Mise 4:1 - Bible

¹ Ɣele-ŋa da pâi, maa tãi tí, ǹyéei Yâwɛɛ Ŋɔpɛ́rɛ Kɛ́tɛi káa tɔɔ-ni mai, a pâi kɛ̂i ŋ̀éniɛi su yee kpaya-kpayai kélee mɛi. A pâi kɛ̂i a dɔɔ́ dɛɛ́ ǹyée-ŋai kélee dîa. Lɔii-ŋuŋ-ŋa su-ƃela da pâi kɛ̂i kɔ̂i a gɛ́ɛ dí tɛ́ naa.

Yálá laawoo hɛɓɛ (dc)

¹ Yələ ta kaa pai ɉəlii, tinąą, hvəlaan, Ɲeei tii Yai-Laa nwɔ pɛ́lɛ́i tɔɔ mɛ̨i, gaa pai kɛi tɔɔni yeeɠaa kəlee nwun mɛ̨i, nwun yɛ lan yee kpu kpuɠaa kəlee mɛ̨i, nu kpulu kaa pai kɛi pai laa.

Yálá laawoo hɛɓɛ

¹ Yələ ta kaa pai ɉəlii, tinąą, hvəlaan, Ɲeei tii Yai-Laa nwɔ pɛ́lɛ́i tɔɔ mɛ̨i, gaa pai kɛi tɔɔni yeeɠaa kəlee nwun mɛ̨i, nwun yɛ lan yee kpu kpuɠaa kəlee mɛ̨i, nu kpulu kaa pai kɛi pai laa.

Mise 4:1 ပူးပေါင်းရင်းမြစ်များ

Zɛnɛse 49:1

Zeeka è ǹônii-sinaai tòli ǹyɛɛ diai, “Ka káŋaa tɛ́ gîe ma a gɛɛ mɛnii pâi kɛ̂i a káa tínaa tuɛ-perei, ŋá mó kâa.

Zɛnɛse 49:10

Zuda ŋɔkâloŋ-wurii fé pâi kulâi ǹyêei. Ŋɔsuui su ƃelai da pâi wɔ́lɔ kɛ̂i nɔ́ a kâloŋ ŋa. Lɔii-ŋuŋ ŋai da pâi kɛ̂i nɔ́ ŋuŋ-fela-fei tɛɛ̂i bɔ́.

Mąątɛ̨nɛ̨ 110:3

Ya pɛ̀lɛ íkpɔara-ƃelai dîa, ínûai da pâi kpɔŋ maa tɛɛ̂i ípɔ. Da pâi kɛ̂i yɛ̂ɛ ɣele ƃɔ̂i luu. Ǹyaŋkpa-ŋai da pâi pâi ípɔ naa ǹyée maa waa-ŋai dîa.

Mąątɛ̨nɛ̨ 22:27

Yâwɛɛ maa mɛ̂ni kíli a pâi lɛɛ̂i ŋ̀éniɛi su-ƃelai kélee kíli ŋá. Díkelee da pâi tînanii bɔ́ naa pêre. Sîi kélee a pâi kɛ̂i vɛlîi,

Mąątɛ̨nɛ̨ 48:1

Yâwɛɛ kɛ̂tɛi. Gɛ̂tɛi, fɛ̂ɛ nûa dí ǹáa ma tɛ́ kpɔ́ a ŋ̀ánaa Ɣâla ŋɔtaa-lee kɛ́tɛi su ǹyée maa waai ma.

Mąątɛ̨nɛ̨ 86:9

Óo Ǹuu-namui, yá ƃé ǹɔii-ŋûŋ-ŋai kélee kpɛ̀tɛ. Da pâi díŋuŋ maa pîlanii dí ífɛli. Da pâi íwala-wala-laa kɛ́tɛi maa tɛ̂i.

Azaya 27:13

Maa ɣêlei tí a sèri, da pâi Eezuɛ-ŋai tôlii pôlu a túru fɛ́ɛ woo. À kɛ̀ tí, Eezuɛ-ŋai kélee kɛ̀ Ize da Asiria lɔii-ŋuŋ-ŋai sui díkelee da pâi kulâi naa dí pá pôlu. Da pâi pâi pôlu Zerusâlɛŋ díkɛ Yâwɛɛ fɛ̀li naa ŋɔyée maa waai ma.

