Mise 2:1 - Bible

¹ Mɛni kpɔ̂lu a pâi lâai kâa káai ka lâa kágbìŋ-ŋai ŋá a kpíni ká mɛni nyɔ́mɔ kpɛ̀tɛ é pîlaŋ káƃarai dîa, ɣele a ƃɔ̀ ká gɛ́ a dia, kpɛ́ni fêi maa wala-wala-laa káa káyêei.

Yálá laawoo hɛɓɛ (dc)

¹ Nuąi da mɛ̨nį ɲɔ̨nwɔ̨ɔ̨ mąą kiliŋąhiɛ kɛ, Di nwun na ɲɔ̨nwɔ̨ɔ̨i; di ɓo di yəi gbin ŋą, diɛ mɛ̨nį ɲɔ̨nwɔ̨ɔ̨ pənə di kwəi diɛ doo. Yələ a lɛɛ kpɔlɔɔ ɓɔi, diɛ di yee pɛlɛ mɛ̨nį ɲɔ̨n gɛɛ ɓa, mąąhɔlɔɓo, mąą laa kaa di yəi.

Yálá laawoo hɛɓɛ

¹ Nuąi da mɛ̨nį ɲɔ̨nwɔ̨ɔ̨ mąą kiliŋąhiɛ kɛ, Di nwun na ɲɔ̨nwɔ̨ɔ̨i; di ɓo di yəi gbin ŋą, diɛ mɛ̨nį ɲɔ̨nwɔ̨ɔ̨ pənə di kwəi diɛ doo. Yələ a lɛɛ kpɔlɔɔ ɓɔi, diɛ di yee pɛlɛ mɛ̨nį ɲɔ̨n gɛɛ ɓa, mąąhɔlɔɓo, mąą laa kaa di yəi.

Mise 2:1 ပူးပေါင်းရင်းမြစ်များ

Zɛnɛse 31:29

Wála-wala káa ńyêei a gɛɛ ŋá mɛni ŋánaa kɛ́ a yá. Kɛ́lɛ ínâŋ Ŋɔɣâlai è sâa lòno ḿbɔ a gbínii ǹyɛɛi, ‘Tãi siɣe. Ífe mɛni da kélee ƃò Zeeka ma.’

Tɔɔɓɛlaa dɔlɔɔ 21:7

Ŋɔnɛnîi Zɛsebɛɛ ǹyɛɛ m̀ai, “Bere ƃé ya tûa la ƃíai a Eezuɛ kaloŋ? Ímu siɣe í ílaa míi! Lii-nɛ̃ɛ kula. Ŋa pâi Zariɛɛ-nuui Nabo ŋɔkpɔmɔ kpâlaŋ sɔlɔ ƃôi ímɛni ma.”

Ɛstɛrə 3:8

Gɛ́ɛ tíi, Emaŋ è mò Gâloŋ Atasɛra ma ǹyɛɛi, “Núu sîi da-ŋa díkaa ílɔii kpîniŋ-ŋai su nyii-ŋai díwɔ̂ tua-perei káa a da kpɛ́ni ǹúu kpéli-ŋai díwɔ̂i ma. Dífe siâi a ǹɔii ŋɔtɔ̂ŋ wóo. M̀ɛni ma, ya íyee sèe dímu, vé pâi kɛ̂i a ǹɛ́lɛɛ ímɛni ma.

Ɛstɛrə 5:14

Nya ƃe ŋɔnɛnîi da m̀arâai dí mò ma dîyɛɛi, “Yeŋkêŋ tɔɔ mɛi kɛ́ ƃò a kɔ́ɔ ƃɔ́rɔnîi buu lɔ́ɔlu mɛi feerɛ káo lɔ́ɔlu. À kɛ̀ tí, m̀ó gâloŋ ma é Mɔdikai sɛ̂lɛŋ ma a tínaa ɣele-wala. Gɛ̀ ní ya pâi liî gûui su a lii-nɛ̃ɛ.” Ǹia-wooi ŋí è ǹíi làa. È gɛ̀ dí nyeŋkêŋ tɔ́ɔ.

