Malasi 4:2 - Bible

² Kɛ́lɛ káai ka yâo ḿâai ŋátɔ̃yâ-laai a pâi ƃêlai kâa yɛ̂ɛ fólo, gɛ́ pà a ƃálo-laa kápɔ yɛ̂ɛ fólo-kpãle. Ka pâi kɛ̂i a ká ŋuŋ-maa-ƃóɔɔ kálii kɛ́ nɛ̃ɛ yɛ̂ɛ da niŋa-lônii kula kóraŋ su díkɛ pìli-pili.

Malasi 4:2 ပူးပေါင်းရင်းမြစ်များ

Samia Veerɛi 23:4

gáa yɛ̂ɛ ɣele ƃɔ̂i kwaa ponoɔɔ, gɛ́ ƃò yɛ̂ɛ fólo ǹɛnɛŋ a pìlaŋ ɣele-kɔlɔŋ kole ma, da tuna nyíi a gala-ŋai kɛ̀ dí pɔmûŋ.’

Mąątɛ̨nɛ̨ 103:3

A ńzu mɛni lɛɛ zɔnyɔ̂ŋ-ŋai ŋa gɛ̂i mɛni ma. Ǹyaa ƃa ḿaa kɔlɔ-fela kélee ƃàlo.

Mąątɛ̨nɛ̨ 147:3

A pâi dípala-ŋai ŋá ɣirîi. Diai dílii toɔ̂ɔi pôlui, a pâi dí díŋa nɛnɛ̂i.

Mąątɛ̨nɛ̨ 61:5

Í ŋákono tee-woo-ŋai kɔ́lɔŋ, óo Ɣâla. Diai da ífɛ̀lii, ya díkɔ̃liŋ tɛɛ ḿbɔ.

Mąątɛ̨nɛ̨ 67:1

Óo Ɣâla, lûwa láa kûa, í íŋɛi pono kútuɛ, í kúƃɛlɛ sée,

Mąątɛ̨nɛ̨ 84:11

Yâla Yâwɛɛ káa a kwaa ponoɔɔ. Ǹyaa ƃa kú maa kɔ̃ɔ-nuui. A kúmɛi kâa a ǹɛ́lɛɛ a ƃaa kɛ́ maa pere. Diai da tûa sãa kɛ̀i, a dífela fè.

Mąątɛ̨nɛ̨ 85:9

Gbîŋ kpɛtɛɛi kpɔ́ a tɔ̃yâ a gɛɛ é diai ŋuŋ ma ƃó da vɛlii, gɛ́ ƃò díkɔlɛ ma a ɣele kélee.

Hanwon 4:18

Kɛ́lɛ dɔ̃yâ-ƃelai díperei káa yɛ̂ɛ fólo-nɛnɛŋ. A lɛ̂ɛ fôloi é lɛ́ɛ la zu vólo su é kɛ́tɛ.

Azaya 30:26

É kúla nyíŋi pôlu, ŋ̀áloŋ a pâi kɛ̂i fôloi yɛ̂ɛ vóloi, vóloi kɛ́ fòlo kpɔ́ a ŋ̀ánaa yɛ̂ɛ fólo lɔ́ɔlu mɛi-feerɛ folo a tòo a fólo tɔnɔ. Nyíŋi a pâi kɛ̂i a ŋ̀elei Yâwɛɛ a pâi kɛ̂i ŋɔnûai ŋuŋ ma ƃôi la gɛ́ díkùla dímɔ̃lɛ-laai sui.

Azaya 35:6

Diai díkɔɔ pûɔi da pâi dímu-siɣêi dí píli ɣelêi dí mã́la. Diai dífa pɔ̂ri lônoi, díla a pâi fúlonîi, dí lóno dí wule-ŋa too a lii-nɛ̃ɛ pere. Ya lêe-ŋa da pâi lâai vɛ̃ɛ-kpâlaŋ-ŋai su.

Azaya 49:6

Yâwɛɛ è m̀o ǹyɛɛi, “Ŋátii kɛ́-nuui, tíi kpânaŋ káa ńyêei ímɛni ma. Vé nɔ́ a gɛɛ ípa a ŋɔnûai Eezuɛ-ŋai pôlu nyii-ŋai kùla gɔ́i zui, kɛ́lɛ ŋa pâi íkɛ̂i a kwaa ponóɔɔ ŋ̀éniɛi gwaa kélee mɛni ma. Ŋ̀éniɛi su-ƃelai kélee da pâi ŋuŋ ma sɔlɔ ƃôi ísârai.”