Azaya 43:6

Ŋa pâi m̀ôi yá-ŋûa lɔii-kpiniŋ ma a gɛ́ɛ é ŋánûai tɛ́ɛ, ŋá m̀ó séɣai-pere lɔii kpiniŋ ma a gɛ́ɛ vé kànaŋ dîa. Tɔɔ ŋánûai dí kúla ǹɔii ŋuŋ su kôyaa-ŋai su, da ŋ̀éniɛi gwaa kélee.

Azaya 49:6

Yâwɛɛ è m̀o ǹyɛɛi, “Ŋátii kɛ́-nuui, tíi kpânaŋ káa ńyêei ímɛni ma. Vé nɔ́ a gɛɛ ípa a ŋɔnûai Eezuɛ-ŋai pôlu nyii-ŋai kùla gɔ́i zui, kɛ́lɛ ŋa pâi íkɛ̂i a kwaa ponóɔɔ ŋ̀éniɛi gwaa kélee mɛni ma. Ŋ̀éniɛi su-ƃelai kélee da pâi ŋuŋ ma sɔlɔ ƃôi ísârai.”

Azaya 54:2

Íƃûui íkaa mùi, zu kɛ́tɛ í mù-seɣe-ŋai fúloŋ a zu kɛ́tɛ. Bîlaŋ wuru-ŋai da dɔɔ wuru-ŋai kɛ́ a gbanaŋɔɔ.

Azaya 56:7

“Ŋa pâi pâi a káa ŋáyee maa waai Zãiyɔŋ ma, ŋá gɛ́ lii-sêe kɛ́ ƃò káyêei ḿvɛli pɛrɛi mu. Géreŋ sâla-ŋai ka pâi gulâi ŋáteƃelei ma da zama-sãai ka pâi pâi la ŋápɛrɛi mui, ŋa pâi ńyee seêi dímu. Nûa da pâi Ŋápɛrɛi tôlii a ɣâla fɛli kwaa ma núu kélee mɛni ma.”

Ɉeremi 16:19

Yâwɛɛ, yá ƃé ya maa-kɔ̃ɔ, íkɛ wála-wala-laa tɛ̀ɛ ḿbɔ, tãi ŋa kɛ̂ la mɛni kpɔ̂lu sui. Lɔii-ŋuŋ-ŋa da pâi pâi ípɔ-naa díkula ŋ̀éniɛi gwaa kélee ma dí mó yâ dîyɛɛi, “Ŋ̀âla-ŋai kɛ̀ kúnâŋ pɔlɔ-ŋai yêei, dífe kɛ́ ní a tɔ̃yâ ɣâla-ŋa. Díkɛ̀ nɔ́ a ɣâla-pɔkɔɔŋ nyíi-ŋai kɛ̂i fé kɛ́ ní dîai.

Ɉeremi 26:18

“Tãi Maka nyíi kùla Morɛsɛ taa-leei sui è wɔ́lɔ kɛ̀ la a ɣâla ŋɔlóno kɛ́-nuui, maa tãi tí Ɛsekaya ƃé wɔ́lɔ kɛ̀ a gâloŋ Zuda lɔii mɛi. Nya ƃe Maka è mò ǹûai dîa ǹyɛɛ, ‘M̀ɛnii Ŋ̀wála-wâla kélee Yâwɛɛ è mòi ká ŋí: Da pâi Zerusâlɛŋ siniî yɛ̂ɛ núu ƃé kwaa sîi. Ǹaa a pâi kɛ̂i yɛ̂ɛ da kɔni ŋáa tɛ̀ gîe ma. À kɛ̀ tí, ǹyéei nyíi Ŋ̀âla-pɛrɛ Kɛ́tɛi tɔɔ̂i mai, a pâi kɛ̂i a lɔɔ pûŋ.’

