Malasi 4:6 - Bible

⁶ A pâi pâi a ǹóŋ-kaa-sinaai da dílônii gîe ma ŋɔ́nɔ. À wàla kɛ́ tí fɛ̂ɛ ŋa pá ŋá kálɔii su kara.”

Malasi 4:6 ပူးပေါင်းရင်းမြစ်များ

Azaya 11:4

Kɛ́lɛ, ŋɔmɛni-teɛɛi a pâi kɛ̂i a tɔ̃yâ mɛni ŋá-teɛɛ ǹuu doo mu-ŋai mɛni ma. A pâi diai maa kɔ̃ɔi pɔ̂ri mâa fé dîɛi. A pâi mɛni nyɔ́mɔɔ kɛ́-ƃela kula maa kɛ̂i, díkelee dísaa.

Azaya 24:6

M̀ɛni ma Ɣâla a ǹɔii náɣaŋ. Zu-ƃela da pâi dísɔnyɔ̂ŋ fela-fêi kɛ̂i. Dɛi-tɛ́i nɔ́ ƃé pâi lɛɛ̂i ǹɔii su.

Azaya 40:3

Núu-wòo è kɛ̀ tɛ̂i vɛ̃ɛ-kpâlaŋ su ǹyɛɛi, “Ka Yâwɛɛ ŋɔperei kpɛtɛ vɛ̃ɛ-kpâlaŋ su! Ka berei su-sã́a Kúɣâlai mɛ̂ni ma.

Azaya 43:28

dí ŋákwaa ma waai maa tĩa kàra. M̀ɛnii ŋí ƃé gɛ̀ ŋá ǹɛɛ naa kákpɔara-ƃelai dí ƃâa kula kâa, dí ká su-kara.”

Azaya 61:2

A ńdɛɛ a gɛ́ɛ ŋá Yâwɛɛ ŋɔkóraŋ lɛ́lɛɛi maa tûŋ too. Ŋ̀elei a seri, Yâwɛɛ a pâi pâi ŋɔnûai ŋuŋ-ma ƃó mɛ̂ni ma, é díkpɔara ƃelai yée mɛi ɣalei. A ńdɛɛ a gɛ́ɛ diai wɔ́lɔi, ŋá díŋa nɛnɛ,

Azaya 65:15

Diai ŋá dísìɣe zui, da pâi kálaa kɛ̂i a nã́aŋ-sɛŋ. Ńyãai ŋ́gaa a Ŋ̀wála-wâla kélee Yâwɛɛi ŋa pâi ká paâi. Kɛ́lɛ, ŋa pâi láa nina seêi diai da ŋ́oo mɛnii dîa.

Danîa 9:11

Kúsɔnyɔ̂ŋ-ŋai da gɛ́ ǹaɣâŋ-ŋai da m̀óa-sɔkpɔ mɛni ŋá-teɛɛ-ŋai í bù íyee mu-nuui Mose ŋɔtɔ̂ŋ kɔlɔi sui gélee a pú kúŋûa.

Zakari 11:6

M̀ɛni ma Yâwɛɛ è mò ǹyɛɛ, “Fé pâi ŋɔ́nɔ núu-kpune malôŋ kâai ǹɔii ma ƃɛ́. Gáa, ŋa pâi gɛ̂i núu-kpune é mɛni-sôli káa díkîɛ-ni yêei, dí mɛni-sôli káa dímɛi káa-ƃelai yêei dí ŋɔ́nɔ gáa gâloŋ yèei. Ǹɔii a pâi karâi, ǹyaŋ fé pâi núu tɔnɔ kpîŋ kula yêei kɛ̂i.”

Zakari 13:8

Kúnuu-namui è mò ǹyɛɛi, “Ǹûai dámaa da pâi saâi ǹɔii gwaa kélee, núu kpûlu-loŋ nɔ́ ƃé pâi lɛɛ̂i ɣele ma.

Zakari 14:12

Gɔlɔ-fela nyɔ́mɔɔi Yâwɛɛ a pâi dɛɛ̂i ǹûai kélee mɛni ma da kɔ́ pɛ́lɛ Zerusâlɛŋ mai, ǹyaa ká ŋí: Da pâi lɛɛ̂i a dífulu díkɔlɔ kɛ́ lùla dîa, díŋɛi-gao kɛ́ lùla díŋɛi-gònoŋ su, dínɛŋ kɛ́ lùla dí lá.

Zakari 14:2

Yâwɛɛ a pâi pâi a ǹɔii-ŋûŋ-ŋai kwaa tɔ̂nɔ ma dí kɔ́ pɛ́lɛ Zerusâlɛŋ ma, dí daai yée mɛi ɣále dí bɛ́rɛ-ŋai wólo dí ǹɛyâai kɛ́ a dínɛyâa a wála-wâla-laa. À kɛ̀ tí, daâi m̀éla tɔnɔ a pâi liî luɛ-lâa su, m̀éla gbéli é lɛ́ɛ naa.

Zakari 5:3

È mò ḿâ ǹyɛɛi, “Foo-wôo pɔ̃yɛ̂ɛi ma gɛ́ lì ǹɔii gwaa kélee. Gɔlɔi m̀éla tɔnɔ a môi a gɛɛ ǹúui a ŋúma kɛi, da pâi gulâi ǹɔii ma. M̀éla gbélii kɛ́ mò a gɛɛ ǹúui a vòo a lɛ́ɛi, da pâi gulâi ǹɔii ma máŋ.

Maafîu 22:7

Gâloŋ è ńii ŋwàna é ŋɔkɔ́-kuluƃa-ŋai tɛ́ɛ dí ǹúu-paa-ƃelai tí páa dí dítaai kereŋ.

Markə 11:21

Fîi wurii ŋí maa mɛni è lɛ̀ɛ Pitɛ kíli ŋá. Nya ƃe è m̀o Zîsɛ ma, “Kaamɔ̂ɔ, gáa! Fîi wurii í ǹáɣaŋ laai, a kpála.”

Lukə 1:76

Kɛ́lɛ, ya máŋ, lôloŋ, da pâi ítolîi a Ǹúui Gɛ́tɛi ŋɔlóno-kɛ-nuu, kpɛ́ni fêi, ya pâi liî Kúnuu-namui ŋɛi tuɛ, í ŋɔpere-ŋai kpɛtɛ,

Hebreu 6:8

Kɛ́lɛ, à kɛ̀ ɣalêŋ-kpɔlɔ à kùla maa-lɔii ma, gɛ̀ ní vé a lɔii lɛ́lɛɛ. Gáa yɛ̂ɛ lɔii nyíi kɛ̀ pâi vóôi, ǹyaŋ gbɛɛ ŋá ƃa dí géreŋ.

M̀ɛni-lɛɛi 19:15

Ƃóa-sɔ̂kpɔ ŋá liɛɛ a kûla ǹá a gɛɛ é ǹɔii-ŋûŋ-ŋai yée-mɛi ɣale la. Ǹyaŋ a pâi dímɛi kâai a kɔli-tuaŋ. A pâi gbɔmɔ-ƃai tánîi Ŋ̀wála-wâla kélee-Ɣalai ŋɔlii-ŋwâna kpɔmɔ-ƃa táŋ-loai su.

M̀ɛni-lɛɛi 22:3

Sɛŋ da kélee fé pâi ŋɔ́nɔ kɛ̂i daa-leei ŋí su nyíi naɣâŋ káa mai. Ɣâla da M̀ála-loŋ díkâloŋ-see-sɛŋ a pâi kɛ̂i zu. Ǹyée-mu-ƃelai da pâi vɛlîi.