Azaya 50:10

Gbɛɛ-ni ƃé kásama da yâo Yâwɛɛ ma, díkɛ díwoli tɔ̀ɔ ŋɔtíi kɛ́-ƃelai dîai? Gbɛ̂ɛ-ni ƃé kásama díkaa kpînii dífa kwaa ponóɔɔ kàai? Tɔɔ dí láa a Yâwɛɛ, dí díkili tɔ́ɔ Ɣâla ma.

Azaya 53:5

Dí ǹokwa, dí ŋ̀wána-ŋwâna kúsɔyɔ̂ŋ-ŋai kú gɛ̀i, m̀ɛni ma. Dí ǹokwa kútua-pere nyɔ̂ŋ-ŋai mɛni ma. Kwa kɔlɔi pôno sɔlɔ ƃô ŋɔmɛni sôli káai, da ŋɔlòkwaa ŋ̀ólii su.

Azaya 9:2

Diai kɛ̀ siâi kpînii, daâ kwaa ponoɔ́ɔ su-kɛ́tɛ káa. Diai kɛ̀ lɔii kpíniɛɛ maa pɔlɔ-pɔlɔɔ sui, díkaa nâa kwaa ponoɔ́ɔ kɛ́tɛ su.

Ɉeremi 17:14

Yâwɛɛ, ye ḿalo ḿî, gɛ̀ ní ŋa pâi kɛ̂i a ŋ́gɔlɔi ponoɔɔ. Ŋ́gula mɛnîi, gɛ̀ ní ŋa pâi kɛ̂i a ŋ́uŋ ḿâ ƃóɔɔ. Yá nɔ́ ƃa ǹúui nyíi ŋa ǹáa maa tɛ̂i.

Ɉeremi 30:17

Kákpɔara-ƃelai dí mò dîyɛɛ, ‘Káfe sɛŋ su, núu da fé kpáaŋ ní ká maa mɛ̂ni ma.’ Kɛ́lɛ ńyãa Yâwɛɛ ŋa môi a gɛɛ. Ŋa pâi kákɔlɔ̂i ponôi, ŋá kápalai sále. Ńyãa Yâwɛɛ ƃó tí.”

Ɉeremi 33:6

Kɛ́lɛ, ŋa pâi daa-lêei ŋí da zu-ƃela kélee ƃâloi, ŋá dí kɔlɔi pono. Ŋa pâi dí líi seêi a zu-kɛ́tɛ, ŋá dímɛi káa.

Izikiɛ 47:12

Kɛ́lɛ wúru támaa-ŋa da pâi kɛ̂i ǹyá ƃêlai veerɛ ma nyii-ŋai pâi kɛ̂i a mii-sãai. Ŋ̀úru-ŋai ŋí láa fé pâi pûi, kpaa máŋ dí kpera ƃâi. Da pâi kɛ̂i ƃâi a ɣáloŋ kélee, kpɛ́ni fêi yá a pâi kɛ̂i ɣilînii gɛ́ kùla Ŋ̀âla-pɛrɛ Kɛ́tɛi mu gɛ́ díkɔɔ mu yɔ̀ɔ. Ŋ̀úru-ŋai ŋí ƃá a pâi kɛ̂i a mii-sɛŋ. Dílaa kɛ́ ƃò a sále núu ƃálo mɛ̂ni ma.”

Osia 6:1

Ǹûai dí mò dîyɛɛi, “Ka pá kú lene pôlu Yâwɛɛ pɔ́ naa. Kpɛ́ni fêi, a sɛŋ sóli kûa ǹyaŋ a pâi kúƃâloi. A pala tée kûa, a pâi ŋ̀á ɣirîi.

Osia 6:3

Kwaa kɔ́ kú Yâwɛɛ kɔ́lɔŋ. Ŋɔmɛni kpɛtɛɛi káa a tɔ̃yâ yɛ̂ɛ ɣele ƃɔ́ɔ. A pâi pâi kúpɔ yɛ̂ɛ sama-ya ɣele-tuna nyii a ǹɔii yɔ̂ɔi.”

Malasi 3:16

Diai yào Yâwɛɛ mai, dí lòno díkîe-ni pɔ́. Yâwɛɛ è ŋ̀óli tɔ̀ɔ é díwoo mɛ́ni, ǹyaŋ diai yào Yâwɛɛ ma dí ƃaa-kɛ́-maa tɛ́ɛ bɔ́i, dí kili-too-ŋa-kɔlɔ pɔ̃̀yɛ a dílaa.