Ɉeremi 3:17

Tãi ŋí à sèri, da pâi Zerusâlɛŋ tôlii a ‘Yâwɛɛ ŋɔkâloŋ-see-sɛŋ.’ Ǹyaŋ ǹɔii-ŋai kélee da pâi díŋa tɛ̂i gîe ma naa dí kɛ́ ǹáa maa tɛ̀. À kɛ̀ tí, dífe ŋɔ́nɔ pâi lɛɛ̂i díkpɔɔi lii-su-kpanaŋ nyɔ́mɔɔi pôlu.

Ɉeremi 31:12

Da pâi pâi dí lii nɛ̃ɛ-wule too Zãiyɔŋ yeei ma, ŋá ƃɛlɛ-see-sãai mɛni ma. Ŋa pâi mii-sãa, ŋwã̂ai, ɔle-wulɔ, ƃála da niŋa-ŋa tɛɛ̂i dípɔ. Da pâi kɛ̂i yɛ̂ɛ zí-sɛŋ nyíi da yá pú ma a ǹɛ́lɛɛi. Zɛŋ nyíi kélee da ŋ̀wɛ̂lii, da pâi zɔlɔ ƃôi.

Ɉeremi 48:47

Kɛ́lɛ, ŋ̀elei káa pâi nyíi Yâwɛɛ a pâi gɛ̂i Môa é ŋɔ́nɔ ƃûu ƃó lai. M̀ɛni-ŋai ŋí ƃé Yâwɛɛ è wɔ́lɔ mò a gɛɛ a pâi kɛ̂i a Môa.

Izikiɛ 38:16

Ya pâi pâi ŋánûai Eezuɛ mɛi yɛ̂ɛ Tuna-ya-kpini a ǹɔii mɛi pɛ̂lɛ. Ǹaa a kɛ̀ tí, ŋa pâi pâi a yá íkɔ pɛ́lɛ ŋálɔii ma a gɛɛ ŋ̀éniɛi su lɔii-ŋuŋ-ŋai dí gɔ́lɔŋ ǹúui ńyãai a Yâwɛɛ ŋ́gaa lai. Ŋa pâi ŋá maa wâa laai lɛ̂i a m̀ɛnii ŋa pâi gɛ̂i yá Gɔ̂ɔ ísarâi.

Izikiɛ 40:2

Ɣâla è ńzîɣe zĩ̂a su é lí a ńyãa Eezuɛ lɔii su. È ńzèe yée kɛ́tɛ tɔnɔ tôŋ su. Tãi ŋá ńduɛ pere kàa lai, ǹaa è kɛ̀ yɛ̂ɛ taa lêe tɔnɔ.

Izikiɛ 43:12

Ŋ̀âla-pɛrɛ Kɛ́tɛi ŋɔtɔ̂ŋ ká ŋí: Ǹyéei tôŋ su gɔlɛ mâ kélee é tínaŋ m̀a, maa waai. Ŋ̀âla-pɛrɛ Kɛ́tɛi ŋɔtɔ̂ŋ ká ŋí.”

Danîa 10:14

M̀ɛni ma ŋá pá a gɛɛ ŋá m̀ɛnii ŋá lɛ yâ pâi kɛ̂i a ínûai tínaa tuɛ-perei. Zĩai ŋí káa tínaa tuɛ-pere mɛni ma.”

Danîa 2:28

Kɛ́lɛ Ɣâla káa ɣêlei nyii a pɔ̂ri núu-kpune kíli ŋá-ponoi kili ŋa-tɛi mɛni sii kélee sui. Aâ m̀ɛnii lɛ́ Gâloŋ Nɛbukinaza ma pâi kɛ̂i ɣele kpɛ́-kpɛɛ tɛɛ pôlu mai. Zeei í m̀oi da zĩâi tɛ̀ɛ a yá tãi í kɛ̀ laa-ni lai dia ká ŋí.

Danîa 2:35

Nya ƃe gɔlii, m̀óo pɔrɔ ŋɔŋɔ́ɔi, m̀arai, kâpâi da gôoi dí wólo-wolo a tãi tɔnɔ. Dí kɛ́ nɔ́ yɛ̂ɛ mɔlɔŋ-kala ƃé mɔlɔŋ táŋ kwaa ma a fólo lá ƃóɔɔ ɣele. Vãai è kòoŋ a dia vé dɔnɔ kpîŋ lɛ̀ɛ ní naa. Kɛ́lɛ gɔnii tí sɔ̀ɔŋ dîai, è pene a yée kpɛɛ́ pôlu é ǹɔii mɛi pɛ́lɛ.