Ɛstɛrə 9:25

Ɛtɛ è lì gâloŋ pɔ́ naa é m̀ɛnii ŋí su kula ma. Nya ƃe gâloŋ è kɔlɔ tɛ̂ɛ ǹɔii kpîniŋ-ŋai su a gɛɛ m̀ɛni nyɔ́mɔɔi Emaŋ è gbɛ̀tɛ Zuda-ŋai mɛni mai, dí gɛ́ a ǹyaa Emaŋ. Dí zɛ̀lɛŋ ǹyeŋkêŋ-ŋai dîa da ǹônii-sinaai.

Zôo 15:35

Ǹûai ŋí ƃé da mɛni kpɔ̂lu kpɛ̀tɛ díkɛ mɛni nyɔ́mɔɔ kɛ̀. Ǹyaŋ dílaa fɛ̂ɛi a núu pɛlɛ mɛni-ŋa.”

Zôo 24:14

Ǹúu paa-nuui a mù sìɣe a ɣele ƃɔ̂i kpini a gɛɛ é lí é gôlo-nuui páa. Tãi kpíni a pɛ̂lɛ lai, ǹúu paa-nuui ŋí a kɛ̂ a ŋúma-nuu.

Mąątɛ̨nɛ̨ 36:4

Da kɛ̀ lâani, mɛni nyɔ́mɔɔ-ŋa nɔ́ ƃé da kɛ̂ gbɛtɛ̂i dílli su. Dí kɛ́-mɛni da kélee fé lɛ́lɛ ní. Dífa díyee kùla mɛni nyɔ́mɔɔ da kɛ́ mɛni mu.

Mąątɛ̨nɛ̨ 36:5

Yâwɛɛ, íwɛli kɛ́ maa kpanaŋɔɔi káa ŋ̀ele-kɔlɔŋ ma, íteniŋ ƃô-laai seriɛɛ ŋ̀ele-kɔlɔŋ ma.

Mąątɛ̨nɛ̨ 58:3

Ŋ̀wana-lɔ̂ɔ-ƃelai da kúla berei ma a díloloŋ tãi. É síɣe díkwatara tãi ma, da kɛ́ a pilaŋ gɔ́ɔ ma-ƃela díkɛ lɛ́ɛ kɛ̀.

Hanwon 12:2

Ɣâla Yâwɛɛ líi lâai tɔ̃yâ-nuu mɛni ma, kɛ́lɛ a ŋwana-lɔ̂ɔ-nuu kula maa kɛ̂.

Hanwon 14:22

Ǹúui a mɛni nyɔ́mɔɔ kpɛ̀tɛ ǹíi sui, ŋɔfúlu-laai su a kâra, kɛ́lɛ ǹúui a mɛni lɛ́lɛɛ kpɛ̀tɛ ǹíi sui, ƃaa kɛ́-maa da teniŋ ƃô-laa da pâ bɔ́.

Hanwon 3:27

Ífe kpèra kpɔŋ-mâ tɛɛ̂i diai pɔ́ maa nɛ̃ɛ̂i í dɛɛ dípɔi.

Hanwon 4:16

kpɛ́ni fêi, ŋ̀wana-lɔ̂ɔ-ƃelai dífa nyîi, fɛ̂ɛ dí mɛni nyɔ́mɔɔ kɛ́. Nyii fa pâ díŋɛi fɛ̂ɛ dí ŋwana-lɔ̂ɔ kɛ́ a núu.

Azaya 29:20

Diai da nûa maa yâo díkɛ sãa kùla díyêei, da pâi lânii. Diai da ɣɛ́lɛ maa kûla Ɣâla kponôi, díŋuŋ lá a pâi pilîi. M̀ɛni nyɔ́mɔɔ kɛ́-ƃelai kélee su a pâi karâai.

