Mise 1:5 - Bible

⁵ M̀ɛni-ŋai ŋí kélee a pâi kɛ̂i Eezuɛ ŋɔtɔ̂ŋ-karaai da Eezuɛ-ŋai dísɔnyɔ̂ŋ mɛni ma. Lé ƃé Eezuɛ kɛ̀ gɛ́ dɔ̂ŋ karaai? Lé ƃé Zuda kɛ̀ gɛ́ sɔnyɔŋ kɛ̂i? Vé a ŋ̀ala-pɔkɔŋ-ŋai díkaa Zerusâlɛŋ?

Yálá laawoo hɛɓɛ (dc)

⁵ Yili ə kɛ tii a Ɉakɔbə nwɔ kulɔ nwoo mu laa laa pɔɔ, a Israɛlə nwɔ pɛ́lɛ́i nwɔ nɛ̨ŋɛ̨nŋaa laa pɔɔ. Ɉakɔbə nwɔ kulɔ nwoo mu ɓaa a lə? Samari hvəi? Ɉuda nwɔ haliɠaai kɔ́i ɓaa a mį? Ɉerusalɛmə hvəi?

Yálá laawoo hɛɓɛ

⁵ Yili ə kɛ tii a Ɉakɔbə nwɔ kulɔ nwoo mu laa laa pɔɔ, a Israɛlə nwɔ pɛ́lɛ́i nwɔ nɛ̨ŋɛ̨nŋaa laa pɔɔ. Ɉakɔbə nwɔ kulɔ nwoo mu ɓaa a lə? Samari hvəi? Ɉuda nwɔ haliɠaai kɔ́i ɓaa a mį? Ɉerusalɛmə hvəi?

Mise 1:5 ပူးပေါင်းရင်းမြစ်များ

Tɔɔɓɛlaa dɔlɔɔ 11:7

È Ɣâla fɛli kwaa ma kpɛ̀tɛ Zerusâlɛŋ ǹyéei ma vóloi kulâi-pere, Môa-ŋai díɣâla nyɔ́mɔɔi Kemɔ nyíi kɛ̀ a m̀ɛlɛ kpɛɛ Yâwɛɛ koi fɛli mɛni ma da Amɔŋ-ŋai díɣîalai Molɛ.

Tɔɔɓɛlaa dɔlɔɔ 13:32

kpɛ́ni fêi, ŋ̀orɛ̂-wooi è mò é pîlaŋ ŋ̀âla-teƃelei ma nyíi gáa Bɛtɛi, bîlaŋɔɔi máŋ zâla kula kwaa-ŋai kélee ma Sameria taa-ŋai su. Gélee ŋ̀aa-see a pâi kɛ̂i a tɔ̃yâ.”

Tɔɔɓɛlaa dɔlɔɔ 16:24

È Sameria yeei yà Simiɛ yêei a sɛŋ káo kole kpua-kpua ŋɔpãŋ ŋuŋ tɔnɔ pôlu buu lɔ́ɔlu. È taa-lêe tɔɔ ǹyéei ŋá é Simiɛ láa sée daai ma nyíi bɔ́ɔ è kɛ̀ a ǹyéei a bɔlɔi. È nàa sèe a Sameria.

Kɔlɔnikɔ Veerɛi 34:3

Gɛɛ gâloŋ-laai su ŋɔkóraŋ ǹɔ́ɔɔlu-mɛi saaƃai, tãi ŋí su è kɛ̀ niî a ǹyaŋkpa. È nâa pɛ̀lɛ ǹâŋ pɔlɔi Deeƃé Ŋɔɣâlai fɛlíɛɛ ma. Góraŋ buu-káo feerɛi su, è nâa pɛ̀lɛ ŋ̀âla da kpɛ́ni-ŋai fɛli kwâa-ŋai mâ su karâi. È ŋâla-nɛnii Asira ŋ̀ɛi-kɛ-maa wurii, ŋâla-pɔkɔɔŋ nyii-ŋai dí gbɛ̀tɛ a wurii da nyii-ŋai dí dɔɔ̂i kélee kulâi Zuda da Zerusâlɛŋ.