Danîa 2:44

Gâloŋ-ŋai ŋí dítãi ma, ŋ̀elei-su Ɣalai a pâi kâloŋ-laa da seêi. Núu da fé pâi wɔ́lɔ pɔrîi zu-karai kpaa máŋ é ǹyée mɛi ɣále. A pâi gâloŋ-laa-ŋai tí kélee pûi gɔ́ɔ mu é dí fṹa-fûa. A pâi kɛ̂i naa wɔ́lɔ-wɔlɔ da wɔlɔ-wɔlɔ.

Danîa 7:14

Dí wála-wala-laa, ƃaa kɛ́-maa da lɛɛ-yeei-sɛŋ tɛ̀ɛ bɔ́. Sîi kélee ɣele mai dí pɛ̀lɛ gɔ́ɔ mu dí vɛ̀li. Ŋɔkɛ-naa-laai káa naa wɔ́lɔ-wɔlɔ da wɔ́lɔ-wɔlɔ. Núu da fé pâi wɔ́lɔ ŋɔkâloŋ-laai su-karai.

Danîa 7:18

Kɛ́lɛ Ŋ̀âla Kɛ́tɛi ŋɔtíi kɛ́-ƃela pɔlɔ maa waa-ŋai ƃé pâi gâloŋ laa-ŋai ŋí sɔlɔ ƃôi gɛ́ ƃò díyêei wɔ́lɔ-wɔlɔ da wɔlɔ-wɔlɔ.”

Danîa 7:22

Nya ƃe ǹúui gáa ɣele ma wɔ́lɔ-wɔlɔ da wɔ́lɔ-wɔlɔi è m̀ɛnii ŋá tèe Ŋ̀âla Kɛ́tɛi ŋɔnûai mɛni ma. È mò nyɛ̀ɛ tãi a seri a gɛɛ Ɣâla ŋɔnûai dí lɔii loŋ-laa maa wala-wala-sɔlɔ ƃó.

Danîa 7:27

Nyíŋi pôlu ma da pâi ŋ̀wála-wala-laai, gɛ́tɛ-laai da gâloŋ-laai kélee tɛɛ̂i Ŋ̀âla Kɛ́tɛi ŋɔnûai pɔ́ ǹɔii ma. Núu da fé pâi dílɔii-loŋ wála-wala-laai kulâi díyêei. Ǹúu láa túɛ-ƃelai kélee ǹɔii mai da pâi tíi kɛ̂i díyêei dí kɛ́ ƃaa kɛ́-maa tɛɛ dípɔ.”

Osia 3:5

Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.

Mise 3:12

Kátûa-perei mɛni ma, Zãiyɔŋ a pâi kɛ̂i a kpâlaŋ ŋá tii kɛ̂i. Zerusâlɛŋ a pâi kɛ̂i a pilêŋ ŋá, Ɣâla ŋɔpɛ́rɛi tɔɔ̂i kɛ́ ƃò a wolâ su.

Zakari 14:10

À kɛ̀ tí ǹɔii gáa Zerusâlɛŋ-taai kwára-perei, é síɣe Géba é lí Limɔŋ a pâi kɛ̂i a tiŋ-tiŋ ŋá. Kɛ́lɛ Zerusâlɛŋ a pâi lɛɛ̂i nɔɔ ǹyéei ma é síɣe Bɛŋsima ŋɔgêtii lá é lí geti pɔlɔi lá, é lí zônoŋ su-getii lá, é kúla Ananɛ Ŋɔyeŋkêŋ lá é lí gâloŋ ŋɔŋwã̂ai-kpɛtɛ teei lá.

Zakari 2:11

Maa tãi tí su lɔii-ŋûŋ támaa da pâi pâi Yâwɛɛ pɔ́ dí kɛ́ a ŋɔnûa. A pâi kɛ̂i kúsama, ǹyaŋ ka pâi gɔ́lɔnîi a gɛɛ ǹyaa ƃé ńdɛ̀ɛ kápɔ-naa.