Azaya 3:14

Yâwɛɛ aâ pá mɛnii ŋá têei. A pâi ǹúu-pɔlɔ-ŋai da ǹúu láa túɛ-ƃelai dímɛnii ŋá têei. A dísɔnyɔ̂ŋ ƃôi dîa ǹyɛɛi, “Káa ƃé ŋágbɔmɔ-kpalaŋ su kàra, ká gôlo-ƃelai kɔ̃liŋ kélee síɣe a kápɔɔ.

Azaya 32:7

Ǹúui ŋɔtárei fé seri ní zui, káa a núu nyɔ́mɔɔ, gɛ́ mɛni nyɔ́mɔɔ sii támaa kɛ̀. A gôlo-ƃelai su kàra a ŋɔlɛ́ɛ mɛni-ŋai, va ǹɛɛ naa dí dítɔ̃yâi sɔlɔ ƃó.

Azaya 5:8

Kpalo-ƃêlaai diai dîa da kɛ̂ pɛrɛ-ŋa tɔ̂ɔi gîe kɔlɛ, díkɛ lɔii kpîniŋ támaa maa sôŋ kwaa-ŋa ma díkɛ ǹya díkɛ bù dípɛrɛ-ŋai da dílɔii-ŋai dîa, dífa ǹɛɛ naa núu da kpɛ́ni-ŋa dí da sɔlɔ ƃôi. Da ŋ̀wɛli nɔ́ dí tèe-tee díkɛ ƃò seêni ǹɔɔi pûŋ sâmai dí tèe-tee.

Azaya 59:3

Kákaa a lɛ́ɛ-ƃela, mɛni su-kara-ƃela, da núu paa-ƃela. Kákaa a sɔŋyɔ̂ŋ-ƃela, kákɛ ƃò a núu nyɔ́mɔɔ-ŋa.

Ɉeremi 18:18

Nya ƃe ǹûai dí mò dîyɛɛi, “Kwaa mɛni kpɛtɛɛ kɛ́ é pîlaŋ Zɛlemaya ma. Sâla láa-soŋ-ƃela da pâi wɔ́lɔ kɛ̂i nɔ́ naa dí kɛ̀ kúteniŋ tɔ̀ɔ. Táre-ƃela da pâi wɔ́lɔ kɛ̂i nɔ́ naa dí kɛ̀ kúlia-woo ƃò. Ɣâla ŋɔlóno kɛ́-ƃelai da pâi wɔ́lɔ kɛ̂i nɔ́ naa dí kɛ̀ Ɣâla ŋɔwóo ƃò kûa. Ka pá kú kɔ́ bɔ́ a kúwoo, kú kpéra kúwoli tɔɔ̂i ŋ̀óo ma.”

Izikiɛ 11:2

Yâwɛɛ è mò mâ ǹyɛɛi, “Núu-kpune ǹóŋ, ǹûai ŋí ni ƃé da ŋ̀wana-lɔɔ mɛni kpɛtɛ díkɛ lia-woo nyɔ́mɔɔ kɛ̀ daa-leei ŋí su.

Izikiɛ 33:26

Kákili tɔɔ̂i ƃóa-sɔ̂kpɔ ma. Kátûa-pere nyɔ̂mɔi. Kákɛ lɔ̀ pɔ̂rɔŋ kɛ̀ a ká ƃarâai dínɛyâai. Ǹɔii a pɔ̂ri kɛ̂i a ká pɔ́ɔ?

Izikiɛ 38:10

“ ‘Ńyãai a Ŋ̀wála-wâla kélee Yâwɛɛi ŋa môi yâ Gɔ̂ɔ yâ, fólo da a pâi serîi, ya pâi mɛni nyɔ́mɔɔ kpɛtɛ̂i íkili ŋá.

Izikiɛ 46:18

Gâloŋ fé núu da kélee kɔ̃lîŋ kula ǹyêei. Gáa a sɛŋ é lɔii tɛ́ɛ ǹônii pɔ́ nyii kùla ŋɔlɔii sûi. Vé núu da kɔ̃lîŋ kula ǹyêei.”

