Malasi 4:3 - Bible

³ Ŋ̀ele-kûui ŋa pâi m̀ɛnii ŋí kɛ̂i lai, káyee a pâi tɛɛ̂i ŋ̀wana-lɔ̂ɔ-ƃelai dîa, ǹyaŋ da pâi kɛ̂i a muluŋ kákɔɔ mu.

Malasi 4:3 ပူးပေါင်းရင်းမြစ်များ

Zɛnɛse 3:15

Ŋa pâi kpɔara lɔ̂i káloai ka nɛnîi, ísuui da nɛnîi ŋɔsuui. Da pâi ƃɔ̂rɔnii íŋuŋ ma, yáŋ ya pâi dínyînii díkɔɔ ma.”

Samia Veerɛi 22:39

Ŋá díyee mɛi ɣàle dí tóo ŋ́gɔɔ mu, ǹyaŋ dífe pâi dímu siɣêi pôlu ŋɔ́nɔ.

Samia Veerɛi 22:43

Ŋá dífũa yɛ̂ɛ muluŋ, ŋá dítaŋ yɛ̂ɛ pere-lee ma para.

Zôo 40:12

Ŋ̀ɛi-tɛ-ƃelai ŋá yéŋ ŋaŋ, í ŋ̀wana-lɔ̂ɔ-ƃelai kula maa kɛ́ lonii ma ƃɛ́i díkaa naai.

Mąątɛ̨nɛ̨ 147:6

A kpɔŋ mâa tɛ̀ɛ diai pɔ́ dímaa yeŋɔ̂ɔi, é gɛ́ dí dímu siɣe dí tɔ́ɔ. Kɛ́lɛ a ŋ̀wana-lɔ̂ɔ-ƃelai tôo ǹɔii ma.

Mąątɛ̨nɛ̨ 49:14

Díkaa yɛ̂ɛ ƃála-ŋa. Saa ƃa dímɛi káa-nuu, gɛ́ díteniŋ tɔ̀ɔ m̀olôŋ su. Deniŋ ƃô-ƃelai da pâi kɛ̂i siâi díƃolôŋ mɛi a ɣele-wala díkpono kɛ́ ƃò ǹɔii mu pere póŋ-poŋ gɛ́ lùla m̀olôŋ su saa táa.

Mąątɛ̨nɛ̨ 91:13

Ya pâi ƃɔ́rɔnîi yala-sulu da kali nyɔ́mɔɔ-ŋa dîa. Ya pâi ƃɔ́rɔnîi yala-sulu lonii da wurûŋ-ŋa dîa, dífe pâi mɛni da kɛ̂i a yá.

Azaya 25:10

Yâwɛɛ a pâi Zãiyɔŋ Yeei maa kɔ̃ɔ̂i, kɛ́lɛ a pâi Môa lɔii su-ƃelai su-karâi, nûa díkɛ sia dímɛi yɛ̂ɛ túluŋ ŋá.

Azaya 26:6

À kɛ̀ tí, diai kɛ̀ mɔ̃lɛ̂i daa-leei ŋí su-ƃela yée mui, da pâi kɛ̂i sia-siai naa díkɛ naa taŋ-taŋ a díkɔɔ.

Woolaa 1:15

“Ǹuu-namui a ǹyée kúla ŋá kɔ́kɔ-ƃelai mû. A gɛ́ kɔ́ kɔ́-ƃela da tɔɔ ŋányaŋ-kpa-ŋai dîa a gɛɛ dí dísu kara. A ŋánûai Zuda-ƃelai lúaŋ yɛ̂ɛ da ŋwã̂ai lùŋ ŋwã̂ai lúaŋ kwaa ma.

Izikiɛ 28:18

Í kɛ́ɛ bɔnii tɔɔ̂i, í mɛni nyɔ́mɔ támaa kɛ̀ nyii gɛ̀ í íɣâlai fɛli kwaa-ŋai kélee maa tĩa kara. M̀ɛni ma, ŋá ŋɔŋ tôo yâ a gɛɛ ŋá ǹaa kéreŋ kpɔ́ kpái. Diai kélee da í kàai, da í kàa nɔ́ yɛ̂ɛ luu.