Zakari 8:3

Ŋa pâi penêi pôlu Zãiyɔŋ ŋá sée Zerusâlɛŋ, ǹyaŋ da pâi Zerusâlɛŋ tôlii a tɔ̃yâ taa-lee dí ŋáyeei tóli a yée maa waa.

Malasi 1:11

Nûa da sála-sɛŋ kúŋ nɛ̃ɛ kèreŋ ḿî ǹɔii gwaa kélee, díkɛ sâla lɛ́lɛɛ kùla ḿî nyii a ńii laai. Díkelee da ŋumɛ-mâa tɛ̀ɛ ḿbɔ!

Gɛlaɠaa 2:17

‘Ɣâla a mò, ǹyɛɛi, “Ŋ̀ele-ŋai gbɛɛ ŋái ŋa pâi Ŋámɔ̂leŋ pûi núu kélee kponôi. Kálonii-sinaâi da kálonii-nɛyaai da pâi mɛni ƃôi naa tuɛ. Zĩ̂a a pâi tɛɛ̂i a kányaŋkpa-ŋai, kásiɛ-pɔlɔ-ŋai dí see ƃó.

Hebreu 1:2

Kɛ́lɛ, ŋ̀ele kpɛɛ-ŋa-ŋai ŋí su Ɣâla a lóno kúpɔ Ǹóŋ sârai. È nɛ̀ a gɛɛ é kɛ́ a sɛŋ kélee-namu nyíi. È ŋ̀éniɛi kpɛ̀tɛ zarâi.

Piɛrə veelɛ 3:3

Maa-ŋuŋ fɛ̂ɛ ká táre nyíŋi su a gɛɛ ɣɛlɛ-maa-ƃela da pâi pâi a ɣɛlɛ-maa a ŋelei gbɛɛ ŋái, díkɛ pîlaŋ díkpîŋ-tua-pere-nyɔŋ maa-sɛŋ-wɛliɛi pôlu,

M̀ɛni-lɛɛi 11:15

È nâa kɛ̀ tí, Ŋ̀âla-taa kelai mɛi feerɛ-ɣelei è ŋɔturii fɛ̀ɛ, wóo su kɛ́tɛ támaa díkula Ɣâla-taa díyɛɛi, “Ǹɔii su-kaloŋ laai a kɛ́ a Kúnuu-namui ŋɔkâloŋ laai da Ŋɔkôrai, ǹyaŋ a pâi kɛ̂i m̀ɛi wɔlɔ-wɔlɔ da wɔlɔ-wɔlɔ.”

M̀ɛni-lɛɛi 15:4

Gbɛ̂ɛ ƃé vé pâi yaôi yâ é ílaâi ŋɔfólo-laai maa tɛ́, Óo Kúnuu-namui? Kpɛ́ni fêi, ƃia tɔnɔ nɔ́ ƃe ímaa waâi. Lɔii-ŋuŋ kélee a pâi pâi é ífɛli, kpɛ́ni fêi, ímɛni-ŋa-teɛɛ sã́ai a lɛ́.”

M̀ɛni-lɛɛi 20:4

Ǹaa pôlu mà, ŋá kâloŋ-see-sãa kàa, ǹyaŋ diai kɛ̀ see ni díŋai, dia ƃe kɛ̀ a ǹûai dí wala-wala-laa tɛ̀ɛ dípɔ a gɛɛ dí mɛni ŋá tee. Diai dí díŋuŋ têe Zîsɛ maa-sere-faa kɛ-mɛni ma da Ɣâla ŋɔwóoi, ŋá dímɔ̂leŋ kâa da diai dífe zuai fɛli nii, kpaa máŋ dífe zua-pɔɔkɔ̂ŋ fɛli nii, zuai pɔ́ɔ fé tela dítôŋ lá, kpaa máŋ díyee ŋái. Dí pà pôlu ŋɔ́nɔ fulu-laa su, da Kôrai-ni dí kɛ-mɛi-laa kɛ́ a kóraŋ wála tɔnɔ (1,000).