Mise 6:12

Káai a dɔ́ɔ-ƃelai ka gôlo-ƃelai dí-sãai kula díyêei ǹyaŋ kákelee ká kɛ́ ƃò a lɛ́ɛ-ƃela.

Nahumə 1:11

Núu da fé kula ní kásama é mɛni nyɔ́mɔɔ kpɛtɛ Yâwɛɛ láa ma da ŋwana lɔ̂ɔ mɛni?

Zakari 7:10

Káfe mɛni nyɔ́mɔɔ kɛ̀ a pɔ́ɔ-nɛ̂ni, tee-lôŋ, ŋɔ̃́ya, kpaa máŋ kôlo-nuu, káfe mɛni nyɔ́-mɔɔ kpɛ̀tɛ kálii su kákîe-ni mɛni ma.”

Markə 15:1

Ɣele-wala kɛ́ɛi, zâla láa soŋ-ƃela kpaya-kpayai, ǹúu-pɔ̂lɔ-ŋai, Dɔ̂ŋ lɛ́-ƃelai da goyâŋ-su-ƃelai kélee dí díŋuŋ pìlaŋ. Dí Zîsɛ yée ɣìri gîe ma, dí lí la dí dɛɛ Pâle pɔ́.

Lukə 20:19

Zâla láa soŋ-ƃela kpaya-kpayai da gɔlɔ-pɔ̃yɛ-ƃelai dí kɔ̀ a gɛɛ dí zoŋ nɔ a tãi ti; kɛ́lɛ, dí yào ǹûai dîa, kpɛ́ni fêi, dí gɔ̀lɔŋ e záŋ ŋi sɔ̀ɔ e pîlaŋ díkpîŋ dîa.

Ɉaan 19:11

Zîsɛ e ŋ̀óo su tòo, ǹyɛɛ ma, “Wala-wala kélee fei pɔ̂ri kɛ̂i íyeêi ḿɛi, fɛ̂ɛ e kula Ɣâla yêei; maa-mɛni ma diai ńdɛ̀ɛ ípɔi dísɔnyɔ̂ŋ su kɛ́tɛ̂i.”

Gɛlaɠaa 23:12

Ɣele ƃɔ́ɔi, Zûu-ŋai dí gbɛ̀tɛ díkili ŋá, dí kperɔ mii a gɛ́ɛ dífe mii-sɛŋ mii kpaa máŋ dí díkpele é lɛ́ɛ la zu dí Pɔ̂ɔ paa.

Gɛlaɠaa 23:15

M̀ɛni ma káa, ka goyâŋ su-ƃelai ka káwoo tɛ́ɛ ǹɔii maa kpɛ́-ƃelai mɛi-nuu kɛ́tɛi pɔ́-naa a gɛ́ɛ é pá la kápɔ nɔ́ yɛ̂ɛ kà kɛ̀ pâi ŋɔmɛnii su kâai a zã́a. Kúkpɛtɛ̂i a gɛ́ɛ kú bàa é lɛ́ɛ pâi serîi kâa.”

Lomaŋ 1:30

Dí kɛ̀ a laa-kâra-ƃela, Ɣâla kpɔara-ƃela, lii-kɛ̂tɛ-ƃela, su-mɛni kɛ̂tɛ-ƃela, yoŋka-ƃela, díkɛ sɔnyɔ̂ŋ nina kpɛ́-tɛ díkili ŋá, dífa díkaa-ƃela wóo mɛni,

Dutɛrɔnome 28:32

Da pâi kálônii tɛɛ̂i lɔii-ŋuŋ da kpɛ́ni-ŋa su a luɛ-ŋa. Ka pâi wɔ̂lɔi a kpíni da fólo káfa díkaa. Ka pâi lɛɛ̂i díkɔ̂rii káfii é kpɛ́ɛ. Ká kpɔŋ-mâa nuu da fé pâi kɛ̂i ma.