Kɔlɔnikɔ Veerɛi 34:4

Ŋɔtɔ̂ŋ lá wòo ma, dí Baa ŋɔɣâla-teƃelei-ŋai wólo. È gereŋ-sɛŋ kûŋ-nɛɛi kereŋ ɣâla-teƃelei su tee-têe a gbua-kpûa. È ŋâla-nɛnî Asira ŋɛi-kɛ-maa wurui fũa-fũa, é pɛlɛ ŋâla-pɔkɔɔŋ-ŋai dîa. È zãai ŋí fũa-fũa é dí taa-taa diai dakâa sala kula diɛi díƃolôŋ mɛi.

Azaya 7:9

Eezuɛ ŋɔtaa-lêei ƃa Sameria. Eezuɛ fé wála-wala ní é tɛ́ɛ Sameria ma. Sameria ǹyaŋ fé wála-wala ní é tɛ́ɛ Gâloŋ Peka ma. “Tɔ̃yâ ma núu da à kɛ̀ ŋ̀wɛ̂lii ŋá m̀aa kɔ̃ɔ, fɛ̂ɛ laa-laa kpanaŋɔɔ à kɛ̀ m̀aa nuui yêei ḿɛni ma.”

Ɉeremi 2:17

Káa kpîŋ ƃé pà a m̀ɛnii ŋí kákpîŋ kâa, kpɛ́ni fêi, ká kápôlu tɔ̀ɔ Yâwɛɛ ma nyíi gáa a Káɣâlai, tãi è kɛ̀ pâi la a káai.

Ɉeremi 2:19

Ka kpɔɔi tua-pere nyɔ̂ŋ a pâi ká kula maa kɛ̂i. Kpɛ́ni fêi káka pôlu tɔ̀ɔ ḿâi, ka pâi mɛni ŋá téɛɛ sɔlɔ ƃôi. Ka pâi gɔ́lɔniî a gɛɛ mɛni nyɔ́mɔɔ da saa da pâi pâi ká pɔ́ à kɛ̀ ka kápôlu tɔ̀ɔ Yâwɛɛ Káɣâlai ma, ǹyaŋ káfa ŋɔ́nɔ yào ḿâa tɛ̀ɛ ḿbɔ. Ńyãai ŋ́gáa a Ŋ̀wála-wâla kélee Yâwɛɛi, ńyãa ƃé mò tí.”

Ɉeremi 23:13

Ŋa zɔnyɔ̂ŋ káa nyíi Ɣâla ŋɔlóno kɛ́-ƃelai da gɛ̂i Sameriai. Díkaa lônoi Bêe ɣalai láai su, ǹyaŋ da gɛ́ ŋánûai dámaa da kula berei ma.

Ɉeremi 23:14

Kɛ́lɛ, ŋa gáa a gɛɛ Ɣâla ŋɔlóno kɛ́-ƃelai díkaa Zerusâlɛŋ díwɔ̂i tɛɛ̂i. Da wulu-wulu kɛ̀, dí kɛ́ lɛ́ɛ kɛ̀. Da kpɔŋ mâa tɛ̀ɛ nûa pɔ́ a gɛɛ dímɛni nyɔ́mɔ kɛ́, a gɛɛ núu da fé kpèra ŋwana lɔ̂ɔ-tua kɛ̂i. Díkelee dísɔŋ nyɔ̂mɔɔi nɔ́ yɛ̂ɛ Sodɔŋ da Gomora-ƃela.