Maafîu 11:5

Ŋ̀ɛi-pu-ƃelai ŋɛ́i láa káa ƃôi. Gɔɔ-pu-ƃelai díkɛ sia. Gbôdo-ƃelai díkɛ ƃalo. Ŋ̀oli-tínîŋ-ƃelai díkɛ mɛni mɛ̂ni. Zaa-ƃelai da dímu siɣe saa yêei, díkɛ Duŋ Lɛ́lɛɛi ƃo gôlo-ƃelai dîa.

Maafîu 23:37

“Óo Zerusâlɛŋ, Zerusâlɛŋ, yái Ɣâla ŋɔlóno-kɛ-ƃelai pâa, í diai sɔ́ɔ a kɔni dí dítɛ̀ɛ ípɔ-naai! Ŋa ŋ̀wɛ̂lii ŋá ílônii ŋá tɛ̂i díkîe ma a tãi támaa, yɛ̂ɛ berei tɛ́ɛ-lêe a ǹônii ŋá tɛ́ la díkîe ma goôŋ mui, kɛ́lɛ, ífa faa m̀a!

Lukə 1:50

É kúla wɔlɔ-wɔlɔ-ɣeniɛi su-ƃelai dîa é lí ŋ̀éniɛi su-ƃelai kélee pɔ, ŋɔmaloŋ-kâai káa diai dîa da yâo m̀ai.

Lukə 1:78

Kúɣâlai ŋɔmaloŋ kaai sârai, tãi ɣele-ƃɔ́i a pâi pâi la kúmɛi é kúla ɣelei póŋ-póŋ,

Lukə 2:32

Gáa a kwaa-ponoɔ a gɛɛ e Zɛ̃tai-ŋai ŋɛi lá ƃó. Gáa a folo-laa ínûai Eezuɛ-ŋai mɛni ma.”

Ɉaan 1:14

Ǹyaŋ Ŋ̀óoi è kɛ̀ a núu-kpune gɛ́ ƃò kúsama. Kú ŋɔfólo-laai kâa gɛɛ yɛ̂ɛ Nâŋ Ɣâla Ǹóŋ tɔnɔi ŋɔi, ǹáa fɛ́ɛ a tɔ̃yâ da ƃɛlɛ-sêe.

Ɉaan 1:4

Fúlu-laa è kɛ̀ gbonôi, ǹyaŋ vúlu-laai è kɛ̀ a núu-kpune ŋɔkwaa-ponoɔ.

Ɉaan 1:8

Vé kɛ́ ní a gwaa-ponoɔi. Kɛ́lɛ è pà a gɛɛ é gwaa-ponoɔi maa-sêre-faa kɛ́.

Ɉaan 12:40

“A díŋɛi pú, a dílii kpánaŋ, a gɛɛ dífe láa kwaa káa la a díŋɛi, dífe lâa mɛni siɣe la dílii su, a gɛɛ dí tinaŋ ḿbɔ-pere a gɛɛ ŋa díƃalo.”

Ɉaan 8:12

Zîsɛ e ŋɔ́nɔ lóno dípɔ, ǹyɛɛi, “Ńyãa ƃa ǹɔii ŋɔkwaa-ponoɔi; ǹúui nyii a pîlaŋ ḿbôlui ve pâi siâi kpinii. Kɛ́lɛ, gwaa-ponoɔ fulu-laai a pâi kɛ̂i ǹyêei.”

Ɉaan 9:4

Fɛ́ɛ ku ǹúui ŋɔtíi kɛ́ nyii ńdɛ̀ɛi tãi voloi káa niî ɣele ma. Gbínii káa pâi, tãi núu da kélee fa pɔ̂ri tíi kɛ́i.

Gɛlaɠaa 13:26

“Sinâa da ŋánûa, Eberaɣɛ̃ɛ ŋɔsuui su lonii, da diai díkaa kásama da yâo Ɣâla mai, kwa káa ni ƃé dí m̀álo-laai ŋí maa worɛ-wooi tɛ̀ɛ kûɛ.

Gɛlaɠaa 13:47

Kúnuu-namui è mò kûa, ǹyɛɛi, ‘Ŋa ílɛ a Zɛ̃tai-ŋai díkwaa-ponoɔɔ a gɛ́ɛ í kɛ́ a ƃâlo-laa maa pere é tóo ǹɔii kpɛɛ ŋá ma.’ ”

Gɛlaɠaa 26:18

a gɛ́ɛ í díŋɛi lá ƃo í díkula kpinîi í pa a dia kwaa-ponoɔ su í díkula Sêtɔŋ ŋɔwála-walai su í pa a dia Ɣâla pɔ, a gɛ́ɛ dí sɔnyɔ̂ŋ su-mɛni-lɛɛ maa sɔlɔ ƃo. A gɛɛ ŋɔ́nɔ dí kwaa ma sɔlɔ ƃo diai sama, nyíi-ŋai dímaa waâi a naa-laai gáa díyêei ḿɛni mai.’

