹuɛ-laai su. Vé gɛ̂i fela-fei mɛni ma kpaa máŋ yee pɛlɛ ǹá sɛŋ mɛni. Ńyãa Yâwɛɛ ƃé m̀o tí.”

Azaya 48:20

Ka lí ká kúla Babelɔŋ lɔii su. Ka pú ká kúla Babelɔŋ-ƃelai yêei. Ká lí ká ǹíi-nɛ̃ɛ tuŋ ƃó kwaa kélee ma ɣelêi-pere a gɛ́ɛ nûa kélee dí mɛni. Ka lí ká mó kâai, “Yâwɛɛ è ŋɔtíi kɛ́-ƃelai Eezuɛ-ŋai ŋuŋ ma ƃó.”

Ɉeremi 13:4

“Lí Yufeletii Ya-leei kɔlɛ í gbasa bɛ̂rɛi ŋí lóo naa gɔni wôloi su.”

Ɉeremi 15:21

Ŋa pâi íŋuŋ maa ƃôi ŋ̀wana lɔ̂ɔ-ƃelai yêei, ŋá í kúla kwaa ma kara-ƃela yêei. Ńyãa Yâwɛɛ ƃé mò tí.”

Ɉeremi 29:20

M̀ɛni ma ka káwoli tɔ́ɔ Yâwɛɛ wóo ma káai kélee ŋá ká kùla Zerusâlɛŋ ŋá ká tɛ́ɛ kɔ-sôŋ-laa su Babelɔŋ.

Ɉeremi 4:31

Ŋá wɔ́lɔ-woo mɛ̀ni yɛ̂ɛ nɛnî ƃé gáa koi-tee lɔɔi. Yɛ̂ɛ nɛnî ƃé gáa koi-tee su a m̀aa-ŋuŋ. È kɛ̀ a Zerusâlɛŋ nyíi kɛ̀ wɔ̂lɔi, gɛ̀ ǹɛ̂wo gbɛɛ-ŋai tòo, gɛ́ ǹyée sã̀a, gɛ́ mò ǹyɛɛi, “Ŋ́gáa mɛni kpɔ̂lu su! Da pá ḿbaâi.”

Ɉeremi 48:41

À kɛ̀ tí, a pâi ǹaa taa-lee-ŋai kélee siɣêi. M̀aa ɣêlei tí, Môa kɔ-kuluƃa-ŋai da pâi kɛ̂i kpɔ́ nɔ́ yɛ̂ɛ nɛnî a kɛ̀ koi-têe su.

Ɉeremi 52:27

Nya ƃe Gâloŋ Nɛbukinaza è ǹûai ŋí lókwa é dí dípaa. È dí dípaa Lebila Taa-leei su nyíi kɛ̀ Ama lɔii kpiniŋ sui.

Osia 1:10

É máŋ kɛ́ tí, Eezuɛ-ƃelai da pâi kɛ̂i yɛ̂ɛ Yúo ma ŋãya nyii núu fa pɔ̂ri gɔɔ̂nii, kpaa máŋ é ǹónoi. Ƃɛ̂i dí mò naa dîa, “Káfe a ŋánûai,” da pâi dí tôlii nâa a “Gɛɣele-ma ɣalai ǹônii.”

Osia 13:13

Eezuɛ ƃóloŋɔ̂ɔi lôloŋ ma nyii ǹee à kɛ̀ pâi m̀aa sɔlɔ ƃôi, ǹaa a kpanaŋ. Kpɛ́ni fêi, môɔɔi, vé ŋ̀wɛ̂lii é kúla.

Osia 2:14

Yâwɛɛ è mò ǹyɛɛ, “M̀ɛni ma, ŋa pâi ǹíi kula woo ƃôi ŋá pá la vɛ̃ɛ-kpâlaŋ su, ŋá lóno bɔ́ a ǹɛ́lɛɛ.

Mise 5:2

Yâwɛɛ è mò ǹyɛɛi, “Óo Bɛpeleɣɛ̃ɛ Ɛfata, yáai Ifiraŋ lɔii-kpiniŋ sui, íkaa a daa kuro-tei dɔnɔ Zuda taa-ŋai sáma, kɛ́lɛ ǹaa ƃé ǹúu-ŋuŋ túɛ-nuui a pâi kulâi naa Eezuɛ mɛni ma nyii ŋɔnûa pɔlɔ-ŋai dísuu kɔ́ɔ a wɔ́lɔ pìlaŋ kpɔ́ a tãi su kôyai.”

Mise 5:3

Yâwɛɛ a pâi Eezuɛ-ŋai lɛɛ̂i luɛ-laa su é lɛ́ɛ la zu ǹɛnîi é ǹóŋ-surɔŋ maa sɔlɔ ƃó. Gɛ̀ ní ǹîa-ni nyii ŋai luɛ-laa sui, da pâi lenêi pôlu dí sée Eezuɛ lɔii su.

M̀ɛni-lɛɛi 12:14

Kɛ́lɛ, dí guɛ kɛ́tɛi koôŋ veerɛ tɛ̀ɛ ǹɛnîi pɔ́ a gɛɛ é koôŋ é kúla galii yêei é lí vɛ̃ɛ-kpâlaŋ su ƃɛ́i dí kɛ̀ pâi ŋ̀á kɔnîi naa a kóraŋ saaƃa da gbûrai.