Ɉeremi 4:18

Ítûa-perei da ísɔŋ ƃé pà a m̀ɛnii ŋí yâ. Ǹyaŋ ísɔnyɔ̂ŋ ƃé pà a m̀ɛnii ŋí. Nya ƃe a í sɔ́ɔ í liî ma yɛ̂ɛ ƃóa-sɔpkɔ.

Ɉeremi 5:25

Kɛ́lɛ, kásɔnyɔ̂ŋ-ŋai da ká kpéra m̀ɛni-lɛ́lɛɛ-ŋai ŋí sɔlɔ ƃôi.

Ɉeremi 6:19

Óo ǹɔii, ye íwoli tɔ́ɔ. Ŋa pâi mɛni kpɔ̂lu lâai ǹûai ŋí dîa m̀ɛni nyɔ́mɔi dí gɛ̀i maa mɛ̂ni ma. Kpɛ́ni fêi dífe díwoli tɔ̀ɔ ní ŋ́oo ma. Ǹyaŋ da díyee kúla ŋátɔ̂ŋ mu.

Woolaa 5:16

Gâloŋ ƃɔrɔi kɛ̀ kúŋûai, a kula naa a too. Mɔ̃́lɛ-laa a pá kúpɔ kpɛ́ni fêi, kwa sɔnyɔ̂ŋ kɛ́.

Izikiɛ 16:46

“Kálîa-nɛnî kɛ́tɛi ƃa Sameria, nyii gáa ǹóŋ nɛnii pɔ́naa ká mɛi yá-ŋûa perei. Kálêɣe-nɛnii ƃa Sodɔŋ nyii gáa ǹóŋ-nɛnii pɔ́naa yákwára perei.

Osia 7:1

“Ŋá kɛ̀ ŋ̀wɛ̂lii ŋá Eezuɛ ƃálo, ŋá gɛ́ é ƃûu ƃó, kɛ́lɛ gáa nɔ́ nîi ŋɔsɔnyɔ̂ŋ kɛ̂i. Sameria káa nɔ́ ŋwana lɔ̂ɔ kɛ̂i da lɛ́ɛ, ŋ̀uma-ƃelai dí kɛ́ ŋúma kɛ̀, mɛni-nyɔmɔɔ kɛ́-ƃelai dí kɛ́ mɛni nyɔ́mɔɔ kɛ̀.

Amɔsə 6:1

“Kpalo ƃêlai diai dîa díkaa fii-tɔ̂ɔ ma Zãiyɔŋ, da diai gáa díkili ŋá a gɛɛ díkaa maa-kɔ̃ɔ-pere su Sameria Yeei mai, da ǹɔii-ŋûŋ-ŋai su-nuu kpaya-kpayai, nyii-ŋai Eezuɛ ǹônii dí pa dípɔi!

Amɔsə 7:9

Aise ŋɔsâla-kula kwaa-ŋai ma su a pâi karâi, Eezuɛ ŋɔɣâla-pɛrɛ kpaya-kpayai su é kara, ǹyaŋ ŋa pâi tɔɔ̂i Zɛroboaŋ ŋɔpɛ́rɛi ma a ƃóa-sɔ̂kpɔ.”

Amɔsə 8:14

Diai da dífòo Asima ma nyii gáa Sameria, díkɛ m̀ó, dîyɛɛi, ‘Óo Daŋ, íɣâlai káa ɣele ma,’ Dîyɛɛ, ‘Óo Bɛɛsiba, ímɛi-kaa-ɣalai káa ɣele mai,’ da pâi toôi, dífe pâi ŋɔ́nɔ dímu siɣêi pôlu.”

Mise 1:13

Káai a Laki-ƃelai, ká kásoo-ŋai kpulɔ̂ŋ dísia keleŋ-ŋai dîa ká pú. Káa ƃé gɛ̀ Zerusâlɛŋ-ƃelai dí sɔnyɔ̂ŋ kɛ́, kpɛ́ni fêi, ká káyee pù Eezuɛ-ŋai dísɔnyɔ̂ŋ su.