Tɛsalonikə veelɛ 1:3

Ŋánûa, fɛ̂ɛ nɔ́ ku sɛɣɛi-fei tɛɛ Ɣâla pɔ a ɣele kélee ka mɛni ma, yɛ̂ɛ berei maa nɛɛ̂i ku gɛ lai, kpɛ́ni fêi, kálaa-lai a ƃɔlɔ̂i a zu kɛ́tɛ. Ŋ̀wɛli-kɛ-maai gáa káyêei kákîe-ni mɛni mai, gɛ ƃɔlɔ.

Piɛrə veelɛ 1:19

Nyíŋi a ǹɛ kûa a gɛɛ Ɣâla ŋɔlóno-kɛ-ƃelai díwooi káa a tɔ̃yâ. A pâi kɛ̂i a mɛni lɛ́lɛɛ à kɛ̀ kà káwoli tɔ̀ɔ nyíŋi ma yɛ̂ɛ laŋpo ƃe sonîi kpinii é lɛ́ɛ la zu ɣele é ƃɔ́ ŋele-wala pɛmɛlɛŋ kaoi é kúla kálii su.

Piɛrə veelɛ 3:18

Kɛ́lɛ, ka ƃɔlɔ Kúnuu-namui da Kúƃalo-nuui Zîsɛ Kôrai ŋɔƃɛlɛ-sêei su da ŋɔtárei. Fólo-laa é kɛ́ ma sâa da wɔlɔ-wɔlɔ. É kɛ́ ti.

Zɔ̂ŋ Maa-ŋuŋ 2:8

É máŋ kɛ́ tí, ŋa tɔ̂ŋ nina pɔ̃yɛɛ̂i kápɔ naa nyíi gáa a tɔ̃yâ gbonôi da kákponôi, kpɛ́ni fêi, gbínii káa tɛ̂ɛ, dɔ̃yâ-kwaa-ponoɔi kɛ́ nâa fólo.

M̀ɛni-lɛɛi 11:18

Diai dífe Ɣâla-mɛni wɛ̂li nii dílii è ŋwàna kpɔ́ a ŋánaa, kɛ́lɛ, ílii-ŋwanai è pà, a da zaa-ƃelai dímɛni-ŋa-tee-tãi. Íyee-mu-ƃelai fela fé tãi a seri, diai díkaa a ílono-kɛ-ƃelai, da Ŋ̀âla-ƃelai da diai da yao ílaâi mai, nia-pɛlɛɛ kpaa máŋ núu kpaya-kpaya, Diai ǹɔii su karai, dísu kara tãi a seri.”

M̀ɛni-lɛɛi 2:28

Ǹyaŋ ŋa pâi ŋ̀ele-wala pɛmɛlɛŋ-kaoi tɛɛ̂i bɔ.

M̀ɛni-lɛɛi 22:16

“Ńyãa Zîsɛ, ŋá ŋákelai tɛ̀ɛ ípɔ naa a zere-faai ŋí Kôrai-toli-kpɔŋ-ŋai mɛni ma. Ŋ́gaa a Deeƃé ŋɔsame, ŋ́gɛ ƃo a ŋɔsuui-su-nuu, ńyãa ƃe ŋ́gaa a ŋele-wala pɛmɛlɛŋ-kao-foloɔi.”

M̀ɛni-lɛɛi 22:2

Ǹya-leei ŋí è kɛ̀ laa daa-leei su-pere-leei sama. Ǹya-leei ŋí ŋɔsîŋ-wolii veerɛ ma máŋ vulu-laa-wurii è kɛ̀ tɔɔ ni naa, m̀á kɛ́ ƃô a zii puu kao feerɛ, gɛ ƃa a ɣáloŋ kélee. Ŋ̀urii láa è kɛ̀ ǹɔii-ŋûŋ-ŋai ƃalo-mɛni ma.

Rutə 2:12

M̀ɛnii ƃa gɛ́i Kúnuu-namui é maa fela-fei tɛ́ɛ ípɔ. Fela-fêi kɛ́tɛ é pá ípɔ é kúla Eezuɛ-ŋai Dínuu-namui Ɣâla yêei nyíi í pà bɔ́ a gɛ́ɛ é ímaa kɔ̃ɔi!”