Danîa 7:18

Kɛ́lɛ Ŋ̀âla Kɛ́tɛi ŋɔtíi kɛ́-ƃela pɔlɔ maa waa-ŋai ƃé pâi gâloŋ laa-ŋai ŋí sɔlɔ ƃôi gɛ́ ƃò díyêei wɔ́lɔ-wɔlɔ da wɔlɔ-wɔlɔ.”

Danîa 7:27

Nyíŋi pôlu ma da pâi ŋ̀wála-wala-laai, gɛ́tɛ-laai da gâloŋ-laai kélee tɛɛ̂i Ŋ̀âla Kɛ́tɛi ŋɔnûai pɔ́ ǹɔii ma. Núu da fé pâi dílɔii-loŋ wála-wala-laai kulâi díyêei. Ǹúu láa túɛ-ƃelai kélee ǹɔii mai da pâi tíi kɛ̂i díyêei dí kɛ́ ƃaa kɛ́-maa tɛɛ dípɔ.”

Mise 5:8

Zeeka ŋɔnûai lɛ̀ɛ pôlui, díkaa yɛ̂ɛ yala-sûlu a kɛ̀ lɔɔ sua-ŋa sáma, yɛ̂ɛ yala-sûlu-loŋ a kɛ̀ ƃála-ŋa sáma ǹyaŋ a dísòŋ núu da fa dí kula ǹyêei.

Mise 7:10

Gɛ̀ ní kúkpɔara-ƃelai da pâi nyíŋi kâai ƃâa é kúla dîa, kúkpɔara-ƃelai ŋí kɛ̀ ɣɛ̂lɛi kûai dîyɛɛi, “Yâwɛɛ kɔ́ɔ nyii gáa a Káɣâlai?” Kwa pâi díyee mɛi ɣâlei kâai díkɛ dí tàŋ-taŋ yɛ̂ɛ pere-lêe ma pàra.

Zakari 10:5

Díkelee púɔɔ gîe ma, da pâi kɛ̂i yɛ̂ɛ kɔ́kɔ-ƃela támaa, díkɛ ƃɔ̀rɔŋ díkpɔara-ƃelai mɛi gɔ́li-ŋai loai bârai su. Da pâi kɔ́ kɔ̂i, kpɛ́ni fêi, Yâwɛɛ káa dípôlu, ǹyaŋ da pâi diai yée mɛi ɣâlei díkaa gɔ́kɔ-sôo-ŋai mɛi.

Malasi 3:17

Ŋ̀wála-wâla kélee Yâwɛɛ a môi ǹyɛɛi, “Da pâi kɛ̂i a ḿbɔɔ kpîŋ-kpiŋ, ŋ̀ele-kûui ŋa pâi pâi lai. Ŋa pâi dímalôŋ kâa yɛ̂ɛ berei ǹaŋ-nuui a ǹóŋ malôŋ kàa la nyii a tíi kɛ̀ mìi.

Lomaŋ 16:20

gɛ̀ ní, nii-see-Ɣalai a pâi Sêtɔŋ lɔ̂i kákɔɔ mu a maa félaa. Kúnuu-namui Zîsɛ Kôrai ŋɔƃɛlɛ-sêei é kɛ́ kâa.

M̀ɛni-lɛɛi 11:15

È nâa kɛ̀ tí, Ŋ̀âla-taa kelai mɛi feerɛ-ɣelei è ŋɔturii fɛ̀ɛ, wóo su kɛ́tɛ támaa díkula Ɣâla-taa díyɛɛi, “Ǹɔii su-kaloŋ laai a kɛ́ a Kúnuu-namui ŋɔkâloŋ laai da Ŋɔkôrai, ǹyaŋ a pâi kɛ̂i m̀ɛi wɔlɔ-wɔlɔ da wɔlɔ-wɔlɔ.”

M̀ɛni-lɛɛi 14:20

Dí gbɔmɔ-ƃai táŋ gbɔmɔ-ƃa táŋ-loai su daa-leei kɔlɛ. Ŋãa è kùla gbɔmɔ-ƃa táŋ-loai su ŋɔsiŋɔɔ kɛ́ ƃo yɛ̂ɛ é síɣe soo kɔ́ɔ-kwana é tɛ́ ǹá-kɔli ma é ɣilîŋ yɛ̂ɛ máâi ŋuŋ feerɛ (200).